• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٨ی ئاوریلی ٢٠١٧ی زایینی - ٠٨ی بانەمەڕی ١٣٩٦ی هەتاوی  

کەریم پەرویزی: تا ڕۆڵەیەکی کورد بمێنێت، خەباتی کورد زیندووە

زایینی: ٠٤-٠٢-٢٠١٧ - هەتاوی: ١٣٩٥/١١/١٦ - ٢٠:١٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
کەریم پەرویزی: تا ڕۆڵەیەکی کورد بمێنێت، خەباتی کورد زیندووە
دەقی وتەکانی کەریم پەرویزی ئەندامی دەفتەری سیاسیی حیزبی دێموکراتی کوردستانی ئێران لە ڕێوڕەسمی ٢ی ڕێبەندان لە سنوورەکانی کوردستانی ڕۆژهەڵات

هاورێیانی بەڕێز!
سڵاوتان لێ بێت


سڵاوێکی تایبەت لە پێشمەرگەکانی حیزبی دێموکراتی کوردستانی ئێران لە هێزی تایبەت کە لەم شاخ و داخەی کوردستاندا دیفاع لە مان و کەرامەتی کوردستان دەکەن. سڵاوێکی تایبەت لە ئێوە بەشداربووانی بەڕێز، هەموو ئێوە کە لە هەر شوێنەکەوە لەم کوردستانەدا، لەم دنیایەدا خۆتان گەیاندووەتە ئەم نوقتەیە، کە لێرەدا پەیمان لەگەڵ پەیامەکانی کۆماری کوردستان نوێ دەکەنەوە. لێرەدا پێکەوە جەژنی ڕووداوێکی گرینگی مێژوویی دەگرین. هاتنتان و بەشداریتان نیشانەی ئەمەگداریتانە، نیشانەی ئەوپەڕی ڕێزلێنانە لە هەموو ئەو کەسانەی کە ڕۆژێ لە ڕۆژان لە پێناوی ئەو پەیامەدا کە پێشەوای نەمرمان ٧١ ساڵ لەمەوبەر لە کۆماری کوردستاندا ڕایگەیاند. ڕێزیان گرتووە و ڕۆژێ لە ڕۆژان بۆ چرکەساتێکیش بووبێت لە پێناوی ئەو پەیامەدا خەباتیان کردووە، گیانفیداییان کردووە، خۆیان بەخت کردووە.

ئێمە لێرەین، لەم ڕۆژەدا بە بۆنەی دووی ڕێبەندان، بە بۆنەی ڕۆژێکەوە کە لەودا کۆماری کوردستان، لە شارە جوان و شۆڕشگێڕەکەی مەهاباددا، بە دەستی پێشەوای بلیمەتی گەل، بە زمانی پێشەوای بلیمەتی گەل، بە فکر و کرداری پێشەوای بلیمەتی گەڵ ڕادەگەیەندڕیت، لێرە کۆبووینەتەوە بۆ ڕێز گرتن لەو کۆمارە مەزنە.

کۆمارێک کە هەرچەند تەمەنی کورت بوو، بەڵام کورتی و درێژیی تەمەنی ڕووداوێک بەقەدەر نێوەڕۆکی ڕووداوەکە گرینگ نییە. نێوەڕۆکی ڕووداوی کۆماری کوردستان گرینگترە لەو دەسەڵاتانەی ٥٠٠ ساڵە و ٦٠٠ ساڵەی دەوروبەر کە حکوومەتیان کردوە و زۆر لەوانیش گرینگترە، چوونکە زۆر حکوومەت هەبوون لە دەوروبەرماندا بە سەدان ساڵ درێژەیان کێشا، بەڵام ستەمکار بوون. ستەمکار بوون نیسبەت بە گەلەکەی خۆیان و نیسبەت بە گەڵانی دەوروبەر. بەڵام ئێمە وەکوو کورد، لە مێژووماندا کۆمارێکی کوردستانمان هەیە کە هەرچەند ٣٣٠ ڕۆژ درێژە دەکێشێت، بەڵام دانە دانەی ئەو ٣٣٠ ڕۆژە بریتیە لە نێوەڕۆکێکی گرینگ، نێوەڕۆکێکی ئینسانی، نێوەڕۆکێک تەژی لە ژیانێکی ئازاد، ژیانێکی بەختەوەرانە، ژیانێکی یەکسان.

کۆماری کوردستان بۆیە دانەمەزرا کە ماف لە هیچ کەس بستێنێت، مافی هیچ کەس پێشێل بکات، کۆماری کوردستان بۆیە دانەمەزرا کە ستەم لە هیچ کەس بکات، کۆماری کوردستان لە بەرانبەر ستەم‌دا ڕاوەستا، لەبەرانبەر ستەمدا ڕاپەری و لە بەرانبەر ستەمکاریی دەوروبەردا نەتەوەیەکی هێنایە نێو مێژووەوە، ئەویش بە شیوەیەکی ئیمڕۆیی هێنایە نێو مێژووەوە. زۆر نەتەوەمان هەبووە کە ڕووداوێکیان خوڵقاندووە، لەگەڵ ڕووداوەکەش کارەساتیان خوڵقاندووە. کاتێک کە هاتوونەتە نێو مێژووەوە بە خوێنڕێژ ناویان دەبن، کاتێک کە باس لە دەسەڵاتە سەرەڕۆکان، باس لە دەسەڵاتە عەشیرەیی و قەبیلەییەکان دەکەین، کە بە سەدان و هەزاران کەسیان کوشتووە، شار و گوندیان وێران کردووە، ئەو مێژووانە جێگای شانازی نین، ئێمە هاتینە نێو مێژووەوە بە دەوڵەتێکی مۆدێڕنەوە، بە دەوڵەتێکی دێموکراتیکەوە هاتینە نێو مێژووەوە. ئەویش لەژێر ڕێبەریی حیزبی دێموکراتی کوردستانی ئێراندا، حیزبێکی ئەمڕۆیی کە لە پێناوی ئازادیدا، لە پێناوی دێموکراسیدا خەباتی کردووە و ئێستاش لە پێناوی ئەو پەیامە گرینگانەی کۆماری کوردستاندا خەبات دەکات.

حیزبی دێموکراتی کوردستانی ئێران بە درێژایی تەمەنی نیشانی داوە کە لە پێشەوەی خەبات و قوربانیداندایە، لەسێدارەدانی پێشەوا قازی محەممەد ڕێبەری کۆمار پێمان دەسەلمێنێت، پەیاممان پێدەدات کە ئێمە بۆ ئەوە نەهاتووین کە خەڵک بچەوسێنینەوە، بۆ ئەوە نەهاتووین کە خەڵکێکی دیکە بەکوشت بدەین و خۆمان لە سەر خوێن و کوشتار و ڕەنجی ئەوان دەسەڵات بگرینەدەست و ستەمکارییەکی دیکە بنوێنینەوە.

کاتێک کە پێشەوای نەمر لەگەڵ گەلەکەیدا دەمێنێتەوە، دەزانێت کە ئاکامی مانەوەی لە نێو شارەکەدا لەسێدارەدانە، بەڵام لەسێدارەدران هەڵدەبژێرێت، بۆ ئەوەیکە بۆ هەمیشە لە مێژوودا بمێنێتەوە. بۆ ئەوەیکە هەر وەکوو خۆی فەرموویەتی ئەوان ئەوکات پێشەوایان لە سێدارەدا، بەڵام بە هەزاران پێشەوای دیکە بەدوایدا هاتن. حیزبی دێموکراتی کوردستانی ئێران وەها حیزبێکە کە ڕێبەرەکانی لە پێشەوەی خەبات و قوربانیداندان. ئێمە شانازی بە ڕێبەرە بلیمەتەکان‌مانەوە دەکەین، بە پێشەوای نەمر، بە دوکتور قاسملووی نەمر، بە دوکتور سەعیدی نەمر، بە چەندین ئەندامی کۆمیتەی ناوەندیی حیزبی دێموکرات کە لە بەرەکانی خەبات و قوربانیداندا گیانیان فیدا کردووە، لە زیندانەکاندا ئەشکەنجە دراون، لە زیندانەکاندا لەژێر ئەشکەنجەدا شەهید کراون، لە مەتەرێزی سەرهەڵدان و بەرگریدا خۆڕاگرییان کردووە و شەهید بوون.

حیزبی دێموکراتی کوردستانی ئێران خاوەنی وەها کولتوورێکە و ئەو کولتوورەیش لە نێو دڵی نەتەوەیەکەوە هاتووە کە نەتەوەی کوردە. نەتەوەیەکە کە ستەمی لێ کراوە، نەتەوەیەکە کە ستەم قبووڵ ناکات و نەتەوەیەکە کە قەت بەچۆکدا نایەت، سروودی نەتەوایەتی کورد دەڵێ: نەتەوەی کورد زیندوەو ئێستایش دووبارە دەیسەلمێنینەوە کە کورد زیندووە. بە پێچەوانەی هەموو ئەو دروشمانە، هەموو ئەو پیلانانە کە دوژمنانمان بە دژمان گێڕاویانە و دەیانهەوێت پێمان بلێن کە کورد تێداچووە، کورد بەچۆکدا هاتووە، کورد تەسلیم بووە، ئێمەی کورد لە هەر دەرەتانێکدا کە بۆمان بڕەخسێت دێینە مەیدان و پێیان دەڵێین؛ "ئەی ڕەقیب هەر ماوە قەومی کورد زمان"، کورد نەمردووە و نامرێت و خەباتی کورد زیندووە. تا ڕۆڵەیەکی کورد بمێنێت، خەباتی کورد زیندووە. بۆ گەیشتن بە مافەکانی کورد، ئێمە وەک حیزبی دێموکراتی کوردستانی ئێران، بە کولتووری کۆماری کوردستانەوە، بە کولتوورێکی ئەمڕۆییەوە، بە پێناسەیەکی ئەمڕۆییەوە، بە بیر و بۆچوونێکی ئەمڕۆییەوە هاتووینەتە نێو مێژوو و دووبارە دەمانهەوێت مێژوو بخوڵقێنینەوە. ئەگەر چاوێک لە دەوروبەر بکەن دەبینن دەسەڵاتە سەرەڕۆکان، تووندئاژۆکان، تێرۆریستییەکان، دەسەڵاتە دواکەوتووەکانی ناوچە چ دیارییەک بۆ ناوچەکە دەهێنن. کوشتار، خوێنڕشتن، بەتاڵان بردن، قڕکردنی ژن و منداڵ، خنکاندنی بیروباوەڕی ئازادیخوازانە، ئەمانە ئەو دیارییانەن کە دەسەڵاتە سەرەڕۆکانی ناوچە دەیانهەوێت بە دیاری بۆ خەڵکەکەی بهێنن.

بە درێژایی زیاتر لە ٣٧ساڵ سەرەڕۆیی و دوژمنکاریی کۆماری ئیسلامی نیسبەت بە خەڵکی نێو ئێران و نیسبەت بە خەڵکی دەوروبەر، دەبینین کە تەنیا تێرۆریزمی پەرە پێداوە، شەڕی خوڵقاندووە و بەردەوام دەیهەوێت لە ناوچەکەدا ئاڵۆزی هەبێت، بەردەوام دەیهەوێت لە ناوچەکەدا شەڕ هەبێت بۆ ئەوەیکە وەکوو خومەینی وتی شەڕ بە نیعمەتی ئیلاهی دەزانن. بۆچی شەڕ بە نیعمەتی ئیلاهی دەزانن؟ چوونکە فیکری ئەمڕۆییان نییە، چوونکە ناتوانن لە ئەمڕۆدا بژین، چوونکە شتێکیان پێ نییە بۆ خەڵکی ئەمڕۆ، ئەوان تەنیا دەیانهەوێت خەڵکەکە بەیەکەوە شەڕ بکەن، خەڵکەکە لە نێوانیاندا ئاڵۆزی هەبێت، کوشتار هەبێت، تاکوو بە ناوی شەڕ و ئاڵۆزی لە ناوچەکەدا دەسەڵاتە تاریکی پەرەستانەکەیان درێژە پێ بدەن. هەر وەکوو لە سەرانی کۆماری ئیسلامی لەم ڕۆژانەدا دەبیستین، ئەوان لە سووریە و لوبنان و یەمەن شەڕی مانەوەی دەسەڵاتی کۆماری ئیسلامی دەکەن، واتای ئەمە چیە؟ واتە ڕۆژهەڵاتێکی نێوەڕاست کە ئاشتیی تێدا هەبێت، ڕۆژهەڵاتێکی نێوەڕاست کە دادپەروەری و یەکسانیی تێدا هەبێت، کە ئازادیی تێدا هەبێت، کە گەشەکردنی خەڵکی تێدا هەبێت، کە پێکەوە ژیانی ئینسانیانەی تێدا هەبێت، وەکوو ژەهر وایە بۆ دەسەڵاتی کۆماری ئیسلامی و دەیانهەوێت تەواوی ناوچەکە بیر و فیکرییەتی دواکەوتووانەیان پەرە پێ بدەن. ئێمەی کورد، ئێمەی حیزبی دێموکرات، ئێمەی ڕێبوارانی کۆماری کوردستان کە ٧١ ساڵ لەمەوبەر بە ئەندیشەیەکی دێموکراتیکەوە هاتە ناوچەکە، دژی ئەو دەسەڵاتەین، دژی ئەو بیرکردنەوەین، دژی سیما و کەس و وەکوو تاک، وەکوو نەفەریان نین، دژی ئەو فکرەین کە لە کۆماری ئیسلامیدا پەرەی پێدەدرێت. دژی ئەو فکرەین کە لە تارانەوە، لە قومەوە سەرچاوە دەگرێت و دەیانهەوێت بە هەموو دنیادا بڵاوی بکەنەوە. دژایەتی ئێمە لەگەڵ ئەو بۆچوونانەدایە و بۆیەشە کە کۆڵ نادەین بەرانبەر بەو ستەمکارییانە. ئێمە وەکوو حیزبی دێموکرات، وەکوو کوردێکی ئازادیخواز، لە هەموو بەشەکانی کوردستاندا و بەتایبەت لە ڕۆژهەڵاتی کوردستاندا، هەر وەک هەموو لایەک دەزانن، وەرزێکی دیکەی خەباتمان دەست پێکردووەتەوە، ئەم خەباتەی ئێمە شتێکی دابڕاو لە مێژوومان نییە.

شتێکی ئەزموون نەکراوی پێشوو نییە، بەڵکوو هەڵدانەوە و فێر بوونە لە هەموو ئەو ئەزموونانەی پێشترکردوومانە و خەباتی خۆمان درێژە پێ دەدەین. ڕاسانی ڕۆژهەڵات، ڕاسانی گەلێکە، کە ستەمی لێ کراوە، کە دوژمنانی دەیانهەوێت لە نێویدا پەرتەوازەیی هەبێت. دوژمنان دەیانهەوێت بەردەوام لاوەکانی تووشی مادە سڕکەرەکان بن، دەیانهەوێت کورد نۆکەر و ژێردەست و دەستەمۆی دەسەڵاتێکی سەڕەڕۆی بێگانە بێت. ڕاسانی ڕۆژهەڵات ڕاسانی ئیرادەی نەتەوەییە. ئێرادەی نەتەوەیەک بە ڕادەی هەزینەکانی کە زۆر بووە یان کەم بووە، ناناسرێتەوە، ئیرادەی نەتەوەیەک ویستی نەتەوەیەکە بۆ ئەوەی خۆی بسەلمێنیت، بۆ ئەوەیکە بە هەموو نەتەوەکانی دەوروبەری بلێت، نە لە ئێوە کەمترین نە لە ئێوە زیاترین، ئێمە وەکوو نەتەوەی کورد نەتەوەیەکین کە لە ناوچەی ڕۆژهەڵاتی نێوەڕاستدا دەمانهەوێت هاوتا و هاوشانی نەتەوەکانی دیکە بژین، ئازادیمان دەوێت، دادپەروەریمان دەوێت، یەکسانیمان دەوێت، نەک تەنیا بۆ کورد، بۆ تەواوی ناوچەکە. ئێمە بە دژی شەڕی ئایینی و مەزهەبین، ئێمە بە دژی شەڕی نەتەوەکانین، ئێمە بە دژی شەڕێکی تێرۆریستی و ماڵوێرانکەرین کە دەیانهەوێت هەتا هەتایە لە نێو کوشت و کوشتار و خوێنڕشتنی یەکتردا نوقم ببین. ئێمە دەمانهەوێت ڕۆژهەڵاتی نێوەڕاست لە ئارامیدا سەر بکات، لە ئاسایشدا بە سەر ببات، لە دادپەروەریدا ژیان بکات، بەڵام ئاسایش و ئارامی و دادپەروەری لە ڕۆژهەڵاتی نێوەڕاستدا وەدی نایەت گەر نەتەوەی ستەملێکراو هەبێت. ناکرێ نەتەوەیەک کە لە ڕۆژهەڵاتی نێوەڕاستدا مافەکانی پێشل کرابێت، سووکایەتی بە نەتەوە بوونی کرابێت، سووکایەتی بە کەرامەتی کرابێت، بچەوسێتەوە و بکوژرێت و لاوەکەنی ئەشکەنجە بکرێن، ئێعدام بکرێن و ئەویش لە پێناوی ئاسایش و ئارامیی ڕۆژهەڵاتی نێوەڕاستدا هیچ نەڵێت. ناکرێ کۆماری ئیسلامییەک لە ناوچەکەدا هەبێت، دەستێوەردان لە هەموو ناوچەکەدا بکات، هێزی تێرۆریستی لە هەموو ناوچەکەدا پەرە پێ بدات و لە نێوخۆدا هەموو ستەمێک لە سەر هەموو نەتەوەکانی ئێران ڕەوا ببینێت، ئازادی بخنکێنێت، چەوسانەوە هەبێت، گەندەڵی لەو پەڕیدا هەبێت، بەڵام خەڵکیش لە پێناوی ئەوەیدا کە نەک ماڵی کاول و وێرانی ڕۆژهەڵاتی نێوەڕاست و ئێران و نەتەوەکان، لەوە کاولتر ببێت، با بێدەنگ بین. بێدەنگی قبووڵ ناکەین! نیشانمان داوە کە بێدەنگی قبووڵ ناکەین ئەگەر بە خوێنی خۆشمان بێت.

حیزبی دێموکراتی کوردستانی ئێران، کادر و پێشمەرگە و ئەندامان و ئەندامانی ڕێبەرایەتی ئەو حیزبە سەلماندوویانە، نیشانیان داوە پێویست بە هیچ بەڵگە هێنانەوەیەکی زیاتر لەوە ناکات کە پێشەوای نەمرمان، لە پێناوی پاراستنی گەلەکەیدا لە نێو شارەکەدا دەمێنێتەوە و خۆی دەکاتە قوربانی بۆ ئەوەی کە قەڵاچۆ نەکرێت. پێویست بە هیچ بەڵگەیەکی دیکە ناکات، جگە لەوەی کە دوکتور قاسملوویەکی نەمرمان هەیە کە لە پێناوی ئازادیی گەلەکەیدا خۆشترین ژیان لە دەرەوەی وڵات بەجێ دەهێڵێت و دێتەوە نێو سەنگەرەکانی پێشمەرگە، ئەو سەنگەرانەی کە خۆتان ئەمڕۆ نموونەکانی دەبینن، کە بە کەمترین ئیمکاناتەوە بەڵام بە گەورەترین ورە و ئیرادەوە بەڕێوە دەچێت. دوکتور قاسملوویەکی نەمرمان هەیە کە دێتەوە نێو ئەو سەنگەرانە خەبات دەکات و لە پێناوی ئازادیی گەلەکەشیدا، لە پێناوی ئەوەیکە دەروازەیەک بدۆزێتەوە کە خەڵکەکەی بە ئازادی بژین، کە کوشتار و خوێنڕشتن کۆتایی پێ‌بێت، دەڕوات و وتووێژ لەگەڵ دڕندەترین ڕێژیمی سەردەمدا دەکات. دەزانێت کە ئەو ڕێژیمە دڕندەیە؛ دەزانێت کە ئەهلی وتووێژ و دیالۆگ نییە؛ بەڵام دەیهەوێت بە مێژوو بسەلمێنیت کە ئەو ڕێگایەشمان تاقی کردەوە، کۆماری ئیسلامیی ئێران هیچ ڕێگایەکی دیکە قبووڵ ناکات جگە لە زۆر و هەڕەشە و گوشار نەبێت. نموونەی دیکەمان پێویست نییە باسی بکەین، وەکوو دوکتور سەعیدی نەمرمان، وەکوو ئەندامانی ڕێبەرایەتیی دیکەمان کە لە سەنگەرەکانی خەباتدا شەهید کراون، وەکوو ئەمساڵ لە ڕاسانی ڕۆژهەڵاتدا کادر و پێشمەرگەمان چوونەوە قۆڵایی دڵی ڕۆژهەڵاتی کوردستان، لە نێو خەڵکەکەی خۆیاندا کورەی خەباتیان گەشاندەوە و بە حەماسەکانیان لە سەرتاسەری کوردستاندا، لە سەڵماس و موکریان و شنۆ و کۆساڵان و ئەو شوێنانەدا سەلماندیان کە ئێمە چۆک دانادەین. دوژمنانمان باش بزانن گەلی کورد ئەهلی چۆکدادان نییە، ئەهلی ستەم کردن لە هیچ شوێنێک نییە، ئەهلی پێشێل کردنی مافی هیچ کەسی دیکەش نییە، ئێمەی کورد، ئێمەی حیزبی دێموکرات، ئێمەی پێشمەرگەی دێموکرات چۆک دانادەین بۆ دڕندەترین دەسەڵاتەکانی سەردەمیش. ئێمە بە خوێنمان بە ئیرادەمان بە بیروباوەڕمان دەیسەلمێنین کە بە کەمترین ئیمکاناتی پێشمەرگەوە بەدژی دڕندەترین ڕێژیمی ستەمکاری ناوچەکەدا دەڕۆینەوە بەچۆکیشیدا دەهێنین و بە لەرزەشی دەخەین، هەر وەکوو بەلەرزە خراوە.

لێرەش ئێمە کۆبووینەتەوە کە دووبارە لەگەڵ ئەو پەیامانەدا ئاشنا بینەوە کە ئاشناین، دووبارە وەبیری بهێنینەوە، دووبارە پەیمان ببەستینەوە و شایی بکەین، ئێمەی کورد فێری ئەوە نەبووین کە ماتەم بگێڕین و دەستەوئەژنۆ دانیشین، خەمبار بین، ئێمەی کورد، ئێمەی پێشمەرگەی دێموکرات شایی دەکەین، شایی دەکەین تا بە دوژمنانمان بڵێین کە ئێمە ئەهلی چۆکدادان نین، خەباتمان بەردەوامە.
ڕۆژێکی مێژووییە کە ئێمەی کورد بوونی خۆمان تێدا سەلماندووە ودووبارەش دەیسەلمێنینەوە.

بە هیوای دووبارە سەلماندنەوەی بوونی نەتەوەییمان،
بەرقەرار بن،
پیرۆز بێت دووی ڕێبەندان.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٩ لەم ژمارەیەدا:

ــ شار مێحوەری ڕاسان
ــ ئابووریی شپرزەی ئێران بە قازانجی کێیە؟
ــ هێرشی مووشەکیی سنووردار و...
ــ جیهادی سپی
  • دادگای میکۆنووس، ئاشکرابوونی تێرۆریزمی نێودەوڵەتیی ڕێژیمی ئێران دادگای میکۆنووس، ئاشکرابوونی تێرۆریزمی نێودەوڵەتیی ڕێژیمی ئێران
    دوکتور شه‌ره‌فکه‌ندی له‌ کاتێکدا بوو به‌ سکرتێری گشتیی حیزبی دێموکرات که‌ جه‌مسه‌ری کۆمۆنیستیی ڕۆژهه‌ڵات تێکـڕووخا و خولێکی نوێ له‌ مێژووی مرۆڤایه‌تیدا ده‌ستی پێکرد.
  • هێرشی مووشەکیی سنووردار و پەیامێکی بێ‌سنوور هێرشی مووشەکیی سنووردار و پەیامێکی بێ‌سنوور
    دواى ئەو هێرشە ئەمریکا هەر زوو هەم لە نەتەوە یەکگرتووەکان و هەم لە زارى ترامپه‌وه ‌ئیدانەى توندى ئەو هێرشەیان کرد و بە کردەوەش ٥٩ مووشەکى "تامهاوک"یان ئاراستەى فڕۆکەخانەى "ئەلشەعیرات" کرد کە به‌ بۆچوونی ئه‌مریكییه‌كان له‌وێوه‌ هێرشه‌ كیمیاییه‌كه‌ به‌ڕێوه‌ براوه‌.
  • بڕینەوەی داربەڕووەکان، هەناسەی \ بڕینەوەی داربەڕووەکان، هەناسەی "هوزمانەوەنی" سوار کرد
    بەڵام به‌پێی ڕووداوه سیاسی-‌مەدەنییەکانی دوو دەیەی ڕابڕدوو، به پێداگریی تەواو دەتوانین بڵێین که ئاوڕدانەوه لەو دوو بەشه و داڕشتنی بەرنامه بۆ بەرپەرچدانەوەی سیاسەته فاشیستییەکانی داگیرکەرانی کوردستان له بازنەی چالاکییە سیاسی=کۆمەڵایەتییەکانی کوردستان له پراوێزەوە گواستراوەتەوه بۆ ناوەندی هزر و کرداری چالاکیی سیاسی-مەدەنی‌مان.
  • هه‌ڵاواردن، زیانێک بۆ کار و چالاکیی مرۆڤەکان لە کۆمەڵگادا هه‌ڵاواردن، زیانێک بۆ کار و چالاکیی مرۆڤەکان لە کۆمەڵگادا
    بەپێی سەرچاوە زانستییه‌كان، هەڵاواردن سێ جۆرە: هەڵاواردنی ڕاستەوخۆ، هەڵاواردنی ناڕاستەوخۆ و هەڵاواردنی سیستماتیک.
  • ئابووریی شپرزەی ئێران بە قازانجی کێیە؟ ئابووریی شپرزەی ئێران بە قازانجی کێیە؟
    بە واتایەکی تر سیاسەتمەدارە گەندەڵەکانی ئێران بۆ وەرگرتنی پشتیوانیی بازرگانەکان دەرەتانی کاری نایاساییان بۆ دەڕەخسێنن، تاکوو ژیانی ئابوورییان بەهێزتر بێت و لە بەرانبەریشدا پشتیوانیی ماددی و مەعنەوی ئەم توێژە بۆ بەردەوامیی دەسەڵاتەکەیان مسۆگەر دەکەن کە ئەم یارییە لەسەر سفرەی وڵات و خەڵکی بێ دەرەتان ئەنجام دەدرێت.
  • هەوڵی گەرمكردنی تەنووری هەڵبژاردن، بوو بە نمایشی كۆمیدی هەوڵی گەرمكردنی تەنووری هەڵبژاردن، بوو بە نمایشی كۆمیدی
    لەو پێوەندییەدا یەكەم كەسێك كە بۆ ناونووسین سەردانی وەزارەتی نێوخۆی ڕێژیمی كرد، پیاوێك بوو كە كفنی سپیی لە سەرتاپێی خۆی ئاڵاندبوو. دوابەدوای ئەویش نیگابانێكی كارگەی كاشیی "مەیبۆد"ی یەزد ناوی خۆی تۆمار كرد. ئەو كرێكارە دەڵێ دەمهەوێ لەگەڵ دۆناڵد ترامپ كێبڕكێی مەلەوانی بكەم.
  • ڕاسان و ژێئۆپۆلیتیکی ئێران! ڕاسان و ژێئۆپۆلیتیکی ئێران!
    ئورووپا لێرەدا لە دژایەتيی مەزهەبی کەڵک وەردەگرێ. واتە سەفەویی شێعە مەزهەب دژی عوسمانیی سۆننە مەزهەب کەڵکی لێ وەردەگیردرێت. لە سەردەمی شەڕی ساردیشدا ئێران یەکێک لە گرینگترین وڵاتانی پێکهێنەری پشتوێنی ئەمنییەتی بۆ پێشگرتن لە تەشەنە کردنی کۆمۆنیزم بوو کە دژی یەکیەتیی سۆڤییەت پێکهاتبوو!
  • شار مێحوەری  ڕاسان شار مێحوەری ڕاسان
    بە بەراورد لە گەڵ بەشەکانی دیکەی کوردستان، ڕۆژهەڵات — کە بە پێی پانتایی جوگرافی و حەشیمەت، دووهەمین بەشی کوردستانە— لە دوو دەیەیی ڕابردوودا تووشی نسکۆ هاتبوو. لە دوو ساڵی ڕابردوودا، ڕاسان ئەو دۆخەی گۆڕی.
  • جیهادی سپی جیهادی سپی
    جیهادی سپیی ڕێژیمی ئیسلامیی تاران، درێژەی فەرمانی جەهادی خومەینیە کە بە شێوەی سەربازی کوردستانیان داگیر کرد و بە پیلانی سیاسی دەیانەوێ ئیرادەی خۆڕاگری لە کوردستاندا بە چۆکدا بێنن.
  • شانۆیەکی درۆزنانە شانۆیەکی درۆزنانە
    ڕەخنەگرانی نێوخۆ و بەتایبەت هێزە ئۆپۆزیسیۆنە کوردەکانی دژبەری ڕێژیمی ئێران، سەفەری حەسەن ڕۆحانی بۆ سنە بە پڕوپاگەندە بۆ هەڵبژاردن لەقەڵەم دەدەن و لەو باوەڕەدان هیچ دەسکەوتێکی بۆ خەڵک نابێت.
  • کورد و تراژدییەک به نێوی ژیان و ڕزگاری کورد و تراژدییەک به نێوی ژیان و ڕزگاری
    دامەرزاندنی سیستمی پەروەردەی نۆێ لەسەر بناغەی زمان و بیری "پان ئیرانیسم" و پێکهنانی بوروکراسییەکی ناوەندگرا، دوو نموونەی هەره گرینگی بەرەوپێش بردنی سیاسەتی فاشیستی لە ئێران بووه.
  • سیاسەتی کۆمەڵایەتی لەپێناو خۆشبژێویدا سیاسەتی کۆمەڵایەتی لەپێناو خۆشبژێویدا
    لەیەکەم بەرکەوت، چەمکی سیاسەتی کۆمەڵایەتی(Socialpolicy) لە سێ تایبەتمەندیی ئاکادێمیک، کردەوە و مێتۆدۆلۆژیکدا خۆی دەردەخات.
  • کۆمەڵگای سیاسیی کوردستانی ڕۆژهەڵات و کاریگەریی ڕاسان کۆمەڵگای سیاسیی کوردستانی ڕۆژهەڵات و کاریگەریی ڕاسان
    ئەمە بەو واتایە نیە کە پێویستە هەموو کەس ڕوو لە شاخ بکات؛ وەکوو ئەوەی کە لە نێو کورد دا باوە کە دەڵێن؛ بۆ خزمەت کردن پێویست ناکات هەموو ببن بە پێشمەرگە. لەگەڵ هەبوونی ڕاسان، لایەن و حیزبە جیاوازەکان و بزاڤەکان و کۆمەڵگای مەدەنی لەهەرکوێ بن و ئایا بەشێک لە ڕاسان بن یان نا، لەلایەکەوە خاوەن کاریگەریی زۆرتر دەبن و لەلایەکی تریشەوە پانتایی چالاکییان بەرفراوانتر دەبێت.
  • حەسەن شەرەفی: سڵاو لە ڕاسان سڵاو لە شەهیدانی ڕاسان حەسەن شەرەفی: سڵاو لە ڕاسان سڵاو لە شەهیدانی ڕاسان
    دەقی وتەکانی بەڕێز حەسەن شەرەفی جێگری سکرتێری گشتیی حیزب لە ڕۆژی ١٠ی خاکەلێوە، ڕۆژی شەهیدانی کوردستاندا