• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ژانویەی ٢٠١٨ی زایینی - ٣٠ی بەفرانباری ١٣٩٦ی هەتاوی  

‌ ڕاسانی ڕۆژهەڵات لە پارله‌مانی کانادا کەوتەبەر باس

زایینی: ٠٩-٠٢-٢٠١٧ - هەتاوی: ١٣٩٥/١١/٢١ - ١٢:٥٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
‌ ڕاسانی ڕۆژهەڵات لە پارله‌مانی کانادا کەوتەبەر باس
کوردستان میدیا: شاندێکی حیزبی دێموکراتی کوردستانی ئێران، لە پارله‌مانی کانادا باسیان لە جووڵانەوەی مافخوازانەی میللەتی کورد بە ڕێبەرایەتی حیزبی دێموکرات و ڕۆڵی ئەرێنیی ئەو حیزبە بۆ گەیشتن بە ئازادی و دادپەروەیی کۆمەڵایەتی کرد.

ڕۆژی سێ‌شەممە، ڕێکەوتی ١٩ی ڕێبەندانی ١٣٩٥ی هەتاوی، شاندێکی حیزبی دێموکرات بە نوێنه‌رایه‌تی كۆمیته‌ی حیزبی دێموکرات له‌ ڕۆژهه‌ڵاتی کانادا، به‌ سەرپەرەستیی "کەریم ئیزەد پەنا" و "کەژاڵ محەممەدی"، سەردانی پارلمانی کانادایان کرد و لەگەڵ "تام کێمەک" ئەندام پارلمانی کانادا سەر بە حیزبی کۆنسێرڤاتیڤ کۆبوونەوە.

لەو سەردانەدا شاندی حیزبی دێموکرات سەرەتا باسێکی تێر و تەسەلیان لە سەر جووڵانەوەی مافخوازانەی میللەتی کورد بە ڕێبەرایەتی حیزبی دێموکرات و ڕۆڵی ئەرێنی و ئەکتیڤی ئەو حیزبە لە سەرخستنی شۆڕشی گەلانی ئێران بۆ گەیشتن بەئازادی، دێموکراسی، دادپەروەریی کۆمەڵاتی و ئابووری، دەستەبەرکردنی مافە مەدەنی و نەتەوایەتییەکانی گشت گەلانی ئێرانیان، پێشکەش به ناوبراو کرد و گوتیان؛ ڕێبەرایەتی حیزبی دێموکرات دوای سەرکەوتنی شۆڕش، هەوڵیدا ئەو مافانە لە ڕێگای ئاشتیانە و بە شێوەی دێموکراتیک وەدی بهێنن و گەلی کورد و باقی گەلانی ئێران بە مافە نەتەوایەتییەکانیان بگەن.

شاندی حیزبی دێموکرات هەروەها باسیان لەوە کرد کە؛ ڕێژیمی تازە بەدەسەڵات ‌گەیشتوو بە ڕێبەریی "ئایەتوڵڵا خومەینی"، نەتەنیا بەرنامەی بۆ وەدیهێنانی داخوازییە نەتەوایەتی، مەدەنی، کولتووری، ئابووری و کۆمەڵایەتییەکانی گەلانی ئێران و ئاوەدانکردنەوەی وڵات نەبوو، بەڵکوو لەبنەڕەتدا لە فەلسەفەی بەناو ئیسلامیی ئەودا، شتێک بە ناوی "نەتەوە" بوونی نەبوو تا دان بەمافیەکانیدا بنێ، و بەم جۆڕە شەڕێکی ماڵوێرانکەری بە سەر گەلانی ئەو وڵاتەدا سەپاند، کە تا ئێستاشی لەگەڵدا بێت، درێژەی هەیە.

لەو سەردانەدا، شاندی حیزبی دێموکرات باسیان لەوە کرد کە؛ له سەرەتادا شەڕەکە، بە دەرکردنی فەرمانی جیهادی "خومەینی" دەستی پێکرد و هێرشی بەربڵاو و گشتگیری لەشکر و سپای پاسدارانی کۆماری ئیسلامیی ئێران بۆ سەر گەلی کورد لە کوردستانی ڕۆژهەڵات دەستی پێکرد.

ئەم شەڕە لە پاوەوە دست پێکرد و دواتر هەموو پارێزگا و شار و شارۆچکە و گوندەگانی کوردستانی ڕۆژهەڵاتی گرتەوە، و گوندەکانی قاڕنێ و قەڵاتان قەڵاچۆ (ژینوساید)کران و ٥٩ لاوی مهابادی ئێعدام کران و شەڕێکی زۆر سەخت بە سەرخەڵکی مەدەنیی شاری سنەدا سەپا، کە لە مێژووی کوردستاندا، بە شەڕی خوێناوی ناودێرکرا.

شاندی حیزبی دێموکرات باسیان لەوە کرد کە؛ لەو لەشکرکێشییەی کۆماری ئیسلامیدا، تا ئێستا زیاتر لە ٥٠٠٠٠ کەس لە خەڵکی مەدەنی کوژراون. سەدان هەزار کەس ئاوارە و دەربەدەر بوون. بە هەزاران کەس ماڵوێران، بریندار، کەم‌ئەندام، دەیان هەزار کەس زیندانی، تەبعید، هەزارانی کەس ئێعدامی سەحرایی کران و زۆرێک لە ئێعدام کراوەکان گۆڕەکانیان تا ئێستاش نادیارە. هەزاران گوند و دەیان شارۆچکە وێران و خەڵکەکەی ئاوارەکراون، بێ ئەوەی قەرەبوو بکرێنەوە. دیارە ئێعدام،زیندانی کردن و تۆقاندن تا ئێستاش بەردەوامە.

ستەمێکی دیکەی کۆماری ئیسلامی لە سەر میللەتی کورد، قەدەغەکردنی خوێندنی زمانی کوردی وەک زمانی نەتەوەی کوردە. هەر وەها دانانی ناوی کوردی لەسەر منداڵان و شوێنەکان، پێشیل کردنی مافە نەتەوایەتی، کۆمەڵایەتی، کولتووری و مەدەنییەکانی نەتەوەی کورد بە شێوەی سیستماتیک بەردەوامە.

لە ڕووی ئابووریشەوە، ئابڵۆقەی خستۆتە سەر نەتەوەی کورد و بە شێوەی سیستماتیک خەڵکی کوردستانی لە هەژاریدا ڕاگرتووە و ڕایدەگرێت بۆ ئەوەی، بۆ جێبەجێ‌کردنی پلانەکانی لە دژی خەڵک و ئازادیخوازان، مەجبووریان بکات هاوکاریی بکەن. سیاسەتی تۆقاندن، ڕەشبگیری، دوو بەرەکی خستنە نێو خەڵک و بە زۆر چەکدارکردنی خەڵک، بەشێکی دیکەی سیاسەتەکانی ڕێژیمە لە کوردستان.

وەفدی حیزب هەروەها باسی لەوە کرد کە؛ حیزبی دێموکرات هیچکات بڕوای بە شەڕ نەبووە و نیە و نابێت، بەڵام ڕێژیم هیچ ڕێگایەیکی بۆ خەڵک و حیزبی دێموکرات، بێجگە لە بەرخودانی شۆڕشگێڕانە نەهێشتۆتەوە و ئازادیخوازانی حیزب و گەل بۆ داکۆکی‌کردنی لە مافە نەتەوایەتییەکانیان مەجبوور بوونە و مەجبوورن بە گژ لەشکری تێرۆریستی سپای پاسداران و بەسیج و ئیتلاعاتدا بچنەوە. لە شەڕی بەرگری لە مافەکانی نەتەوەی کورد تا ئێستا، هەزار ئازادیخوازی کورد گیانی خۆیان فیداکردووە. دوو ڕێبەری گەورەی کورد، دوکتور قاسملوو لە سەر میزی بەناو وتووێژ بە دەستی دیپلۆمات تێرۆریستەکانی کۆماری ئیسلامی لە وییەنی پێتەختی دەوڵەتی ئۆتریش تێرۆرکرا کە بە داخەوە تێرۆریستەکان لە لایەن دەوڵەتی ئەو کاتی ئۆتریشەوە بۆ ئێران ڕەوانە کرانەوە و دوکتور شەرەفکەندی لە بێرلینی ئاڵمان لە لایەن تێرۆریستە نێردراوەکانی کۆماری ئیسلامییەوە تێرور کرا، بەڵام بەخۆشییەوە تێرۆریستەکان دەستگیر کران و لە دادگایەکی دادپەروەرانەدا، دادگایی کران و هەر کام لە تێرۆریستەکان بۆ چەندین ساڵ زیندانی کران. لەوەش گرینگتر بە بەڵگە، سەرانی کۆماری ئیسلامی بە ڕێبەری نیزامیشەوە و چەندین کەسی دیکەش، وەک فەرمان دەر و پلان‌داڕێژەری ئەو کردەوە تێروریستییە سیاسییە ناسێندران و ئەو داگایە بە دادگای میکۆنوس ناسراوە.

شاندی حیزبی دێموکرات هەروەها لە درێژەی باسەکەیاندا، باسیان لە کۆڵبەران کرد، کە چۆن بۆ بژیویی خۆیان و ئەندامانی بنەماڵەکانیان ڕوویان کردۆتە ئەو کارە دژوارە و وێنەی کۆڵبەرانیای ڕادەستی ناوبراو کرد.

لە کۆتایی ئەو سەردانەدا، باسی ڕاسان کرا، کە دوای نزیک بە ٢٠ ساڵ ڕاگرتنی چالاکیی بەربڵاوی کادر و پێشمەرگە لە نێو خەڵک و خاکی کوردستانی ڕۆژهەڵاتدا، کۆماری ئیسلامیی ئێران وەک جاران هیچ پلانێکی بۆ چارەسەرکردنی کێشەی ڕەوای نەتەوەی کورد نەبووه و هەروەها لە سەر شەڕی‌ داسەپاو بە شێوەی جاران سوور بوو، حیزبی دێموکرات لە سەر داوای خەڵک بڕیاریدا کادر و پێشمەرگە تێکەڵ بە خەڵک ببنەوە،ئەویش نە بۆ شەڕ، مەگەر بۆ بەرگری کردن لە خۆیان.

ئەم دیداره بە پرسیار و وەڵامی دوو لایەن کۆتایی پێهات و شایانی باسە کە؛ ئەم ئەندام پارلمانەی کانادا زانیارییەکی وردی لە سەر گەلی کورد تەنانەت کوردەکانی خوراسانیش هەبوو.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.