• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

ئەزموونێكی تاڵ كە لە باشووری كوردستان دووپات كرایەوە!

زایینی: ١٨-٠٢-٢٠١٧ - هەتاوی: ١٣٩٥/١١/٣٠ - ١٩:٤١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئەزموونێكی تاڵ كە لە باشووری كوردستان دووپات كرایەوە!
قادر ئەلیاسی

لە سەرەتای هاتنەسەر دەسەڵاتی كۆماری ئیسلامیی ئێرانەوە، خومەینی بۆ ڕاگرتن و بەهێزكردنی دەسەڵاتی خۆی فەرمانی دامەزرانی ئۆرگانێكی سەربازیی میلیشیایی دا. ئەم دامەزراوە لە ٩ی ڕەشەمەی ١٣٥٧ی هەتاوی (٢٨/٢/١٩٧٩) بە ناوی "سپای پاسدارانی شۆڕشی ئیسلامیی ئێران" ڕاگەیەندرا.

بە دامەزرانی سپای پاسداران، جموجووڵی خەڵكی ئێران كە تازە لە ژێر ستەمی پاشایەتی ڕزگاریان ببوو، جارێكیتر كەوتەوە ژێر چاوەدێری و دەسەڵاتی ڕێژیمی تازە و تووشی زەبر و زەنگ و سەركوت بووەوە.

بەرەبەرە سپای پاسداران، پەلی هاویشت و لق و پۆپی زۆری لێ ڕوا، وەكوو:

١ـ هێزی زەوینی (وشكانی)
٢ـ هێزی ئاسمانی
٣ـ هێزی ئاوی (دەریایی)
٤ـ بەسیجی موستەزعەفین
٥ـ هێزی قودس

وەك دەردەكەوێ ئەم هێزە لە شێوەی دامەزرانیدا نەك هەر بوو بە هێزێكی گەورە و خاوەن دەسەڵاتی ڕەها، بەڵكوو سێبەری خستۆتە سەر هێزی چەكداریی سەرەكیی وڵات كە بە "ئەرتەش" پێناسە دەكرێ. لقوپۆپەكانی سپا دابەش كرا بۆ ئەو جێگە و شوێنانەی كە لە سەرەوە ئاماژەمان پێكرد. سپای قودس پەروەردە كرا بۆ تیرۆر و چالاكیی تیرۆریستی لە دەرەوەی ئێران.

بەسیجی موستەزعەفین كە یەكێك لە لقەكانی سپای پاسدارانە، لە ٥ی سەرماوەزی ١٣٥٨ی هەتاوی (٢٦/١١/١٩٧٩) بە فەرمانی خومەینی كرا بە یەكەیەكی سەربەخۆ كە هاوشانی سپای پاسداران دەستی بە كار و چالاكی كرد.

٣٥ ساڵ دوای هاتنە سەر دەسەڵاتی كۆماری ئیسلامیی ئێران، عێراقی پاش سەددام تووشی شەڕێكی ناوخۆیی لە نێوان عەرەبی سوننەی لە دەسەڵات وەلاونراو و عەرەبی شیعەی تازە بە دەسەڵات گەیشتوو هات.

ئەم ململانێ ئایینیییە ئەوەندە درێژەی كێشا تا سەرهەڵدانی داعشی بە دوادا هات. داعش لە ٢٣ی ڕەزبەری ١٣٨٥ی هەتاوی(١٥/١٠/٢٠٠٦) لە سەر پاشماوەی ڕێكخراوی تەوحید و جیهادی ئەبوومەسعەب زەرقاوی دامەزرا. داعش بە داگیركردنی پارێزگاكانی مووسڵ (٨/٦/٢٠١٤)، تكریت (١١/٦/٢٠١٤) و ڕەمادی (١٧/٥/٢٠١٥) دەسەڵاتی عێراقی گەیاندە لێواری ڕووخان.

دەسەڵاتدارانی عێراق بۆ ئەوەی بتوانن هەم دژی دەسەڵاتی داعش خۆ ڕابگرن و هەم عەرەبی سوننە بە بیانووی پشتیوانی لە داعش سەركوت بكەن، بە ڕێنوێنیی ئێران و لە ڕێگای عەلی سیستانییەوە كەوتنە بیری پێكهێنانی دامەزراوەیەكی نیزامی بە شێوەی سپا و بەسیجی ئێران. دوای پەیامی عەلی سیستانی، حەشدی شەعبی لە ٢٥ی جۆزەردانی١٣٩٣ی هـ (١٥/٦/٢٠١٤) دامەزرا. ئەم دامەزراوە سەرەتا پێك هاتبوو لە ٤٠ تاقمی شیعە، دواتر بازنەكە بەرینتر كرایەوە و ٦٧ گرووپی لە ژێر چەتری خۆیدا كۆ كردەوە. حەشد كە بە واتای "كۆمەڵ و تاقم" و شەعب بە واتای "خەڵك" لێك دەدرێتەوە، بە لێكدراوی دەبێتە هێزی خەڵكی یان هێزی بەرگری. ئەم یەكە چەكدارییە لە ئێران دەبێتە بەسیجی خەڵكی. حەشدی شەعبی لە ژێر چاوەدێریی سپای قودسی كۆماری ئیسلامی بە سەرۆكایەتیی قاسم سلێمانیدا، بەرە بەرە پێی گرت و بوو بە یەكەیەكی سەربازی لە عێراقدا. هادی عامری، بەرپرسی سەربازیی سپای بەدر كە گوێڕایەڵێكی ڕێژیمی ئاخوندیی ئێرانە، وەك سەرۆكی گشتیی حەشدی شەعبی دیاری كرا. حەشدی شەعبی لەو شوێنانەی كە بە هاوكاریی هێزی ئاسمانیی هاوپەیمانان توانیویانە سەركەوتنێك بە دەست بێنن، دەستیان لە كوشتنی خەڵك و سووتاندنی ماڵ و بە تاڵان بردنی سامانی ئەو خەڵكە نەپاراستووە. شارەكانی تكریت، فەلووجە و ڕەمادی كە زۆربەی دانیشتوانیان عەرەبی سوننەن، بەڵگەی ڕاستیی ئەم وتەیە دەسەلمێنن.

حەشدی شەعبی، سەرەنجام ڕۆژی شەممە، ٦ی سەرماوەزی ١٣٩٥ی هـ (٢٦/١١/٢٠١٦) بە دەنگی ٢٠٨ ئەندام پارلەمانی عێراق، بە پێی پڕۆژە یاسایەك بوو بە یەكەیەكی سەربازیی یاسایی ئەو وڵاتە.

حەشدی شەعبی و هەرێمی كوردستان

لە سەرەتای دروستبوونی حەشدی شەعبی تا دەگاتە ڕۆژی بە فەرمی ناسینی ئەم یەكە سەربازییە لە لایەن پارلەمانی عێراقەوە، بە بۆنەی جۆراوجۆر و لە لایەن بەپرسانی ئەو گرووپە چەكدارەوە هەڕەشە لە هەرێمی كوردستان كراوە. بەردەوام وتوویانە كە دوای شەڕی داعش، شەڕی قورسی ئەوان لە دژی هەرێمی كوردستان و هێزی پێشمەرگە دەبێ. ئەگەرچی ئەم لێدوانانە بە دەنگ و ڕەنگ و نووسراوە بڵاو كراونەتەوە و لە تۆڕە كۆمەڵایەتییەكان و ئارشیڤی ڕاگەیاندنە كوردییەكاندا پارێزراون، بەڵام بە لێدوانی بەرپرسێكی دیكەی حەشد نكووڵیی لێ كراوە و بە دروشمی بێ ناوەرۆكی "كورد و عەرەب برای یەكن"، كوردیان خاپاندووە و لە بەدواداچوون بۆ ئەو هەڕەشەیە، سارد كراونەتەوە. ئەم جۆرە هەڵسوكەوتانە، سەردەمی هاتنە سەر دەسەڵاتی كۆماری ئیسلامیی ئێران وە بیرمان دێنێتەوە. لەو سەرەتایەدا تا هێزی سپای پاسداران و دامەزراوە ئاڵقە لە گوێكانی خومەینی لەرزۆك و تازەكار بوون، كوردیان بە خوشك و برای خۆیان لە قەڵەم دەدا، بەڵام كە دیتیان هەلەكە بۆ لێدانی كورد لەبارە، "برایەتی" بە فەرمانی خومەینی گۆڕدرا بە "دوژمنایەتی" و لە فەرمانە شوومەكەی ناوبراودا ڕووی ڕاستەقینەی خۆی ئاشكرا كرد. فەرمانێك كە بە ناوی جیهاد لە مێژووی ڕەشی خومەینی و ڕێژیمەكەی "كۆماری ئیسلامی"دا تۆمار كراوە. ئەو فەرمانە لە ڕۆژی یەكشەممە، ٢٨ی گەلاوێژی ١٣٥٨ی هـ (١٩/٨/١٩٧٩) لە لایەن خومەینی، وەك بەرزترین پلەی ئایینی و سیاسیی ئێران و فەرماندەری گشتیی هێزە چەكدارەكانی ئەو وڵاتە دژی گەلی كورد بە ناوی "جیهاد" كە واتای شەڕی ئیسلام لە دژی كافرانە، ڕاگەیەندرا و بە هەموو توانایەكی سەربازی و بەوپەڕی دڕندەییەوە و بێبەزەییانە كوردستانیان لە خوێندا نوقم كرد.

ئەگەر ئەو ئەزموونە تاڵەی ئەو كاتە لە گەڵ ئێستادا بەراورد بكەین، عەلی سیستانی كە خومەینیی ئێستای عێراقە، لە سەرەتای ڕێگادایە. هێشتا شەڕی داعش كۆتایی نەهاتووە، هێشتا سوننەی عەرەب ملی بە سیستمی دەڵەمەی بەغدا نەداوە. هێشتا كورد، ئەو هێزە لاوازە نییە كە بە سەریدا سەركەون. بۆیە بە ناردنی وەفدی سیاسی و ئایینی (عەمار حەكیم وەك سەرۆكی وەفدی سیاسی و عەلا مووسەوی وەك سەرۆكی وەفدی شیعەی عێراق) لە ڕۆژەكانی شەممە، یەكشەممە و دووشەممە ١٦، ١٧ و ١٨ی رێبەندانی ١٣٩٥ی هـ (٥،٦ و٧/٢/٢٠١٧) لە هەولێر و سلێمانی، دەیانهەوێ لە لایەك كورد لە ئامانجی سەربەخۆیی دوور بخەنەوە و لە لایەكی دیكەوە بەرەو بەغدا پەلكێشی بكەنەوە. ئەویش نەك بۆ ئەوەی پێكەوە وڵات بەڕێوە بەرن، بەڵكوو بۆ ئەوەی بیانخافڵێنن تا لە دەرفەتێكی گونجاوتردا، بتوانن كوردستان بخەنەوە ژێر ڕكێفی خۆیان.
دەسەڵاتدارانی بەغدا لە ژێر ڕێنوێنی و هیژمۆنی ئێراندا، توانیویانە تا ئێستا كورد بە سەر دوو بەرەدا دابەش بكەن. بەرەیەكی چاوی لە تارانە و بەرەیەكی دیكەی بەرەو ئانكارا دەڕوانێ. ئەو بەرەیە كە چاوی لە تارانە، ناچارە لەگەڵ بەغدا بسازێت. بۆ سەلماندنی ئەم بۆچوونە دەتوانین ئاماژە بە دەنگدان بۆ بە یاساییكردنی حەشدی شەعبی (٢٦/١١/٢٠١٦) و پەسندكردنی بوودجەی ٢٠١٧ی عێراق (ڕۆژی چوارشەممە، ١٧ی سەرماوەزی ١٣٩٥ی هـ ٧/١٢/٢٠١٦) بكەین كە لە هەر دوو هەنگاوەكەدا كورد ناكۆك و بەغدا براوە بوو. لایەنێك حەشدی شەعبی بە مەترسی بۆ سەر هەرێمی كوردستان دەزانێ و دەنگی "ئەرێ"ی پێ نەدا، بەڵام لایەنی بەرامبەر دەنگی متمانەی بەو هێزە میلیشیاییە دا كە بە دروشم و بە كردەوە بۆ ئایینزایەكی تایبەت (ئیسلامی شیعە) كار دەكات. لە كاتی پەسندكردنی بوودجەشدا هەمان سیناریۆ دووپات بووەوە. واتە كورد لە بەغدا بوو بە دوو بەرە. بەرەیەك لە پەسندكردنی بوودجەدا خۆی بە براوە دەزانی و پەیامی پیرۆزبایی بۆ خەڵكی هەرێمی كوردستان دەنارد و بەرەیەكی دیكە، پەسندكردنی بودجەی بەو ناوەرۆكەوە بە زیانی كورد و هەرێمی كوردستان لە قەڵەم دەدا و دەنگی پێ نەدا.

ئەم شێوە سیاسەتە كە لە لایەن بەغداوە پەیڕەو دەكرێ، وای لە دەسەڵاتدارانی هەرێمی كوردستان كردووە كە لە باتی ئەوەی رێگای دووپاتبوونەوەی ئەزموونی تاڵی ڕۆژهەڵاتی كوردستان لە باشوور نەدەن، ڕۆژانە نیوەیەك بە نهێنی و نیوەیەك بە ئاشكرا دژی یەكتر لێدوان دەدەن. بە جۆرێك كە پیلانی بەغدا و چوار دەوریان لە بیر كردووە.

پرسیارەكە ئەمەیە: بەم هەموو ئەزموونە تاڵەوە، بە چوونی خومەینی و بە مانەوەی میراتەكەی بۆ سیستانی، كورد لە باشوور جارێكیتر ڕێگا دەدا ماڵوێرانییەكی دیكەی وەك ڕۆژهەڵاتی بە سەردا بێت؟

ئەزموونی دوور و نزیك پێمان دەڵێ: هەتا كورد یەكهەڵوێست نەبێ و بە یەكەوە بە گژ پیلانەكاندا نەچێتەوە، هەتا دراوسێی ئەوتۆی هەبێ، بەداخەوە دوور نییە جارێكیتر بینەری دووپاتبوونەوەی ئەو ڕووداوانە بین كە پێشتر لە چەند قۆناغ و لە ئاكامی یەكنەگرتووییماندا، بە سەرمان هاتووە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.