کوردستان میدیا

ماڵپەڕی ناوەندیی حیزبی دێموکراتی کوردستانی ئێران

هاوسەری شەهیدێکی حیزبی دێموکرات کۆچی داویی کرد

21:42 - 10 رەشەمه 2716

کوردستان میدیا: خوشکە ڕابێعه مەولانی هاوسەری شەهیدێکی حیزبی دێموکراتی کوردستانی ئێران کۆچی دوایی کرد.

بەپێی هەواڵی گەیشتوو بە ماڵپەڕی کوردستان میدیا، خوشکه‌ ڕابێعه‌ مەولانی هاوسه‌ری شه‌هید کوێخا عه‌لی عه‌بدوڵڵا‌زاده‌ (بێژوێ)، ڕۆژی یەکشەممە ڕێکەوتی ٨ی ڕەشەمەی ١٣٩٥ی هەتاوی له‌ شاری مه‌هاباد کوچی دوایی کرد.

ته‌رمی ناوبراو لە‌ سه‌رده‌شت و له‌ نێو ئاپۆرای خه‌ڵکی ناوچەکەدا بەخاک سپێردرا.

شه‌هید کوێخا عه‌لی عه‌بدوڵڵا‌زاده‌‌ ساڵی ١٣١٣ی هه‌تاوی له‌ بێژوێی سه‌رده‌شت له‌دایکبوو و ڕێکه‌وتی ٥ی ڕەزبەری ١٣٦٥ی هەتاوی له شوێنێک به ناوی‌ سینه‌مۆکه‌ که‌وته‌ به‌ر توپبارانی ڕێژیمی داگیرکه‌ر و شەهید بوو.

حیزبی دێموکراتی کوردستانی ئێران سەرەخۆشی لە بنەماڵە، خزم و کەسوکاری ناوبراو دەکات و خۆی به شەریکی خەمیان دەزانێت.