شاهۆ حوسێنی
پرۆژەو یاسای فراکسیۆنی دەوڵەتی یاسا(باڵی عێراقی سوپای قودس) لە پەرلەمانی عێراق بۆ دەرکردنی حیزبەکانی دژبەری حکومەتی ئێران لە خاکی عێراق زۆر لەوە دەچێ پشتیوانی بەشیکی زۆری فراکسیۆنەکانی تری عێراق و حەتتا بەشێک لە حیزبە کوردێکانیش بەدەست بێنێ، ئەوەی لەم ناوەدا گرینگە ئەوە نیە کە ئاخۆ ئەم پرۆژەیە چەندە دەتوانێ لەلایەن دەسەڵاتی ناوەندێوە بێتە بواری جێ‌بەجێ کردن، ئەوەی گرینگە ئەوەیە کە دەبێتە یاسایەک بۆ لێدانی و بەربەرەکانی لەگەڵ ئۆپۆزیسیونی کوردی رۆژهەڵات، واتە لەمەوبەدوا بەرەبەرەکانی دەسەڵاتی ناوەندی لەگەڵ کوردی رۆژهەڵاتی یاسایی دەبێت، ئیتر ئەو جارە دەستی ئێران زۆر لەجاران ئاواڵاتر دەبێت بۆ هەرجۆرە کردەوەیەکی تێرۆریستی و دژبەرانە(ئەگەرچی هەتا ئێستاشی لەگەڵ بێ لە هیچ کردەوەیەکە دژە مرۆیی خۆی نەپاراستوە)، لەهەمان کاتیش دا بەلەبەر چاوگرتنی ئەگەری هەرجۆرە ئاڵوگۆری و وەرچەرخانێک لە سیاسەت دا ئەمە دەتوانێیە لەداهاتوودا زۆر بە دژ کوردی رۆژهەڵات لەناو جوغرافیای عێراق‌دا کەڵکی خراپی لێ وەربگیرێ، لەراستی‌دا دەنگ هێنانەوەی وەها پرۆژە یاسایەک بەمانای یاسایی کردنی هەموو جۆرە کردەوەیەکەی نیزامی، سیاسی و... هتدە بە دژ ئۆپۆزیسیونی کوردی رۆژهەڵات لە عێراق و هەرێمی کوردستانه.
ئێران لەپاش دوور کردنەوە و وەدەرنانی موجاهیدنی خەڵق لە عێراق، ئێستا تەواوی هێز و وزەی وەگەر خستوە بۆ لەناو بردن و دوور کردنەوەی هێزی کوردی لە سنوورەکانی ئەو پرۆژەیە دەتوانێ زۆر ئامانج بپێکێ بەڵام دوو ئامانجی سەرکی و بنەرەتی ئەو پرۆژەیە بریتین لە:
یەکەم: لە ئاستی ناوەچەیی دا هێژمۆنی و دەسەڵاتی خۆی بەربڵاوتر بکات و هیچ هێز و لایەنێکی کێشە خوڵقێن و قەیران ساز بۆ دەسەڵاتی ئەو لە دەور و بەری سنوورەکان نەمێنن، لە ستراتژی و پلانی گشتی ئەمنی حکوومەتی ئێران‌دا هێزی ئۆپۆزیسیون و دژبەرانی کۆماری ئیسلامی نەک وەک بەرهەمی سیاسەتی پاوانی دەسەڵات و پێشیل کردنی مافی مرۆڤ و نەتەوەکانی بن دەست کە وەک پیلانی دژبەرانی کۆماری ئیسلامی، ئەمپریالیسم و سەهیونیسمی نێونەتەوەیی پێناسە دەکرێ، هەر بۆیە پێویستە بۆ پاراستنی ئەهوەنی و ئەمنییەتی ناوچەیی و نێونەتەوەیی ئێران ئەو هێزانە لەناو ببردرێن.
دووهەم: لە ئاستی ناوخۆیی بە دوور کردنەوەی ئۆپۆزیسیونی دژبەر و پچرانی پێوەندی نزیک و تا راددەیەک راستەوخۆی خەڵک لەگەڵ ئۆپۆزیسیون، بتوانێ هێژمۆنی ئەمنی و دەسەڵاتی بێ رەکابەری خۆی سەقامگرتوتر بکات، واتە بەلەناو بردن و دوور کردنەوەی ئۆپۆزیسیون لە نزیکی سنوورەکان و پچراندنی پێوەندی نزیک و راستەوخۆی کۆمەڵانی خەڵک لەگەڵ ئۆپۆزیسیون، پلان و ستراتژی ئەمنی و ئەهوەنی نەتەوەیی دەسەڵات سەرکەوتوو دەبێت و ئەمەش دەسەڵات سەقامگرتووتر دەکات.
بەگشتی ئەوەی ئێران لەم ناوەدا بە لەناو بردن و دوور کردنەوەی ئۆپۆزیسیون لە سنوورەکانی خۆی دەستی دەکەوێ بە گشتی دەکرێ لە دوو خاڵی گشتی دە پۆلێن‌بەندی بکرێ:
١_ پاراستنی ئەهوەنی و ئەمنییەتی نێونەتەوەیی کە دەبێتە پەرەی هێژمۆنی ناوچەیی ئێران لەناوچەی کەنداو و رۆژهەڵاتی ناوین‌دا.
٢_ پاراستنی ئەهوەنی و ئەمنییەتی نەتەوەیی کە دەبێتە هۆی هێژمۆنی دەسەڵاتی حکوومەت لەناو خۆ، لاواز بوونی بەرەی دژبەری دەسەڵات لەناوخۆ، سەرکووتی هاسان تری هەرجۆرە نارزایەتێکی ناوخۆیی و سەقامگرتووتر بوونی دەسەڵاتی ناوخۆیی.
بێ گومان لەپاش تێرۆرە پووچەڵ کراوەکەی بارەگای سەرەکی کۆمەڵە و تێرۆری شەوی یەڵدای بەردەم قەڵا ، گوشار و هەرەشەکانی کۆماری ئیسلامی زۆر زیاتر و چرتر دەبێتەوە، چما هێزی کوردی نەتوانێ لە دەوری گوتارێکی هاوبەش و پلاتفۆرمێکی کاری هاوبەش کۆببنەوە زەرەر و زیانی قەرەبوونەکراوەیان بەر دەکەوێ.
ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە.
پرۆژەو یاسای فراکسیۆنی دەوڵەتی یاسا(باڵی عێراقی سوپای قودس) لە پەرلەمانی عێراق بۆ دەرکردنی حیزبەکانی دژبەری حکومەتی ئێران لە خاکی عێراق زۆر لەوە دەچێ پشتیوانی بەشیکی زۆری فراکسیۆنەکانی تری عێراق و حەتتا بەشێک لە حیزبە کوردێکانیش بەدەست بێنێ، ئەوەی لەم ناوەدا گرینگە ئەوە نیە کە ئاخۆ ئەم پرۆژەیە چەندە دەتوانێ لەلایەن دەسەڵاتی ناوەندێوە بێتە بواری جێ‌بەجێ کردن، ئەوەی گرینگە ئەوەیە کە دەبێتە یاسایەک بۆ لێدانی و بەربەرەکانی لەگەڵ ئۆپۆزیسیونی کوردی رۆژهەڵات، واتە لەمەوبەدوا بەرەبەرەکانی دەسەڵاتی ناوەندی لەگەڵ کوردی رۆژهەڵاتی یاسایی دەبێت، ئیتر ئەو جارە دەستی ئێران زۆر لەجاران ئاواڵاتر دەبێت بۆ هەرجۆرە کردەوەیەکی تێرۆریستی و دژبەرانە(ئەگەرچی هەتا ئێستاشی لەگەڵ بێ لە هیچ کردەوەیەکە دژە مرۆیی خۆی نەپاراستوە)، لەهەمان کاتیش دا بەلەبەر چاوگرتنی ئەگەری هەرجۆرە ئاڵوگۆری و وەرچەرخانێک لە سیاسەت دا ئەمە دەتوانێیە لەداهاتوودا زۆر بە دژ کوردی رۆژهەڵات لەناو جوغرافیای عێراق‌دا کەڵکی خراپی لێ وەربگیرێ، لەراستی‌دا دەنگ هێنانەوەی وەها پرۆژە یاسایەک بەمانای یاسایی کردنی هەموو جۆرە کردەوەیەکەی نیزامی، سیاسی و... هتدە بە دژ ئۆپۆزیسیونی کوردی رۆژهەڵات لە عێراق و هەرێمی کوردستانه.
ئێران لەپاش دوور کردنەوە و وەدەرنانی موجاهیدنی خەڵق لە عێراق، ئێستا تەواوی هێز و وزەی وەگەر خستوە بۆ لەناو بردن و دوور کردنەوەی هێزی کوردی لە سنوورەکانی ئەو پرۆژەیە دەتوانێ زۆر ئامانج بپێکێ بەڵام دوو ئامانجی سەرکی و بنەرەتی ئەو پرۆژەیە بریتین لە:
یەکەم: لە ئاستی ناوەچەیی دا هێژمۆنی و دەسەڵاتی خۆی بەربڵاوتر بکات و هیچ هێز و لایەنێکی کێشە خوڵقێن و قەیران ساز بۆ دەسەڵاتی ئەو لە دەور و بەری سنوورەکان نەمێنن، لە ستراتژی و پلانی گشتی ئەمنی حکوومەتی ئێران‌دا هێزی ئۆپۆزیسیون و دژبەرانی کۆماری ئیسلامی نەک وەک بەرهەمی سیاسەتی پاوانی دەسەڵات و پێشیل کردنی مافی مرۆڤ و نەتەوەکانی بن دەست کە وەک پیلانی دژبەرانی کۆماری ئیسلامی، ئەمپریالیسم و سەهیونیسمی نێونەتەوەیی پێناسە دەکرێ، هەر بۆیە پێویستە بۆ پاراستنی ئەهوەنی و ئەمنییەتی ناوچەیی و نێونەتەوەیی ئێران ئەو هێزانە لەناو ببردرێن.
دووهەم: لە ئاستی ناوخۆیی بە دوور کردنەوەی ئۆپۆزیسیونی دژبەر و پچرانی پێوەندی نزیک و تا راددەیەک راستەوخۆی خەڵک لەگەڵ ئۆپۆزیسیون، بتوانێ هێژمۆنی ئەمنی و دەسەڵاتی بێ رەکابەری خۆی سەقامگرتوتر بکات، واتە بەلەناو بردن و دوور کردنەوەی ئۆپۆزیسیون لە نزیکی سنوورەکان و پچراندنی پێوەندی نزیک و راستەوخۆی کۆمەڵانی خەڵک لەگەڵ ئۆپۆزیسیون، پلان و ستراتژی ئەمنی و ئەهوەنی نەتەوەیی دەسەڵات سەرکەوتوو دەبێت و ئەمەش دەسەڵات سەقامگرتووتر دەکات.
بەگشتی ئەوەی ئێران لەم ناوەدا بە لەناو بردن و دوور کردنەوەی ئۆپۆزیسیون لە سنوورەکانی خۆی دەستی دەکەوێ بە گشتی دەکرێ لە دوو خاڵی گشتی دە پۆلێن‌بەندی بکرێ:
١_ پاراستنی ئەهوەنی و ئەمنییەتی نێونەتەوەیی کە دەبێتە پەرەی هێژمۆنی ناوچەیی ئێران لەناوچەی کەنداو و رۆژهەڵاتی ناوین‌دا.
٢_ پاراستنی ئەهوەنی و ئەمنییەتی نەتەوەیی کە دەبێتە هۆی هێژمۆنی دەسەڵاتی حکوومەت لەناو خۆ، لاواز بوونی بەرەی دژبەری دەسەڵات لەناوخۆ، سەرکووتی هاسان تری هەرجۆرە نارزایەتێکی ناوخۆیی و سەقامگرتووتر بوونی دەسەڵاتی ناوخۆیی.
بێ گومان لەپاش تێرۆرە پووچەڵ کراوەکەی بارەگای سەرەکی کۆمەڵە و تێرۆری شەوی یەڵدای بەردەم قەڵا ، گوشار و هەرەشەکانی کۆماری ئیسلامی زۆر زیاتر و چرتر دەبێتەوە، چما هێزی کوردی نەتوانێ لە دەوری گوتارێکی هاوبەش و پلاتفۆرمێکی کاری هاوبەش کۆببنەوە زەرەر و زیانی قەرەبوونەکراوەیان بەر دەکەوێ.
ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە.
