• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٧ی ئوتی ٢٠١٧ی زایینی - ٢٦ی گەلاوێژی ١٣٩٦ی هەتاوی  

ئەندام پارلمانێکی کانادا پشتیوانیی خۆی لە ڕاسان دووپات کردەوە

زایینی: ٠٥-٠٣-٢٠١٧ - هەتاوی: ١٣٩٥/١٢/١٥ - ١١:٣٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئەندام پارلمانێکی کانادا پشتیوانیی خۆی لە ڕاسان دووپات کردەوە
کوردستان میدیا: ھەیئەتێکی حیزبی دێموکراتی کوردستانی ئێران لە ڕۆژئاوای کانادا لەگەڵ ئەندامێکی پارلمانی کانادا دیداریان کرد.

ڕۆژی ھەینی ١٣ی ڕەشەممەی ١٣٩٥ی هەتاوی، ھەیئەتێکی حیزبی دێموکراتی کوردستانی ئێران، پێکھاتوو لە ھاوڕێیان شەھریار ویژە، ئیسماعیل ئیبراھیمی و تۆفیق عەزیزی، لە شاری کاڵگاری لەگەڵ "تام کمیک" ئەندامی پارلمانی کانادا و سەرۆکی گرووپی پارلمانی دۆستانی کورد کۆبوونەوە و دوایین ئالوگۆرەکانی کوردستان و ناوچە و ھاووڵاتیانی کوردی کانادایی کەوتە بەر باس ولێکۆڵینەوە.

سەرەتا نوێنەری حیزبی دێموکرات وێڕای پیرۆزبایی ساڵوەگەری دامەزراندنی گرووپی دۆستانی کورد لە پارلمانی کانادا بە ھەوڵی "کمیک"، سپاسی بەرێزیانی کرد بۆ دوایین وتاری لە پارلمانی کانادا و پشتگیری ڕاشکاوانەی لە گەلی کورد و "ڕاسان"ی ڕۆژھەڵات، ناوەرۆکی تێرۆریستی، دیکتاتۆری و دژەمرۆڤانەی ڕێژیمی ئیسلامیی ئێرانی شی کردەوە و بە وردی لەسەر ڕەوشی زیندانییە سیاسییەکان و چالاکانی سیاسی و فەرھەنگی بە تایبەت بڕیاری دادگای ڕێژیم بەسەر خەڵکی بێتاوانی گووندی "قەرەسەقەل"دا دوا و داوای کرد "کمیک" لە ھەموو تواناکانی پارلمان کەڵک وەر بگرێت بۆ ڕیسواکردنی کۆماری ئیسلامی و یارمەتی بە گیراوانی سیاسی کورد لە زیندانەکانی ئەو ڕێژیمە بدات.

لە درێژەی ئەو دانیشتنەدا، "کمیک" سپاسی ھەیئەتی حیزبی دێموکراتی کرد و وێڕای شی کردنەوەی ھەوڵەکانی بۆ بەرینترکردنی کۆمەڵەی پارلمانی دۆستانی کورد، و پشتگیری لە مافەکانی گەلی کورد بە گشتی و ڕۆژھەلاتی کوردستان بە تایبەتی بەڵێنی دا بەردەوام بێت لە پشتیوانی بۆ "ڕاسان"ی نوێی گەلەکەمان لە ڕۆژھەلاتی کوردستان.

لە کۆتایی ئەو دیدارە دا، ھەیئەتی حیزبی دێموکرات وڵامی چەند پرسیارێکی مێژووی سیاسی کمیکی دایەوە و بەشێک لە مێژوو و کلتووری گەلەکەمان کەوتە بەر باس.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٦ لەم ژمارەیەدا:

ــ کوردی نوێنەر، نوێنەری کورد
ــ دۆستی خەباتێک
ــ پیلانی دابڕان لە زمانی کوردی پـــــووچـــەڵــە!
ــ گشتپرسی بۆ سەربەخۆیی لە باشووری کوردستان لە نێوان
دوو هێزی ناسیۆنالیستیی "ناوەندگەرا" و " ناوەندڕەتێن"