• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٦ی دێسامبری ٢٠١٧ی زایینی - ٢٥ی سەرماوەزی ١٣٩٦ی هەتاوی  

ئەرکی تاکی کورد لە دژی خیانەت و جاشایەتی

زایینی: ٠٦-٠٣-٢٠١٧ - هەتاوی: ١٣٩٥/١٢/١٦ - ١٠:١٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئەرکی تاکی کورد لە دژی خیانەت و جاشایەتی
عەلی مۆنەزەمی

خیانەت مێژوویەکی بە بڵندایی مێژووی مرۆڤایەتی هەیە. لە مێژووی شۆڕشەکانی کورد بۆ ئازادی و ڕزگاریش خیانەت پەیڤێکی نامۆ نیە. هەر لە شۆڕشی ئەمیر خانی لەپ زێڕینەوە بگرە کە تێیدا ئەحمدی لێتانی بە ئاشکرا کردنی سەرچاوەی ئاوی قەڵای دم دم بوو بە هۆی تێکشکانی شۆڕشی دم دم، تا دەگاتە خەباتی پارتە سیاسییەکانی ئەمڕۆی کورد کە بۆ ئازادی و ڕزگاری تێدەکۆشن و ڕۆژانە شاهێدی پیلان و خیانەتی سەدانی وەک ئەحمدی لێتانین، هەر جارە و بە ڕەنگێک گەلی کورد مانای ئەم پەیڤە قیزەونەی تەجروبە کردووە و دەیکا. ئامانجی ئەم وتارە نووسینی مێژووی خیانەت نیە، هەر چەند کە هیچ پەیڤێک بێ مێژوو نییە.

هەر وەک چۆن لە سەردێڕی وتارەکەدا دیاری کراوە، لێرەدا باسی ئەرکی تاکی کورد دەکەین لە دژی دیاردەی خیانەت و جاشایەتی. کە باسی ئەرک دێتە گۆڕێ، پێویستە بوترێ کە؛ ئەرک نرخێکی ئەخلاقی- یاساییە.

ڕۆژهەڵاتی کوردستان هێشتا خاوەنی یاسایەکی بنەرەتی نیە کە ئێمە بتوانین کەڵکی لێ‌وەربگرین و یارمەتیدەرمان بێ بۆ ئەم بەحسە. بۆیە لە ڕووی ناچاری، لە لایەک لە یاسای هەندێک وڵاتانی دێموکراتیک یارمەتی وەربگرین و لە لایەکی دیکەش لە فەلسەفەی ئەخلاقی. کە لێرەدا تەنیا بۆ نموونە لە یەکێک لە تئۆرییەکانی فەلسەفەی ئەخلاقی و تەنیا بە ئاماژە، باس لە یاسای بنەرەتیی چەند وڵاتێک دەکرێ لە بارەی خیانەت و لەو چارچێوەیەدا بۆ دەستنیشان کردنی ئەرکی تاکی کورد دەدوێین و ئاکامێک وەردەگرین.

پێش ئەوەی کە بچمە نێو باسەکەوە، مانا کردنەوەی چەند پەیڤێک پێویستە

• خیانەت:

خیانەت هەموو ئەم نرخە نەرێنیانە لە خۆ دەگرێت: تێکدەری، بێ‌وەفایی، ئاژاوەگێڕی، بێ‌قانوونی، پەیمان شکێنی، فیتنە، نافەرمانی، سەرپێچی کردن، ئاژیتاسیۆن، پیلانگێڕی، هاوکاری لە گەڵ دوژمنان و شکاندنی باوەڕەکان.

خیانەت وشەیەکی زاگۆنییە. لە ویکیپێدیادا وەها شی کراوەتەوە کە؛ خیانەت واتە فێڵ کردن یان ساختەکاری کردن. یانی کردەوەیەک بە دژی سەربەخۆیی یان پاراستنی وڵات. سێ شێوە خیانەت هەیە: خیانەتی گەورە، خیانەت بە وڵات و خیانەت لە کاتی شەڕدا. خیانەتی گەورە یانی خیانەت بە دژی یاسای بنەڕەتیی وڵات و خیانەت بە دژی ڕێبەری وڵات.

خیانەت بە وڵات یانی خیانەت لە سەبەخۆیی و پاراستنی وڵات. خیانەت لە کاتی شەڕدا، یانی هاوکاری و بەشداری کردن لە گەڵ دوژمن لە کاتی شەڕدا.

• جاش:

زۆر کەس مامۆستا هەژار بە دانەری ئەم پەیڤە دەناسێنن کە بۆ کەسانی خائین و بە کرێگیراو بە کاری بردووە و ئێستا لە ئەدەبیاتی سیاسی لە کوردستاندا جێ کەوتووە و بەکار دەهێنرێت.

کاتێک کە باس لە ئەخلاق دەکرێت، یانی باسی ئەو بەشە لە فەلسەفە دەکرێت کە نۆرمەکانی جیاکردنەوەی چاکە لە خراپە دەستنیشان دەکات.

یەکێک لە باڵکێشترینی ئەم فەلسەفانە، فەلسەفەی "ئێمانۆئێل کانت"ە کە بە "ئەخلاقی ئەرک" بەناوبانگە. فەلسەفەیەک کە نەک لە سەر ئاکامی کردەوەکان، بەڵکوو لە سەر ئامانج لە کردەوەکان پێداگری دەکا.

یانی ئەوەی کە ئەگەر ئامانج لە کارێک، ئامانجێکی باش بێ، یانی ئەم کارە لە باری ئەخلاقیەوە دروستە و ئەگەریش ئامانج لە کارێک نیەتێکی خراپی لە پشتەوە بێ، ئەوە ئەو کارە خراپ و نائەخلاقیە. بە باوەری کانت، ویستی باش، باشترین و لە سەرووی هەموو شتەکانە و هەر کارێکی دروست لە ئەم شێوە بیرکردنەوەیەوە سەرچاوە دەگرێ کە؛ کردنەکەی بە ئەرک دەژمێردرێ. یانی ئەنجامدانی هەر کارێک کە بە ئەرک دادەنرێ، باش و دروستە. وەک" ئارنە نەس" دەڵێ: "گەورەترین شتێک کە مرۆڤ دەتوانێ وەدەستی بێنێ، ئەو هەیەجان و کەلەجانەیە کە مرۆڤ بۆ بەجێگەیاندنی ئەرکەکانی هەیەتی." کانت بۆ ئەنجامدانی کاری باش و دروست لە ڕوانگەی ئەخلاقییەوە، لیستەیەک لەم جۆرە کارانە بە پێویست نازانێ.

بەڵکوو قانوونێک بۆ ئەم جۆرە کارانە دەستنیشان دەکات کە گشتگیرە. ئەو یاسایە ئەوەیە کە؛ "مرۆڤ دەبێ بە شێوازێک تەڤبگەڕێ و عەمەل بکا کە هۆی ئەم کارە ببێتە یاسایەکی گەردوونی. یانی ئەو هۆیە کە دەبێتە هاندەر بۆ ئەوەی کە کەسێک کارێک بکات، دەبێ بۆ هەموو کەسێکی دیکەش کە ئەم کارە دەکەن، قبوول بکرێ و بە ڕەوا بزانرێ. ئەم یاسایەش نابێ وەک شتێکی ئاوارتە، بەڵکوو وەک ئەرک بە کار ببردرێ.

بۆ ئەوەی کە کۆمەڵێک مرۆڤ بتوانن خۆیان وەک نەتەوە پێناسە بکەن، خاوەنی هەندێک تایبەتمەندیی هاوبەشن و بە پێی ئەو تایبەتمەندییە هاوبەشانە خۆیان بە تاکێک لەو نەتەوەیە بزانن. بە پێی ئەو تایبەتمەندییانە، وەها کۆمەڵێک دەبێتە خاوەنی هاوپەیمانەتییەکی کۆمەڵایەتی و پاراستنی وەها هاوپەیمانەتییەک و بەرژەوندییەکانی دەبێتە ئەرکی تاکی ئەندام لەو کۆمەڵگایەدا. نەتەوەی کوردیش بە پێی وەها تایبەتمەندییەک خاوەنی هاوپەیمانەتیی کۆمەڵایەتیی تاکی کورد و بەرژەوەندییە نەتەوەییە باڵاکانە کە پاراستنی دەبێتە ئەرکی تاکی کورد.

هەر کەسێک بە هەر شێوازێک هەوڵی لاوازکردنی وەها هەوپەیمانەتییەک بدات و بەرژەوەندییەکانی بخاتەوە مەترسیەوە، وەک کەسێکی پەیمان شکێن و هەر لەو ڕاستایەدا بە کەسێکی خائین پێناسە دەکرێ. وەها هەوڵێک دەتوانێ خاوەنی شێوازی جۆراوجۆر بێ. وەک ئەو کەسانەی کە زانیاری کۆ دەکەنەوە لە سەر پێشمەرگە (کە هێزی پاراستنی گەل و بەرژەوەندییەکانیەتی)، کە لە کوردیدا بە سیخوڕ ناودێر کراون، جاشایەتی کە پێشتر زۆرتر بۆ کوردەکانی چەکدار کە هاوکارییان لە گەڵ دوژمن دەکرد دەوترا، بەڵام ئێستا بە پێی پێشکەوتنی کۆمەڵگا شێوەکانی دیکەی خیانەتیش ئەو پێناسەیەیان بۆ بەکار دەبردرێ (وەک ئەو کەسانەی کە بە نووسین پشتیوانی لە پیلانەکانی دوژمن دەکەن و بە جاش قەڵەم ناسراون) و هەروەها ئەوانەی کە ئەمڕۆ مۆرەی ڕێژیمن و مەوادی هۆشبەر لە نێو لاوان و جڤاکی کوردەواریدا بڵاو دەکەنەوە. ئەوانەی کە خیانەت و جاشایەتی دەکەن، بۆ دادپەروەرانە نێشاندانی کاری خۆیان پەنا بۆ زۆر هۆ دەبەن و دەیانەوێ ڕاست و دروستبوونی کارەکانی خۆیان بسەلمێنن. وەک ئەوەی کە دەرەتانی دیکەیان نیە، مەجبوورن، یان ئەوەی کە ئێمە و نەتەوەی چەوسێنەری ئێمە برای یەکین و خاوەنی یەک وڵات و یەک ئۆلین و... هتد. ئەو جۆرە هۆیانەی کە ئەوان دەیانهێننەوە بە هاسانی نێوەرۆکی بیر و ئەندیشەی ئەوان دەردەخات و لە باشترین حاڵەتی مومکیندا ئێگۆئیست بوونی ئەوان دەسەلمێنێ، نەک دادپەروەرانەبوونی کارەکانیان. ئەوان تەنانەت بۆخۆشیان بڕوایان بە کارەکانیان وەک ئەرکێک لە ناخەوە سەرچاوەی گرتبێ نییە. بەڵام دیسانیش حازر نین لە ئەو کارە بێ ئەخلاقییانە دەست هەڵبگرن.

هەر وەک چۆن لە سەرەوە ئاماژەی پێ کرا، کانت یاسایەکی دەستنیشان کردووە کە ئێمە دەتوانین پشتی پێ ببەستین بۆ ئەوەی کە کارەکانمان ڕەنگێکی ئەخلاقی بە خۆیانەوە بگرن. یانی ئەوەی کە هەر هۆکارێک کە ئێمە بۆ ئەنجامدانی کارێک بۆ خۆمان بە ڕەوا دەزانین، دەبێ ئەو هۆکارە بۆ هەموو کەسێکی دیکە و هەموو جێگایەک، وەک یاسایەکی گەردوونیی قابیلی قبوول بێ. گەلۆ بە پێی ئەم یاسایە، جاشایەتی یان خیانەت دەتوانێ ببێتە یاسایەکی گەردوونی؟ بە دڵنیاییەوە کەسێک ناتوانێ وەها ئیدیعایەک بکات. کە واتە پێچەوانەی وەها کارێک یاسایەکی گەردوونیە و هەر پێگاوەک لە پێناو لە نێو بردنی جاشایەتی و خیانەتدا یاسایەکی گەردوونی و ئەرکێکی ئەخلاقییە. ئەو ئەرکە ئەخلاقییە، ئەرکی تاکی کوردیشە. بۆیە ڕوناکبیران، خوێندکاران، مامۆستایانی ئایینی، مامۆستایانی قوتابخانەکان و زانکۆکان و بە گشتی هەموو تاک و چین و توێژەکانی کۆمەڵی کوردەواری بۆ نەهێشتنی دیاردەی خیانەت و جاشایەتی و ڕوونکردنەوەی ئاکامەکانی وەها دیاردەیەک ئەرکدارن و ئەوە ئەرکی نەتەوەیی و ئەخلاقیی ئەوانە. لە بەر ئەوەی کە خیانەت و جاشایەتی هەموو جۆڕەکانی خیانەتی لە یەک جێگادا هەیە. خیانەتی گەورە یانی خیانەت بە دژی یاسای بنەڕەتیی وڵات و خیانەت بە دژی ڕێبەری وڵات (ئەگەر چی هێشتا یاسای بنەڕەتیمان نییە)، خیانەت بە وڵات یانی خیانەت لە سەبەخۆیی و پاراستنی وڵات و خیانەتی لە کاتی شەڕدا یانی هاوکاری و بەشداری کردن لە گەڵ دوژمن لە کاتی شەڕدا.

باشە ئێمە کە خاوەنی یاسای بنەڕەتی نین، چی بکەین لە بەرانبەر خیانەتکاران و جاشەکاندا؟ لە وڵاتانی دیکەدا لە گەڵ وەها دیاردەیەک چلۆن هەڵسوکەوت دەکرێت؟

هەر وەک کە پێشتر و لە سەرەوەدا ئاماژەی پێ کرا، خیانەت یانی لادان لە وەفاداری بە نیسبەت وڵات یان حاکمییەت، بە تایبەتی دەستپێکردنی شەڕ و یان ئاگایانە و بە زانینەوە هاوکاری کردن لە گەڵ دوژمنی خۆی (دوژمنی نەتەوەکەی خۆی)، دانی زانیاریی هەستیاری نەتەوەیی بە دوژمن. لە زۆربەی وڵاتاندا سزای وەها کارێک، کوشتنە. کەسێک کە وەها کردەوەیەک دەکات، پێی دەوترێت خائین. خیانەت پرسگرێکێکی گەورەیە بە دژی کۆمەڵگای ئازاد. لە کۆمەڵگا دێموکراتیکەکاندا کە خەڵک لە ڕێگای نوێنەرانیانەوە کارەکانیان تێدەپەڕێنن، داوا دەکرێت کە ئۆپۆزیسیۆن، ئۆپۆزیسیۆنێکی وەفادار بێ. بەڵام ئەو وەفادارییەش نایەتە ئەم مانایە کە ڕێگا لە کەسانی دژبەر بگیردرێت کە بە ئازادی بژین و بیر و ڕای خۆیان دەرببڕن، یان کاری ڕێکخراوەیی خۆیان بکەن.

بەڵام لە سیستمە تەواویەتخوازەکاندا بە هاسانی دەتوانن کەسێک بە هۆی دژایەتی لەگەڵ فەلسەفەی گرووپی حاکم، بە خیانەت تۆماتبار بکەن. بەڵام لە هەر وڵاتێکدا، بۆ ئەوەی کە بەڕێوەبەرانی وڵات بتوانن سیستمی سیاسیی وڵات بپارێزن، دەبێ ئەو دەرفەتەیان هەبێ کە شوێنپێی دوژمنانی نێوخۆیی هەڵبگرن و ئەگەر پێویست بکات لە بەرانبەریاندا بە توند و تیژی ڕابوەستن.

بۆ نموونە لە یاسای بنەڕەتیی ئامریکادا ئەو کەسانەی کە شەڕ بەسەر ئامریکادا بسەپێنن یان پەیوەست بن بە ڕەفی دوژمنانی یان هاوکاری لە گەڵ دوژمنان بکەن و ئارامیی و پاراستنی وڵات تێکبدەن، وەک خائین و خیانەتکار دەناسرێن. بەڵام بۆ ئەوەی کە کەسێک وەک خائین بناسێندرێت، پێویستی بە سەلماندن هەیە، کە لانیکەم دوو کەس بە سوێندخواردن لە سەری شەهادەت بدەن. خیانەت وەک جینایەتێک بە دژی هەموو هاووڵاتیان دێتە ئەژمار و بە شکلێکی ساکار جەزاکەی لەسێدارەدانە.

لە بریتانیا، لە سەدەکانی نێوەراستەوە باس لە خیانەتی گەورە وەک کارێکی نایاسایی کراوە و لە ڕادەی کوشتندا حسابی بۆ کراوە، و سزاکەی ئەوە بووە کە سەری کەسی خائین لێ‌بکرێتەوە.

خیانەت یەکێک لە مێژینەترین و هەستیارترین ژێرپێنانی یاسایە لە کۆمەڵگای سیاسیدا کە لە وڵاتی بریتانیا لە ١٣٥١ دا کەوتە قاڵبی یاساوە و وڵاتانی ئینگلیزی زمان قانوونەکانیان لە سەر خیانەت لەو قانوونەڕا وەرگرتووە. بەڵام ئێستا کە پاشا گرینگیی جارانی نەماوە و جێگاکەی داوەتە دەوڵەت، هەر کارێک کە بە دژی دەوڵەت و تێکدانی ئەمنیەت و پاراستنی وڵات/ حکوومەت بکرێ، بە خیانەت دەژمێردرێ و لە کانادا حوکمی زیندانی هەتاهەتایی هەیە.

کە واتە، کاتێک کە گەلی کورد هێشتا نە تەنیا خاوەنی مافی دیاریکردنی چارەنووسی خۆی نیە، بەڵکوو خاوەنی سەدان دوژمنی ڕەنگاوڕەنگە و ڕۆژ نیە بە پیلان زەبر لە نەتەوەی ئێمە نەوەشێنن، پارتە سیاسییە خەباتکارەکان چ هەڵوێستێکیان دەتوانێ هەبێ لە بەرانبەر دیاردەی جاشایەتیدا؟ گەلۆ ئەوە نیە کە حدکا و زۆر حیزبی سیاسیی دیکە بە ڕاگەیاندن، کاری ڕێکخراوەیی و لە هەموو کاناڵێکی مومکینەوە ئەو کەسانەی کە خیانەت دەکەن ئاگادار دەکەنەوە کە تا درەنگ نەبووە دەست لە وەها کارێک هەڵبگرن و بگەڕێنەوە باوەشی گەل!؟ کە واتە ڕێبەران و شۆڕشگێڕان ئەرکی خۆیان بە جێ هێناوە و پێویستە خیانەتکارانیش بە ئەرکی خۆیان هەستن و دەست لە خیانەت هەڵگرن. هەر کەسێک لە بەرانبەر کار و کردەوەی خۆیدا چەندین جار بەرپرسیارە. بەرپرسایەتی وەک تاک کە پەیوەندی بە چارەنووسی خۆیەوە هەیە، بەرپرسیار لە بەرانبەر بنەماڵەکەی کە لە کۆمەڵگای ئێمەدا بخوازین و نەخوازین کارەکانی تاک لە سەر حیسابی بنەماڵەش دادەنرێ بە باش یان خراپ، و بەرپرسایەتیی نەتەوەیی. هیوام وایە کە ڕۆژێک بێت هیچ منداڵێک و هێچ بنەماڵەیەک لە بەر کار و کردەوەی کەس و کاری شەرمەزار و سەرشۆڕ نەبێ لە بەرانبەر نەتەوەکەیدا.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٤ لەم ژمارەیەدا:

ــ قاسملوو، پرسی ژن و ڕاسان
ــ ڕاسان و پێشمەرگە
ــ ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
ــ بورجی بابل
  • مەرگی نووسەر مەرگی نووسەر
    ئه‌وه‌ ده‌زانین ده‌ق، بە تەنیا بە دێڕێک ناڵێن کە لە لێزگەیەک وشە پێکهاتبێ که‌ واتایه‌کی ئاسمانی ("په‌یام"ی نووسەر-خودا)ی لێوه‌ده‌رچێ؛ به‌ڵکوو که‌شایه‌کی فره‌رەهەندە،‌ له‌ کۆمه‌ڵه‌ نووسینێکی جۆراوجۆردا، که‌ هیچ کامیان خاوەن رەسەنایەتی نین، له‌وێدا تێکه‌ڵ به‌ یه‌ک ده‌بن و له‌یه‌ک ده‌نگوێن.
  • سامانی وڵات بۆ تیرۆریستان، وێرانی و دواکەوتوویی بۆ کوردستان سامانی وڵات بۆ تیرۆریستان، وێرانی و دواکەوتوویی بۆ کوردستان
    ئێستا دوای تێپەڕبوونی ماوەیەکی زۆر لە ڕووداوەکە، خەڵکی ناوچەکە لە زۆر ڕووەوە لە ژێر گوشاردان و سەرمای زستان و باران لەلایەک، نەبوونی خانوو یان تەنانەت لە هەندێک شوێن خێوەتیش لەلایەکی‌تر خەڵکی نیگەران کردووە.
  • راسان و پێشمەرگە راسان و پێشمەرگە
    لە راساندا گۆڕەپانی خەبات ئەوەندە بەرفراوان بووە كە دەرفەتی بۆ یەك بە یەكی ئەندامانی كۆمەڵگا رەخساندووە تاکوو بەپێی شوێن و رێگەی خۆی هەنگاو بنێت و هیچ جیاوازییەك لە بواری ئەرك و جێبەجێ كردنەوە بوونی نییە، تەنیا ئەوە پێویستە ئەو كردارە لە خزمەتی رزگاركردنی نەتەوەدا بێت.
  • بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا
    هەموو لایەک دەبێ باش بزانن کە شارستانیەت و کولتوور شتی دینامیکن و لە رەوتی مێژوودا دەتوانن تووشی ئاڵوگۆڕ بن، بەرز بن یان لەنێوبچن.
  • زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن
    دوایین ڕاپۆرتە پێوەندیدارکان بە بارودۆخی ژیان پاش بوومەلەرزەی ٢١ی خەزەڵوەر لە پارێزگای کرماشان کە زۆرتر له ١٠هزار کوژرا و بریندا لێکەوتەوە، دەری دەخات کە سەرباری تێپەڕینی زۆرتر له سێ هەفته بەسەر ئەم تراژێدیا، هێشتا هیچ هەنگاوێکی شوێندانەر بۆ ساڕێژکردنەوەی برینی زامداران هەڵنەگیراوە.
  • کارەساتی بومەلەرزه لە کرماشان و بێخەمیی ڕێژیم کارەساتی بومەلەرزه لە کرماشان و بێخەمیی ڕێژیم
    ئەمە لە حاڵێکدایە کە بەشێکی کەم لە ماڵە ڕووخاوەکان پشکێندراون و ئاماری بی سەروشوێنەکان هێشتا دیار نییە و مەزەندە دەکرێ کە ئاماری کوژراو و بریندارەکان زۆرتر بێت.
  • قاسملوو، پرسی ژن و ڕاسان قاسملوو، پرسی ژن و ڕاسان
    لە ئاخاوتنێکدا لە ٨ی مارسی ١٩٨٩ی زایینیدا، دوکتور قاسملوو پێداگری لەسەر ئەوە دەکا کە "خەبات بۆ ئەوەی ژن مافی خۆی وەربگرێ، بە هیچ شێوەیەک جودا نییە لە خەباتی میلەتەکەمان بۆ دێموکراسی و خودموختاری."
  • یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن
    چونکە تا کاتێک ژنانی عەرەبستان بتوانن بە بێ مۆڵەتی پیاوی بنەماڵە – باوک، هاوسەر، جاری وایە تەنانەت کوڕەکەی خۆی – کار بکەن، بڕۆنە سەفەر، کاروباری یاسایی ئەنجام بدەن و بەشێوەیەکی دیکە بەشداری لە ژیانی کۆمەڵایەتی بکەن، وڵات ناتوانێ هەست بە هێزی ئابووری نیوەی دیکەی کۆمەڵگا بکات.
  • ئێرە ڕۆژهەڵاتە بە کاتی کرماشان ئێرە ڕۆژهەڵاتە بە کاتی کرماشان
    لە چەند ڕۆژی ڕابردوودا بەردەوام باس له نەبوونی خزمەتگوزاری و گوێنەدانی بەرپرسانی ڕێژیم لەو بارەیەوە کراوە بەچەشنێک کە نەتەنیا یارمەتی بە خەڵک نادەن بەڵکوو تەنیا بۆ سەیر و سیاحەت دەچنە شوێنی بوومەلەرزەکە؛ ئەو باسەش لە ڕاگەیەندنەکانی ڕێژیم لەوانەش "ایرنا" و "ایسنا" بڵاو بووەتەوە هەروەها هەندێک لە ڕۆژنامەکانی ڕێژیم وەک "ابتکار" بە تیتری گەورە نووسیان "تور زلزلە گردی!" .
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    واتای دووهەم: ئەو ڕێژە ئاوە، بۆ وەدیهێنانی خواست و ویستی کۆماری ئیسلامی زۆر کەمە، واتە ژینگە گەورەترین بەربەستی سەر ڕێی کۆماری ئیسلامییە بۆ وەدیهێنانی خەونەکانی.
  • ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
    شەڕی داگیرکەرانی کوردستان بەرامبەر بە نەتەوەی کورد بە گشتی و هێزی پێشمەرگەی کوردستان بەتایبەتی، تەنیا بە ڕوبەڕووبوونەوەی نیزامی نەبەستراوەتەوە بەڵکوو دوژمن لە ڕێگای جیاجیا و یەک لەوان پڕوپاگەندەی بێبنەما بەردەوام هەوڵ دەدات پرش و بڵاوی لە نێو ماڵی کوردان دروست بکات تاکوو بەمشێوەیە زیاتر بتوانێت بە ئامانجە گڵاوەکانی بگات.
  • بورجی بابل بورجی بابل
    رووداوە کۆنە مێژووییەکان و تەنانەت ئوستوورەکانیش دەڵێن بۆ ئەوەیکە کۆمەڵگایەک لاواز بکەی تاکوو خۆی بەرەو پووکانەوە بڕوا، باشتر وایە کە ئاژاوەی تێ بخەی و خۆیان بە خۆیانەوە سەرقاڵ بکەی تاکوو هەم گرفتە سەرەکییەکە لەیاد بکەن و هەم تەنیا بە نێوخۆیانەوە خەریک بن و خۆیان ببنە هۆکاری داڕزاندنی خۆیان.
  • عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ
    لە پێوەندی لەگەڵ زەویلەرزەی پارێزگای کرماشاندا، بەرێزعەلی ئەشرەف مەجیدی، ئەندامی جێگری کۆمیتەی ناوەندیی حیزبی دێموکراتی کوردستانی ئێران وڵامی چەند پرسیارێکی ڕۆژنامەی کوردستانی داوەتەوە کە سەرنجتانی بۆ ڕادەکێشین:
  • دانیشتن لەگەڵ ئۆپۆزیسیۆنی ئێرانی و چەند سەرنجێک دانیشتن لەگەڵ ئۆپۆزیسیۆنی ئێرانی و چەند سەرنجێک
    بەڵام وتووێژ و کارکردن لەگەڵ ئۆپۆزیسیۆنی ئێرانی لە هەندێک بابەت دا زۆر جیاوازییەکی لەگەڵ قسەکردن لەگەڵ ڕێژیمی کۆماری ئیسلامی دا نییە بەڵکوو لەوانەشە خەساری زۆرتر بێت؛ بۆیە لە پێوەندی لەگەڵ ئەو نزیک‌بوونەوە پێویستە چەند خاڵ بەم شێوەی خوارەوە لە بیر نەکرێن.