• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ژانویەی ٢٠١٨ی زایینی - ٣٠ی بەفرانباری ١٣٩٦ی هەتاوی  

ڕاسان، مۆتەكەی كۆماری ئیسلامیی ئێران!

زایینی: ٠٦-٠٣-٢٠١٧ - هەتاوی: ١٣٩٥/١٢/١٦ - ١٠:٣٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕاسان، مۆتەكەی كۆماری ئیسلامیی ئێران!
جەمیل كولاهی

بە پێی ئەو هەواڵانە كە لە ماوەی ڕابردوودا بڵاو بوونەتەوە، كوتلە سیاسییەكانی لایەنگری ڕێژیمی ئێران لە پارلەمانی عێراقدا بە فیتی ئێران دەیانهەوێ پرۆژە یاسایەك لە پارلەماندا بخەنە بەرباس كە بەو پێیە هیچ حیزبێك نەتوانێ خاكی عێراق دژی دراوسێكانی بە كار بێنێت! هەنووكە لە خاكی عێراقدا هیچ گرووپێك كە دژی دراوسێكان بجووڵێتەوە غەیری حیزبەكانی كوردستانی ڕۆژهەڵات و پەكەكە بوونی نیە! بەڵام پەكەكە لە بەرەی ئێراندایە و تەنانەت لە شەنگالیش هاوكاریی هێزەكانی عێراق دەكات! بۆیە ئەم پرۆژەیە پێوەندیی بە كوردستانی ڕۆژهەڵاتەوە هەیە!

پرسیار ئەوەیە كە كۆماری ئیسلامی لە بەرچی دەیهەوێ ئەم پرۆژەیە لە پارلەمانی عێراقدا پەسند بكرێت؟ ئایا ڕێژیم پێشتر و لە كاتی شەڕی نێوخۆدا كە كوردستانی باشوور لەو پەڕی لاوازیدا بوو، نەیدەتوانی وەها پرۆژەیەك بێنێتە ئاراوە! بۆچی لە كاتێكدا ئەم پڕۆژەیە دەخاتە ڕۆژەڤەوە كە هەرێمی كوردستان لە چاو ڕابردوو زۆر بەهێزترە و پشتیوانیی نێونەتەوەیی بەربڵاوتر و باری ئابووریی باشتری هەیە؟

بۆ گەیشتن بە وەڵامی ئەم پرسیارانە، دەبێ ئاوڕێك لە دۆخی ئێران و ناوچەكە بدرێتەوە!

ناوچەی ڕۆژهەڵاتی ناڤین لە دوای بەهاری عەرەبییەوە، بۆتە جێگەی ململانێی هێزە گەورەكان و شەڕ و ئاژاوەیەكی بێ‌وێنە هەنووكە لەو ناوچەیە لە ئارادایە. شیمانەی ئەوە دەكرێت كە ئەم شەڕە بەم زووانە بگاتە ناو سنوورەكانی ئێرانیش! هەر بۆیە دەبینین كۆماری ئیسلامی بۆ دوورخستنەوەی شەڕ لە خۆی و پاراستنی سیستمەكەی دەستی خستۆتە نێو ئەو ئاژاوانە و تەنانەت دەڵێ ئێمە سنوورەكانی خۆمان لە سووریە دەپارێزین! ڕێژیم دەیهەوێ بە پاراستنی ڕێژیمی بەشار ئەسەد و پێكهێنانی حەشدی شەعبی لە عێراق و پشتیوانی لە حووسییەكانی یەمەن و خەریككردنی عەرەبستان پێیەوە، سنوورەكانی خۆی ئارام ڕابگرێت!

بەڵام خاڵی لاوازی ئێران فرەنەتەوەبوونی ئەو وڵاتەیە! بە هۆی ئەوەی كە كۆماری ئیسلامی بە شێوەی سیستماتیك دەیهەوێ ئەو نەتەوانە لە نێو نەتەوەی باڵادەستدا بتوێنێتەوە، لە لایەن نەتەوەكانی ئێرانەوە لەگەڵ دژكردەوەیەكی توند بەرەوڕوویە و ڕۆژ لە دوای ڕۆژ قەیرانی نەتەوەیی لە ئێراندا قووڵتر دەبێتەوە! جیا لەوەش، قەیرانی ئابووری و سەركوتی لە ڕادەبەدەر كە تەنانەت بەشێك لە ڕێژیمی گرتۆتەوە و ئەو كەسانەی كە ڕۆژانێك بۆ سەپاندن و جێگیركردنی ڕێژیم لە ئەنجامدانی هیچ جینایەتێك سڵیان نەدەكردەوە، ئەمڕۆ دەستبەسەر كراون! ئەم دوو قەیرانە واتە قەیرانی ئابووری و سیاسی سیستمی دەسەڵاتداریی ئێرانیان خستۆتە لەرزە و ڕێژیم لە هەر چەشنە جووڵەیەك دەترسێت!

ئەگەر لەم سۆنگەیەوە بڕوانین بۆ مەسەلەكە بە وەڵامی پرسیارەكان دەگەین! كۆماری ئیسلامی دەیان میلیارد دۆلاری خەرجی شەڕ لە وڵاتانی ناوچەكەدا كردووە، تاكوو شەڕ نەیەتە نێو سنوورەكانی ئێرانەوە، چوونكە دەزانێ لە ئێرانی فرەنەتەوەدا هەرچەشنە شەڕ و ئاڵۆزییەك خێرا پەرە دەستێنێ! بەڵام ڕاست لەم كاتەدا حیزبی دێموكراتی كوردستانی ئێران پڕۆژەی ڕاسان دەخاتە ڕۆژەڤەوە! ئەمە بە مانای بە فیڕۆدانی هەموو ئەو پارەیە دەبێت كە كۆماری ئیسلامی بۆ پاراستنی ڕێژیم خەرجی كردووە!

واتە ئەگەر ئاژاوەنانەوەی ڕێژیم لە دەرەوە بۆ پاراستن و مانەوە و ئەمنییەتی ڕێژیم "تێز" بێت، ئەوە ڕاسان "ئانتی تێز"ە! لە پێكدادانی نێوان ئەم دوانەدا "سەنتێز" دێتە ئاراوە كە هەمان ڕزگاریی نەتەوەییە!

پێویست بە ئاماژەپێكردنە كە هەر پرۆژەیەك كە بیهەوێ سەر بكەوێ، دەبێ دوو تایبەتمەندیی هەبێت:

١. پێویستیی مێژوویی! واتە ئایا ئەم پرۆژەیە لەو بڕگە مێژووییە پێویستە یان نا! ئایا لە ئێستادا ڕاسان پێویستە یان نا؟ كە بە دڵنیاییەوە پێویستە، ئەویش بەو چەند هۆیە كە: كورد نەتەوەیەكی بندەستە و داگیركەریش یەكێك لە دڕندەترین ڕێژیمەكانی مێژوویە، بۆیە هیچ چەشنە خەباتێكی مەدەنی و ئاشتییانە لەو بەشەی كوردستاندا بە ئامانج ناگات! ڕێژیمی داگیركەر لە ژێر زەختی دەرەكی و نێوخۆییدایە و قەیرانی سیاسی و ئابووری سەرتاپای ڕێژیمی گرتۆتەوە و ڕێژیمی نوقسان كردووە، كێشەی نەتەوەیی لە ئێرانی فرەنەتەوەدا ڕۆژ لە دوای ڕۆژ قووڵتر دەبێتەوە، جیا لەوانە دۆخی ڕۆژهەڵاتی ناڤین لەو پەڕی شپرزەیی و ئاڵۆزیی خۆیدایە و ئەوە دەرفەتێكە كە كورد دەبێ بە قازانجی خۆی بیقۆزێتەوە.

٢. تا چەندە خەڵك خۆیان لە نێو پڕۆژەكەدا دەبیننەوە، واتە پڕۆژەكە دەبێ وەڵامدەری ئاواتەكانی خەڵك بێت تا جێگیر ببێت!

ڕاسان ئەو پرۆژەیەیە كە هەردووكی ئەم تایبەتمەندییانەی هەیە، هەر بۆیە كۆماری ئیسلامی كە پێشتر بە هیچ شێوەیەك ئاماژەیەكی چووكەشی بە نێوی بزووتنەوەی كوردی ڕۆژهەڵات نەدەكرد، ئێستا هەموو بەرپرسانی لە چووكە و گەورەوە ناوی دەبەن و هەڕەشەی لێ دەكەن! هەر ئەوە دەرخەری گرینگیی ڕاسانە! لایەنەكانی دیكە لە ساڵانی ڕابردوودا تیمیان ناردۆتەوە و جەولەیان كردووە! بەڵام دەبینین كە ڕێژیم بەو جەولانە ئەوەندە هەستیار نەبووە و ناوی نەبردوون، بەڵام بە ڕاسان هەراسانە و لە تاران بەردەوام باسی دەكرێت! بۆ؟ چوونكە ڕاسان تەنیا جەولە نیە، بەڵكوو پرۆژەیە وكۆماری ئیسلامیش لە مەترسیی ئەو پرۆژەیە بۆ سەر خۆی تێگەیشتووە!

ئەوەی كە ڕێژیم دەیهەوێ وەها پرۆژەیەك لە پارلەمانی عێراقدا پەسند بكرێت، بە هۆی ئەوەیە كە دەیهەوێ دیسان لە دەرەوەی سنوورەكاندا ئەمنیەتی خۆی بپارێزێت و هەر لە دەرەوەی سنووردا ڕاسان تووشی شكست بكات! ئەگەر ئەم هەوڵەی ڕێژیم لە عێراقدا سەر نەگرێت، لەوانەیە پەنا بباتە بەر دوو سیناریۆی دیكە! دەستپێكردنەوەی تیرۆرەكان لە كوردستانی باشوور و هەڵخڕاندنی شەڕ بە دژی حیزبی دێموكراتی كوردستانی ئێران لە لایەن هێزە كوردییەكانی لایەنگری خۆیەوە، دوو سیناریۆن كە كۆماری ئیسلامی دەتوانێ وەك ئاڵتێرناتیڤ كەڵكیان لێ وەرگرێت!
لێرەدا پێویستە بڵێین كە مەبەستی كۆماری ئیسلامی دەركردنی حیزبەكان بەتایبەتی حیزبی دێموكرات لە كوردستانی باشوور نیە! چوونكە دەزانێ لە ئێستادا ئەوەی بۆ جێبەجێ نابێ! ئەویش دەگەڕێتەوە بۆ ئەو ڕاستییە كە لە پلەی یەكەمدا كوردی هەر چوار پارچە یەك نەتەوەیە و حیزبەكانی ڕۆژهەڵات لە گەڵ ڕێكخراوی موجاهیدین كە فارس بوون و بنكەیان لە خاكی عەرەبدا بوو، جیاوازییەكی یەكجار زۆریان هەیە! جیا لەوەش، حیزبەكانی كوردستانی ڕۆژهەڵات لەگەڵ حیزبەكانی كوردستانی باشوور پێوەندییەكی توندوتۆڵیان هەیە! بۆیە هەر چەشنە هەوڵێك بۆ هەڵپێچان و هێرشكردنە سەر بنكەی ئەو حیزبانە بە زیانی پارتەكانی باشوورە و بە توندی دەكەونە بە هێرشی ڕای گشتیی كوردستان لە هەر چوار پارچەی نیشتماندا!

هەر بۆیە ئەو پرۆژە یاسایە پێوەندیی بە بارەگای هێزی پێشمەرگەی ڕۆژهەڵات لە شاخەوە هەیە، نەك كۆیە و شوێنەكانی دیكەی باشووری كوردستان! پرۆژەیەك كە ڕاستەوخۆ قەندیل و كێلەشینی كردۆتە نیشانە!

ئێستا كە حیزبی دێموكراتی كوردستانی ئێران پرۆژەی ڕاسانی دەست پێكردووە، راستەوخۆ ئەمنیەتی ڕێژیمی خستۆتە مەترسییەوە!

تێكهەڵچوونی چەكداریی ڕاستەوخۆ چۆتە نێو سنوورەكانی ژێر دەسەڵاتی ڕێژیمەوە! واتە ئەو شتەی كە ڕێژیم لێی دەترسا و بۆ دوورخستنەوەی بە میلیارد پارەی سەرف كردووە، ئەمڕۆ ڕاستەوخۆ لەگەڵی دەستەویەخە بووە!

ڕێژیم دەزانێ كە پرۆژەی حیزبی دێموكرات واتە "ڕاسان" تەنیا بە پرۆژە وەڵام دەدرێتەوە! حیزبی دێموكراتی كوردستانی ئێران وەك گەورەترین و بەهێزترین حیزبی ڕۆژهەڵات ئەمڕۆ لە سەر شاخە و خەریكی بنیاتنانەوەی ژێرخانی شۆڕشی ڕۆژهەڵاتە! ئیتر ڕۆژهەڵات وەك جاران نەماوە كە بە ئاسانی مامەڵەی لە سەر بكرێت! واتە خەریكە جێگەی خۆی لە نێو هاوكێشە سیاسییەكانی ڕۆژهەڵاتی ناڤیندا دەكاتەوە! چوونكە خەریكە دەبێتە خاونی هێز و لە دنیاشدا هەر لایەنێك هێزی هەبوو حسێبی لە سەر دەكرێ و دەبێتە خاوەنی قورسایی و ناتوانرێ لە هاوكێشەكاندا لە بەر چاو نەگیردرێ! ڕێژیمیش هەر وەك گوترا بە گرینگیی ئەم هەنگاوەی حیزبی دێموكراتی زانیوە، بۆیە بە دوای هێنانە خوارەوەی بنكەی پێشمەرگەیە بۆ دەشتی كۆیە!

ئەو پرۆژەیە لە بەغدا دەستی پێ كردووە، ئەگەر پەسند بكرێت لە داهاتوودا هەرێمی كوردستان دەخەنە ژێر گوشاری ئابووری و سیاسی و هەروەها لە باشوور ئاژاوە دەنرێتەوە تا حكوومەتی هەرێم ناچار بكرێ زەخت بخاتە سەر حیزبی دێموكرات و پێشمەرگە لە قەندیل بێنێتە خوارەوە و واز لە ڕاسان بێنێت! بەڵام ڕێژیم دیسان خەریكە هەڵە دەكات، چوونكە پەیامی ڕاسان ڕۆیشتۆتە نێو خەڵك و خوێنی پێشمەرگەی بۆ دراوە و پاشگەزبوونەوەیەك لە ئارادا نیە! بۆیە كۆماری ئیسلامی شاخی كردۆتە ئامانج، نەك كۆیە! چوونكە دەزانێ كۆیەی پێ هەڵناپێچرێ!
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.