• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٦ی مارسی ٢٠١٧ی زایینی - ٠٦ی خاکەلێوەی ١٣٩٦ی هەتاوی  

ڕێوڕەسمی ڕێزگرتن لە تێکۆشەری ڕێگای ئازادی کاک عەبوو کەریمی لە پاریس بەڕێوە چوو

زایینی: ٠٧-٠٣-٢٠١٧ - هەتاوی: ١٣٩٥/١٢/١٧ - ١٨:٣٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕێوڕەسمی ڕێزگرتن لە تێکۆشەری ڕێگای ئازادی کاک عەبوو کەریمی لە پاریس بەڕێوە چوو
کوردستان میدیا: دەفتەری نوێنەرایەتیی حیزبی دێموکراتی کوردستانی ئێران لە پاریس، بۆ ڕێزگرتن لە تێکۆشەری ڕێگای ئازادی، کاک عەبوو کەریمی ئەندامی پێشووی ڕێبەریی حیزبی دێموکرات ڕێوڕەسمێکی بەڕێوە برد.

دوانیوەڕۆی ڕۆژی یەکشەممە ڕێکەوتی ١٥ی ڕەشەمەی ١٣٩٥ی هەتاوی، لە پاریس پێتەختی وڵاتی فەڕانسە ڕێوڕەسمێک بۆ ڕێزگرتن لە تێکۆشەری ڕێگای ئازادی کاک عەبوو کەریمی بەڕێوەچوو.

سەرەتای ڕێوڕەسمەکە بە سروودی نەتەوەیی "ئەی ڕەقیب" و ڕاگرتنی خولەکێک بێدەنگی بۆ ڕێزگرتن لە گیانی پاکی شەهیدانی ڕێگای ئازادیی کوردستان دەستی پێکرد.

پاشان خۆسرەو عەبدوڵڵاهی ئەندامی جێگری کۆمیتەی ناوەندی لە دەرەوەی وڵات و نوێنەری حیزبی دێموکراتی کوردستانی ئێران لە فەڕانسە، کورتەیەک لە ژیاننامەی کاک عەبووی بە زمانەکانی کوردی، فەڕانسە و فارسی پێشکەش بە بەشداربووان کرد.

لە درێژەی ئەو بەرنامەیەدا، شیلان عەبدوڵڵاهی بە زمانی فەڕانسوی بەشێک لە ژیاننامەی کاک عەبووی پێشکەش به بەشداربووان کرد.

لە بەشێكی دیکەی ئەو ڕێوڕەسمەدا کورتە فیلمێک لە ژیانی کاک عەبوو کە لە لایەن "شلێر دەرویشی"ەوە ئامادە کرابوو پیشان درا.

لە بەشێكی دیکەی ئەو ڕێوڕەسمەدا کاک شاهۆ حوسێنی نوێنەری حیزبی دێموکراتی کوردستانی ئێران لە دەرەوەی وڵات و ئەندامی کۆمیتەی ناوەندیی حیزبی دێموکرات، باسی لە یاد و بیرەوەرییەکانی کاک عەبوو کرد وئەو خەباتەی ساڵانێکی زۆر لە دژی زوڵم و زۆرییەکانی دیکتاتۆرەکانی تاران کردبووی.

حوسێنی لە قسەکانیدا هاودەردیی خۆی به بنەماڵەی کاک عەبوو، تێکۆشەرانی ڕێگای ئازادی و هەروەها هەموو کەسانێک کە لەگەڵ کاک عەبوو ئاشنایەتیان هەبووە دەربڕێ.

شاهۆ حوسێنی لە قسەکانیدا هەروەها باسی لە چۆنیەتیی ئاشنابوونی لەگەڵ کاک عەبوو و چۆنیەتی پەیوەست بوونی ناوبراو بە ڕیزەکانی حیزبی دێموکراتی کرد.

پاش نوێنەری حیزبی دێموکرات، "عەلی دۆڵەمەڕی" نوێنەری حکومەتی هەرێمی کوردستان لە فەڕانسە، لە قسەکانیدا وێڕای سپاس لە بەڕێوەبەرانی ڕێوڕەسمەکە؛ سۆز و ڕێزی خۆی بۆ هەموو تێکۆشەرانی ڕێگای ئازادی و کوردستان بە تایبەت کاک عەبوو کەریمی دەربڕی.

هەروەها "لوعی جاف" نوێنەری یەکیەتیی نیشتمانیی کوردستان له فەڕانسە، وێڕای دەربڕینی هاوخەمیی خۆی سەبارەت بە لە دەستدانی تێکۆشەرێکی ڕێگای ئازادی، سەرەخۆشی لە حیزبی دێموکرات کرد.

دواتر "پەرویز نەویدی" یەکێک لە ئەندامانی ڕێبەریی ڕێکخراوی چریکە فەداییەکانی خەلقی ئێران- لقی کەمینە، و له دۆستانی کۆنی کاک عەبوو، چەند وتەیەکی پێشکەش کرد.

نەویدی لە قسەکانیدا باسی لە تایبەتمەندییە ئەخلاقییەکانی کاک عەبوو، بڕشتی کەلام و هەروەها زانیاری باڵای ناوبراو لە سەر پرسەکان کرد.

ناوبراو باسی لەوەش کرد؛ ئەگەر چی کاک عەبوو کەریمی لە ڕیزەکانی ڕێکخراوی چریکە فەداییەکانی خەلق – کەمینە دابڕا و پەیوەست بە حیزبی دێموکرات بوو، بەڵام هیچکات پێوەندی دۆستانەی ناوبراو لەگەڵ ئەو ڕێکخراوە نەپچڕا.

لەو ڕێوڕەسمەدا خاتوو "ئێران ئەنساری" یەکێک لە ئەندامانی یەکیەتیی چریکە فەداییەکانی خەلق قسەی کرد و وێڕای هاودەردی بۆ خەمی لەدەستدانی مرۆڤێکی تێکۆشەر، چ لە کاتی ئەندامەتی لەو ڕێکخراوەدا و چ لە حیزبی دێموکراتدا سەرەخۆشی لە حیزبی دێموکرات کرد.

لە بەشی دووهەمی ئەو ڕێوڕەسمەدا فیلمێک لە ڕێوڕەسمی بە خاکسپاردنی کاک عەبوو کە لە ئاڵمان بەڕێوە چوو بوو، پیشان درا و لە درێژەی ئەو ڕێوڕەسمەدا "مەهین جەزەنی" هاوسەری کۆچکردوو "بیژەن جەزەنی" یەکێک لە سەرانی بەناوبانگی ڕێکخراوی چریکە فەداییەکانی خەلق کە لە سەردەمی شادا کوژرا، باسی لە بیرەوەرییەکانی خۆی لەگەڵ کاک عەبوو کرد.

لەو ڕێوڕەسمەدا "مەهدی سامع" یەكێک لە ئەندامانی ڕێبەریی ڕێکخراوی چریکە فەداییەکانی خەلق و هەروەها "زیا سەدرولئەشرافی" بە نۆبەی خۆیان باسیان لە تایبەتمەندییەکانی کاک عەبوو کرد.

هەروەها کاک "عەلی ئەشرەف مورادی" ئەندامی ڕێبەرایەتی حیزبی دێموکرات و لە دۆستانی نزیکی کاک عەبوو کەریمی جەند وتەیەکی لەو پێوەندییەدا پێشکەش کرد.

مورادی وێڕای هاودەردی لەگەڵ بنەماڵەی کەریمی و بنەماڵەی گەورەتری ناوبراو واتە حیزبی دێموکرات و هەروەها بنەماڵەی سێهەمی ئەو، واتە هەموو ئازادیخوازەکان، باسی تایبەتمەندییە ئەخلاقییەکانی کاک عەبووی کرد.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٧ لەم ژمارەیەدا:

ــ پەیامی نەورۆزیی سکرتێری گشتیی حیزب
ــ بۆ ناتوانین خۆمان به خۆمان بناسێنین
ــ نەورۆز، ڕسکانەوە و ڕاسان
ــ پانۆرامای ڕاسان
  • داهاتووى کورد لە پەنجەرەى نەورۆزەوە داهاتووى کورد لە پەنجەرەى نەورۆزەوە
    مێتولۆژیش وەک میژوو لە هەگبەى بیرەورىی هەر نەتەوەیەکدا جێگەى تایبەتی خۆى هەیە، تەنانەت بەشێک لەوانە بوونەتە بەشێکى دانەبڕاو لە پێناسەى نەتەوەکان. وەک هەر دابێکى دیکە کە لە ژیانى ڕۆژانەدا دووبارە دەبنەوە و فەرامۆش ناکرێن و پەرەیان پێ دەدرێن.
  • شان به شانی یەک بەرەو داهاتوویەکی ڕوون شان به شانی یەک بەرەو داهاتوویەکی ڕوون
    باشووری زاگرۆس له درێژەی یەک ساڵی ڕابردوودا، بیست و چوارەمین ژمارەی خۆی خستووەتە بەر ڕاو بووچۆنی خوێنەرانی بەڕێز و بیست و پێنجەمین ژمارە‌ی خۆیشی پێشکەشی هەموو ئەو کەسانە دەکات کە تەنانەت بە یەک ڕستەش له جێبەجێ کردنی ئەرکی ئەم لاپەڕەیەدا هاوبەش و هاوکار بوونه. بێ‌شک به بێ یارمەتیی ئەو بەڕێزانه لاپەڕەی باشووری زاگرۆس قەت نەیدەتوانی پێ بنێتە دووهەمین ساڵی چالاکیی خۆی و درێژه به ئەرکه نەتەوەییه‌کەی خۆی بدات.
  • بۆ ناتوانین خۆمان به خۆمان بناسێنین بۆ ناتوانین خۆمان به خۆمان بناسێنین
    هەڵبەت دەبێ ئاماژه بکرێت که؛ ئەمه تەنیا کێشەی چالاکی کرماشانی نیه، بەڵکوو به‌داخەوه به هۆی نەبوونی مێژوویەکی نووسراو، خەڵکانی ئەو ناوچانەش لەو فکره‌دان که له کرماشان و ئیلام بزاڤی کوردیمان نەبووه و شۆڕش لەوێ ڕنگ و بۆنی نەبووه، ڕاستییەک که نیشاندەری نامۆیی کورد له کورد و مێژووی خۆیەتی، پرسێک که تاڵیەکەی ئەوەندەیه که بووەته هۆی گەشه‌نەسەندنی بزاڤی ڕزگاریخوازانەی کوردستان له بست به بستی وڵاتەکەمان.
  • پانۆرامای ڕاسان (٢) پانۆرامای ڕاسان (٢)
    ٣ی ڕەزبەر: یەكیەتیی خوێندكارانی دێموكراتی كوردستانی ئێران داوای لە خوێندكاران كرد پشتگیریی لە ڕاسان بكەن.
  • پانۆرامای ڕاسان (١) پانۆرامای ڕاسان (١)
    ٢٨ی ڕەشەمەی ١٣٩٤: لە ڕێوڕەسمێكی پڕشكۆی نەورۆزیدا لە سنوورەكانی كوردستانی ڕوژهەڵات، بە ئامادەبوونی ئەندامانی ڕێبەری، كادر، پێشمەرگە و ئەندامانی ئاشكرا و ژمارەیەك لە ئەندامانی نهێنیی حیزبی دێموكراتی كوردستانی ئێران و هەواڵنێرانی چەندین دەزگای میدیایی و تەلەڤیزیۆنی كوردی، بەڕێز مستەفا هیجری، سكرتێری گشتیی حیزبی دێموكرات دەستپێكی قۆناغێكی نوێی لە خەباتی خەڵكی كورد لە كوردستانی ڕوژهەڵات ڕاگەیاند كە دواتر بە "ڕاسان" ناوی دەركرد.
  • نەورۆز، ڕسکانەوە و ڕاسان نەورۆز، ڕسکانەوە و ڕاسان
    سروشت لە دیاردە دژبەر و پێکناکۆکەکاندا دەناسرێتەوە، ئەو کاتەی تاریکی و ڕووناکی، شین بوونەوە و وشکاندن، تینی هەتاو و سەهۆڵبەندان و سەرما، ڕەشەبا و شاخ، جووڵە و ڕاوەستان و .... لەبەرانبەر یەکدا ڕادەوەستن و پێکەوە و لە پێکهاتەیەکی پڕ لە داهێنان و نوێبوونەوەدا بە هەزاران سیماوە دەردەکەونەوە و ژیان دەنەخشێنن.
  • زانکۆ، یەکلاکەرەوی رەوتی سیاسی له کرماشان زانکۆ، یەکلاکەرەوی رەوتی سیاسی له کرماشان
    به بێ ناسینی سایکۆلۆژیای سیاسی‌-کۆمەڵایەتیی هەر کۆمەڵگایەک نه دەتوانین پلان و بەرنامەمان بۆی هەبێ، نه هیچ پلانێکی داڕێژراویش لەوێ سەردەکەوێ، ئەمه ئەسلێکی موتلەقه. ئێمەیش دەبێ ئەو ئەسله بۆ بەڕێوە بردنی چالاکییەکانمان و گەیشتن به ئامانجی دیاریکراومان لەبەرچاو بگرین و ڕەچاوی بکەین.
  • نیزامی پیاوسالار و پرسی ژن نیزامی پیاوسالار و پرسی ژن
    ئەوەی لە نووسراوە مێژووییەكاندا لەهەمبەر بابەتی فیمینیستیەوە بەرچاو دەكەوێ ‌‌و هەروەهاش لە قسە ‌و باسە فیمینیزمییەكاندا هەموو كاتێك بە شێوەیەكی جیدی ئاوڕی لێدەدرێتەوە، پێویستیی فێركردن ‌و بارهێنانی بوارە جۆراوجۆرەكان بۆ ژنان ‌و كچانە. مافی خوێندنیش گرینگترین مژار بووە ‌و ئیستاكەش هەر بەردەوامە.
  • مستەفا هیجری: با بیر بكه‌ینه‌وه‌ بۆ داهاتوومان مستەفا هیجری: با بیر بكه‌ینه‌وه‌ بۆ داهاتوومان
    دیاره‌ ئه‌وانه‌ باسێكی دوور و درێژن و ده‌كرێ كتێبیان له‌سه‌ر بنووسرێ، به‌ڵام ئه‌گه‌ر به‌ كورتی باسی بكه‌ین، ڕێكخستنی نوێ، به‌و واتایه‌ی كه‌ ئه‌و خه‌ڵكه‌ وه‌كوو هێزی تاك، تاكی ڕۆژهه‌ڵات، بتوانین كۆیان بكه‌ینه‌وه‌ و بیانكه‌ین به‌ هێزی شوێندانه‌ر. ئه‌وه‌ به‌ ڕێكخستن، ئه‌رك پێ ئه‌سپاردن، لێپرسینه‌وه‌ و زانیاری پێدانی ڕۆژ به‌ ڕۆژ ده‌چێته‌ پێشێ. ئه‌وه‌ ئه‌ركی بنه‌ڕه‌تیی حیزبی ئێمه‌ ده‌بێ.
  • ڕاسان، مۆتەكەی كۆماری ئیسلامیی ئێران! ڕاسان، مۆتەكەی كۆماری ئیسلامیی ئێران!
    واتە ئەگەر ئاژاوەنانەوەی ڕێژیم لە دەرەوە بۆ پاراستن و مانەوە و ئەمنییەتی ڕێژیم "تێز" بێت، ئەوە ڕاسان "ئانتی تێز"ە! لە پێكدادانی نێوان ئەم دوانەدا "سەنتێز" دێتە ئاراوە كە هەمان ڕزگاریی نەتەوەییە!
  • نیشانەناسیی ڕاسان وەک شەڕی نوێ نیشانەناسیی ڕاسان وەک شەڕی نوێ
    زمان وەک شتێکی دۆزراوە هەمان ئەمری بابەتێکی کۆمەڵایەتییە و زمانناسیی ڕاسان لە شەڕ "ساختارزدایی" (Deconstruit) لە خۆی دەکات و ئەو "ساختارزدایی"ە زمان ناسییە کە ئێمە بە نۆبەی خۆمان ئەوە وەک نیشانەشناسیی هەستانەوە دەزانین.
  • خورافە، ڕێگاخۆشکەرێک بۆ دواکەوتوویی کۆمەڵگا خورافە، ڕێگاخۆشکەرێک بۆ دواکەوتوویی کۆمەڵگا
    منداڵە ساواکەت لەسەر تاق دامەنێ شوومە و باش نییە! شەوان چاو لە ئاوێنە مەکە، تەمەنت لە غەریبی دەبەیتە سەر! شەوان بنێشت مەجاوە، شوومە و باش نییە! و....هتد.
  • ئەرکی تاکی کورد لە دژی خیانەت و جاشایەتی ئەرکی تاکی کورد لە دژی خیانەت و جاشایەتی
    خیانەت بە وڵات یانی خیانەت لە سەبەخۆیی و پاراستنی وڵات. خیانەت لە کاتی شەڕدا، یانی هاوکاری و بەشداری کردن لە گەڵ دوژمن لە کاتی شەڕدا.
  • مەرگی براکوژی مەرگی براکوژی
    بەڵام لەم سەردەمە نوێیەدا دۆخ و هەلومەرجی سیاسی و تێگەیشتنی کۆمەڵگا گەیشتۆتە ئاستێک کە چیدیکە ئەو جۆرە کردەوانە قبووڵ ناکا و هەرجۆرە پەنابردنە بەر شەڕێکی خۆکوژی مەحکووم دەکا.