• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی فێڤریەی ٢٠١٨ی زایینی - ٠١ی رەشەمەی ١٣٩٦ی هەتاوی  

نوێنەرانی نەتەوەكانی ئێران لە پارلەمانی سووییس كۆ بوونەوە

زایینی: ٠٩-٠٣-٢٠١٧ - هەتاوی: ١٣٩٥/١٢/١٩ - ١٣:٥٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
نوێنەرانی نەتەوەكانی ئێران لە پارلەمانی سووییس كۆ بوونەوە
كوردستان میدیا: سكرتێری گشتیی حیزبی دێموكراتی كوردستانی ئێران لە كۆبوونەوەیەكدا لە پارلەمانی سووییس لە پێوەندی لەگەڵ "نەتەوە ستەملێكراوەكان و كەمینەكانی ئێران"دا بەشداریی كرد.

بە گوێرەی هەواڵی گەیشتوو بە ماڵپەڕی كوردستان میدیا، ڕۆژی چوارشەممە ٨ی مارسی ٢٠١٧ی زاینیی، بە دەستپێشخەریی كۆمەڵەی مافی مرۆڤی كوردستانی ئێران- ژنێڤ و بە هاوكاری گرووپی پارلەمانتارانی دۆستی كورد لە پارلەمانی سووییس، كۆنفرانسێك لە ژێر ناوی "دوای چوار ساڵ سەرۆك كۆماریی ڕۆحانی، چ ئاڵوگۆڕێك سەبارەت بە مافی نەتەوەكان پێك هاتووە؟" لە پارلەمانی سووییس بەڕێوە چوو.

لەو دانیشتنەدا كە پاشنیوەڕۆی ڕۆژی چوارشەممە ٨ی مارس لە بنكەی پارلەمانی سووییس لە شاری بێرن بەڕێوە چوو، نوێنەرانی حیزبەكانی سەر بە نەتەوە ستەملێكراوەكانی ئێران و ڕێكخراوەكانی مافی مرۆڤ لە لێدوانەكانیاندا باسیان لە سەر پێشێلكردنی مافی مرۆڤ و ئاپارتایدی ڕێژیمی ئێران دژ بە نەتەوە ستەملێكراوەكان و كەمینە ئایینییەكان كرد.

كونفرانسەكە كاتژمێر ١ی پاشنیوەڕۆ بە وتەیەكی كورت لە لایەن بەڕێز "مانوێل تۆرنار‌ا" بەرپرسی دۆسیەی ئێران لە كۆمیسیونی پەیوەندییەكانی دەروەی وڵاتی سووییس بە فەرمی كارەكانی خۆی دەست پێكرد. ناوبراو ئاماژەی بەوە دا كە پرسی كورد ئێستا بووەتە پرسێكی نێونەتەوەیی و وەكوو بەشێك لە كێشەی وڵاتانی هاوپەیمانە و چارەسەری وەكوو بەشێك لە ئەركی زلهێزەكانە و بەشێكی گرینگیشی دەكەوێتە سەر خودی گەلی كورد كە چۆن هەنگاو بۆ یەكگرتوویی و چارەسەری كێشەكانی هەڵدەگری و خۆی لەگەڵ واقیعی ناوچەكەدا دەگونجێنێ.

ناوبراو لە درێژەی قسەكانیدا وتی: "ئێمە هەمیشە پەیوەندی باشمان لەگەڵ ئێراندا هەیە و سەبارەت بە مافی مرۆڤ لەو وڵاتە هەستیار بووینە و، ئێمە پارلەمانتار و دەوڵەتی سووییس هەولی زیاتر دەدەین، ئێران زیاتر ڕێز لە مافی مرۆڤ بگرێ و كەمایەتییە نەتەوایەتییەكان بگرێ".

ناوبراو هەروەها وتی: بابەتی كوردەكان لە ئێراندا بۆ ئێمە گرینگە و هەمیشە لە پارلەمانی سووییس و پارلەمانی ئورووپاش هەوڵ دەدەین دەنگیان بگەیەیینین. ناوبراو لە بەشێك لە وتەكانیدا باسی سیستمی سیاسی و پیكەوەژیانی لە وڵاتی سووییسدا كرد و وتی ئەمە بووەتە هۆی گەشەسەندن و پێشكەوتنی وڵاتەكەیان.

بە دوای ئەودا شیرین عیبادی، چالاكی مافی مرۆڤ و براوەی خەڵاتی ئاشتیی نووبێل، وێِرای پیرۆزبایی ٨ی مارس رۆژی جیهانی ژن، ئاماژەی بەو ڕاستییە كرد كە ژنانی نەتەوە ستەملێكراوەكان هەم وەكوو ژن و هەم وەكوو ئەندامی نەتەوەیەك، ستەمی دوو قاتیان لێ دەكرێت.

عیبادی هەروەها وتی كە هەموو نەتەوەكانی ئێران خاڵێكی هابەشیان هەیە كە ئەویش فەرهەنگی هاوبەشە. سەبارەت بە مادەی ١٥ی یاسای بنەڕەتیی ڕێژیم و زمانی دایكی باسی ئەوەی كرد كە ئەو ڕەخنەی خۆی هەبووە و وتوویە خوێندن بە زمانی كوردی لە زانكۆی سنە شتێكی زۆر و نوێ نییە و ئێستا لە زانكۆكاندا كورسیی زمانە بێگانەكان هەیە. گرینگ ئەوەیە، كە مافی خوێندن لە پۆلەكانی سەرەتاییەوە دەست پێ بكرێ.

عەبادی هەروەها سەبارەت بە بەڵێنییەكانی ڕۆحانی وتی كە ڕۆحانی هیچ بەڵێنێكی نەتەوە ستەملێكراوەكانی بەجێ نەگەیاندووە. نە زمانی نەتەوەكان بووەتە زمانی خوێندن و نە ڕاوێژكارێكی بۆ پرسی نەتەوەكان داری كرد كە بڕیار بوو لە خودی نەتەوەكان. ئەو ڕاوێژكارە كە دیاریی كرد، هەم پیاو بوو، هەم ئاخوند بوو و هەم لە نەتەوە ستەملێكراوەكانیش نەبوو.

ئاماری ئێعدامەكان زیاتر لە نێو نەتەوەكانی كورد و بلووچ و عەرەبە. كۆماری ئیسلامی باوەڕی بە هیچ مافێكی نەتەوەكان و كەمایەتییەكان نییە و بچووكترین دژایەتی و ناڕەزایەتی بە توندترین شێوە سەركوت دەكات و ڕێز لە دێموكراسی و مافی مرۆڤ ناگرێت. ئەمەش بووەتە هۆی پەراوێزخستن و هەژاریی زیاتری ناوچەكانی نیشتەجێبوونی كەمایەتییە ئایینییەكان و نەتەوە ستەملێكراوەكان.

عەبادی هەروەها ئاماژەی بە لایەنی یاسایی تەقەكردن لە كۆڵبەرە كوردەكان كرد و وتی، كە لە باری یاساییەوە ئەو مافەیان نییە و ئەو كەسە ئەگەر كارەكەی قاچاخە، دەبێ بگیرێت و بدرێتە دادگا. ناوبراو ئاماژەی بە ناڕەزایەتییەكانی خەڵكی عەرەبی ئەهواز كرد كە لە لایەن كۆماری ئیسلامیی ئێرانەوە سەركوت كرا.

لە درێژەی كۆنفرانسەكەدا، بەڕێز مستەفا هیجری، وتاربێژی سەرەكیی كونفرانسەكە لە وتارەكەیدا باسی لە سیاسەتەكانی كۆماری ئیسلامیی ئێران و هەنگاوەكانی ڕۆحانی كرد كە لەو ماوەیەدا نەیتوانیوە هیچ كام لەو بەڵێنانەی بە گەلانی ئێرانی دابوو، بەجێ بێنێ و وتی: "ئێمە وەكوو هەمیشە لەو باوەڕەدا بووینە، كە بناغەكانی سیاسەتی كۆماری ئیسلامی نەگۆڕن و، ئاڵوگۆڕی كەسەكان ناتوانن ئاڵوگۆڕ لە سیاسەتەكانی دەرەوە و ناوخۆی ئێران پێك بێنێ و ئەوەی كە لە دەورەی سەرۆك كۆمارەكانی پێشوودا بینبوومان، ڕۆحانی وەكوو كەسێكی میانەڕەو نەك هەر هیچ ئاڵوگۆڕی پێ نەكرا، بەڵكوو بارودۆخی ئابووریی ئێران خراپتریش بوو، ڕادەی ئیعدامەكانیش زیادیان كرد. سەبارەت بە سیاسەتی دەرەوەش درێژەی بە سیاسەتی دەستێوەردان لە ناوچە و شانتاژەكانی داوە. بە باوەڕی ئێمە هەرچەشنە هاوكاری و نزیكبوونەوەیەك لە ئێران دەبێتە هۆی بەهێزی و ئاژاوەگێڕیی زیاتری لە ناوچەكەدا و هەتا دەسەڵاتی كۆماری ئیسلامی بەرتەسك نەكرێتەوە، ناوچەكە ئارامی بە خۆیەوە نابینێت".

بەڕێز مستەفا هیجری ئاماژەی بە سیاسەتەكانی هەڵاواردن و جیاوازیدانانەكان دژ بە كەمایەتییەكان و نەتەوەكان كرد، لەوانە بەڕەسمیكردنی مەزهەبی شیعەی ویلایەت فەقیهی، بەڕەسمیكردنی زمانی فارسی، سەیركردنی ناوچەكانی نیشتەجێبوونی كەمایەتییەكان بە چاوی ئەمنییەتەوە. سكرتێری گشتیی حیزب هەروەها وتی ئەم سیاسەتە كاریگەریی نەرێنیی زۆری لە سەر باری دەروونیی نەتەوەكان هەیە و ڕێژیم هەوڵ دەدا نفووز و جوگرافیای شێعەگەری زیاتر پەرە پێ بدات. یەكێك لەو هەڵاواردن و داسەپاندنانە خوێندن بە زمانی فارسی و پەراوێز خستنی زمانی دایكییە، كە كۆماری ئیسلامی دەیەوێ یەكسانسازیی زمانی دروست بكا و منداڵی نەتەوەكان لە زمان و فەرهەنگی خۆیان بێگانە دەبن و بۆ لێكۆڵینەوە و كار و خوێندن هەر دەبێ بگەڕێنەوە بۆ سەرچاوە فارسییەكان، كە زۆربەیان بە مەبەست نووسراون لە سەر كەمایەتییەكان و لایەنی زانستیی نییە و منداڵی كەمایەتییەكان تووشی دابڕان و نفرەت لە فەرهەنگ و مێژووی خۆیان دەكات.

بەڕێز هیجری لە دریژەی قسەكانیدا باسی گەشەی مرۆیی كرد و وتی: "سێ فاكتەری سەرەكیی ژیانی درێژ و تەندروست، دەستڕاگەیشتنی ئازاد بە زانست و مەعریفە و ئاستی ژیانی گونجاو، پێمان دەڵێ كە چوار پاریزگای كوردستان لە ئاستی پێویستدا نین. ئاماری بێكاری زۆر بەرزە و لە ئاست پاریزگاكانی دیكە لە ڕیزی ٢٧ تا ٢٩ دایە. ڕادەی داهاتی سەرانە زۆر لە خوارە و ئەمەش دەبێتە هۆی ناڕەزایەتی و كۆماری ئیسلامی سەركوتیان دەكا و تۆمەتی بەستراوەبوون بە بێگانەیان لێ دەدا.

پەراوێزخستن و ڕادەی خواری ئاستی ژیانی گونجاو بووەتە هۆی كێشەی كۆمەڵایەتیی وەكوو بەكارهێنانی مادەی هۆشبەر و زۆربوونی ڕێژەی تەڵاق لە ناو بنەماڵەكاندا".

بەڕێز هیجری لە بەشێكی دیكەی قسەكانیدا باسی لە وەرزێكی نوێی خەباتی كورد لە كوردستانی ڕۆژهەڵات كرد كە ماوەی دوو ساڵە لە ژێر ناوی ڕاسان دژ بە دەسەڵاتی سەركوتكەرانەی كۆماری ئیسلامیی ئێران دەستی پێ كردووە، هەروەها داوای پشتگیریی زیاتری ڕاسانی لە گەلانی ئێران و كۆمەڵگەی نێونەتەوەیی كرد تا بە خەباتێكی هاوبەش بتوانن پاشەكشە بە زێدەخوازییەكانی ئەو ڕێژیمە بكەن.

یەكێكی دیكە لە وتاربێژان بەڕێز ناسر بۆلادەیی، سەرۆكی حیزبی خەڵكی بەلووچستان بوو كە لە كۆنفرانسەكەدا قسەی كرد. ناوبراو سەرەڕای ئاماژەپێدان بە سەرنەكەوتنی سیاسەتەكانی ڕۆحانی، لە سەر پێشێلكردنی مافی مرۆڤ و سەركوت و توندوتیژی نواندنی ڕێژیم دژ بە گەلی بەلووچ قسەی كرد. ناوبراو ئاماژەی بەوە كرد كە ڕۆحانی نەك هەر هیچ ئاڵوگۆڕێكی لە بەلووچستاندا پێك نەهێنا تەنانەت پاریزگاریش بلووچ نییە و ٨٨% كارمەندانی ڕێژیم لەو ناوچەیەدا فارسن. هەروەها دیوارێكیان لە نیوان بلووچستانی ئێران و پاكستاندا كێشاوە بۆ ئەوەی پیوەندییان پێكەوە ببڕێ.

پاشان كەریم عەبدیان، سەرۆكی ڕێكخراوی مافی مرۆڤی ئەهواز، لە وتارەكەیدا تیشكی خستەسەر خۆپیشاندانەكانی ئەم دواییانەی شارەكانی ئەهواز و خوزستان و، ئاماژەی بە بێبەشیی گەلی عەرەبی ئەهواز لە مافەكانیان و دابەشكردنی نادادپەروەرانەی داهات و نیشتەجێكردنی خەڵكی ناوچەكانی دیكە لەسەر خاكی گەلی ئەهوازی و ناڕەزایەتیی خەڵك كرد كە نیشانەی زەبروزەنگ و سەركوتی توند و تیژی كۆماری ئیسلامی دژ بە گەلی عەرەبە.

ناوبراو هەروەها باسی لە وشككردنی زۆنگاوەكانی ناوچەی عەرەبستانی ئێران كرد كە بوونەتە هۆی دروستبوونی تۆفانی تەپوتۆز و زیانی زۆری بە ژینگە و ژیانی خەڵك گەیاندووە.

لە درێژەی كونفرانسەكەدا، بەڕێز ماشەڵڵا ڕەزمی وەك نوێنەرێك لە توركەكانی ئازەربایجان باسی خەباتی مەدەنیی گەلی توركی ئازەربایجانی كرد و ئاماژەی بە وشكبوونی گۆلی ورمێ و زیندانیكردنی تێكۆشەرانی بواری زمانی دایكی كرد.

دوابەدوای ناوبراو، بەڕێز یوسف كۆر، وەك نوێنەری توركەمەنەكانی ئێران سەبارەت بە پێشێلكردنی مافەكانیان لە لایەن كۆماری ئیسلامیی ئێرانەوە قسەی كرد و ئاماژەی بە مێژووی گەلی توركەمەن و وشككردنی ڕووبارەكانی ناوچەی كرد.

لە بەشێكی دیكەدا، تەیموور ئەلیاسی، نوێنەری كۆمەڵەی مافی مرۆڤی كوردستانی ئێران ژنێڤ سەبارەت بە پێشێلكارییەكانی مافی مرۆڤ لە سەردەمی ڕۆحانیدا قسەی كرد و ئاماژەی بە زیادبوونی ڕێژەی ئێعدامەكان و كوشتنی كۆڵبەران و ڕەشبگیری تێكۆشەرانی كورد لە كوردستانی ڕۆژهەڵات كرد و ڕاپۆرتی عاسمە جەهانگیری لەو بارەوە بە نموونە هێنایەوە. نوێنەری مافی مرۆڤی كوردستان لە كۆتایی قسەكانیدا داوای لە دەوڵەتی فیدراڵی سووییس كرد كە دەستپێشخەرییەك لە سەر پرسی كورد لە ئێراندا بكات و پرسی ڕۆژهەڵاتی كوردستان بخاتە چوارچێوەی پێوەندیی دوولایەنە لەگەڵ وڵاتی ئێران.

شایانی باسە هەر لە نێوئاخنی كۆبوونەوەكەدا، كارلۆ سوومارۆگا، بەرسی كۆمیسیۆنی پەیوەندییەكانی دەرەوەی پارلەمانی سووییس، پرۆژە بڕیارێكی بۆ پشتیوانی لە نەتەوەكانی ئێران بە تایبەتی گەلی كورد لە ڕۆژهەڵاتی كوردستان پێشكەش بە پارلەمانی سووییس كرد.

بەشی كۆتایی كونفرانسەكە بۆ پرسیار و وەڵامی بەشداربووان تەرخان كرا و وتاربێژان وەڵامی پرسیارەكانیان دایەوە و لە كاتژمێر ٣ی پاش نیوەڕۆ كۆتایی پێهات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.