کوردستان میدیا: جارێكی دیكە بڵێسەی ئاگری نەورۆز، پەیامی ڕزگاری و ژیانەوەی لە شار و گوند و شاخە سەركەشەكانی كوردستاندا بڵاو كردەوە.
بەم بۆنەیەوە پاشنیوەڕۆی ڕۆژی دووشەممە ٣٠ی ڕەشەمەی ١٣٩٥ی هەتاوی ڕێوڕەسمێكی بەشكۆ لە بنكەی دەفتەری سیاسیی حیزبی دێموكراتی كوردستانی ئێران بە بەشداریی میوانان، ئەندامانی ڕێبەری، كادر و پێشمەرگەكان و ئەندامانی حیزب و بنەماڵەكانیان بەڕێوە چوو.
ڕێوڕەسمەكە بە پێشكەشكردنی سروودێك لە ژێر ناوی نەورۆز لە لایەن كۆرسی كۆڕی هونەریی كۆمیسیۆنی پەرەوەردەوە دەستی پێكرد.
پاشان بەڕێز حەسەن شەرەفی، جێگری سكرتێری گشتیی حیزبی دێموكرات چەند وتەیەكی بەم بۆنەوە پێشكەش كرد.
بەڕێز شەرەفی لە وتەكانیدا وێڕای پیرۆزبایی بە بۆنەی نوێ‌بوونەوەی ساڵ و جێژنی نەوەرۆز وەك هێمایەكی نەتەوەیی كورد لە ڕۆڵەكانی كورد بە گشتی و كۆمەڵانی خەڵكی كوردستانی ڕۆژهەڵات بە تایبەتی، ئاواتی ئەوەی خواست كە ساڵی تازە ساڵێكی پڕ لە خێر و خۆشی بۆ هەموو لایەك و ساڵی بەرینتربوونەوەی ڕاسان و گرێدانی خەباتی شار و شاخ و بەهێزتربوونی بزووتنەوەی كورد لە كوردستانی ڕۆژهەڵات بێت و ڕایگەیاند:
نەورۆز هێمایەكی نەتەوەیی كوردە كە سەرەڕای ئەو بەربەستانەی كە دەسەڵاتدارانی كوردكوژ لە سەر ڕێگای بەڕێوەچوونی پێكی دێنن، بەو حاڵەش هەموو ساڵێك بینەری بەڕێوەچوونی ئەم جێژنە نەتەوەییە لە سەرتاسەری كوردستان و بە شێوەیەكی بەرین و دوژمن تاسێن بووین كە ئەوە نیشاندەری ئیرادەی پتەوی كۆمەڵانی خەڵكی كوردستان لە سەر پاراستنی هێما نەتەوەییەكانی كوردە.
جێگری سكرتێری گشتیی حیزب هەروەها هیوای خواست كە: ڕێوڕەسمەكانی نەورۆز بۆ هەموو لایەك بە شادی و خۆشی تێپەڕن و وەك جێژنێكی نەتەوەیی و هێمای ژیانەوە و پێكەوەبوون بەڕێوە بچێ و جامانە و هەوری هەروا بە كەش و هەوای جێژنەوە دیار و دوژمن تۆقێن بن.
پاش وتەكانی كاك حەسەن شەرەفی، گۆرانییەك لە لایەن كۆڕی میۆزیكەوە پێشكەش كرا.
دواتر خاتوو ناهید حسەینی، شاعیری ناسراو و ئەندامی كۆمیتەی ناوەندیی حیزب، شیعرێكی خۆی لە ژێر ناوی سەمای جامانەدا خوێندەوە.
لە بەشێكی دیكەی ڕێوڕەسمەكەدا پۆلێك لە لاوانی كیژ و كوڕ كە مەشخەڵیان بە دەستەوە بوو، بەرەو شوێنی هەڵكردنی ئاگری نەورۆز وەڕێكەوتن. لەم بەشەدا حەسەن شەرەفی، جێگری سكرتێری گشتیی حیزب هاوڕێ لەگەڵ خاتوو چینی مینبەری، هاوسەری شەهید مام ئەكبەر مینبەری و خاتوو ژیلا ساڵحی، هاوسەری شەهید ڕەحیم گەرگوڵی پێكەوە ئاگری نەورۆزیان هەڵكرد.
لە بەشی كۆتایی ئەو ڕێورەسمەشدا ئامادەبوان بە شادی و گۆڤەند و هەڵپەڕكێی گشتی بەرەوپیری ساڵی نوێی كوردی و نەورۆزی جامانەكانەوە چوون.
شایانی باسە هەر بەم بۆنەیەوە بەڕێز مستەفا هیجری، سكرتێری گشتیی حیزبیش پەیامێكی بڵاو كردۆتەوە كە تێدا هاتووە:
لە بەرەبەری نەورۆزدا و بە بۆنەی هاتنی ساڵێكی نوێ، پیرۆزباییتان لێ دەكەین، نەورۆزێك كە ئیتر دەتوانێ هێمایەك بێ لە ڕاسانی خۆرهەڵات. لە كات و ساتێكی ئاوادا بوو كە ساڵی پار لە بناری قەندیلەوە پەیامی ڕاسانی خۆرهەڵاتمان پێ ڕاگەیاندن و پێمان وتن كە ئێمە وەك حیزبی دێموكراتی كوردستانی ئێران وەرزێكی نوێ لە خەباتی خۆرهەڵات دەست پێ دەكەینەوە.
سكرتێری گشتیی حیزب لە بەشێكی دیكەی پەیامەكەیدا ڕوو خەڵكی خۆڕاگری كوردستان ڕایگەیاندووە:
ئێستا پاش دوو ساڵ كاركردن بۆ گرێدانی خەباتی شار و شاخ، دەمانهەوێ دیسان ڕووی خۆمان لە ئێوە بكەین و بڵێین كە؛ ڕاسانی ڕۆژهەڵات ئیتر واتا و چەمكێكی بێگانە نیە لای هەموومان، بەڵكوو خەریكە دەبێتە ناسنامەیەك. ئەم بە ناسنامەبوونە لە ئاستی خەباتی شاخدا جێگای گرتووە و خەریكە ڕۆژ لە دوای ڕۆژ پتەوتر دەبێ، ... ئەوەش كە بۆ ئێوە دەمێنێتەوە گرتنە ئەستۆی بەرپرسیاریەتییە بەرانبەر بە ژیان و ڕزگاریی وڵاتەكەمان. لەم بوارەدا ئێمە یەكتر تەواو دەكەین، تاكوو پێكەوە ببین بە بونیادنەری كۆمەڵگایەكی ڕزگار و ئازاد. ئەوەی لە ساڵی داهاتوودا بەلای ئێمەوە گرینگە، بەردەوامیی پشتیوانیی خەباتی شاخە و لە هەمان كاتدا دەبێ هەموان كار لەسەر ئەوە بكەین كە چۆن شارەكانی كوردستان ببن بە لانكەی سەرەكیی خەباتی ڕزگاریخوازانەی گەلەكەمان.
بەم بۆنەیەوە پاشنیوەڕۆی ڕۆژی دووشەممە ٣٠ی ڕەشەمەی ١٣٩٥ی هەتاوی ڕێوڕەسمێكی بەشكۆ لە بنكەی دەفتەری سیاسیی حیزبی دێموكراتی كوردستانی ئێران بە بەشداریی میوانان، ئەندامانی ڕێبەری، كادر و پێشمەرگەكان و ئەندامانی حیزب و بنەماڵەكانیان بەڕێوە چوو.
ڕێوڕەسمەكە بە پێشكەشكردنی سروودێك لە ژێر ناوی نەورۆز لە لایەن كۆرسی كۆڕی هونەریی كۆمیسیۆنی پەرەوەردەوە دەستی پێكرد.
پاشان بەڕێز حەسەن شەرەفی، جێگری سكرتێری گشتیی حیزبی دێموكرات چەند وتەیەكی بەم بۆنەوە پێشكەش كرد.
بەڕێز شەرەفی لە وتەكانیدا وێڕای پیرۆزبایی بە بۆنەی نوێ‌بوونەوەی ساڵ و جێژنی نەوەرۆز وەك هێمایەكی نەتەوەیی كورد لە ڕۆڵەكانی كورد بە گشتی و كۆمەڵانی خەڵكی كوردستانی ڕۆژهەڵات بە تایبەتی، ئاواتی ئەوەی خواست كە ساڵی تازە ساڵێكی پڕ لە خێر و خۆشی بۆ هەموو لایەك و ساڵی بەرینتربوونەوەی ڕاسان و گرێدانی خەباتی شار و شاخ و بەهێزتربوونی بزووتنەوەی كورد لە كوردستانی ڕۆژهەڵات بێت و ڕایگەیاند:
نەورۆز هێمایەكی نەتەوەیی كوردە كە سەرەڕای ئەو بەربەستانەی كە دەسەڵاتدارانی كوردكوژ لە سەر ڕێگای بەڕێوەچوونی پێكی دێنن، بەو حاڵەش هەموو ساڵێك بینەری بەڕێوەچوونی ئەم جێژنە نەتەوەییە لە سەرتاسەری كوردستان و بە شێوەیەكی بەرین و دوژمن تاسێن بووین كە ئەوە نیشاندەری ئیرادەی پتەوی كۆمەڵانی خەڵكی كوردستان لە سەر پاراستنی هێما نەتەوەییەكانی كوردە.
جێگری سكرتێری گشتیی حیزب هەروەها هیوای خواست كە: ڕێوڕەسمەكانی نەورۆز بۆ هەموو لایەك بە شادی و خۆشی تێپەڕن و وەك جێژنێكی نەتەوەیی و هێمای ژیانەوە و پێكەوەبوون بەڕێوە بچێ و جامانە و هەوری هەروا بە كەش و هەوای جێژنەوە دیار و دوژمن تۆقێن بن.
پاش وتەكانی كاك حەسەن شەرەفی، گۆرانییەك لە لایەن كۆڕی میۆزیكەوە پێشكەش كرا.
دواتر خاتوو ناهید حسەینی، شاعیری ناسراو و ئەندامی كۆمیتەی ناوەندیی حیزب، شیعرێكی خۆی لە ژێر ناوی سەمای جامانەدا خوێندەوە.
لە بەشێكی دیكەی ڕێوڕەسمەكەدا پۆلێك لە لاوانی كیژ و كوڕ كە مەشخەڵیان بە دەستەوە بوو، بەرەو شوێنی هەڵكردنی ئاگری نەورۆز وەڕێكەوتن. لەم بەشەدا حەسەن شەرەفی، جێگری سكرتێری گشتیی حیزب هاوڕێ لەگەڵ خاتوو چینی مینبەری، هاوسەری شەهید مام ئەكبەر مینبەری و خاتوو ژیلا ساڵحی، هاوسەری شەهید ڕەحیم گەرگوڵی پێكەوە ئاگری نەورۆزیان هەڵكرد.
لە بەشی كۆتایی ئەو ڕێورەسمەشدا ئامادەبوان بە شادی و گۆڤەند و هەڵپەڕكێی گشتی بەرەوپیری ساڵی نوێی كوردی و نەورۆزی جامانەكانەوە چوون.
شایانی باسە هەر بەم بۆنەیەوە بەڕێز مستەفا هیجری، سكرتێری گشتیی حیزبیش پەیامێكی بڵاو كردۆتەوە كە تێدا هاتووە:
لە بەرەبەری نەورۆزدا و بە بۆنەی هاتنی ساڵێكی نوێ، پیرۆزباییتان لێ دەكەین، نەورۆزێك كە ئیتر دەتوانێ هێمایەك بێ لە ڕاسانی خۆرهەڵات. لە كات و ساتێكی ئاوادا بوو كە ساڵی پار لە بناری قەندیلەوە پەیامی ڕاسانی خۆرهەڵاتمان پێ ڕاگەیاندن و پێمان وتن كە ئێمە وەك حیزبی دێموكراتی كوردستانی ئێران وەرزێكی نوێ لە خەباتی خۆرهەڵات دەست پێ دەكەینەوە.
سكرتێری گشتیی حیزب لە بەشێكی دیكەی پەیامەكەیدا ڕوو خەڵكی خۆڕاگری كوردستان ڕایگەیاندووە:
ئێستا پاش دوو ساڵ كاركردن بۆ گرێدانی خەباتی شار و شاخ، دەمانهەوێ دیسان ڕووی خۆمان لە ئێوە بكەین و بڵێین كە؛ ڕاسانی ڕۆژهەڵات ئیتر واتا و چەمكێكی بێگانە نیە لای هەموومان، بەڵكوو خەریكە دەبێتە ناسنامەیەك. ئەم بە ناسنامەبوونە لە ئاستی خەباتی شاخدا جێگای گرتووە و خەریكە ڕۆژ لە دوای ڕۆژ پتەوتر دەبێ، ... ئەوەش كە بۆ ئێوە دەمێنێتەوە گرتنە ئەستۆی بەرپرسیاریەتییە بەرانبەر بە ژیان و ڕزگاریی وڵاتەكەمان. لەم بوارەدا ئێمە یەكتر تەواو دەكەین، تاكوو پێكەوە ببین بە بونیادنەری كۆمەڵگایەكی ڕزگار و ئازاد. ئەوەی لە ساڵی داهاتوودا بەلای ئێمەوە گرینگە، بەردەوامیی پشتیوانیی خەباتی شاخە و لە هەمان كاتدا دەبێ هەموان كار لەسەر ئەوە بكەین كە چۆن شارەكانی كوردستان ببن بە لانكەی سەرەكیی خەباتی ڕزگاریخوازانەی گەلەكەمان.
