کوردستان میدیا: ڕۆژانی ٢٠ و ٢١ی مارسی ٢٠١٧، ئيسماعیل ئیبراھیمی، نوێنەری حیزبی دێموکراتی کوردستانی ئێران لە کانادا، سەردانی وەزارەتی دەرەوە و پارلەمانی ئەو وڵاتەی کرد.
بەپێی هەواڵی گەیشتوو بە ماڵپەری کوردستان میدیا، نوێنەری حیزبی دێموکراتی کوردستانی ئێران لە کانادا، لەگەڵ بەرپرسان و ئەندامانی پارلمانی ئەو وڵاتە دیداری کرد و سەبارەت بە راسانی گەلەکەمان بە ڕێبەريی حیزبی دێموکراتی کوردستانی ئێران و دوایین ئاڵوگۆڕەکانی کوردستان و ئێران، ڕەوشی زیندانیانی سیاسی، پەنابەران و پێوەنديی نێوان کانادا و ئێران ئاڵوگۆڕی بیروڕایان کرد.
لە سەردانی نوێنەری حیزب بۆ وزارەتی دەرەوە، لە نووسینگەی بەڕێز کریستیا فریلاند وەزیری دەرەوەی کانادا لە سەر ئەگەری کرانەوەی باڵوێزخانەی ڕێژیمی ئێران و مەترسيیەکانی ئەو پرسە بۆ چالاکانی سیاسيی کورد و ئێرانی و پێکهێنانی بارودۆخێکی خراپ لە لایەن دەسەڵاتدارانی ڕێژیمەوە لە بنکە دیپلۆماتیکەکان بۆ سیخوڕی لەسەر ھاوڵاتيان باس کرا و بەتایبەتی نوێنەری حیزب ھیوای خواست گەمارۆکانی سەر ئێران ھەر بەو شێوە بەھێز بمێنێتەوە.
ھەروەها لە پارلەمانی کانادا، نوێنەری حیزب سەردانی ھەر یەک لە کومیتەکانی کاروباری دەرەوەی سێنا، مافی مرۆڤ و کاروباری دەرەوی پارلەمانی کرد و لەگەڵ پاتریشیا بۆوی، دێوید ئاندێرسۆن، و گۆرد جۆنز کۆ بوونەوە و کۆمەڵێک بەڵگە و زانیاری لە سەر ڕەوشی مافی مرۆڤ، ئاپارتایدی ئابووريی ڕێژیم دژی گەلی كورد و دیاردەی کۆڵبەری، گەندەڵيی سیاسی و ئابووری و نێوەڕۆکی تیرۆریستی و سەرکوتکەری سپای پاسداران پێشکەشی ئەو بەرپرسانە کرا و راسانی ڕۆژهەڵات بە ڕێبەريی حێزبی دێموکراتی کوردستانی ئێران، وەک تاکە ڕێگای بەردەم شۆرشگێرانی کورد بۆ بەرەنگاری کۆماری ئیسلامی و بەرگری لە بەھا مرۆیی و دێموکراتیکەکان شی کرایەوە.
شایانی باسە ڕۆژی نەورۆزی ئەمسال و بۆ یەکەمجار و بە ھەوڵی پارلەمانتار تام کمیک و کۆمەڵی دۆستانی کورد لە پارلەمانی کانادا، جەژنی نەورۆز لە ھۆڵێکی سەرەکيی پارلەمان بە بەشداريی سەرۆکی حیزبی کۆنسێرواتیڤ و ژمارەیەکی بەرچاو لە ئەندامانی پارلەمان بەڕێوە چوو و نوێنەری حێزبی دێموکراتی کوردستانی ئێران، ھاوڕێ لەگەڵ ئەندامانی حیزب لە ڕۆژھەڵاتی کانادا، تێیدا بەشدار بوون.
بەپێی هەواڵی گەیشتوو بە ماڵپەری کوردستان میدیا، نوێنەری حیزبی دێموکراتی کوردستانی ئێران لە کانادا، لەگەڵ بەرپرسان و ئەندامانی پارلمانی ئەو وڵاتە دیداری کرد و سەبارەت بە راسانی گەلەکەمان بە ڕێبەريی حیزبی دێموکراتی کوردستانی ئێران و دوایین ئاڵوگۆڕەکانی کوردستان و ئێران، ڕەوشی زیندانیانی سیاسی، پەنابەران و پێوەنديی نێوان کانادا و ئێران ئاڵوگۆڕی بیروڕایان کرد.
لە سەردانی نوێنەری حیزب بۆ وزارەتی دەرەوە، لە نووسینگەی بەڕێز کریستیا فریلاند وەزیری دەرەوەی کانادا لە سەر ئەگەری کرانەوەی باڵوێزخانەی ڕێژیمی ئێران و مەترسيیەکانی ئەو پرسە بۆ چالاکانی سیاسيی کورد و ئێرانی و پێکهێنانی بارودۆخێکی خراپ لە لایەن دەسەڵاتدارانی ڕێژیمەوە لە بنکە دیپلۆماتیکەکان بۆ سیخوڕی لەسەر ھاوڵاتيان باس کرا و بەتایبەتی نوێنەری حیزب ھیوای خواست گەمارۆکانی سەر ئێران ھەر بەو شێوە بەھێز بمێنێتەوە.
ھەروەها لە پارلەمانی کانادا، نوێنەری حیزب سەردانی ھەر یەک لە کومیتەکانی کاروباری دەرەوەی سێنا، مافی مرۆڤ و کاروباری دەرەوی پارلەمانی کرد و لەگەڵ پاتریشیا بۆوی، دێوید ئاندێرسۆن، و گۆرد جۆنز کۆ بوونەوە و کۆمەڵێک بەڵگە و زانیاری لە سەر ڕەوشی مافی مرۆڤ، ئاپارتایدی ئابووريی ڕێژیم دژی گەلی كورد و دیاردەی کۆڵبەری، گەندەڵيی سیاسی و ئابووری و نێوەڕۆکی تیرۆریستی و سەرکوتکەری سپای پاسداران پێشکەشی ئەو بەرپرسانە کرا و راسانی ڕۆژهەڵات بە ڕێبەريی حێزبی دێموکراتی کوردستانی ئێران، وەک تاکە ڕێگای بەردەم شۆرشگێرانی کورد بۆ بەرەنگاری کۆماری ئیسلامی و بەرگری لە بەھا مرۆیی و دێموکراتیکەکان شی کرایەوە.
شایانی باسە ڕۆژی نەورۆزی ئەمسال و بۆ یەکەمجار و بە ھەوڵی پارلەمانتار تام کمیک و کۆمەڵی دۆستانی کورد لە پارلەمانی کانادا، جەژنی نەورۆز لە ھۆڵێکی سەرەکيی پارلەمان بە بەشداريی سەرۆکی حیزبی کۆنسێرواتیڤ و ژمارەیەکی بەرچاو لە ئەندامانی پارلەمان بەڕێوە چوو و نوێنەری حێزبی دێموکراتی کوردستانی ئێران، ھاوڕێ لەگەڵ ئەندامانی حیزب لە ڕۆژھەڵاتی کانادا، تێیدا بەشدار بوون.
