کوردستان میدیا: جێژنی نەتەوەیی نەورۆز لە شاری کۆڵنی ئاڵمان بە بەشداریی ژمارەیەکی بەرچاو لە بەشداربووان بەڕێوە چوو.

ڕۆژی یەکشەممە ڕێکەوتی ٢٩ی ڕەشەمەی ساڵی ١٣٩٥ی هەتاوی، بە بۆنەی جێژنی نەتەوەیی نەورۆزی ٢٧١٧ی کوردی، ڕێوڕەسمێکی بەشکۆ لە شاری کوڵن بەڕێوەچوو.

ئەو ڕێورەسمە بە هاوکاریی پێنج حیزبی کوردی لە هەرچوار بەشی کوردستان ئامادە کرابوو کە حیزبی دێموکراتی کوردستانی ئێران کومیتەی ئاڵمان یەکێک لە ئامادەکارانی ئەو ڕێوڕەسمە بووە و ژمارەیەک لە ئەندامانی حیزبی بەو بۆنەوە بەشدارییان تێدا کردبوو.