• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی ئاوریلی ٢٠١٨ی زایینی - ٠٢ی بانەمەڕی ١٣٩٧ی هەتاوی  

رێوڕه‌سمی ٢٦ی خەرمانان له‌ بنکه‌ی ده‌فته‌ری سیاسیی حیزب، به‌ڕێوه‌چوو

زایینی: ١٧-٠٩-٢٠١٢ - هەتاوی: ١٣٩١/٠٦/٢٧ - ١١:١٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
رێوڕه‌سمی ٢٦ی خەرمانان له‌ بنکه‌ی ده‌فته‌ری سیاسیی حیزب، به‌ڕێوه‌چوو
کوردستان میدیا: به‌بۆنه‌ی ٢٠مین ساڵـڕۆژی تیرۆری دوکتور سادق شه‌ره‌فکه‌ندی و هاوڕێیانی، رێوڕه‌سمێک له‌ بنکه‌ی ده‌فته‌ری سیاسیی حیزبی دێمۆکرات به‌ڕێوه‌چوو.


به‌پێی راپۆرتی هه‌واڵنێری ماڵپه‌ڕی کوردستان میدیا، رێکه‌وتی ٢٦ی خه‌رمانانی ١٣٩١ی هه‌تاوی، به‌بۆنه‌ی ٢٠مین ساڵـڕۆژی تیرۆری دوکتور سادق شه‌ره‌فکه‌ندی و هاوڕێیانی رێوڕسمێک به‌ به‌شداریی ئه‌ندامانی رێبه‌ری، کادر و پێشمه‌رگه‌ و بنه‌ماڵه‌کانیان و نوێنه‌رانی پارت و رێکخراوه‌کانی کوردستانی عێراق، له‌ ساڵۆنی گشتیی حیزبی دێمۆکراتی کوردستانی ئێران به‌ڕێوه‌چوو.


سه‌ره‌تای رێوڕه‌سمه‌که‌ به‌ خوێندنه‌وه‌ی سروودی نه‌ته‌وایه‌تیی "ئه‌ی ره‌قیب" و راگرتنی خوله‌کێک بێ‌ده‌نگی بۆ ریزگرتن له‌ گیانی پاکی تێکڕای شه‌هیدانی کوردستان، ده‌ستی پێکرد.


پاشان په‌یامی ده‌فته‌ری سیاسیی حیزبی دێمۆکراتی کوردستانی ئێران له‌لایه‌ن به‌ڕێز "محه‌ممه‌د نه‌زیف قادری" ئه‌ندامی ده‌فته‌ری سیاسیی حیزب خوێندرایه‌وه.


به‌ڕێز قادری له‌ په‌یامه‌که‌دا وتی: "له‌ کۆتایی ساڵی ١٣٧١ی هه‌تاوی، رێبه‌ری به‌وه‌جی حیزبه‌که‌مان، دوکتور سه‌عید، به‌مه‌به‌ستی به‌شداری له‌ کۆنگره‌ی ئه‌نترناسیۆنال سوسیالیست چووه‌ شاری بێرلین و له‌ ماوه‌ی کاری کۆنگره‌دا زۆر چالاکانه‌ به‌شداریی له‌ کاره‌کانی کرد. دوکتور شه‌ره‌فکه‌ندی له‌ به‌شی دووهه‌می سه‌رفه‌ره‌که‌یدا له‌گه‌ڵ ئوپۆزسیۆنی ئێران له‌ ریستوورانی میکۆنووس کۆبووه‌وه‌ که‌ به‌داخه‌وه‌ له‌گه‌ڵ کۆمه‌ڵێک هاوڕێی حیزبیی دیکه‌ کرانه‌ ئامانجی دیپلۆمات تیرۆریسته‌کانی رێژیمی ئیسلامیی ئیران و به‌ داخه‌وه‌ شه‌هید کران".


ناوبراو له‌ درێژه‌ی وته‌کانیدا وتی: "کاک سه‌عید، له‌ ماوه‌ی نیزیک به‌ ٢٠ ساڵ خه‌بات و تێکۆشانی بێ‌وچانی له‌ حیزبی دێمۆکراتدا، بوو به‌ خاوه‌نی ئه‌زموونێکی زۆر و له‌ ئه‌رک و به‌رپرسایه‌تییه‌کانیدا نموونه‌ی رێبه‌رێکی سه‌رکه‌وتوو بوو له‌ زۆربه‌ی ئۆرگانه‌کانی حیزبیدا، رۆڵ و نه‌خشی دیار بوو و وه‌ک مودیرێکی سه‌رکه‌وتوو، رێبه‌رێکی به‌ هه‌ڵوێست و بڕیارده‌ر بوو و به‌ سیمایه‌کی دێمۆکرات و کادرێکی باش و که‌سایه‌تییه‌کی راستگۆ له‌ نێو هاوڕێیانی و خه‌ڵکی کوردستاندا ناسرا".


دواتر پارچه‌ شیعرێک له‌ژێر ناوی "کۆچی ئاگرینی هه‌تاو" که‌ له‌لایه‌ن خاتوونی شاعیر، "گوڵباخ به‌رامی"یه‌وه‌ به‌و بۆنه‌وه‌ نێردرابوو بۆ رێوڕەسمه‌که، له‌لایه‌ن به‌ڕێز "جه‌نگیز سیگارچی"یه‌وه‌ خوێندرایه‌وه.


له‌ بڕگه‌یه‌کی دیکه‌ی رێوڕه‌سمه‌که‌دا، سروودێک له‌ژێر ناوی "خه‌رمانانی خوێن" له‌لایه‌ن کۆڕی هونه‌ریی حیزبی دێمۆکراتی کوردستانی ئێرانه‌وه‌ پێشکه‌ش کرا.


پاشان پارچه‌ شیعرێک له‌ژێر ناوی "دوکتور سه‌عید سیمبولی به‌ڵێن" له‌لایه‌ن به‌ڕێز "چه‌نگیز سیگارچی"، پێشکه‌شکاری به‌رنامه‌وه‌ خوێندرایه‌وه.


دواتر سروودێک له‌ژێر ناوی "سادقی شه‌ره‌فکه‌ندی" له‌لایه‌ن کۆڕی هونه‌ریی حیزبه‌وه‌ پێشکه‌ش به‌ به‌شدارانی رێوڕه‌سمه‌که‌ کرا.


گرووپی هه‌منه‌وازی سه‌ما، تابلۆیه‌کی ده‌ف ژه‌نینیان به‌بۆنه‌ی ٢٠مین ساڵڕۆژی تیرۆری دوکتور شه‌ره‌فکه‌ندی پێشکه‌ش کرد.


دواتر په‌یامی یه‌کیه‌تییه‌کانی ژنان، لاوان و خوێندکارانی دێمۆکراتی کوردستانی ئێران، له‌لایه‌ن به‌ڕێز "ره‌حمان ئه‌میری"، ئه‌ندامی هه‌یئه‌تی به‌ڕێوه‌به‌ریی یه‌کیه‌تیی خوێندکارانی دێمۆکراتی کوردستانی ئێرانه‌وه‌ خوێندرایه‌وه‌ و له‌ کۆتاییشدا په‌یام و برووسکه‌ی پارت و لایه‌نه‌ سیاسییه‌کانی به‌شدار وه‌کوو پارتی دێمۆکراتی کوردستان، یه‌کیه‌تیی نیشتمانیی کوردستان، حیزبی شیۆعیی کوردستان، بزووتنه‌وه‌ی گۆڕان و رێکخراو مه‌ده‌نییه‌کان له‌ کۆیه، له‌لایه‌ن پێشکه‌شکاری به‌رنامه‌وه‌ خوێندرانه‌وه.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: