• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی فێڤریەی ٢٠١٨ی زایینی - ٠٤ی رەشەمەی ١٣٩٦ی هەتاوی  

کۆمەڵگای سیاسیی کوردستانی ڕۆژهەڵات و کاریگەریی ڕاسان

زایینی: ٠٥-٠٤-٢٠١٧ - هەتاوی: ١٣٩٦/٠١/١٦ - ٢١:٢٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
کۆمەڵگای سیاسیی کوردستانی ڕۆژهەڵات و کاریگەریی ڕاسان
ن: ئارەش ساڵح

نەزمێک کە ئەمڕۆ لە کۆمەڵگای نێونەتەوەیی‌دا زاڵە؛ لەسەر ئەساسی دابەشکردنی ئەرکەکان لە نێوان ئامریکا و لیبڕاڵ دێموکراسیەکانی‌تر هاتۆتە ئاراوە. وڵاتانی لیبڕاڵ دێموکرات کە لە نێوان خۆیاندا نزیک بوونەتەوە بەو ئارمانەی کە "کانت" بە ناوی ئاشتیی هەتاهەتایی ناوی لێ دەبرد، بۆ ئەوەی بتوانن نەزمی سەقامگرتوو بپارێزن و لەو نەزمەدا بەرژەوەندییەکانی ئەوان پارێزراو بێت و بەها کۆمەڵایتییەکانیان باڵادەست بێت، ئەوا ڕۆڵێکیان کە بۆ ئامریکا بینیوە ڕۆڵی پشتیوانیی سەربازی و ئاسایشی ئەو نەزمەیە. بۆیە پلانی ئامریکا بۆ گەشەی سەربازی و فراوانتر کردنی بودجە سەربازییەکەی و زیاتر بنیاتنانی بنکەی سەربازی لە گۆشە و کەناری دنیا نەتەنیا لە لایەن لیبڕاڵ دێموکراسیەکانەوە وەکوو مەترسی چاوی لێ ناکرێت، بەڵکوو زۆریش پێشوازیی لێ دەکرێت. بۆ وێنە ئینگلیس، فەڕانسە، سۆئێد و هەموو وڵاتانی‌تری لیبڕاڵ دێموکرات هەموو کاتێک لە وتووێژەکانیاندا لەگەڵ ئامریکا هەوڵ دەدەن ئەو وڵاتە زیاتر هان بدەن بەرەو ئەو کارە.

بەم پێشەکیەوە دەمهەوێت بڕۆمە سەر نەزمی سیاسیی هەبوو لە کوردستانی ڕۆژهەڵات. ئەگەرچی ئەو دوو نەزمە سیاسییە جیاوازیی پێکهاتەییان هەیە، بەڵام لە چیەتی‌ دا هەردووکیان دەکەونە خانەی نەزمی سیاسی و پێوەندییەکانی هێزەوە. بۆیە بە باوەڕی من دەکرێت کە تا ڕادەیەک لەو دەستەواژە و تیۆرییانە کە نەزمی یەکەم شی دەکەنەوە کەڵک وەربگیردرێت بۆ ئەوەی کە نەزمی هەبوو لە کوردستانی ڕۆژهەڵات شی بکرێتەوە و لەسەری باس بکرێت.

لە ڕاستی‌دا نەزمی سیاسیی سەقامگرتوو لە کوردستان نەزمێکی هایرارشیکە کە دەسەڵاتی کۆماری ئیسلامی گرینگترین یاریکەریەتی و ڕۆڵی یاریکەرانی دیکە لەچاو کۆماری ئیسلامی زۆر کەمە و تەنانەت نایێتە بەرچاویش. لەم نەزمە‌دا کۆماری ئیسلامی دەتوانێت بە کەیفی خۆی ڕێساکانی یاری بە سەر هەموو کۆمەڵگای سیاسی – بە دامەزراوەکانی کۆمەڵگای مەدەنیشەوە- بسەپێنێت و خۆشی بە هەر مەرجێك کە خۆی حەز کات یاریکەرانی‌تر سزا بدات. ئەگەر بمانهەوێ وێنای ئەو نەزمە بکەین زیاتر لە نەزمێکی بە تەواوی مانا تاک جەمسەری دەچێت کە کۆمەڵگای سیاسی واتە ئەحزاب و لایەنە سیاسی و پیشەییەکان و کۆمەڵگای مەدەنی هیچ ڕۆڵیان لە دەستنیشان کردنی ڕێساکانی یاری نیە.

لەم نەزمەدا، ئەوەی کە زەرەمەند دەبێت هەم کۆمەڵگای مەدەنی و هەم لایەنە سیاسیەکانن کە بە یەک ڕادە دەکەونە بەر هەوڵی کۆماری ئیسلامی بۆ ژێر ڕکێف خستنیان. دەسەڵاتی سیاسی لە ئێران بە گشتی و لە کوردستان بە تایبەتی هیچ بەربەستێک لە پێش ئەوە نابینێت کە بە هەر شێوازێک کە خۆی حەز کات لەگەڵ کۆمەڵگای مەدەنی و لایەنە سیاسییەکان یاری، کونتروڵ یان سەرکوتیان بکات. ئەو بەربەستە لە وڵاتە دێموکراتیکەکاندا نەزمی سیاسی سەقامگرتوو لە کۆمەڵگای سیاسی پێکی دەهێنێت؛ واتە دەوڵەت لەو وڵاتانە خۆی لە نەزمێکدا دەبینێت کە ئەگەرچی هایرارشیکیش بێت، بەڵام ئەحزابی سیاسی، میدیا، کۆمەڵگای مەدەنی و ئیلیتی سیاسی خاوەن دەسەڵاتن و بە هەندێک یاسا و ڕێسا ئەو دەسەڵاتەیان پارێزراوە. بۆیە ئەگەر لە وڵاتێکی دێموکراتیک‌دا لایەنێکی ئۆپۆزیسیۆن بەهێز بێت ئەوا بەهێزتر بوونی ئەو لایەنە نەتەنیا لە دژی بەرژەوەندیی ئۆپۆزسیون نیە، بەڵکوو پانتایەک بۆ کردەوە بۆ هێزەکانی تر دەڕەخسێنێت کە دەتوانن لەو پانتاییەدا ڕۆڵ بگێڕن و کاریگەرییان هەبێت.

ئێمڕۆ ڕاسان تەنیا هێزێکە کە دەتوانێت ئەو ڕۆڵە لە کۆمەڵگای سیاسیی کوردستانی ڕۆژهەڵات بگێرێت. ئەگەر چاو لێ بکەین، ئەمڕۆ تەنیا کانوونێکی بەرگری لە بەرانبەر دەسەڵاتی سەرەڕۆی سیاسی لە ئێران کە دەتوانێت چڕبوونەوەیەکی هێز پێک بێنێت و خاوەن یەکگرتوویی گوتار بێت، ئەوا ڕاسانە. ڕاسان تەنیا کانوونێکە لە کوردستانی ڕۆژهەڵات کە توانایی ئەوەی هەیە کە واتا ببەخشێت بە زنجیرەیەک لە چالاکی کە لە نێوخۆ و دەرەوەی ڕاسان لە سەرانسەری کوردستاندا دێنە ئاراوە. بۆ وێنە کۆبوونە شەش قۆڵیەکەی هێزەکانی ڕۆژهەڵات بە هەبوونی ڕاسان واتایەکی جیدی‌تر پەیدا دەکات و کەمپەینی نەورۆزی جامانە واتاکەی خۆی لە حوزوری ڕاسانەوە وەردەگرێت، ئەگەرچی هەردووی ئەو چالاکیانە لە دەرەوەی ڕاسان پێکهاتوون.

کۆمەڵگای مەدەنی لە کوردستان تەنیا زەمانێک دەتوانێت کاریگەر بێت و جێی گرینگی بێت کە لەسەر نەخشە ببیندرێت و لەسەر مەدار بکەوێتە بەرچاو. بینینی کۆمەڵگای مەدەنییش زۆر پێوەندیی بەوەوە هەیە کە کوردستانی ڕۆژهەڵات ببێت بە کێشەیەک لە هاوکێشەکانی ئێران و ناوچە. لە ڕاستیدا نە بزاڤی خوێندکاری، نە بزاڤی ژنان و نە کۆمەڵگای مەدەنی لە کوردستانی ڕۆژهەڵات ناتوانن لە هێز و کاریگەریی‌دا لەگەڵ ئەوانەی تاران و کۆمەڵگای ناوەند بەروارد بکرێن. ئەوەی لە کوردستان وەکوو کۆمەڵگای مەدەنی و بزاڤە کۆمەڵایتییەکان دەناسرێت، یان هەر بوونی نیە یان زۆر لاواز و ناکاریگەرە. بۆیە تەنیا تایبەتمەندییەک کە دەتوانێت ئەو کۆمەڵگایە وەکوو ڕۆژئاواییەکان دەڵێن بێنێتە سەر نەخشە، ئەوا تایبەتمەندیی کۆمەڵگای کوردستانە و هەبوونی کەلێنێکی گەورەیە کە چالاکانە واتا بەخشی دەکات. ئەو کەلێنە چ بمانهەوێ چ نا، تەنیا ساتێک چالاک بووە و تەنیا کاتێک واتابەخشیی کردووە کە هاوکات بووە لەگەڵ هێزێکی چەکداری بەهێز و کانوونێکی بەرگری کە بتوانێت هێز کەڵەکە (موتەمەرکێز) بکات.

ئەمە بەو واتایە نیە کە پێویستە هەموو کەس ڕوو لە شاخ بکات؛ وەکوو ئەوەی کە لە نێو کورد دا باوە کە دەڵێن؛ بۆ خزمەت کردن پێویست ناکات هەموو ببن بە پێشمەرگە. لەگەڵ هەبوونی ڕاسان، لایەن و حیزبە جیاوازەکان و بزاڤەکان و کۆمەڵگای مەدەنی لەهەرکوێ بن و ئایا بەشێک لە ڕاسان بن یان نا، لەلایەکەوە خاوەن کاریگەریی زۆرتر دەبن و لەلایەکی تریشەوە پانتایی چالاکییان بەرفراوانتر دەبێت.

ئەگەر بگەڕێینەوە بۆ ئەو نموونەیەی کە لە کۆمەڵگای نێودەوڵەتی وەرمان گرت، ئەوا هەبوونی ڕاسان وەکوو کانوونێکی چەکداریی بەهێز دەتوانێت نەزمێک کە کۆماری ئیسلامی نزیک بە چل ساڵە خەریکە لەوێ سەقامگیری دەکات تووشی کێشەی سەرەکی بکات. لەگەڵ ڕاسان دەسەڵاتی سیاسی چالەنجێکی جیددی لەبەردەم ئەوە دەبینێت کە قاعیدەی یاری بە سەر کۆمەڵگای سیاسی لە کوردستان بسەپێنێت. لە لایەکی ترەوە بە هەبوونی ڕاسان کوردستانی ڕۆژهەڵات بە هەموو کۆمەڵگای مەدەنی و ئەحزاب و لایەنەکانیانەوە دێنە سەر نەخشە و مەدارە نێودەوڵەتییەکان دەیانخوێننەوە.

لە ئاکامدا دەبێت بڵێم کە ڕاسان نەتەنیا هیچ مەترسیەک بۆ هیچ هێزێک نیە کە نایەوێت بچێتە سەرشاخ، بەڵکوو هەلێکە بۆ ئەو هێزانە کە بتوانن لە پانتایەک کە ڕاسان پێکی دەهێنێت کەڵک وەربگرن بۆ هەناسە دان و چالاکی کردن. ئەمە ئەرکی ڕێبەرایەتیی ڕاسانە کە ئەم بابەتە بۆ لایەنەکان شی بکاتەوە و دڵنیایان بکاتەوە. لە ڕاستیدا کۆمەڵگای سیاسیی کوردستان کە بریتییە لە ڕێکخراوە سیاسی و مەدەنییەکانی کوردستانی ڕۆژهەلات، دەتوانن بە هۆی نزیکیی بەهاکانیان، خۆیان لە جەمسەرێکدا بدۆزنەوە کە ڕاسان دەتوانێت بەدیهێنەری نەزمێک بێت کە لە نێویدا ئەو جەمسەرە زیاتر بەرژەوەندییەکانی پارێزراو بێت و کاریگەرتر و جیددی‌تر بێتە بەرچاو.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.