• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی ئوکتۆبەری ٢٠١٧ی زایینی - ٠١ی خەزەڵوەری ١٣٩٦ی هەتاوی  

یادی شەهیدانی ١٠ی خاکەلێوە لە وڵاتی نۆروێژ بەرز ڕاگیرا

زایینی: ١١-٠٤-٢٠١٧ - هەتاوی: ١٣٩٦/٠١/٢٢ - ١٩:٢٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
یادی شەهیدانی ١٠ی خاکەلێوە لە وڵاتی نۆروێژ بەرز ڕاگیرا
کوردستان میدیا: بە بۆنەی ڕۆژی شەهیدانی کوردستانەوە ڕێوڕەسمێک لە وڵاتی نۆروێژ بەڕێوە چوو.

ڕۆژی یه‌كشه‌ممه‌ ڕێكه‌وتی٢٠ی خاکەلێوەی ١٣٩٦ی هەتاوی، کۆمیتەی حیزبی دێموکرات لە ناوچەی ئۆسلۆ لە وڵاتی نۆرویژ، بۆ ڕێزگرتن لە شەهیدانی ڕێگای ئازادیی کورد و کوردستان و بەتایبەت یەکەم سەرکۆماری کوردستان پێشەوا قازی محەممەد، لە "ناوەندی قازی" کۆڕیادێکی بەڕێوە برد.

سەرەتای کۆڕیادەکە بە خوێندنی سروودی نەتەوەیی "ئەی ڕەقیب" و پاشان خۆلەکێک بێدەنگی بۆ ڕێزگرتن لە گیانی پاکی هەموو شەهیدانی ڕێگای ڕزگاریی نەتەوەیی کورد دەستی پێکرد.

دواتر پەخشانێک لە لایەن "سمکۆ بێکەس"ەوە پێشکەش بە بەشداربووان کرا.

لە بڕگەیەکی دیکەی ڕێوڕەسمەکەدا ٧ مۆم بە نیشانەی ٧٠ ساڵەی لەسێدارەدانی پێشەوا و هاورێیانی، لە لایەن "ئامینە شاتری" وەک دایکی شەهید و "ئیبراهیم لاجانی" وەک کوڕی شەهید داگیرسێندرا.

پاشان ڕاگەیەندراوی دەفتەری سیاسیی حیزبی دێموکراتی کوردستانی ئێران بە بۆنەی ڕۆژی شەهیدان لە لایەن "شەمسەدین فەرامەرزی"، ئەندامی کۆمیتە ناوچەی ئۆسلۆ پێشکەش کرا.

دواتر بابەتێکی تایبەت بە ڕۆژی شەهیدان و بەرپرسیارەتی درێژەدەرانی ڕێگای شەهیدان لە لایەن بەڕێز "عەبدوڵڵا حیجاب"ەوە پێشکەش کرا.

شایانی باسە بەشداران بە سەرنج و تێبینی خۆیان سمینارەکەیان دەوڵەمەندتر کرد.

لەو ڕێوڕەسمەدا پێشانگای وێنەی شەهیدان لە لایەن بەشدارانەوە کرایەوە.

دواتر باسێک لە سەر لیستی شەهیدان لە لایەن "ساڵح وەلیزادە" وەک بەرپرسی تەشکیلاتی گشتی لە کۆمیتەی حیزبی دێموکرات لە نۆرویژ پێشکەش کرا.

هەروەها لەوحی ڕێزلێنان لە بنەماڵەی شەهیدان، لەلایەن "عەباس نامی"، بەرپرسی کۆمیتە ناوچەی ئۆسلۆ پێشکەش بە بنەماڵەی شەهیدان کرا.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١١ لەم ژمارەیەدا:

ــ ڕاسان، هۆکاری سەرەکی سپا بۆ ئاڵۆزییەکانی کەرکووک
ــ چەوسانەوەی نەتەوەیی )نەتەوەی کورد( لە ئێران، لە ڕوانگەی بیردۆزی ڕەخنەگرانەی تێکنۆلۆژییەوە
ــ لاوازکردنی ئێران لە پێناو سەقامگیریی و ئاشتیدا
ــ مـــەرگــی نــــووســەر