• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٧ی ژولیەی ٢٠١٧ی زایینی - ٠٥ی گەلاوێژی ١٣٩٦ی هەتاوی  

ڕۆژی شەهیدانی کوردستان لە وڵاتی بڵژیک بەرز ڕاگیرا

زایینی: ١٢-٠٤-٢٠١٧ - هەتاوی: ١٣٩٦/٠١/٢٣ - ١٨:٠٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕۆژی شەهیدانی کوردستان لە وڵاتی بڵژیک بەرز ڕاگیرا
کوردستان میدیا: ڕێورەسمی ڕێزگرتن لە ڕۆژی شەهیدانی کوردستان لە وڵاتی بڵژیک بە بەشداری ژمارەیەکی بەرچاو لە میوانان بەڕێوە چوو.

ڕۆژی شەممه ڕێکەوتی ١٩ی خاکەلێوەی ١٣٩٦ی هەتاوی، ڕێوڕەسمێک بە بۆنەی ١٠ی خاکەلێوە ڕؤژی شەهیدانی کوردستان لە لایەن یەکیەتیی لاوانی دێموکراتی کوردستانی ئێران لە وڵاتی بڵژیک بەڕێوە چوو.

سەرەتای ڕێوڕەسمەکە بە سرووی نەتەوەیی "ئەی ڕەقیب" و ساتێک بێدەنگی بۆ ڕێزگرتن لە گیانی پاکی شەهیدانی کورد و کوردستان دەستی پێکرد.

پاشان وتارێک لەلایان "عەلی ئەشرەف مورادی" ئه ندامی ڕێبەرایەتی حيزبەوه پێشکەش كرا،.

مورادي له قسەكانيدا به وردی باسی له سەر كەسايەتی پێشەوا وەكوو ڕێبەرێکی كاريزماتيک كرد، هەروەها له تەوەری دووهەمی وتارەکەیەدا، باسی باندۆری كۆماری كوردستان وەكوو هێماکی نەتەوەیی له سەر كۆمەڵگای كوردی كرد و پێشەوا و حيزبی دێموكراتی وەكوو، پێشڕەوانی ناسيۆناليزمی مۆدێرنی كوردی پێناسه كرد.

پاشان وتارێک له لايان "كاوه ئاهەنگەری"، بەرپرسی پێوەنديیەكانی حيزبی دێموکرات له بڵژيک پێشکەش کرا.

ئاهەنگەری له باسەكەيدا، تيشكی خسته سەر نەتەوەیی بوونی كۆماری کوردستان، كه ببووه هێمای نەتەوەیی و كوردەكانی له دەوری خۆی كۆ كردبووە و كه هێشتاش ئێمه و هەموو حيزبه نەتەوەیيەكان له سفرەی كۆمار دەخۆين و هێز و گڕ و تين دەگرين.

پاشان پەيامی يەكيەتیی ژنان و لاوان له لايەن، "ناسک نه سيرزاده" و "سامان پورئامان"ـەوه خوێندرایەوە.

له دوايين بەشی ڕێوڕەسمەکەدا، لەوحی ڕێزلێنان پێشکەش بە بنەماڵەی سەربەزی شەهیدانی کرا.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٥ لەم ژمارەیەدا:

ــ مستەفا هیجری: بێجگە لە ئێرانییەکان لــە مێــژووی مرۆڤایەتیــدا ...
ــ چاڵی لاوازی کۆماری ئیسلامی
ــ پێوەر و پرەنســیپە نەگۆڕەکانی قاسملوو لە سیاســەتدا بە نیسبەت کوردەکانــی پارچەکانی دیکە
ــ وتووێژی ڕۆژنامەی کوردستان لەگەڵ دوکتور ئیدریس ئەحمەدی