کوردستان میدیا: بەبۆنەی دەسپێکی ساڵی نوێی خوێندن، یەکیەتیی پیشەیی مامۆستایانی کوردستانی ئێران، راگەیەنراوێکی بڵاو کردەوە.
دەقی راگەیەنراوەکە بەم چەشنەیە:
کۆمه‌ڵانی خه‌ڵکی کوردستان!
قوتابیان! مامۆستایان!
هه‌روه‌ک هه‌موان ده‌زانین، یه‌کی ره‌زبه‌ر، وه‌ک مژده‌هێنه‌ری هیوا به ژیان و ئیلهام به‌خشی گۆڕان، سه‌ره‌تای قۆناخێکی نوێیه له ژیانی قوتابییان و کۆمه‌ڵگای به‌رفراوانی ئێران به‌گشتی. بۆ ده‌سپێکی ئه‌م رۆژه پیرۆزه سه‌رجه‌م کۆڕ و کۆمه‌ڵانی خه‌ڵک ده‌که‌ونه جموجۆڵ و له پرۆژه‌ی به‌رینی کرانه‌وه‌ی قوتابخانه و خوێندنگاکاندا به‌شداری ده‌که‌ن تا به‌ڵکوو بتواننن به رازاوه‌ترین شێواز جگه‌رگۆشه‌کانیان راده‌ستی قوتابخانه بکه‌ن و داهاتوویه‌کی گه‌شیان بۆ بونیاد بنێن. به سه‌رنجدان به‌و راستییه که منداڵانی ئه‌مڕۆی هه‌ر گه‌لێک ناودارانی دوارۆژی ئه‌و گه‌له پێک دێنن، پێویسته داهاتووی ئه‌وان له‌هه‌ر پرسێک له پێشتر بێ و هه‌رجۆره رێفۆرم و ئاڵوگۆڕێک له قازانج و به‌رژه‌وه‌ندی ئه‌واندا ره‌نگ بداته‌وه.
هه‌ر به‌م بۆنه‌وه یه‌کیه‌تی پیشه‌یی مامۆستایانی کوردستانی ئێران به دڵێکی پڕ له ئاواته‌وه پیرۆزبایی خۆی ئاراسته‌ی سه‌رجه‌م قوتابیانی ئازیز و مامۆستایانی به‌رپرس و لێهاتووی نیشتمانه‌که‌مان ده‌کا و هاوکات هیواداره به پشتیوانی کۆمه‌ڵگای مافخوازی نه‌ته‌وه‌که‌مان به‌ره‌و ده‌سته‌به‌ر بوونی که‌رامه‌تی ئینسانی واته ئاشتی و ئازادی و به‌رابه‌ری هه‌نگاو بنێن.
به بروای ئێمه ئامانجی کۆتایی په‌روه‌رده و راهێنان ده‌ست راگه‌یشتن به‌و به‌ها و بنه‌ماگه‌له‌یه که له‌ودا ده‌رفه‌تی گه‌شه‌ی کۆمه‌ڵایه‌تی له رێگه‌ی ده‌ستراگه‌یشتن به مه‌سه‌له‌ی خوێندن، له‌شساخی و تکنیکه کۆمه‌ڵایه‌تییه‌کان وه‌دی بێ، به‌ڵام مخابن سیستمی په‌روه‌رده‌ی ئه‌مڕۆی ئێمه که‌وتووەته به‌ر په‌لاماری ئه‌ندێشه‌ی دوگمی تاقمی فه‌رمانره‌وا و به مه‌به‌ستی پاراستنی ده‌سه‌ڵاتی پر له شووره‌یی ئیستبداد، ته‌نها هه‌ڵگری ناوه‌ڕۆکی کۆنه‌په‌ره‌ستانه‌یه. حکوومه‌تی کۆماری ئیسلامی به که‌ڵک وه‌رگرتنی خراپ له ده‌زگای په‌روه‌رده‌ی ئێران ئیدئۆلۆژی به‌رته‌سکی ناسه‌ردمیانه‌ی خۆی هێناوه‌ته ئاراوه‌و به لێڵ کردنی سه‌رچاوه‌ی بێگه‌ردی ژیانی منداڵانی وڵاته‌که‌مان له هه‌وڵی خوڵقاندنی گێژاو بۆ داهاتوویان دایه، که ئه‌مه‌ش له‌گه‌ڵ کولتوور و ویستی راسته‌قینه‌ی گه‌لی ئێمه یه‌ک ناگرێته‌وه.
هاونیشتمانه به‌رێزه‌کان!
هه‌روه‌ک ئاگادارن له ساڵی رابردوودا هه‌واڵی منداڵ‌ئازاری و توندوتیژی دژی ی‌ئه‌وان وه‌ک یه‌کێک له تراژدییا خه‌مهێنه‌ره‌کان ده‌نگی دایه‌وه. منداڵانی بێبه‌ش کراو له خوێندن هه‌روا له ژێر بێ مێهری و نابه‌رابه‌ری حکوومه‌تی به‌ناو ئیمامی زه‌مان ماونه‌ته‌وه و هیچ یه‌ک له لایه‌نه‌کانی ده‌سه‌ڵات له‌هه‌مبه‌ر بارودۆخی خراپی منداڵانی سه‌رشه‌قام و له کار تێوه‌گلاو خۆی به به‌رپرسیار نازانێ. گۆڕانکارییه یه‌ک له‌دوای یه‌که‌کانی ئه‌م رۆژانه‌ی ده‌زگای په‌روه‌رده و فێرکردن رووکاری زانستییان پێوه دیار نییه و له قازانج و به‌رژه‌وه‌ندی گشتی قوتابیاندا خۆ نابیننه‌وه. سیاسه‌تی ئامانجدار کردنی یارانه‌کان سه‌رەڕای ئه‌وه‌ی که ئاستی هه‌ژاری منداڵانی دانه‌به‌زاندووه، به‌ڵکوو بۆشایی خستووەته به‌شی به‌رهه‌مهێنان و سه‌قامگیری بازاره‌کانی هێنده‌ی دیکه لێک ترازاندووه و له ئاکامدا هه‌ژاری و بێ ده‌ره‌تانیی زێده‌تر له جاران به‌رۆکی کۆمه‌ڵگای ئێمه‌ی گرتووەته‌وه.
خه‌ڵکی خه‌باتکاری کوردستان!
ئێمه له حاڵێکدا که ده‌بینین چۆنیه‌تی ئه‌منییه‌تی بینا و ئیمکاناتی ره‌فاهی قوتابخانه‌کان له که‌مترین ئاستی مومکین دان و کارگه و تاقیگه‌ی نێو خوێندنگاکان ره‌نگی قروون وێستاییان پێوه دیاره، له حاڵێکدا که ده‌بینین به ناوی جێژنی عاتفه و ده‌سته واژه‌گه‌لی هاوچه‌شن له‌سه‌ر شه‌قام به بێ له به‌رچاگرتنی شکاندنی که‌سایه‌تی مرۆڤ گه‌دایی بۆ منداڵه هه‌ژاره‌کانمان ده‌کرێ، یان له حاڵێکدا که حوکمی مووچه‌ی مامۆستایان پاش وه‌دره‌نگ که‌وتنی ٥ مانگ و ئه‌ویش به بێ لێکدانه‌وه‌ی نرخی راسته‌قینه‌ی هەڵاوسان ده‌رده‌چێ، له به‌رانبه‌ردا ده‌بینین که رێژیمی ئاخووندی گه‌ڵاڵه و پلانه‌کانی ته‌نیا له به‌رژه‌وه‌ندی مانه‌وه‌ی ته‌مه‌نی ویلایه‌ته خوێنمژه‌که‌ی خۆیدا هێشتووەته‌وه. ده‌ست و پێوه‌ندییه‌کانی حکوومه‌تی به‌ناو ئیسلامی جگه له‌وه‌ی که بۆ سه‌لماندنی وه‌فاداری به یه‌کتر خه‌زانه‌ی نه‌ته‌وه‌یی به بێ حیساب پێشکه‌ش به یه‌کتر ده‌که‌ن، تۆڕ و تاقمه بونیادگه‌را تێرۆریسته‌کانی ئه‌وپه‌راوپه‌ری جیهان و حکوومه‌ته نادێمۆکراتیکه‌کانی ئه‌فریقا و ئه‌مریکاش له سێبه‌ری به‌خششی میلیاردی ئه‌وانه‌وه حه‌واونه‌ته‌وه.
مامۆستایانی راسته‌قینه و مافخوازی کوردستان!
بۆ هه‌موان ئاشکرایه که ده‌سه‌ڵاتی کۆنه‌په‌ره‌ستی، چیتر ناتوانێ به ناوی نوێنه‌ری خوا له سه‌ر زه‌وی و به ناوی موبهه‌می وزه‌ی ئه‌تۆمی سامانی نه‌ته‌وییمان به قوڕگی زلهێزه‌کانی جیهاندا بکاو خه‌ڵکی ساویلکه فریو بدا. ئێمه دڵنیاین که ئه‌م دیکتاتۆره‌ش له به‌رانبه‌ر تووڕه‌یی خرۆشانی گه‌لانی وه‌زاڵه هاتووی ئێران خۆ ناگرێ و به زوویی مه‌حکووم به مه‌رگ و نه‌مان ده‌بێ. هه‌ر بۆیه سه‌ره‌ڕای له ئارادا بوونی کۆسپه‌کانی به‌رده‌م پرۆسه‌ی په‌روه‌رده و گوشار و ئاسته‌نگ بۆسه‌ر بزووتنه‌وه پیشه‌یی و سه‌ندیکایی، ئه‌و چاوه‌ڕوانییه له مامۆستایان ده‌کرێ که وه‌ک هه‌میشه قورس و قایم روو له ویستی ره‌وای گه‌ل و پشت له پارێزه‌رانی جه‌هل و نه‌زانی، هه‌ڵوێستی شیاو بگرن و به کرده‌وه وه‌ڵامی نا به‌و ده‌سیسانه بده‌نه‌وه که له‌گه‌ڵ بنه‌ماکانی مافی مرۆڤ و دادپه‌روه‌ری و ئاشتی یه‌ک ناگرنه‌وه.
ئێمه وه‌ک یه‌کیه‌تیی پیشه‌یی مامۆستایانی کوردستانی ئێران، بۆ جارێکی دیکه پێداگری له وه‌دیهاتنی مافه ره‌واکانی مامۆستایان و قوتابیان ده‌که‌ین و هاوکات راده‌گه‌یه‌نین که مافی چالاکی رێخکراوه و ئه‌نجومه‌نه پیشه‌ییه‌کانی کوردستان له‌مه‌ڕ ده‌سته‌به‌ر بوونی مافه سینفییه‌کانیان به کارێکی ره‌وا و پیرۆز ده‌نرخێنین.
پته‌وتر بێ رێزه‌کانی خه‌باتی گه‌لی کورد بۆ هه‌ڵاتنی خۆری ئازادی و دێمۆکراسی
یه‌کیه‌تیی پیشه‌یی مامۆستایانی کوردستانی ئێران
دەقی راگەیەنراوەکە بەم چەشنەیە:
کۆمه‌ڵانی خه‌ڵکی کوردستان!
قوتابیان! مامۆستایان!
هه‌روه‌ک هه‌موان ده‌زانین، یه‌کی ره‌زبه‌ر، وه‌ک مژده‌هێنه‌ری هیوا به ژیان و ئیلهام به‌خشی گۆڕان، سه‌ره‌تای قۆناخێکی نوێیه له ژیانی قوتابییان و کۆمه‌ڵگای به‌رفراوانی ئێران به‌گشتی. بۆ ده‌سپێکی ئه‌م رۆژه پیرۆزه سه‌رجه‌م کۆڕ و کۆمه‌ڵانی خه‌ڵک ده‌که‌ونه جموجۆڵ و له پرۆژه‌ی به‌رینی کرانه‌وه‌ی قوتابخانه و خوێندنگاکاندا به‌شداری ده‌که‌ن تا به‌ڵکوو بتواننن به رازاوه‌ترین شێواز جگه‌رگۆشه‌کانیان راده‌ستی قوتابخانه بکه‌ن و داهاتوویه‌کی گه‌شیان بۆ بونیاد بنێن. به سه‌رنجدان به‌و راستییه که منداڵانی ئه‌مڕۆی هه‌ر گه‌لێک ناودارانی دوارۆژی ئه‌و گه‌له پێک دێنن، پێویسته داهاتووی ئه‌وان له‌هه‌ر پرسێک له پێشتر بێ و هه‌رجۆره رێفۆرم و ئاڵوگۆڕێک له قازانج و به‌رژه‌وه‌ندی ئه‌واندا ره‌نگ بداته‌وه.
هه‌ر به‌م بۆنه‌وه یه‌کیه‌تی پیشه‌یی مامۆستایانی کوردستانی ئێران به دڵێکی پڕ له ئاواته‌وه پیرۆزبایی خۆی ئاراسته‌ی سه‌رجه‌م قوتابیانی ئازیز و مامۆستایانی به‌رپرس و لێهاتووی نیشتمانه‌که‌مان ده‌کا و هاوکات هیواداره به پشتیوانی کۆمه‌ڵگای مافخوازی نه‌ته‌وه‌که‌مان به‌ره‌و ده‌سته‌به‌ر بوونی که‌رامه‌تی ئینسانی واته ئاشتی و ئازادی و به‌رابه‌ری هه‌نگاو بنێن.
به بروای ئێمه ئامانجی کۆتایی په‌روه‌رده و راهێنان ده‌ست راگه‌یشتن به‌و به‌ها و بنه‌ماگه‌له‌یه که له‌ودا ده‌رفه‌تی گه‌شه‌ی کۆمه‌ڵایه‌تی له رێگه‌ی ده‌ستراگه‌یشتن به مه‌سه‌له‌ی خوێندن، له‌شساخی و تکنیکه کۆمه‌ڵایه‌تییه‌کان وه‌دی بێ، به‌ڵام مخابن سیستمی په‌روه‌رده‌ی ئه‌مڕۆی ئێمه که‌وتووەته به‌ر په‌لاماری ئه‌ندێشه‌ی دوگمی تاقمی فه‌رمانره‌وا و به مه‌به‌ستی پاراستنی ده‌سه‌ڵاتی پر له شووره‌یی ئیستبداد، ته‌نها هه‌ڵگری ناوه‌ڕۆکی کۆنه‌په‌ره‌ستانه‌یه. حکوومه‌تی کۆماری ئیسلامی به که‌ڵک وه‌رگرتنی خراپ له ده‌زگای په‌روه‌رده‌ی ئێران ئیدئۆلۆژی به‌رته‌سکی ناسه‌ردمیانه‌ی خۆی هێناوه‌ته ئاراوه‌و به لێڵ کردنی سه‌رچاوه‌ی بێگه‌ردی ژیانی منداڵانی وڵاته‌که‌مان له هه‌وڵی خوڵقاندنی گێژاو بۆ داهاتوویان دایه، که ئه‌مه‌ش له‌گه‌ڵ کولتوور و ویستی راسته‌قینه‌ی گه‌لی ئێمه یه‌ک ناگرێته‌وه.
هاونیشتمانه به‌رێزه‌کان!
هه‌روه‌ک ئاگادارن له ساڵی رابردوودا هه‌واڵی منداڵ‌ئازاری و توندوتیژی دژی ی‌ئه‌وان وه‌ک یه‌کێک له تراژدییا خه‌مهێنه‌ره‌کان ده‌نگی دایه‌وه. منداڵانی بێبه‌ش کراو له خوێندن هه‌روا له ژێر بێ مێهری و نابه‌رابه‌ری حکوومه‌تی به‌ناو ئیمامی زه‌مان ماونه‌ته‌وه و هیچ یه‌ک له لایه‌نه‌کانی ده‌سه‌ڵات له‌هه‌مبه‌ر بارودۆخی خراپی منداڵانی سه‌رشه‌قام و له کار تێوه‌گلاو خۆی به به‌رپرسیار نازانێ. گۆڕانکارییه یه‌ک له‌دوای یه‌که‌کانی ئه‌م رۆژانه‌ی ده‌زگای په‌روه‌رده و فێرکردن رووکاری زانستییان پێوه دیار نییه و له قازانج و به‌رژه‌وه‌ندی گشتی قوتابیاندا خۆ نابیننه‌وه. سیاسه‌تی ئامانجدار کردنی یارانه‌کان سه‌رەڕای ئه‌وه‌ی که ئاستی هه‌ژاری منداڵانی دانه‌به‌زاندووه، به‌ڵکوو بۆشایی خستووەته به‌شی به‌رهه‌مهێنان و سه‌قامگیری بازاره‌کانی هێنده‌ی دیکه لێک ترازاندووه و له ئاکامدا هه‌ژاری و بێ ده‌ره‌تانیی زێده‌تر له جاران به‌رۆکی کۆمه‌ڵگای ئێمه‌ی گرتووەته‌وه.
خه‌ڵکی خه‌باتکاری کوردستان!
ئێمه له حاڵێکدا که ده‌بینین چۆنیه‌تی ئه‌منییه‌تی بینا و ئیمکاناتی ره‌فاهی قوتابخانه‌کان له که‌مترین ئاستی مومکین دان و کارگه و تاقیگه‌ی نێو خوێندنگاکان ره‌نگی قروون وێستاییان پێوه دیاره، له حاڵێکدا که ده‌بینین به ناوی جێژنی عاتفه و ده‌سته واژه‌گه‌لی هاوچه‌شن له‌سه‌ر شه‌قام به بێ له به‌رچاگرتنی شکاندنی که‌سایه‌تی مرۆڤ گه‌دایی بۆ منداڵه هه‌ژاره‌کانمان ده‌کرێ، یان له حاڵێکدا که حوکمی مووچه‌ی مامۆستایان پاش وه‌دره‌نگ که‌وتنی ٥ مانگ و ئه‌ویش به بێ لێکدانه‌وه‌ی نرخی راسته‌قینه‌ی هەڵاوسان ده‌رده‌چێ، له به‌رانبه‌ردا ده‌بینین که رێژیمی ئاخووندی گه‌ڵاڵه و پلانه‌کانی ته‌نیا له به‌رژه‌وه‌ندی مانه‌وه‌ی ته‌مه‌نی ویلایه‌ته خوێنمژه‌که‌ی خۆیدا هێشتووەته‌وه. ده‌ست و پێوه‌ندییه‌کانی حکوومه‌تی به‌ناو ئیسلامی جگه له‌وه‌ی که بۆ سه‌لماندنی وه‌فاداری به یه‌کتر خه‌زانه‌ی نه‌ته‌وه‌یی به بێ حیساب پێشکه‌ش به یه‌کتر ده‌که‌ن، تۆڕ و تاقمه بونیادگه‌را تێرۆریسته‌کانی ئه‌وپه‌راوپه‌ری جیهان و حکوومه‌ته نادێمۆکراتیکه‌کانی ئه‌فریقا و ئه‌مریکاش له سێبه‌ری به‌خششی میلیاردی ئه‌وانه‌وه حه‌واونه‌ته‌وه.
مامۆستایانی راسته‌قینه و مافخوازی کوردستان!
بۆ هه‌موان ئاشکرایه که ده‌سه‌ڵاتی کۆنه‌په‌ره‌ستی، چیتر ناتوانێ به ناوی نوێنه‌ری خوا له سه‌ر زه‌وی و به ناوی موبهه‌می وزه‌ی ئه‌تۆمی سامانی نه‌ته‌وییمان به قوڕگی زلهێزه‌کانی جیهاندا بکاو خه‌ڵکی ساویلکه فریو بدا. ئێمه دڵنیاین که ئه‌م دیکتاتۆره‌ش له به‌رانبه‌ر تووڕه‌یی خرۆشانی گه‌لانی وه‌زاڵه هاتووی ئێران خۆ ناگرێ و به زوویی مه‌حکووم به مه‌رگ و نه‌مان ده‌بێ. هه‌ر بۆیه سه‌ره‌ڕای له ئارادا بوونی کۆسپه‌کانی به‌رده‌م پرۆسه‌ی په‌روه‌رده و گوشار و ئاسته‌نگ بۆسه‌ر بزووتنه‌وه پیشه‌یی و سه‌ندیکایی، ئه‌و چاوه‌ڕوانییه له مامۆستایان ده‌کرێ که وه‌ک هه‌میشه قورس و قایم روو له ویستی ره‌وای گه‌ل و پشت له پارێزه‌رانی جه‌هل و نه‌زانی، هه‌ڵوێستی شیاو بگرن و به کرده‌وه وه‌ڵامی نا به‌و ده‌سیسانه بده‌نه‌وه که له‌گه‌ڵ بنه‌ماکانی مافی مرۆڤ و دادپه‌روه‌ری و ئاشتی یه‌ک ناگرنه‌وه.
ئێمه وه‌ک یه‌کیه‌تیی پیشه‌یی مامۆستایانی کوردستانی ئێران، بۆ جارێکی دیکه پێداگری له وه‌دیهاتنی مافه ره‌واکانی مامۆستایان و قوتابیان ده‌که‌ین و هاوکات راده‌گه‌یه‌نین که مافی چالاکی رێخکراوه و ئه‌نجومه‌نه پیشه‌ییه‌کانی کوردستان له‌مه‌ڕ ده‌سته‌به‌ر بوونی مافه سینفییه‌کانیان به کارێکی ره‌وا و پیرۆز ده‌نرخێنین.
پته‌وتر بێ رێزه‌کانی خه‌باتی گه‌لی کورد بۆ هه‌ڵاتنی خۆری ئازادی و دێمۆکراسی
یه‌کیه‌تیی پیشه‌یی مامۆستایانی کوردستانی ئێران
