• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی نوامبری ٢٠١٧ی زایینی - ٠٢ی سەرماوەزی ١٣٩٦ی هەتاوی  

ترس لە ڕاسان ڕۆژ لە دوای ڕۆژ زیاتر خۆی دەردەخات

زایینی: ١٩-٠٤-٢٠١٧ - هەتاوی: ١٣٩٦/٠١/٣٠ - ١٢:٣٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ترس لە ڕاسان ڕۆژ لە دوای ڕۆژ زیاتر خۆی دەردەخات
کوردستان میدیا: هاوکات لەگەڵ ڕۆژی ئەرتەش ڕێژیم دیسانەوە ترسی خۆی لە ڕاسانی ڕۆژهەڵات دەربڕی.

لە چه‌ند ڕۆژی ڕابردوودا، میدیاكانی ئێران گرینگییه‌كی تایبه‌تیان‌ به‌ به‌ڕێوه‌چوونی مانۆڕه‌كانی ڕۆژی ئه‌رتش له‌ شاره‌ جۆراوجۆره‌كانی ڕۆژهه‌ڵاتی كوردستان داوه‌. میدیاكانی ڕژیم وێڕای بڵاو كردنه‌وه‌ی وێنه‌ و ویدیۆی هێزه‌ چه‌كداره‌كانیان له‌ كوردستان به‌ شێوه‌ی به‌ربڵاو، له‌ هه‌موو هه‌واڵه‌كاندا هه‌ندێک ڕ‌ستەیان‌ چه‌ند جار دووپات کردەوە کە بەشێکیان ئەمانەن: "له‌ به‌رامبه‌ر دوژمنان ڕاوه‌ستاوین و ئیزن به‌ بوونیان ناده‌ین"، "خۆمان ئاماده‌ی شه‌ڕی نیابه‌تی دوژمنان كردووه‌"، "پێش ئه‌وه‌ی دوژمن بگات به‌ سنووره‌كانمان له‌ ناوی ده‌به‌ین" و … .

هاوكات ڕۆژی ڕابردوو ٢٩ی خاکەلێوە کە لە ئێراندا بە ڕۆژی ئەرتش ناودێر کراوە، فه‌رمانده‌ی هێزی زه‌وینی ئێران، وێڕای ئاماژه‌ به‌وه‌ كه‌ "هێرش باشترین به‌رگریه‌"، ڕایگه‌یاند كه‌ پێكهاته‌ی ئه‌م هێزه‌ ده‌گۆڕین به‌ هێزی هێرشبه‌ر.

بەپێی ئەو هەواڵ و زانیارییانەش کە بە دەست ماڵپەڕی کوردستان میدیا گەیشتوون؛ سپای تێرۆریستی پاسداران لە چەند ڕۆژی ڕابردوودا و لە بەرەبەری دەسپێکی قۆناغی نوێی ڕاسان چه‌ك و كه‌ره‌سته‌ی نیزامی جۆراوجۆریان له‌ شوێنه‌كانی دیكه‌ی ئێرانەوە بۆ كوردستان ڕەوانە کردووە و تەنانەت بەشێک لە مۆڵگە کۆن و چۆڵەکانیان ئاوەدان کردۆتەوە.

هەروەها بەپێی دوایین هەواڵەکان ڕێژیم لە ڕۆژی ئەرتەشی ئەمساڵدا زیاتر لە هەموو ساڵێک مانۆڕی سەربازی لە شارەکانی کوردستان ئەنجام داوە کە لە هەندێک شوێنی وەک شاری سەقزیش بووەتە جێگەی گاڵتەجاڕی سەقز و بەهۆی کۆنی و بەکەڵک نەبوونی کەلوپەلە سەربازییەکانیان مانۆڕەکەیان لێ شێواوە و ئەو کەسانەی کە شاهێدی ئەم بابەتە بوون بە گاڵتەپیکردنەوە سەیری بارودۆخەکەیانیان کردووە.

هه‌موو ئه‌مانه‌ ته‌نیا پیشانده‌ری ئه‌و ڕاستیه‌ن كه‌ ده‌سپێكردنی قۆناغی نوێی خه‌باتی ڕۆژهه‌ڵاتی كوردستان له‌ چوارچێوه‌ی ”ڕاسان”، رژیمی ئێرانی تووشی یه‌كێک له‌ گه‌وره‌ترین قه‌یرانه‌كانی كردووه‌. ڕژیم هه‌وڵ ده‌دات به‌ هه‌ر شێوه‌یه‌ك پێش له‌ درێژه‌ پێدانی ڕاسان بگرێت. ڕژیم هه‌روه‌ها هه‌وڵ ده‌دات كه‌ ڕاسان په‌ره‌ نه‌ستێنێت و له‌م ئاسته‌دا بمێنێته‌وه‌ غافڵ لەوەیکە ڕاسان هەنووکە بووەتە بیرێکی جێگرتوو لە هزری تاکەکانی کوردستان.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک