• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی ئاوریلی ٢٠١٨ی زایینی - ٠٢ی بانەمەڕی ١٣٩٧ی هەتاوی  

هەوڵی گەرمكردنی تەنووری هەڵبژاردن، بوو بە نمایشی كۆمیدی

زایینی: ٢٠-٠٤-٢٠١٧ - هەتاوی: ١٣٩٦/٠١/٣١ - ٢٠:٣٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هەوڵی گەرمكردنی تەنووری هەڵبژاردن، بوو بە نمایشی كۆمیدی
سەلام ئیسماعیل پوور

شانۆی هەڵبژاردنی ڕێژیمی ئێران هەر لە سەرەتاوە بۆتە سیركێك كە كۆمەڵێك ئەكتەری سەیروسەمەرە ڕۆڵی تێدا دەگێڕن. هێندێك لە مۆرە ناسراوەكانی ڕێژیمیش وێڕای دەربڕینی تووڕەیی لەو نمایشە، بە مایەی گاڵتەجاڕی و ئابڕووچوون بۆ ڕێژیمی لە قەڵەم دەدەن.

هەواڵدەریی حكوومەتيی ئیلنا لە سەر زاری عەلی ئەسغەر ئەحمەدی، سەرۆكی نووسینگەی هەڵبژاردنەكانی ڕێژیمەوە ڕایگەیاند؛ ١٣٦١ كەس بۆ بەشداری لەو هەڵبژاردنەدا ناوی خۆیان تۆمار كردووە. هێندێك لەو كەسانە بە دەربڕین و قەڵافەت و سیمای جیاوازەوە چوونە وەزارەتی نێوخۆی ڕێژیم و لە بەردەم كامێراكاندا دەیانگوت هەر بۆ پێكەنین هاتوون، یان لە بەر بێكاری و بۆ دۆزینەوەی كار هاتوونەتە ئەو شوێنە.

لەو پێوەندییەدا ئاخوند مەكارم شیرازی كە نەیتوانی تووڕەیی خۆی بشارێتەوە ڕایگەیاند: "هێندێك كەس ئاگایانە بۆ گاڵتەكردن بە هەڵبژاردنی سەركۆماری و زەبروەشاندن لە نیزام بە بێ ئەوەی كە هیچ شیاوییەكیان تێدا بێت، بۆ تۆماركردنی ناوی خۆیان هاتوون و تەنانەت بە ڕيز ڕادەوەستن بۆ ناونووسین".

ناوبراو هەروەها ڕایگەیاند: "هێندێك لە بەرپرسان ئەمە بە مایەی گەرمكردنی بازاڕی هەڵبژاردن دەزانن، لە حاڵێكدا كە ئەوە مایەی ئابڕووچوونە و دەمانكاتە مایەی گاڵتەجاڕی لە جیهاندا".

موحسین ڕەزایی، دەبیری كۆڕی تەشخیسی مەسڵەحەتی ڕیژیمیش كە لە چەند ساڵی ڕابردوودا چەند جار كاندیدای سەركۆماری بووە، لە نووسینێكدا ڕەخنەی توندی لە هاتنی كۆمەڵێك كەس بۆ نووسینگەی هەڵبژاردنەكانی وەزارەتی نێوخۆ گرتووە كە بە "نەخۆشی دەروونی" ناوی بردوون و ئەو ڕەوتەی بە "سووكایەتی بە خەڵك" و گاڵتەكردن بە بەناو دێموكراسییەكەی ڕێژیم لە قەڵەم داوە.

لەو پێوەندییەدا یەكەم كەسێك كە بۆ ناونووسین سەردانی وەزارەتی نێوخۆی ڕێژیمی كرد، پیاوێك بوو كە كفنی سپیی لە سەرتاپێی خۆی ئاڵاندبوو. دوابەدوای ئەویش نیگابانێكی كارگەی كاشیی "مەیبۆد"ی یەزد ناوی خۆی تۆمار كرد. ئەو كرێكارە دەڵێ دەمهەوێ لەگەڵ دۆناڵد ترامپ كێبڕكێی مەلەوانی بكەم.

لە ڕۆژی سێهەمیشدا پیاوێك لەگەڵ كچە سێ ساڵانەكەی سەردانی وەزارەتی نێوخۆی كرد تاكوو ناوی كچەكەشی بنووسێت، بەڵام داخوازی ناونووسكردنی ئەو كچە بەهۆی كەمبوونی تەمەنی ڕەت كرایەوە.
بە گوێرەی ڕاپۆرتی هەواڵدەریی حكوومەتيی تەسنیم، ئەو باوكە بە هەواڵنێرانی وت: "ئامانجی من لە ناونووسكردنی كچە سێ ساڵانەكەم، دەستپێكردنی چالاكییە سیاسیەكانی ئەو بوو".

یەكێكی دیكە لە ئەكتەرە سەرنجڕاكێشەكانی ئەم شانۆیە، ئاخوندێكی شپرزە بوو كە دەڵێ دەیهەوێ كشتوكاڵ و چاندنی خەشخاش لە ئێراندا بكاتە یاسایی، چوونكە تریاك لەگەڵ بنەما فیقهی و ئیدئۆلۆژیكەكانی نێو یاسای بنەڕەتیی ڕێژیم ناتەبا نیە و دەبێ ئازاد بكرێت.

هاوكات، ڕاگەیەنەكانی ڕێژیم لەم نمایشەشدا وازیان لە سووكایەتی بە فەرهەنگ و هێماكانی شوناسی نەتەوەكانیش نەهێنا و وێڕای گاڵتەكردن بە جلوبەرگی لوڕیی كاندیدایەكی چواردە ساڵە، نووسیان تەنانەت "موراد بەیگ"یش بۆ سەركۆماری ناوی خۆی نووسی. شایانی باسە "موراد بەیگ" ناوی چەتەیەكی یاخی لە یەكێك لە دراما بەناوبانگە ئێرانییەكاندایە.

یەكێك لە كاندیداكانی سەركۆماریی ڕێژیم بانگەشەی پێغەمبەرایەتی دەكات و ڕایگەیاندووە؛ لە لایەن خوداوە ڕاسپێردراوە بۆ ئەوەی ببێتە سەركۆمار و خەڵك ڕزگار بكات.

كاندیدایەكی لاو دەڵێ ناچار بووە دە هەزار تمەن بە قەرز وەربگرێت بۆ ئەوەی كە بێتە وەزارەتی نێوخۆ و ناوی خۆی بنووسێت. ئەو دەڵی ئەگەر بچمە نەتەوە یەكگرتووەكان، هەر كەسێك سووكایەتی بە ئێران بكات و پێی لە بەڕەکەی زیاتر ڕابكێشێت، لووتی دەشكێنم.

پاڵێوراوێكی كراواتی دەڵێ: "كراوات بەستنی من هۆكارێكی قورئانیی هەیە، چوونكە قورئان داوا لە خەڵك دەكا جوان و ڕازاوە بن".

ژنێكی دیزاینەری جلوبەرگیش كە وادیارە نازانێ ژنان مافی خۆپاڵاوتنیان لەو نمایشەدا نیە دەڵێ؛ بەهۆی ئەوەی كە دیزاینەری جلوبەرگم، ناسراو و خۆشەویستیشم و لە سەر دەنگی ژنان حیساب دەكەم.

ئەكتەرێكی سینەماش پاش تۆماركردنی ناوی خۆی ڕایگەیاند: " ٥ـ٦ ساڵە بێكارم. پێم خۆش بوو هەر جووڵەیەك بكەم با بێكار نەبم".

كەسێكی دیكە كە خوێندەواریی تا پۆلی شەشەمی سەرەتایی هەیە، ڕایگەیاندووە: ئەگەر ببمە سەركۆمار، بە هەر بێكارێك ١٥ میلیۆن تمەن دەدەم.

پاڵێوراوێكی دیكە دەڵێ؛ سێسەد هەزار تمەن دەداتە هەر ئێرانییەك و شاری برووجێردیش دەكاتە پایتەختی ئیداری و سیاسیی ئێران.

لەم نێوانەدا هێندێك كەسیش بە جلوبەرگی كوردی چوونە وەزارەتی نێوخۆی ڕێژیم بۆ ئەوەی كە لەو شانۆیە وەدوا نەكەون. لە نێو ئەوانەدا كەسانێك هەن كە لە بنەڕەتدا بەهۆی ئەوەی كە سەر بە ئایینزای سوننەن، مافی ئەوەیان نیە وەكوو پاڵێوراو بەشداریی لە هەڵبژاردندا بكەن، بەڵام سەرەڕای ئەوەش بۆ گەرمكردنی بازاڕی پڕوپاگاندای بەناو هەڵبژاردن یان بە بۆچوونی هێندێك لە بەرپرسانی ڕێژیم، بۆ گاڵتەكردن بە نیزام بەشدارییان لەو ڕەوتەدا كرد.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: