• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی ژولیەی ٢٠١٧ی زایینی - ٣١ی پوشپەڕی ١٣٩٦ی هەتاوی  

سه‌ده‌یه‌ک هه‌ورازی سه‌ر ڕێگای ڕۆژنامه‌وانیی كورد

زایینی: ٠٧-٠٥-٢٠١٧ - هەتاوی: ١٣٩٦/٠٢/١٧ - ١٨:٣٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
سه‌ده‌یه‌ک هه‌ورازی سه‌ر ڕێگای ڕۆژنامه‌وانیی كورد
چەکۆ ئەحمەدی

سه‌ده‌یه‌ک و هه‌ژده‌ ساڵ له‌وه‌پێش ڕۆژنامه‌یه‌كی كوردی بووه‌ زمانحاڵی نه‌ته‌وه‌یه‌ک كه‌ له‌ هه‌ستیارترین ناوچه‌ی جیهان و چوارده‌ور ته‌نراو له‌ دوژمن، هه‌ڵكه‌وتووه‌. له‌وانه‌یه‌ لای مرۆڤێكی په‌روه‌رده‌كراوی وڵاتانی پێشكه‌وتوو و ئازاددا جێی سه‌رسووڕمان بێ گه‌ر باس له‌ گرنگیی چاپ و بڵاوبوونه‌وه‌ی ڕۆژنامه‌ به‌ زمانی نه‌ته‌وه‌یه‌كی میلیۆنی بكرێ، به‌ڵام بۆ ئێمه‌ی كوردی نیشته‌جێ له‌ ڕۆژهه‌ڵاتی نێوه‌ڕاستدا به‌ خاڵێكی گرنگ دێته‌ ئه‌ژمار، هه‌رچه‌ن به‌داخه‌وه‌ له‌چاو وڵاتان و نه‌ته‌وه‌كانی دیكه‌ له‌و بواره‌دا گه‌لێك له‌پاشتر بووین، به‌ڵام دیسانیش چاپی یه‌كه‌م ڕۆژنامه‌ی كوردی و درێژه‌ كێشانی تا ئاستی پرۆفیشناڵی لای ئێمه‌ی كورد بایه‌خی تایبه‌تی هه‌یه‌.

له‌ ماوه‌ی ئه‌م زیاتر له‌ سه‌ده‌یه‌ی ڕۆژنامه‌گه‌ریی كورددا، چ نه‌ته‌وه‌ و چ ڕۆژنامه‌گه‌رییه‌كه‌ی گه‌لێك هه‌وراز و نشێو هاتۆته‌ سه‌ر ڕێگای. گه‌لێك مرۆڤی خۆنه‌ویست له‌م بواره‌دا ده‌ستیان داوه‌ته‌ پێنووس و گه‌لێك بابەتی گرنگیان تۆمار كردووه‌. له‌وانه‌یه‌ له‌ وڵاتانی پێشكه‌وتوودا ئامانجی سه‌ره‌كیی ڕۆژنامه‌گه‌ری زانیاری پێدان و هاندانی تاكه‌كانی كۆمه‌ڵگا بێ بۆ به‌رده‌وامیی خوێندنه‌وه‌ی ‌ڕۆژانه‌، به‌ڵام هه‌ر له‌ سه‌ره‌تاوه‌ ئه‌ركی ڕۆژنامه‌ و ڕۆژنامه‌وانانی نه‌ته‌وه‌ی كورد له‌ ئاستێكی به‌رینتردا بیچمی گرت و به‌ ناچار و به‌ هۆی به‌رته‌سكی یا نه‌بوونی بواری دیكه‌، ده‌با ڕۆڵی مامۆستای زمانی كوردی، تۆمارگه‌ی مێژوویی، زیندوو ڕاگرتنی ئه‌ده‌بیاتی نووسراوه‌ و ته‌نانه‌ت زاره‌كیش، زانیاری و هه‌واڵی گرنگ گه‌یاندن به‌ كۆمه‌ڵگا و ناساندنی ئه‌دیب و نووسه‌ر و ڕێبه‌ر و هه‌ڵكه‌وته‌كانی كۆمه‌ڵگاش بگێڕێ.

بۆیه‌ وه‌ك ئاماژه‌ی پێكرا، ده‌ستپێكی چاپ و بڵاوبوونه‌وه‌ی یه‌كه‌م ڕۆژنامه‌ی كوردی لای نه‌ته‌وه‌ی كوردی بێ وڵات گرنگیی تایبه‌تی هه‌یه‌ و هه‌موو ساڵێكیش له‌م سه‌روبه‌نده‌دا له‌ زۆر جێگادا كۆڕ و كۆبوونه‌وه‌ی تایبه‌تی بۆ به‌ڕێوه‌ ده‌چێ.

به‌داخه‌وه‌ له‌ ماوه‌ی ئه‌م زیاتر له‌ یه‌ك سه‌ده‌یه‌دا گه‌لێك قۆناغی تاقه‌تپڕووكێن تووشی ڕۆژنامه‌گه‌ریی كوردی بووه‌ و له‌وانه‌یه‌ به ده‌یان ساڵی تێدا ببینرێ كه‌ ته‌نانه‌ت لاپه‌ڕه‌یه‌كی ڕۆژنامه‌شی تێدا بڵاو نه‌كرابێته‌وه‌، به‌ڵام بیرۆكه‌ی نووسین و تۆمار كردن و بڵاو كردنه‌وه‌ی ڕۆژنامه‌ لای هه‌ڵكه‌وتوانی نه‌ته‌وه‌ی كورد به‌رده‌وام له‌گۆڕێدا بووه‌.

به‌ چاوخشاندنێك به‌ مێژووی یه‌ك سه‌ده‌ی ڕابردوودا زۆر به‌ ئاشكرا بۆمان ده‌رده‌كه‌وێ كه‌ له‌ هه‌موو ئه‌و قۆناغانه‌دا كه‌ شۆڕشێكی كورد ته‌نانه‌ت دوو مانگیش ئاسووده‌یی به‌ خۆیه‌وه‌ دیتبێ یا ده‌رفه‌تی به‌رده‌ست كه‌وتبێ، دانانی چاپخانه‌ و پێكه‌و‌ه‌نانی چوارچێوه‌ و میچێك بۆ پێنووس به‌ده‌ستانی كۆمه‌ڵگا و خه‌باتگێڕان، له‌ یه‌كه‌م هه‌نگاوه‌كانی ئه‌و شۆڕشه‌ بووه‌ و تا ئێستاشی له‌گه‌ڵ بێ له‌ هه‌موو به‌شه‌كانی كوردستاندا ئه‌و خاڵه‌ گرنگه‌، گرنگیی خۆی پاراستووه‌ و خه‌باتگێڕانی كورد ئه‌وه‌نده‌ی له‌ توانایاندا بووبێ بواریان بۆ ئه‌م بابه‌ته‌ لواندووه‌.

ئه‌گه‌ر ئاوڕێك له‌ مێژووی ڕۆژنامه‌گه‌ریی نه‌ته‌وه‌ی كورد بده‌ینه‌وه‌، ناتوانین باس له‌و بابه‌ته‌ بكه‌ین و حیزب و ڕێكخراوه‌ كوردییه‌كان له‌به‌رچاو نه‌گرین و ڕۆڵی ئه‌و حیزبانه‌ هه‌ركامه‌ و به‌ ڕاده‌ی لێهاتوویی و ده‌سه‌ڵاتی خۆیان بۆ پاراستن و درێژه‌ كێشانی ڕۆژنامه‌گه‌ری له‌به‌رچاو نه‌گیردرێ. كاتێ باس له‌ حیزب و ڕێكخراوه‌كانی كوردستان ده‌كرێ، بێگومان هه‌موو ئه‌و تاكانه‌ش له‌خۆ ده‌گرێ كه‌ به‌ هۆی چالاكی و خه‌باتگێڕی به‌ مه‌به‌ستی ڕزگاریی نه‌ته‌وه‌ و نیشتمان ناچار بوون په‌ڕیوه‌ی هه‌نده‌ران بن، كه‌ به‌خۆشییه‌وه‌ به‌شێكی به‌رچاویان به‌تایبه‌ت له‌ ڕابردوودا كه‌مته‌رخه‌می باڵی به‌سه‌ریاندا نه‌كێشا و به‌رده‌وام له‌ خه‌می نیشتماندا هه‌وڵیان ده‌دا له‌ تاراوگه‌ش ئه‌گه‌ر زۆر به‌رته‌سكیش بووبێ، دیسانیش چ كورتخایه‌ن و چ درێژخایه‌ن له‌ هه‌وڵی چاپ و بڵاو كردنه‌وه‌ی ڕۆژنامه‌یه‌كدا بن كه‌ زمانی نه‌ته‌وه‌یه‌كی دابه‌شكراو بێ.

ئاماژه‌ی پێكرا كه‌ ناكرێ باس له‌ پرسی ڕۆژنامه‌گه‌ری بكرێ و ڕۆڵی حیزبه‌كان له‌و بواره‌دا له‌به‌رچاو نه‌گیردرێ. هه‌موو ئه‌وانه‌ی ئاگاداری مێژووی نه‌ته‌وه‌ی كورد و شۆڕشه‌كانی هه‌ن، ده‌زانن كه‌ تا ئێستاشی له‌گه‌ڵ بێ نه‌ته‌وه‌ی كورد قه‌ت ده‌رفه‌تێكی وه‌ك نه‌ته‌وه‌كانی دیكه‌ی بۆ نه‌لواوه‌ و چ له‌ ڕابردوودا و چ ئێستاش له‌ دۆخێكی ئاساییدا نه‌بووه‌ تاكوو سترایژییه‌كی هه‌بێ بۆ لانیكه‌م نیو سه‌ده‌، بۆیه‌ ئه‌وه‌ی تا ئێستا كردوویه،‌ ته‌نیا به‌ هۆی وه‌ئه‌ستۆ گرتنی گوشار و ماندووبوونی له‌ڕاده‌به‌ده‌ری خه‌باتگێڕانیه‌وه‌ بووه‌ و ئه‌گه‌ر ته‌نیا ئاوڕێك له‌ شۆڕشه‌كانی ڕۆژهه‌ڵات و گرنگیدانی ڕێبه‌ران و خه‌باتگێڕانی كورد له‌و پرسه‌، بده‌ینه‌وه‌، ده‌بینین كه‌ له‌ هه‌موو ده‌رفه‌تێكی نه‌ زۆر له‌باریشدا به‌ خێرایی چوارچێوه‌یه‌ك بۆ خزمه‌ت به‌ بواری ڕۆژنامه‌گه‌ری چێ‌كراوه‌ و هه‌وڵ دراوه‌ به‌ شێوه‌یه‌كی ڕێكخراو و سیستماتیك، ڕۆژنامه‌ و گۆڤاری كوردی چاپ و بڵاو بكرێته‌وه‌.

كاتێ پاش دامه‌زراندنی حیزبی دێموكرات ڕێبه‌رانی ئه‌و حیزبه‌ بڕیاری مێژوویی دامه‌زراندنی كۆماری كوردستانیان دا، ته‌نانه‌ت پێش ڕاگه‌یاندنی كۆماری كوردستان له‌لایه‌ن حیزبی دێموكراته‌وه‌ له‌ ساڵی ١٣٢٤دا ڕۆژنامه‌ی كوردستان بڵاوكه‌ره‌وه‌ی بیری حیزبی دێموكراتی كوردستان چاپ و بڵاو ده‌كرایه‌وه‌ و بۆ یه‌كه‌مجار له‌ مێژووی كورددا و له‌ ڕۆژنامه‌یه‌كی كوردی‌دا مزگێنیی ڕاگه‌یاندنی سه‌ربه‌خۆیی كوردستان چاپ و بڵاو كرایه‌وه‌ و هه‌ر ئه‌و ڕۆژنامه‌ی كوردستانه‌ تا ئێستاشی له‌گه‌ڵ بێ، سه‌ره‌ڕای هه‌موو به‌ربه‌سته‌كان و ئاسته‌نگه‌كان، جگه‌ له‌ چه‌ند قۆناغی كاتی، به‌رده‌وام چاپ و بڵاو ده‌كرێته‌وه‌.

ڕۆژنامه‌ی كوردستان زمانحاڵی حیزبی دێموكرات كه‌ وه‌ك نموونه‌یه‌كی پرشنگدار هێمای پێدراوه‌، جگه‌ له‌ ڕاپه‌ڕاندنی ئه‌ركی ڕۆژنامه‌وانی، هاوكات گه‌لێك په‌یامی مێژوویی دیكه‌شی پێبوو. یه‌كێك له‌ په‌یامه‌ گرنگه‌كانی ڕۆژنامه‌‌ی كوردستان، ڕاگواستنی هزری نه‌ته‌وه‌یی حیزبێكی مۆدێڕن و پێشكه‌وتوو و بیرۆكه‌ی سه‌ربه‌خۆیی ئه‌و حیزبه‌ و پێشه‌واكه‌ی بوو. كۆماری كوردستان و هه‌موو داموده‌زگاكانی و له‌ سه‌رووی هه‌موویانه‌وه‌ ڕۆژنامه‌ی كوردستان له‌ سه‌روبه‌ندێكدا دامه‌زرابوو كه‌ به‌داخه‌وه‌ هه‌موو شۆڕشه‌كانی نه‌ته‌وه‌ی كورد له‌ هه‌موو پارچه‌كاندا یا به‌ ته‌واوی سڕابوونه‌وه‌ یان به‌ شێوه‌یه‌كی تراژیك تووشی نسكۆیه‌كی وه‌ك فه‌وتان ببوون. كه‌واته‌ ئه‌ركه‌كانی كۆماری كوردستان و ڕۆژنامه‌ و بڵاوكراوه‌كانی زیاتر له‌ ئاستی توانا و چاوه‌ڕوانییه‌كاندا بوون و ده‌با هێنده‌ به‌هێز بێ و هێنده‌ وزه‌ی بۆ ته‌رخان بكرێ تاكوو ئه‌وه‌نده‌ی له‌ توانادا بوو كه‌لێن و بۆشاییه‌كان پڕ بكاته‌وه‌ و له‌ ڕاستیشدا هه‌روا بوو.

ڕۆڵی ڕۆژنامه‌ی كوردستان له‌ مێژووی نه‌ته‌وه‌ی كورددا گه‌لێك به‌رچاو و ئاشكرایه‌. له‌كاتێكدا نه‌ته‌وه‌ی كورد پاش دابه‌شبوونی به‌سه‌ر چوار وڵاتی ده‌ستكرددا له‌ ڕووی سیاسی، ئابووری، كولتووری و هونه‌ری و هه‌موو بواره‌كانی ژیانه‌وه‌ ده‌كه‌وێته‌ گه‌مارۆوه‌، كاتێك ئاستی هیوای كۆمه‌ڵگای كوردستان تا نزمترین ئاست داده‌به‌زێ، كاتێ شۆڕشه‌كانی كورد یه‌ك له‌ دوای یه‌ك تووشی داڕمان و نسكۆ ده‌بن و بیری "ناتوانین" به‌سه‌ر هیوادا زاڵ ده‌بێ، ئاشكرایه‌ كه‌ له‌ قۆناغێكی ئاوادا ڕۆڵی ڕۆژنامه‌گه‌ریی كوردی و به‌تایبه‌ت ڕۆژنامه‌ی كوردستان كه‌ مزگێنیی سه‌ربه‌خۆیی بڵاو ده‌كاته‌وه‌ گه‌لێك گرنگتر ده‌بێ و به‌پێی ئاكامه‌كان و ڕووداوه‌كانی پاش كۆماری كوردستانیش ده‌رده‌كه‌وێ كه‌ ڕۆژنامه‌ی كوردستان سه‌ره‌ڕای هه‌موو به‌ربه‌سته‌كان و كه‌موكووڕییه‌كان، زۆر باش توانیویه‌ ڕۆڵ بگێڕێ و له‌ڕاستیدا، ده‌كرێ بگوترێ ڕۆژنامه‌ی كوردستان وه‌ك به‌شێكی ته‌واوكه‌ری كۆماری كوردستان، له‌سه‌ر شوناسی نه‌ته‌وه‌یی كه‌ به‌ شێوه‌یه‌كی جیددی له‌ ژێر مه‌ترسیدا بوو، كاریگه‌رییه‌كی زۆر گرنگی هه‌بوو و له‌ به‌هێز كردن و زیندوو ڕاگرتنی شوناسی نه‌ته‌وه‌یی له‌ قۆناغێكی زۆر هه‌ستیاردا كاراكتێرێكی زۆر گرنگ بووه‌. ڕۆژنامه‌ی كوردستان وه‌ك ئۆرگانێكی فه‌رمیی حیزبێكی ده‌سه‌ڵاتداری ده‌وڵه‌تێكی سه‌ربه‌خۆی له‌ بیچمی كۆماریدا، له‌ قۆناغێكی هه‌ستیاری جیهانی و ناوچه‌ییدا و له‌ سه‌روبه‌ندی كۆتاییه‌كانی شه‌ڕی دووهه‌می نێوده‌وڵه‌تیدا، ده‌با هاوته‌ریب له‌گه‌ڵ سیاسه‌ته‌ سه‌ربه‌خۆییخوازانه‌كانی ده‌وڵه‌ته‌كه‌ی، به‌ شێوه‌یه‌كی هه‌ستیارانه‌ له‌گه‌ڵ ده‌ستپێكی جمسه‌ربه‌ندیی جیهانیی ڕۆژئاوا و ڕۆژهه‌ڵات هه‌ڵسوكه‌وت بكات و بێلایه‌نیی خۆی و گوتاری تایبه‌ت به‌ خۆی بپارێزێ و هاوكات باڵانس له‌لای گوتاری زلهێزان بپارێزێ. هه‌رچه‌ند به‌داخه‌وه‌ ته‌مه‌نی كۆماری كوردستان كه‌م بوو و نه‌گه‌یشته‌ قۆناغێك كه‌ له‌ هاوكێشه‌كاندا جێگر بێ، به‌ڵام ئه‌وه‌ی ڕوونه‌، بناغه‌یه‌كی به‌هێز و لۆژیكییانه‌ بوو كه‌ ده‌یتوانی له‌ ئه‌گه‌ری درێژه‌كێشانی ده‌سه‌ڵاتی كۆماری كوردستاندا هه‌م گوتارێكی سه‌رباشقه‌ی ناوچه‌ی ڕۆژهه‌ڵاتی نێوه‌ڕاست بێ و هه‌میش له‌ بواری ڕۆژنامه‌وانیدا نه‌ك ته‌نیا له‌ ئاست كوردستان، بگره‌ زۆر به‌ربڵاوتریش كاریگه‌ریی ئه‌رێنیی هه‌بێ.

پاشی ڕووخانی كۆماری كوردستان و سڕینه‌وه‌ی هه‌موو داموده‌زگاكانی كۆمار به‌ ڕۆژنامه‌ی كوردستانیشه‌وه‌، چه‌ندجار دوژمنان و نه‌یارانی نه‌ته‌وه‌ی كورد و كۆماری كوردستان، هه‌وڵی چه‌واشه‌ی ڕۆژنامه‌ی كوردستانیان دا و به‌ هه‌موو شێوه‌یه‌ك كه‌وتنه‌ هه‌وڵی خه‌وشدار كردن و بێ‌بایه‌خ كردنی. ته‌نانه‌ت هه‌ر به‌ ناوی ڕۆژنامه‌ی "كوردستان"ه‌وه،‌ زۆر ژماره‌ی ڕۆژنامه‌ له‌ تاران و ته‌ورێز و ته‌نانه‌ت باس ده‌كرێ و ده‌ڵێن له‌ مۆسكۆیش چاپ و بڵاو كراوه‌ته‌وه‌، به‌ڵام به‌ به‌راورد كردنیان له‌گه‌ڵ ڕۆژنامه‌ی كوردستان بڵاوكه‌ره‌وه‌ی بیری حیزبی دێموكرات، به‌ خێرایی ده‌رده‌كه‌وێ كه‌ هه‌موو ئه‌و هه‌وڵانه‌ بۆ چه‌واشه‌ی ڕۆژنامه‌ی كوردستانی ڕاسته‌قینه‌یه‌ و هیچكام له‌ ئه‌ندامانی ڕێبه‌ری و به‌ڕێوه‌به‌رانی پێشووی ڕۆژنامه‌ی كوردستان له‌ داڕشتن و به‌ڕێوه‌بردنیدا به‌شدار نه‌بوون. كه‌واته‌ دیسانیش و به‌ له‌به‌رچاوگرتنی ئه‌و هه‌موو هه‌وڵ و تێكۆشانه‌ی دوژمنان و نه‌یارانی نه‌ته‌وه‌ی كورد بۆ چه‌واشه‌ و ته‌نانه‌ت له‌بیربردنه‌وه‌ ئه‌و ڕۆژنامه‌یه‌، ده‌رده‌كه‌وێ كه‌ كاریگه‌ریی چه‌نده‌ زۆر بووه‌ و له‌وه‌ش گرنگتر، ده‌رده‌كه‌وێ كه‌ بوونی ڕۆژنامه‌یه‌كی ڕاستبێژ و زمانحاڵی نه‌ته‌وه‌ چه‌نده‌ گرنگ بووه‌ و هه‌یه‌.

ڕۆژنامه‌ی كوردستان به‌ شێوه‌ی پچڕپچڕ و له‌ قۆناغی جیاوازدا، چ به‌ شێوه‌ی نهێنی و چ ئاشكرا و چ له‌ ده‌ره‌وه‌ و چ له‌ نێوخۆی كوردستان له‌لایه‌ن ئه‌ندامان و دڵسۆزانی حیزبی دێموكراته‌وه‌ به‌رده‌وام چاپ و بڵاو كراوه‌ته‌وه‌ و تا ئێستاشی له‌گه‌ڵ بێ هه‌ر بڵاو ده‌كرێته‌وه‌. زێده‌ڕۆیی نییه‌ گه‌ر بگوترێ به‌ سه‌دان كه‌س ته‌نانه‌ت ژیانیان به‌ هۆی لاپه‌ڕه‌یه‌كی ڕۆژنامه‌ی كوردستانه‌وه‌ كه‌وتۆته‌ مه‌ترسی و لێ‌ئه‌ستێندراوه‌. چوونكە به‌داخه‌وه‌ ته‌نیا له‌ قۆناغێكی كورت و پیرۆزی سه‌رده‌می كۆماری كوردستاندا بووه‌ كه‌ ئه‌م ڕۆژنامه‌یه‌ توانیویه‌ به‌ ئازادی و له‌ نێو خاك و خه‌ڵكی نیشتمانی خۆیدا بۆ خه‌ڵكه‌كه‌ی بدوێ و هه‌موو ته‌مه‌نی پتر له‌ ٧٠ ساڵه‌ی به‌ شاراوه‌ و نهێنی و له‌ ژێر گوشار و هه‌ڕه‌شه‌دا تێپه‌ڕاندووه‌ و ئێستاشی له‌گه‌ڵ بێ و له‌ سه‌رده‌می به‌جیهانی بوون و مۆدێڕنیته‌ و سه‌ده‌ی ٢١دا، دوژمنانی كورد ته‌نانه‌ت له‌ بڵاوبوونه‌وه‌ی ڕۆژنامه‌ش ده‌ترسن و تا ئێستاش هه‌ر له‌ ده‌ره‌وه‌ی كوردستانی ڕۆژهه‌ڵات بڵاو ده‌كرێته‌وه‌.

ڕۆژنامه‌گه‌ریی كورد گه‌لێك چه‌رمه‌سه‌ریی به‌خۆیه‌وه‌ بینیوه‌. مت بوون و هه‌ستانه‌وه‌ی زۆری دیتووه‌، به‌ڵام هه‌ر زیندوو ماوه‌ته‌وه‌ و سه‌ره‌ڕای ئه‌وه‌ی به‌ ده‌یان و سه‌دان ژماره‌ی چاپ و بڵاو كراوه‌ته‌وه‌ كه‌ ته‌نیا نووسه‌ر و به‌ڕێوه‌به‌رانی خوێنه‌ری بوون، به‌ڵام دیسانیش هه‌دای نه‌داوه‌ و نه‌یهێشتووه‌ بێ‌هیوایی به‌ ته‌واوی باڵ به‌سه‌ر پێنووسی كوردی و تاكی كورددا بكێشێ. بۆیه‌ هه‌موو تاكێكی كورد ده‌بێ ڕێز له‌ هه‌موو ئه‌و كه‌سانه‌ی له‌ ماوه‌ی سه‌د و هه‌ژده‌ ساڵدا بچووكترین خزمه‌تیان به‌ ڕۆژنامه‌گه‌ریی كوردی كردووه‌، بگرێ و هه‌موو هه‌وڵێك بده‌ین تاكوو بوارێكی ئه‌وتۆ بلوێنین بۆ ئه‌وانه‌ی له‌ ئێستا و داهاتوودا ده‌یانهه‌وێ خزمه‌ت به‌و بواره‌ گرنگه‌ بكه‌ن.

سه‌دوهه‌ژده‌هه‌مین ساڵی ڕۆژنامه‌گه‌ریی كورد له‌ هه‌موو ڕۆژنامه‌وانانی ڕابردوو و ئێستای نه‌ته‌وه‌ی كورد و به‌تایبه‌ت ڕۆژنامه‌ی كوردستان كه‌ یه‌كێك له‌ به‌ڕابردووترین ڕۆژنامه‌كانی ناوچه‌یه‌، پیرۆز بێ و بەهیوای به‌رده‌وامی گه‌یشتن به‌ ئامانجه‌كانی ڕۆژنامه‌ی كوردستان و بڵاو كردنه‌وه‌ی مزگێنیی سه‌ركه‌وتن و سه‌ربه‌ستی له‌ ڕۆژنامه‌ی كوردستاندا.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٥ لەم ژمارەیەدا:

ــ مستەفا هیجری: بێجگە لە ئێرانییەکان لــە مێــژووی مرۆڤایەتیــدا ...
ــ چاڵی لاوازی کۆماری ئیسلامی
ــ پێوەر و پرەنســیپە نەگۆڕەکانی قاسملوو لە سیاســەتدا بە نیسبەت کوردەکانــی پارچەکانی دیکە
ــ وتووێژی ڕۆژنامەی کوردستان لەگەڵ دوکتور ئیدریس ئەحمەدی
  • مستەفا هیجری: بێجگە لە ئێرانییەکان لە مێژووی مرۆڤایەتیدا بە دەگمەن دەبینین کە دوو لایەن لە مێزی وتووێژ کەڵک وەربگرن تاکوو لایەنێک لایەنەکەی دیکە لە نێو بەرێ مستەفا هیجری: بێجگە لە ئێرانییەکان لە مێژووی مرۆڤایەتیدا بە دەگمەن دەبینین کە دوو لایەن لە مێزی وتووێژ کەڵک وەربگرن تاکوو لایەنێک لایەنەکەی دیکە لە نێو بەرێ
    ئاخرین جار کە چووم و چاوم پێی کەوت بۆ پێشوازی من هاتبووە بەر دەرکی ساڵۆنەکە؛ هاتە پێش و بە پێکەنینەوە گووتی: "ئێستاش هەر بیر لە ڕێژیم چەینج دەکەیتەوە؟" یانی دەتەوێ حکومەتی ئێران بگۆڕی گووتم: "بەڵێ ئێستاش دەمهەوێ حکومەتی ئێران بگۆڕم، ئەنگۆش ڕۆژێک دێنە سەر ئەو باوەڕەی بەڵام ئەو ڕۆژە زۆر درەنگ دەبێ و هەردووک لامان هەزینەی زۆری بۆ دەدەین."
  • چاڵی لاوازی کۆماری ئیسلامی چاڵی لاوازی کۆماری ئیسلامی
    ئەم سیاسەتە پیلان داڕێژراوەی رێژیم یەک لاوازیی گرنگ و ئەساسیی هەیە کە ڕێژیم بیری لێ نەکردبووەو لە راستیدا نەک خاڵی لاواز، بەڵکوو چاڵی لاوازی ڕێژیمی ئیسلامیی ئێرانە.
  • کاوە ئاهەنگەری لە وتووێژ لەگەڵ ڕۆژنامەی کوردستان: گۆڕانکاریــی به ڕێوه‌یه‌وه و کۆماری ئیســلامی ئه‌و هێزه نیه که بتوانێ پێشــی پێ بگرێ. کاوە ئاهەنگەری لە وتووێژ لەگەڵ ڕۆژنامەی کوردستان: گۆڕانکاریــی به ڕێوه‌یه‌وه و کۆماری ئیســلامی ئه‌و هێزه نیه که بتوانێ پێشــی پێ بگرێ.
    کاوە ئاهەنگەری لە وتووێژ لەگەڵ ڕۆژنامەی کوردستان: گۆڕانکاریــی به ڕێوه‌یه‌وه و کۆماری ئیســلامی ئه‌و هێزه نیه که بتوانێ پێشــی پێ بگرێ.
  • ٤٥ساڵ بەسەر کۆچی دوایی هونەرمەندی هەزار ئاوازە تێپەڕی ٤٥ساڵ بەسەر کۆچی دوایی هونەرمەندی هەزار ئاوازە تێپەڕی
    تا ئێستا چەند کتێب لە بارەی ژیان و بەرهەمەکانی هونەرمەندی نەمر حەسەن زیرەک چاپ و بڵاو کراونەتەوە کە بریتین لە: چریکه‌ی کوردستان، ژیان و هونه‌ری، گه‌وهه‌رێ، حه‌سه‌ن زیره‌ک و هێندێ له‌ به‌رسه‌رهاته‌کانی.
  • ڕۆژئاوای کوردستان ڕۆژئاوای کوردستان
    چەندە ئەمریکا سوود لە پەیوەندییەکانی لەگەڵ کورد دەبینێت، بێگومان هێندەش سوودی بۆ کورد دەبێت، هەر بۆیە نابێ کورد چاوەڕوان بێ کە تەنیا ئەو لەو دۆستایەتییە قازانج بکا یا خۆی بە قوربانی ببینێت.
  • زاڵبوونی حکوومەتی تێرۆر لە کوردستان   و تەبارناسینی مێژووی ئەم دیاردەیه زاڵبوونی حکوومەتی تێرۆر لە کوردستان و تەبارناسینی مێژووی ئەم دیاردەیه
    سەدەی ٢٠ که بۆ ئێمەی کورد لە لایەک وەبیرهێنەرەوەی ڕاپەڕینه جۆراوجۆرەکانی دژه ئستعمار و دژه داگیرکەرەکانی وڵاتمان بووە و لە لایەکی دیکەوە لێوانلێو بووە لە گۆڕانکاری ژئۆپۆلتیکی لە سەرانسەری جیهاندا و سەربەخۆیی زۆربەی نەتەوەکانی ژێر ژێرچەپۆکەی جیهان، شتێک بێجگە لە دووپات بوونەوەی مێژووی دیلیەتی نەتەوەکەمان نەبووە.
  • یاری کردن بە گیانی هاووڵاتییان یاری کردن بە گیانی هاووڵاتییان
    دوای بەدواداچوونی هۆكاری ئەو نەخۆش‌کەوتنە پزيشكان ڕایانگەیاند کە جووتیاران کەڵکیان له سەمی شيميايى وەرگرتووە و ئەو دەرمانانە هيچ كوالێتيیەكيان نەبووه و ماوه بەسەرچوو بوونه.
  • چاوخشاندنێک بەسەر کارنامەی نیزیک بە ٤٠ ساڵ شکستی ئابووری کۆماری ئیسلامی ئێران چاوخشاندنێک بەسەر کارنامەی نیزیک بە ٤٠ ساڵ شکستی ئابووری کۆماری ئیسلامی ئێران
    بە گشتی دەسەڵاتە ئیدئۆلۆژیک و دیکتاتۆرەکان بۆ هەڵخەڵەتاندنی رای گشتی هەموو کات لە پڕوپاگەندەکانی خۆیاندا، کاتی ئێستایان لەگەڵ کاتی هاتنە سەر دەسەڵاتیان بەراورد دەکەن ئەوەش کارێکی زۆر هەڵە و هەڵخەڵەتێنەرە چونکە، تەواویەتی دونیا لە حاڵی گەشە کردندایە و بۆ لێکدانەوەی ئەنجامی ئابووری هەر وڵاتێک باشتر وایە کاتی بەردەست لەگەل رکابەرەکانی ئەم وڵاتە و ئابووریی جیهانی بەراورد بکرێت.
  • بەرەی ڕێژیمی ئێران لە نێوخۆوە بەرەی ڕێژیمی ئێران لە نێوخۆوە
    بەرهەمی ئەم کارە، ڕاستەوخۆ دەچێتە خەزانەی حیزبی دەسەڵاتدار. بەڵام کورە لەبەر یارمەتیی دراوسێکەی، واتە چین، توانیویەتی زۆرێک لە پەنابەران لە سەر سنوور یان تەنانەت لە بەردەم باڵوێزانی وڵاتان لە پێکەن بگەڕێنێتەوە و سزای بدات.
  • کاوە سەرکەوت کاوە سەرکەوت
    رۆژی ١٥ی پووشپەڕ، لە شەڕی دەستەویەخەی شۆڕشگێڕی و تاوانباریدا، دوو نوێنەری ئازا و ئازاد و چاو پڕلە برووسکەی کۆڵنەدان و بەرخۆدان، مێژوویان پەلکێشی کۆساڵان و بۆڕیەر کرد و دووبارە دوژمنیان مایەپووچ کردەوە و لەو شەڕە بەتەواوی نابەرابەرەدا، دووئیرادەی بەرز و نارنجۆکێک بەسەر سەدان پاسداری تیرۆریست و جبەخانەی تاریکپەرستیدا سەرکەوتن، تاکوو دووبارە بسەلمێندرێتەوە کە ئیرادەی شۆڕشگێڕی و بەرزی مرۆیی زۆر بەهێزتر و بەرزترە لە چەکوچۆڵی دوژمنان.
  • \ "ئاسمیلاسیون فەرهەنگی" پڕۆسەیەک بۆ له نێوبردنی کورد
    رستەکانی ئەو پێش‌نووسه پیشان دەدەن که لە ڕوانگەی داڕێژەرانی ئەو پێش نووسەوە، " ئاسمیلاسیۆنی فەرهەنگی" وەکوو بەشێک لە "ژینۆسایدی فەرهەنگی" پێناسە کراوه و لەو پێشنووسەدا جێی گرتووە.
  • د. مەحموود عوسمان: ئێران خۆی دژی کوردە و هەر شتێ کورد بیکا دژیەتی د. مەحموود عوسمان: ئێران خۆی دژی کوردە و هەر شتێ کورد بیکا دژیەتی
    بەرپرسانی هەرێمی کوردستان یەکەم مانگی وەرزی پاییزی ئەمساڵ ڕێفراندۆمی سەربەخۆیی کوردستان ئەنجام دەدەن و ئەوەش وەک هەمیشە کاردانەوەی دوو دەوڵەتی ئێران و تورکیەی لێکەوتەوە و بەتایبەتی ڕێژیمی ئێران بە توندی دژایەتی خۆی لەگەڵ ئەو پرسە دەربڕیوە.
  • بە دیوارکێشان، هەستی نەتەوەیی خاشەبڕ ناکرێ بە دیوارکێشان، هەستی نەتەوەیی خاشەبڕ ناکرێ
    جیرانەکانی تورکیەش لە هێندێک شوێن سنووری وڵاتەکانیان لەگەڵ تورکیە بە نەردە و تێلدوور بەستووە. سنووری تورکیە- یوونان لەلایەن یوونانەوە لە ساڵی ٢٠١٢ ڕا بە حەسارێک لە تۆپەکانی سیمی خاردار قاییم کراوە. حکوومەتی بولغارستانیش بە دروستکردنی دیوارێک لە سیمی خاردار بە درێژایی ٣٠ کیلۆمێتر سنووری خۆیان لە گەڵ تورکیە قایمم کردووە.
  • شووناسی بکەرانی هێرشە تێرۆریستیەکەی تاران و پرسێک شووناسی بکەرانی هێرشە تێرۆریستیەکەی تاران و پرسێک
    لەم پرسەی ئەمڕۆی ئێمەشدا تۆڕێک لە دەسەڵات بوونی هەیە کە زیاتر لە یەک سەدەیە کە پێوەندی کوردەکان و فارسەکان لە ئێران یان باشتر وایە بڵیێن (نواندنەوەکانی دیکەیان) لە رۆژهەلاتی ناڤیندا رێک و چوارچێوەیان بۆ دیاری کردووە.