• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٧ی ئوتی ٢٠١٧ی زایینی - ٢٦ی گەلاوێژی ١٣٩٦ی هەتاوی  

داهێنانەکان بۆ شێوازی خەوتن لە ئێراندا بەردەوامن

زایینی: ١٧-٠٦-٢٠١٧ - هەتاوی: ١٣٩٦/٠٣/٢٧ - ١٢:٢١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
داهێنانەکان بۆ شێوازی خەوتن لە ئێراندا بەردەوامن
کوردستان میدیا: بەهۆی گوێنەدانی لێپرسراوانی کۆماری ئیسلامی بە هەژاری و بێدەرەتانییەکانی خەڵکی لێقەوماو لەمەڕ نەبوونی سەرپەنا و شوێنی حەوانەوە و خەوتن، ئەم چینەی کۆمەڵگای ئێران هەر جارە شوێنێک و شێوازێک بۆ خەوتنی خۆیان دەدۆزنەوە.

ماوەی چەند ڕۆژێکە لە تۆڕە کۆمەڵایەتییەکاندا چەند وێنەیەکی هەژێنەر بڵاو دەکرێتەوە کە ئەوپەڕی دۆشداماوی خەڵکی بێدەرەتانی ئێران و لە هەمان کاتیشدا ئەوپەڕی لەپەراوێزخرانیان لەلایەن حکومەتەوە پیشان دەدات؛ بەپێی ئەم وێنانە چەند کەسێکی بێ ماڵ و بێ سەرپەنا بۆ ئەوەیکە بتوانن چەند کاتژمێرێک چاو لەسەر یەک نێن بە دوورینەوەی تەلیسێک بە دەوری گارییەکدا شوێنێکیان بۆ خۆیان درووست کردووە و وەک شوێنی خەوتن کەڵکی لیوەردەگرن.

ئەم دیاردە نوێیە کە بە "گاری خەوی" ناوی دەرکردووە دوای ئەوە هاتۆتە ئاراوە کە لە ماوەی چەند ساڵی ڕابردوودا چەندین شێوازی سەیری دیکەش بۆ خەوتن بیندراوە کە زەقترینیان ئەمانەن: كارتۆنخەوی، گۆڕخەوی، کونەخەوی، لوولەخەوی، چەم خەوی و جعبە بتون خەوی.

بەپێی دوایین لێکۆڵینەوەکانی چالاکانی بیاڤی هەژاری، لە سەدا ٤٠ی خەڵکی ئێران لەژێر هێڵی هەژاری‏دان.

پێویست بە وەبیرهێنانەوەیە کە یەكێك لە دروشمەكانی ڕێژیم لە سەرەتای هاتنە سەركاریدا، سەرەڕای بەخۆڕاییكردنی ئاو و كارەبا و ئوتووبووس، ئەو ڕستە بەناوبانگە بوو كە لە كاتی خۆیدا بوو بە مانشێتی ڕۆژنامەكانی ئێران كە: "خانوو مەكڕن، خانوو بۆ هەمووتان دابین دەكەین".
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٦ لەم ژمارەیەدا:

ــ کوردی نوێنەر، نوێنەری کورد
ــ دۆستی خەباتێک
ــ پیلانی دابڕان لە زمانی کوردی پـــــووچـــەڵــە!
ــ گشتپرسی بۆ سەربەخۆیی لە باشووری کوردستان لە نێوان
دوو هێزی ناسیۆنالیستیی "ناوەندگەرا" و " ناوەندڕەتێن"