• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی نوامبری ٢٠١٧ی زایینی - ٢٨ی خەزەڵوەری ١٣٩٦ی هەتاوی  

هاوسەری شەهیدێکی حیزبی دێموکرات کۆچی دوایی کرد

زایینی: ٢١-٠٦-٢٠١٧ - هەتاوی: ١٣٩٦/٠٣/٣١ - ١٢:٣٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هاوسەری شەهیدێکی حیزبی دێموکرات کۆچی دوایی کرد
کوردستان میدیا: هاوسەری شەهیدێکی حیزبی دێموکراتی کوردستانی ئێران و ئەندامی حیزبی دێموکرات لە تەمەنی ٨٣ ساڵیدا کۆچی دوایی کرد.

بەپێی هەواڵی گەیشتوو بە ماڵپەڕی کوردستان میدیا؛ بەدێعە ئەمین پوور هاوسەری شەهید ئاغا عەلی سوڵتان پەنا ڕۆژی شەممە ڕێکەوتی ٢٧ ی جۆزەردانی ١٣٩٦ ی هەتاوی لە شاری سەقز لە تەمەنی ٨٣ ساڵیدا کۆچی دوایی کرد.

بەدێعە خانمی ئەمین پوور لە ساڵی ١٣١٣ ی هەتاوی لە ئاوایی دەرەزیارەتی سەروو سەر بە سەرشیووی سەقزلە بنەماڵەیەکی نیشتمانپەروەردا چاوی بە دنیا هەڵهێنا. لە دوای پێکهێنانی ژیانی هاوبەش لە گەڵ شەهید عەلی سوڵتان پەنا دەڕواتە ئاوایی تاڵەجاڕ و دوای چەند ساڵ ژیان لە تاڵەجاڕ ، بە ماڵەوە دەڕۆنە ئاوایی دەگاگا و لەوێشەوە ماڵیان بار دەکات بۆ ئاوایی حاجی ئەول. ساڵی ١٣٥٧ هەتاویی بە ماڵەوە دێنە شاری سەقز . دوای هێرشی سوپای خومەینی بۆ سەر شاری سەقز دیسانەوە دەگەڕێنەوە بۆ ناوچەی سەرشیووی . ساڵی ١٣٦٤ هەتاوی هاوسەرەکەی لە ڕیزەکانی حیزبی دێموکراتی کوردستانی ئێران دا شەهید دەبێت و باری قورسی پەروەردەکردن و ژیانی مندالەکانی دەکەوێتە ئەستۆ. بەدێعە خانم بەو پەڕی لە خۆبوردوییەوە شان ئەداتە ژێر ئەم بارە قورسە و هەموو منداڵەکانی گەورە دەکات .

لە دەیەی ٦٠ و ٧٠ی هەتاویدا ماڵەکەی بەدێعە خانم لە حاجی ئەوەل و درەزیارت شوێنی حەسانەوە و حەوانەوەی پێشمەرگەکانی حیزبی دێموکراتی کوردستانی ئێران بوو. بەدێعە خانم چەندین جار ئەکەوێتە ژێر گوشار و لێپرسینەوەی هێزە داگیرکەر و سەرکوتکەرەکانی کوردستان بەڵام بۆ ساتێکیش ئامادە نابێت لەبەرامبەر زوڵم و زۆرییەکانی ڕیژیمدا چۆک دابدا . بەدێعە خانم شێرەژنێکی نیشتمانپەروەری کورد بوو کە تا دواساتەکانی ژیانی هەموو ئاواتی وەدیهاتنی ئامانجەکانی هاوسەری شەهیدی بوو، که نیشتمانه‌کەی له ژێر چەپۆکی داگیرکەران ڕزگاریی ببێت و لە کوردستانێکی ئازاد دا منداڵە دوورە وڵاتەکانی لە ئامێز بگرێتەوە.

مەخابن مەرگ مەودای وەدیهاتنی ئەو ئاواتەی پێ نەدا و دڵە گەورەکەی لە لێدان کەوت .

هاوسەری بەدێعەخانمی ئەمین پوور واتە شەهید عەلی سوڵتان پەنا لە ساڵی ١٣١٠ی هەتاوی لە ئاوایی ڕەنگەڕێژان سەر بە ناوچەی سەرشیوی سەقز لە نێو بنەماڵەیەکی نیشتمان پەروەردا لە دایک بوو؛ پاش هەڵگیرسانی شۆڕش چەکی داکۆکی لە کەرامەتی نەتەوەکەی لەشان کرد و وەک کادرێکی لێوەشاوە لە هێزی شەهید عەزیز یوسفی ئەرک و چالاکییە پێشمەرگانەکانی بەڕێوە برد.

مەخابن ڕێکەوتی ١٥ی گەلاوێژی ساڵی ١٣٦٤ی هەتاوی لە نیززیک گوندی بایەری سەرشیو کەوتە بەر پەلاماری نەیارانی حیزب و درێژەی ڕێگاکەی بە هاوڕێ و هاوسەنگەرانی ئەسپارد.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا