• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

منداڵ فرۆشی، دیاردەیەک لە وڵاتی چەوسێنەری ئێران

زایینی: ٢١-٠٦-٢٠١٧ - هەتاوی: ١٣٩٦/٠٣/٣١ - ٢١:٠٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
منداڵ فرۆشی، دیاردەیەک لە وڵاتی چەوسێنەری ئێران
بەختیار عوسمانی

ئێران وڵاتێکی چەوسێنەر و گیرۆدە بە نەخۆشییە، برین لەسەر برین لە جەستەی کز و لاوازیی وەک دیکتاتۆری، شەڕ، کوشتار، هەژاری، منداڵفرۆشی و ... سەرهەڵ ئەداو هەموویان لە وڵاتێکی ژێر حوکمی کۆماری ئیسلامی ئێراندا پێکەوە دەژین.

یەک لەو قەیرانە بنەڕەتی و هەمیشەییانەی کە هاوڕێی تەمەنی حکومەتی تارانە، قەیرانی ئابووری و وەزعی شپرزەی ژیانی خەڵکە. هەرچەند ناتوانین بڵێین کە تەنیا سەرچاوەی دیاردە دزێوە کۆمەڵایەتییەکانە، بەڵام رێگەیەکی سەرەکییە بۆ سەرهەڵدانیان؛ لە ژێر چەپۆکی دەسەڵاتدارانی تاران خەڵک بەردەوام لەگەڵ رۆژڕەشی و کارەساتی گەورە و گەورەتر ڕووبەڕوو دەبنەوە، هەر کارەساتە و تەنگی بەخەڵک هەڵچنیوە، هەر رۆژەو دیاردەیەک لە دایک دەبێ و بە بێ چارەسەر کردن ئەتەپنە سەر یەک، بە چەشنێک کە دەرفەت بۆ ناسینی نابێ کە ئەویش ئاوسە بە دیاردەیەکی قێزەوەنتر کە بەرهەمەکەی گەلێک دیاردەی دزێوی کۆمەڵایەتییە کە هەموو سنوورێکی بەزاندووە و جار لەگەڵ جار تووشی سەرسووڕمانی گەورەترمان دەکا.

حوکمی داسەپاو و داپڵۆسێنەری رێژیمی ئێران لە هەموو کات زیاتر پەرەی بە هەژاری و بێ دەرەتانی داوە، خەون و ئاواتە دزێوەکانی دەسەڵاتداران هەرجارە و بە بیانوویەک لە پێناوی ئێرانێکی شکۆداردا! دەبنە چەرمەسەری و ژیانی کولەمەرگی دانیشتوانەکەی. هەرچی دارونەدارە لەم پێناوەدا خەرج دەکرێ و لە کۆتاییشدا گورزی رۆژگار لە خەونەکە رایاندەچڵەکێنێ ، کۆتا نموونە بەرنامەی چەکی ناوکی بوو کە سامانی وڵاتیان خستە خزمەت و پاشان بە کۆمەڵێک گەمارۆ و هەڕەشەی وڵاتان ملکەچ بوون و تێچووەکەیشی بە فیڕۆ چوو.

ئێستا لە ئێران دیاردە دزێوەکانی وەک دزی کردن، تووشبوون بە ماددەسڕکەرەکان، ژیانی سەرشەقام و پارک بە ئاسایی وەردەگیرێ، لەبەر ئەوەی کۆمەڵێک دیاردەی دیکە هاتوونەتە گۆڕێ کە رووی دیاردە کۆنەکانیان سپی کردووە. یەک لەوان منداڵفرۆشییە؛ هەرچەند تازە و تایبەت بە شوێنێک نییە، بەڵام وەک دیاردە و بەم بەربڵاوییە کە هەموو سنوورێکی ئینسانی و تەنانەت ئابووریشی بڕیوە تایبەتە بە وڵاتی "ئیمام"! . هەژاری لە ئێراندا هۆکارێکی بەهێزە بۆ پەرەسەندنی ئەم دیاردەیە؛ بە پێی سەرچاوەکانی خۆدی رێژیم لە سەدا ٤٠ی خەڵکی ئێران لە ژێر هێڵی هەژاریدا دەژین. کاتێک لە وڵاتێکی ٨٠ میلیونیدا نزیک بە نیوەی حەشیمەتەکەی بە دەستی هەژارییەوە دەناڵێنن و عەوداڵی تیکە نانێکن، چۆن چاوەڕوانی کارەساتگەلی وەک منداڵفرۆشی و لەمە زیاتریش نەبین؟ ڕوونە ئەم کارەساتە مرۆییە کە هەنووکە بەسەر خەڵکی ئێراندا هاتووە، بەرهەمی دەسەڵاتی دژی گەلییە.

لە وڵاتێک کە بە ناو ئاڵای ئیسلام و عەداڵەتی بەرزکردووەتەوە و رۆژانە گوێی خەڵک و دونیایی پێ کەڕ کردووە و گاڵتە بە حوکمی بە قەولی خۆیان بێدینەکان دەکا، ئێمە و هەموو دنیا دەبینین کە ژیان لە وڵاتی ئەمان و ئەوان چۆنە؟ مووچەی مانگانەی یەک کرێکار یەک میلیون تمەنە (لەشکری بێکاریش با بوەستێ)، بەڵام مووچەی بەرپرسێک یا بەڕێوەبەڕێک یا نوێنەرێکی رێژیم لە مەجلیس کە بە یاسا بۆی بڕاوەتەوە ٢٤ بۆ ٣٠ میلیون تمەنە، لەوەش سەیرتر هێندێک بەشە موچەی بەرپرسە باڵاکانی رێژیم بە پارە نییە، بەڵکوو بە خاک و سامانی وڵاتە کە لە نێوان خۆیاندا دابەشی دەکەن.

ئەمڕۆ لە ئێراندا "خەو" زیاتر لەوەی کە چەمکێک بێ بۆ پشوودان و پێویستیەکی ژیانی ئاسایی، بووەتە پاشگری کۆمەڵێک دیاردەی نابەجێی کۆمەڵایەتی وەک"کارتۆن خەوی"، "گۆڕ خەوی"، "کونە خەوی"، "چەم خەوی" و .... . خەو لێرەدا نیشانەی بێچارەیی و داماوییە، نیشانەیەک لە کۆمەڵگای ئێرانە کە خەو دایگرتووە و بەم شێوە ڕێ دەکا، خەوخۆش و خەوی خێر لە مانای ئەرێنی خۆیان بەتاڵ بوونەتەوە و باری نەرێنیان بە خۆوە گرتووە، ئیتر چۆن هەژاری و نەهامەتی نابێتە هاوڕێ و چارەنووسی خەڵک و وڵات؟

کۆماری ئیسلامی وەک پیشەی هەمیشەیی کە پێکهێنەر و راکێشەری گرفت و دیاردەکانە هەوڵ دەدا کە هەژاری لە ئەستۆی خۆی دوور بخاتەوە و بیخاتە ئەستۆی "ئەویتر" جا چ بێگانە یا بەرهەڵستکار بێ، ماوەیەکی زۆر خەڵکیان بە تایبەت لەو ناوچانەی کە نەتەوە مافخوراوەکانی تێدا دەژی بە بیانووی نەبوونی ئاسایش بۆ سەرمایەگوزاری و دواتر بە هۆی بەرنامە بەرزەفڕانەکەی (چەکی ناوکی) کە تووشی کۆمەڵێک گەمارۆ و سنووردارکردن بوو سەرقال کردبوو، وەک ئەوەی پێش گەمارۆکان ژیانی خۆش و ئازاد باڵی بەسەر وڵاتدا کێشا بێ، خەڵکی ئێران لە هەموو کەس باشتر ئەو ژیانە تاڵ و ڕەشەیان بە گیان ودڵ چەشتووە و دەزانن کە هۆکارەکەی رێژیمی دیکتاتۆر و چەوسێنەری ئێرانە و بەس.

بە پێی ئاماری ناوەندی ئاماری ئێران لە حەشیمەتی ٨٠ میلیون کەسی ٢٣ میلیون ٥٠٠ هەزار کەس منداڵ (کەمتر لە ١٨ ساڵ) هەیە و دیاردەی منداڵفرۆشی بەو قەیران و دیاردانە کە رۆژانە خەڵک رووبەڕوویان دەبێتەوە سەرهەڵ ئەدا، لە لایەکی دیکەوە یاساکانی رێژیم وەک توندوتیژی خێزانی، هاوسەرگیری منداڵان و ناڕوونی لە تەمەنی تاوان لە منداڵان بۆ خۆیان هۆکار و یارمەتیدەرێکی گرنگن بۆ پەرەگرتنی منداڵفرۆشی و بێ مافیان. هەرچەند ئامارێکی روون لەسەر منداڵە فرۆشراوەکان نییە، بەڵام هەموو لایەک بە کۆماری ئیسلامیشەوە کۆکن لەسەر ئەوەی کە ئەم دیاردەیە بە شێوەیەکی زۆر خێرا و پلەبڕ لە بەرزبوونەوەدایە.

ئەمڕۆ دایکان و باوکانی سەرشەقامەکان لە فرۆشتنی منداڵ پشکی شێریان بەرکەوتووە، زۆرن ئەو ژن و پیاوانەی کە بۆ سەرخۆش بوون یان پارویەک نانی رۆژانەیان منداڵ یا ئاوڵەمە (جنین) کەیان ئەگۆڕنەوە(*)، کەم نین ئەو ژنانەی کە بۆ ئەم مەبەستە دووگیان دەبن و بێ ئەوەی تەنانەت ئامادە بن جارێک شیر بە منداڵەکەیان بدەن یا بیبینێ هەر کە لە داوێنی کەوتەخوار، فرۆشراو و براوە، وەک کەرەستەیەکی ئاڵوگۆڕ نەک زیاتر چاوی لێ دەکرێ تەنانەت لەم ئێرانی شارستەنییەتەدا! نرخی توولەسەگێک لە منداڵێک گرانترە.

بەشی زۆری پرۆسەی منداڵفرۆشی لە نەخۆشخانە و ناوەندە حکومەتییەکان و لە بەر عەینەکی دوکتورەکانی سەلامەتی رێژیم جێبەجێ دەکرێ، بە بێ کێشە و دەمەقاڵەیەک، ئەگەر کەسێکیش وەدەنگ بێ جیا لە هەناسە هەڵکێشانێک هیچی دیکە ناکا. هەر لە سەرەتای هاتنە سەرکاری ئەم رێژیمەوە منداڵانیان بۆ جیهاد لە کەربەلا و فلستین ناونووسی و ئامادە دەکرد و ئێستاش کەمترین ئاوڕیان لێ نادەنەوە، تەنانەت لە بانگەشە و پرۆپاگاندەی هەڵبژاردنەکانیش ناو و جێگایەکی ئەوتۆیان نییە.

جاران منداڵان (ئەوانەی بێ کەس وکار بوون) تەنیا بەو بنەماڵانە دەدران کە لە بوونی منداڵ بێبەش بوون و ئەوانیش دەیانگرتنە خۆ، بەڵام ئێستا بۆ ئامانج و کەرەستەی جۆراوجۆر کەڵکیان لێ وەردەگرن و بازارێکی گەرمیان هەیە:
ـ یاوەری سواڵکەر، بە مەبەستی هەست بزوێنی خەڵک، کۆتایی ئەم منداڵە لە باشترین حاڵەتدا سواڵکەرە.
ـ لە باندە مافیاکان بە تایبەت بە فرۆشیارانی ماددە سڕکەرەکان ، بە مەبەستی گواستنەوەی ماددەکان.
ـ بۆ ئەندامانی جەستەیان، بە مەبەستی پارچەپارچە کردنی لەشیان و فرۆشتنیان.
ـ بۆ کار کردن لەسەر شەقامەکان
ـ بۆ بە کرێدان

ئەگەر ئەم رەوتە بەم شێوە بڕواتە پێش دەبێتە سەرەتای دووبارە بوونەوەی کۆیلەتی مرۆڤەکان، چوونکە ئەمە پرۆسەیەکە کە تەنیا لە توێژی منداڵان قەتیس نامێنێتەوە و ئەم منداڵە فرۆشراوانەیش گەورە دەبن و وەک کۆیلەیەک لە کۆمەڵگا ژیان بەسەر دەبەن.

ئەم رووداوانە هەمووی لە ئێرانی ئیسلامی و تارانی گەورە! لە نزیک و پاڵ "مەزار"و "بەیت" ەکەی خۆمەینی و خامنەیی کە بانگەشەی رێبەری هەژارانی دنیایان دەکرد، روو دەدا. وادیارە مەبەستیان هەژار کردن خەڵکی هەموو دنیا بوو ، نەک رزگارکردنیان لە هەژاری، چونکە تا ئێستا پێیان خستوەتە هەر وڵات و شوێنێک لە شەڕ و وێرانی زیاتر هیچی دیکەی بە دواوەوە نەبووە.

ئەگەر وڵاتێک هەژاری و داخراوی رووی تێ نەکردبێ، چۆن دەتوانێ ئاستی منداڵ بۆ کەرەستەیەکی بێ گیان کە کڕین وفرۆشتنی پێوە دەکرێ دابەزێنێ؟ کارەساتبارە کە هەست و سۆزی دایکایەتی و باوکایەتی تەنانەت لە فرۆشی منداڵەکە جێگای نییە، ئێمە چ چاوەڕوانییەکمان لەم وڵاتەدا هەبێ کە ژیان، مافی مرۆڤ و کەرامەتیان پارێزراو بێ؟
ـــــــــــــــــــــــــــــــــــــــــــــــــــــــــــ
(*) بە ماژیکێکی شین و خەتێکی خواروخێچ نووسرا بوو" باوک و دایکێک، کوڕی لە دایک نەبووی خۆیان پێشکەش دەکەن" لەو کاتەدا ئەو کوڕە، ئاوڵەمەیەکی ٥ مانگانە بوو کە بە ٥ میلیون تمەن فرۆشرا بوو.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.