کوردستان میدیا: پاش هێرشی مووشەکی ڕێژیمی تاران بۆ سەر شاری دەیرەلزوور، سەرۆک وەزیرانی ئیسڕائیل هۆشداری جیددی دایە سەرانی کۆماری ئیسلامی و ڕایگەیاند نابێ هەڕەشە لە ئیسڕائیل بکرێت.
ڕۆژی دووشەممە ڕێکەوتی ٢٩ی جۆزەردان بێنیامین نێتانیاهوو سەرۆک وەزیرانی ئیسڕائیل لە کۆبوونەوەیەکی حیزبیدا لە پارلمانی ئیسڕائیل بە تووندی هۆشداری دایە کۆماری ئیسلامی و جارێکی تر کۆماری ئیسلامی بە هەڕەشەیەک بۆ سەر ئیسڕائیل و ڕۆژهەڵاتی ناڤین و لەهەمان کاتیشدا مەترسییەک بۆ سەر جیهان لە قەڵەم دا.
ناوبراو ڕوو لە ئەندامانی حیزبی لیکوود وتی: ئێمە وشە بە وشە و هەموو کردەوەکانی ئێرانمان خستۆتە ژێر چاوەدێرییەوە؛ من پەیامێکم بۆ ئێران هەیە: هەڕەشە لە ئیسڕائیل مەکەن.
نێتانیاهوو هەروەها وتوویەتی: هەوڵەکانی تاران لە ناوچە خۆسەپێنەرانەیە و ئەمەش جێگەی قبووڵ کردن نییە؛ بە وتەی ناوبراو هێزە ئەمنیەتییەکانی ئیسڕائیل بە وردی چالاکی و جموجۆڵەکانی ئێرانیان لە ناوچەدا خستۆتە ژێر چاوەدێری.
وەزیری زانیارییەکانی ئیسڕائیل، ییسرائێل کاتێز، ڕۆژی ٥شەممە ڕێکەوتی ٧ی بانەمەڕ لە سەفەرێکدا بۆ ئامریکا و لە چاوپێکەوتن لەگەڵ لێپرسراوانی دەوڵەتی و کۆنگرەی ئامریکادا خوازیاری ڕێککەوتن لە نێوان ئورشەلیم و واشەنگتۆن بوون لەمەڕ جێبەجێکردنی ئەم گەڵاڵە ٥ ماددەییە.
بەشێک لە ماددەکانی ئەم گەڵاڵەی ئیسڕائیل بریتین لە دانانی تەحریم و گەمارۆی نوێ لەدژی تاران و ڕاوەستاندنی پشتیوانییە ماڵی و سەربازییەکانی تاران لە حیزبوڵای لوبنان.
لەلایەکی دیکەشەوە ڕۆژی چوارشەممە رێکەوتی ٢٧ی ڕێبەندان دۆناڵد تڕامپ لە چاوپێکەوتنیدا لەگەڵ بێنیامین نێتانیاهو باسی لە پێوەندی توند و تۆڵی نێوان هەر دوو وڵات کرد و ڕایگەیاند بە هیچ شێوەیەک ئیزن نادرێت ئێران ببێتە خاوەن چەکی ناوکی.
سەرکۆماری ئامریکا هەروەها وتوویەتی: ئەو قەیرانە ئەمنیەتییانەی کە ئیسڕائیل لەگەڵیدا بەرەوڕوویە زۆر بەربڵاون کە یەکێک لە گرینگترینیان زێدەخوازییە ناوکییەکانی کۆماری ئیسلامییە.
لە بەرامبەریشدا بێنیامین نێتانیاهو ئاماژەی بە تاقیکارییە موشەکییەکانی ئەم دواییانەی ئێران کرد و وتی: جەواد زەریف وەزیری دەرەوەی کۆماری ئیسلامی دەڵێ موشەکەکانی ئێران لەدژی هیچ وڵاتێک کەڵکی لێوەر ناگیرێ بەڵام بە زمانی عێبری پێوەی نوسراوە ئیسڕائیل دەبێ لەنێو بچێ!
ڕۆژی دووشەممە ڕێکەوتی ٢٩ی جۆزەردان بێنیامین نێتانیاهوو سەرۆک وەزیرانی ئیسڕائیل لە کۆبوونەوەیەکی حیزبیدا لە پارلمانی ئیسڕائیل بە تووندی هۆشداری دایە کۆماری ئیسلامی و جارێکی تر کۆماری ئیسلامی بە هەڕەشەیەک بۆ سەر ئیسڕائیل و ڕۆژهەڵاتی ناڤین و لەهەمان کاتیشدا مەترسییەک بۆ سەر جیهان لە قەڵەم دا.
ناوبراو ڕوو لە ئەندامانی حیزبی لیکوود وتی: ئێمە وشە بە وشە و هەموو کردەوەکانی ئێرانمان خستۆتە ژێر چاوەدێرییەوە؛ من پەیامێکم بۆ ئێران هەیە: هەڕەشە لە ئیسڕائیل مەکەن.
نێتانیاهوو هەروەها وتوویەتی: هەوڵەکانی تاران لە ناوچە خۆسەپێنەرانەیە و ئەمەش جێگەی قبووڵ کردن نییە؛ بە وتەی ناوبراو هێزە ئەمنیەتییەکانی ئیسڕائیل بە وردی چالاکی و جموجۆڵەکانی ئێرانیان لە ناوچەدا خستۆتە ژێر چاوەدێری.
وەزیری زانیارییەکانی ئیسڕائیل، ییسرائێل کاتێز، ڕۆژی ٥شەممە ڕێکەوتی ٧ی بانەمەڕ لە سەفەرێکدا بۆ ئامریکا و لە چاوپێکەوتن لەگەڵ لێپرسراوانی دەوڵەتی و کۆنگرەی ئامریکادا خوازیاری ڕێککەوتن لە نێوان ئورشەلیم و واشەنگتۆن بوون لەمەڕ جێبەجێکردنی ئەم گەڵاڵە ٥ ماددەییە.
بەشێک لە ماددەکانی ئەم گەڵاڵەی ئیسڕائیل بریتین لە دانانی تەحریم و گەمارۆی نوێ لەدژی تاران و ڕاوەستاندنی پشتیوانییە ماڵی و سەربازییەکانی تاران لە حیزبوڵای لوبنان.
لەلایەکی دیکەشەوە ڕۆژی چوارشەممە رێکەوتی ٢٧ی ڕێبەندان دۆناڵد تڕامپ لە چاوپێکەوتنیدا لەگەڵ بێنیامین نێتانیاهو باسی لە پێوەندی توند و تۆڵی نێوان هەر دوو وڵات کرد و ڕایگەیاند بە هیچ شێوەیەک ئیزن نادرێت ئێران ببێتە خاوەن چەکی ناوکی.
سەرکۆماری ئامریکا هەروەها وتوویەتی: ئەو قەیرانە ئەمنیەتییانەی کە ئیسڕائیل لەگەڵیدا بەرەوڕوویە زۆر بەربڵاون کە یەکێک لە گرینگترینیان زێدەخوازییە ناوکییەکانی کۆماری ئیسلامییە.
لە بەرامبەریشدا بێنیامین نێتانیاهو ئاماژەی بە تاقیکارییە موشەکییەکانی ئەم دواییانەی ئێران کرد و وتی: جەواد زەریف وەزیری دەرەوەی کۆماری ئیسلامی دەڵێ موشەکەکانی ئێران لەدژی هیچ وڵاتێک کەڵکی لێوەر ناگیرێ بەڵام بە زمانی عێبری پێوەی نوسراوە ئیسڕائیل دەبێ لەنێو بچێ!
