کوردستان میدیا: ئەندامان و لایەنگرانی حیزبی دێموکراتی کوردستانی ئێران، بە بۆنەی ٢٢ی پووشپەڕ ٢٧ـەمین ساڵڕۆژی تیرۆرکرانی دوکتور قاسملوو، لە شاری ورمێ و گوندی تەنگیسەری دێموکرات پەروەر تراکت و وێنەی شەهید دوکتور قاسملوویان بڵاو کردووەتەوە.

بەپێی هەواڵی گەیشتوو بە ماڵپەڕی کوردستان میدیا، ئەندامان و لایەنگرانی حیزبی دێموکرات لە شاری ورمێ و گوندی تەنگیسەر یادی دوکتور قاسملوویان بەرز نرخاند.

ورمێ:

لە شاری ورمێ و دەوروبەری ئەندامانی بە ئەمەگ و دڵسۆزی ڕێگای شەهیدانی حیزبی دێموکرات، تراکت و پوستێری تایبەت بە ٢٢ی پووشپەڕیان بڵاو کردووەتەوە و ئەو شوێنانەی چالاکی لێ ئەنجام دراوە بریتین لە:

گوندی نەرگی، حەفت‌ئاباد، سێ گورگان، زێوه، هاشم‌ئاباد.
هەروەها ئەندامانی حیزبی دێموکرات بە نووسینی دروشمی تایبەت بەو ڕۆژە، تێرۆریزمی ڕێژیمی ئێرانیان مەحکووم و وەفاداریی خۆیان بە ڕێبازی قاسملوو نوێ کردووتەوە.

سەڵماس:

ڕۆڵە قارەمانەکانی دێموکرات لە شاری سەڵماس لە گوندی دێلەزی سەر بە ناوجەی شپیران، دروشمی تایبەت بە ٢٢ی پووشپەڕیان لە سەر دیوارەکان نووسیوە.

سنه:

ئەندامان و لایەنگران و ڕۆڵە بە ئەمەگەکانی حیزبی دێموکرات لە شاری سنەی قارەمان، شەوی پێنج‌شەممە لە سەر هەینی ڕێکەوتی ٩ی پووشپەڕی ١٣٩٥ی هەتاوی، لە گوندی تەنگیسەری دێموکرات پەرەوەر بە بڵاوکردنەوەی تراکت و پۆستێری تایبەت بە ٢٢ی پووشپەڕ و وێنەی شەهیدان پەیمانیان لەگەڵ حیزبی دێموکرات نوێ کردوە.