کوردستان میدیا: ئه‌مڕۆ رێکه‌وتی ٣ی ره‌زبه‌ری ١٣٩١ی هه‌تاوی، ئاگر له‌ ٩ خێوه‌تى کوردانی به‌نابه‌رانی سووریه‌ به‌ربوو و سووتان.


به‌گوێره‌ی راپۆرتی ماڵپه‌ڕی ئاڤێستا کورد، به‌هۆی ئاگر که‌وتنه‌وه‌ له‌ خێوه‌تێکی که‌مپی په‌نابه‌رانی کوردی سووریه به‌هۆی ته‌قینه‌وه‌ى گاز، به‌ خێرایی ئاگر له‌ خێوه‌ته‌کانی دیکه‌ بربووه‌ و به‌گشتی ٩ ره‌شماڵ سووتاون.
به‌پێی ئه‌م راپۆرته هه‌وڵی خه‌ڵکی دانیشتووی ئه‌و که‌مپه‌ و ماشێنه‌کانی فریاکه‌وتن، له‌مه‌ڕ دامرکاندنی ئاگره‌که‌ بێ‌ئاکام بووه‌ و له‌ کۆتاییدا ٩ خێوه‌تى که‌مپنشینه‌کان به‌ که‌لوپه‌لی نێو ره‌شماڵه‌کانه‌وه‌ به‌ ته‌واوه‌تی سووتاوه.
که‌مپی دۆمیز له ده‌ڤه‌ری دهۆک لە هه‌رێمی کوردستان دامه‌زراوه‌ و زیاتر كه‌ ٢٧ هه‌زار کوردی په‌نابه‌ری رۆژئاوا تێیدا ده‌ژین.
وێنه: ئاڤێستا کورد