• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی فێڤریەی ٢٠١٨ی زایینی - ٢٩ی رێبەندانی ١٣٩٦ی هەتاوی  

یاری کردن بە گیانی هاووڵاتییان

زایینی: ٠٦-٠٧-٢٠١٧ - هەتاوی: ١٣٩٦/٠٤/١٥ - ٢١:٣١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
یاری کردن بە گیانی هاووڵاتییان
پێشەوا ٢٤

ماوەیەکە هاووڵاتییانی کوردستان بەتایبەت لە چەند شاری وەک مەهاباد، بۆکان، ورمێ، سەردەشت و نەغەدە تووشی حاڵەتی نائاسایی و نەخۆشینی نامۆ دەبن کە تەنانەت پزیشکان و پسپۆڕانیش تێڕاماون؛ بۆ بەدواداچوونی ئەم ئاریشە نوێیە هەواڵنێرێکی "کوردستان" لیکۆڵینەوەیەکی مەیدانی ئەنجام داوە کە لێرەدا دەخرێتە بەر دیدی خوێنەرانی بەرێزی "کوردستان".

نەخۆش‌کەوتنی چەند کەس کە نەخۆشخانە بە هۆی دەرمانی کشت و کاڵی ماوە بە سەر چوو هۆكارى نەخۆشکەوتنی ئەو چەند هاووڵاتییە کوردە ديار و ناديار و نامۆ بوون پزيشكانيش پێی سەرسام بوون.

دوای بەدواداچوونی هۆكاری ئەو نەخۆش‌کەوتنە پزيشكان ڕایانگەیاند کە جووتیاران کەڵکیان له سەمی شيميايى وەرگرتووە و ئەو دەرمانانە هيچ كوالێتيیەكيان نەبووه و ماوه بەسەرچوو بوونه.

یەکێک لە بەرپرسانی "جهادى كشاورزى" رێژیم ڕایگەیاند كه هيچ ئازمايشگا يان فيلتەرێک نيیه بۆ چاودێری و لێكۆڵينەوه لەو جۆره دەرمانانەی كه له شارەکانی مەهاباد و بۆكاندا لەلايەن جوتياران بەكار دێت. ئەوەش کێشەیەکی زۆری بۆ جوتیارانی كەم داهات دروست کردووە.

ئەو هەواڵنێرە هەروەها باسی لەوە کرد، دانی ئەو دەرمانە ماوە بەسەر چووانە لە كاتێک دايه كه نرخى ئەو دەرمانانە له بازاڕدا بەهۆى نەناردنى فۆرموڵى پپشكەوتووى سازكردنى ئەو دەرمانانە لە لايەن ئازمايشگاكانى وڵاتانى ئورووپایی و وڵاتى ئامريكا بە ڕێژەیەکی بەرچاو چووەته سەرێ.

هەواڵنێری "کوردستان" لە وتووێژ لەگەڵ موهەنديسێكى ناسراو لەو بوارەدا كه له بنكەى "جهادى كشاورزى" گوندی "گ ..." سەر به شارى مەهاباد کار دەکات باسی لەوە کرد: "گەمارۆی ناردنى فۆرموڵ و ماددەى پێشكەوتووى بەرهەمی دەرمان کاریگەریی لە سەر ڕێژیمی ئێران داناوە و ڕێژيميش بۆ شاردنەوەى ئەو کەم‌وکوڕییە دەستى كردووه به سازكردنى بێ‌مۆڵەت و ناتەندروست و ناتەنكنيكى ئەو جۆره مادده شيميايانه و هەروەها لەبەر بەرزبوونەوەى نرخى ئەو دەرمانانە لەنێو بازاڕ له وڵاتى توركيەوه لە لايەن سوپاى پاسدارانەوه به شێوەيەكى قاچاغ و ناڕون هاوردە دەكرێ و تەزريقى بازاڕى بێ فيلتێر و بێ لێكۆڵينەوه دەكرێ.

هەروەها سەرۆکی نەخۆشخانە شاری مەهاباد ڕایگەیاندووە: "ئێمە لە سەر ئەو بابەته چەندين جار هۆشدارىی توندمان داوەته نهاده پەيوەندیداركان، بەڵام نەتەنيا وەڵامێكان نەبووه بەڵكو هەڕەشەشمان لێكراوه كه ئەو بابەتە زۆر كێش نەدەين".

هەروەها ئەو كەسانەى كه تووشى ئەو نەخۆشیيه ناديارانه دەبنەوه لە نەخۆشخانەکان بيمەی دەرمانیی ئەوان قبوڵ ناکرێت و ناچارن بۆخۆیان هەوڵ بۆ چارەسەرکردنی نەخۆشییەکەیان بدەن کە لە زۆربەی حالەتەکاندا تواناى دانی تیچووی نەخۆشخانەیان نییە.

زۆربەى حاڵەتى نەخۆشى شێرپەنجە لە لايەن پزیشكانەوه كه لەم دوایيانەدا زيادى كردووه بۆ ئەو بابەته گەڕێنەدراوەتەوه.

ئەو کێشەیە تەنانەت گەيشتووەته مەجلیسی ئێرانيش و لەوێش هەڵاى لێكەوتۆتەوه كه گوايه لايەن موهەنديس"مەحموود زاده" نوێنەری ڕێژیم خەڵکی شاری مەهاباد ناڕەزایەتیی لە سەر كراوه بەڵام مۆڵەتى قسه كردن بە ناوبراو نەدراوە.

هەواڵنێرەکەمان دەڵێ: "بەپێی لێكۆڵينەوەكانى من كه لەگەڵ چەند مامۆستای بوارى کشت وکاڵ له زانكۆى مەهاباد قسەم کردووە ئەم حاڵەتانە دەرخەری ئەوەن كه ئەو پرسه لەلايەن ڕێژيمەوه به شێوەيەكى سيستماتيك و نا ئیينسانيانه بەڕێوه دەچێ و بەداخەوه هيچ كەس تواناى ڕێگرتن يان گۆڕينى ئەو دۆخەى نيیه".

ئەندازیارێکی کشت وکاڵ لە وەڵامی ئەو پرسیارەدا کە "ئايا كێشەى ئەو ژەهرانە و ئەو نەخۆشيانه دەگەڕێتەوە سەر کێ و به خەتاى كێ دەزانى و كێ به كەمتر خەم دەزانى؟" گوتی کە:
يەكەم كەس كه دەبێ لێپرسینەوەی لەگەڵ بکرێت حكوومەت و لەسەرووى هەمووان وەزيرى كشت و كاڵ و دواتريش پيلان دارێژانی كشتوكاڵى و ڕاوێژكەرانى دەوروبەريەتى كه هيچ پيلان و بەرنامەيەكيان نيیه كه بيدەن به ئێمەى فەرمانبەر كه ئێمەش هەستين به جێبەجێ كردنى ئەركەكانمان و به شێوەيەكى نازانستی و نا بەرپرسانه کەسانى نەشياو لەسەر پۆستى هەستیار و تەكنيكى دادنێن.

دواتر بە گشتی فەرمانبەرانى ڕێژیمی به كەمتەرخەم دانا و گوتى كه ئەوانيش ماوەيەكى زۆره كه هەست به بەرپرسايەتى ناكەن و كەمتەرخەمن له بەجێ گەياندنى ئەركەكانيان.

جگە لەمەش جوتيارانيش زۆر ناشارەزا و ناتەندروست و بەبێ ڕاوێژكردن به ئێمه هەڵدەستن بەكڕين و سەمپاشىی‌كردنى نائوسولى كه يەكەم نازانن چ جۆره دەرمانێک به چ كوالێتیيەک و له كێ و چەنده بكڕن هەروها كه سەممەكان بەكاردەهێنن به شێوازێكى ناتەندروست و بە لەبەر چاو نەگرتنى سڵامەتى خۆيان له سەمپاشيەكه نزيك دەبنەوه بەبێ ئەوەى كه كەرستەى تايبەت بەكاربێنن.

ئەم ڕێنماییانەی کە بۆ ئێمە هاتووه دەبێ بە دانانى خولى فێركارى كه ئەویش هێشتا بودجەی بۆ دابين نەكراوە دژوارە ئەوەش لە کاتێک دایە كە سێ ساڵ دەبێ ئەو بڕياره لەسەرووى خۆمانەوه هاتووه.

پاشان دەڵێ: هەندێک له بازرگانان كه به ڕونى ئاماژەى بەوەدا به پەيوەندى و پێدانى سپاى پاسداران له هەندێک له وڵاتانى دراوسێوه تەنيا به مەبەستى سوودى شەخسى بەبێ ڕەچاوكردنى كوالێتى و ڕێنمايى و...هتد هەستاون به هاوردەكردنى دەرمان بەبێ لێكۆڵينەوه.

هەروها دوكتورێكى پسپۆڕی بوارى تەندروستى "سییەکان و هەناسه‌كێشان" لە وتووێژ لەگەڵ هەواڵنێری "کوردستان" ڕایگەیاند: "يەكەم كەس كە توشی نەخۆشی دەبن جوتيارانن كه ڕاستەوخۆ ئەو ژەهرانه بەكاردەهێنن. دواتر گوتى تا ئێستا تەنيا له مەهاباد و تەنيا له مەتەبى شەخسى ئەو لە سەرەتاى ئەمساڵەوه ١٠ نەفەر لە سەر پرسى توند بوونى سييەكان و پشوو سواربوون و ژەهراویبوون بە سەم پەيوەنديان پێوه كردووم و ئەوه جگه لەو كەسانەى كه دێن بۆ نەخۆشخانەی گشتی و ئەو كەسانەى كه دەڕۆنه لای دوكتورێكى ديكە كه ئەويش پسپۆڕى بوارى هەناسەیە.

ئەو دوکتورە هەروەها باسی لەوە کردووە، لەو١٠ کەسە دۆخی جەستەیی دوو کەسیان زۆر خراپ بووه كه يەكێكيان لەبەر نەبونى پێداويستى و ئیمكاناتی پێويست و پێشكەوتوو بۆ نەخۆشخانەى تاران ڕەوانەمان کردووە و ئەوەى ديكەش له نەخۆشخانەى "آذربايجان"ى شارى ورمێ خەوێندراوە.

هەر لەم بارەیەوە دوکتورێکی پسپۆڕی پێست و جوانکاری لەم وتووێژەدا باسی لەوە کردووە: " بەداخەوه ئێوە یەکەم کەسن كه بەدواداچوونی ئەم کێشەیە دەكەن يان لانیكەم لێم دەپرسێت. ناوبراو هەروەها گوتی حاڵەتەكان هێڵى سووريان تێپەڕاندووه به ڕادەيەک کە لەو دوو سێ ساڵەى ڕابردوودا زۆربەى نەخۆشەكانم هەر لە سەر ئەو بابەته هاتوونەته لای من که پێوەنديیان به سەممەوه هەبووه كه بەداخەوه زانراوه كه چەندين حاڵەت تووشى سەرەتانى جۆرى پێست بوون و چەند حاڵەتیشمان هەبووە کە بۆمان ڕوون نەبووە چییە و دواى نموونه ناردن بۆ چەند زانكۆيەكى شارەزا و بۆ نەخۆشخانەیەک له وڵاتى ئۆردۆن زانراوه كه جۆرێک له "قارچى" ژێر پێستىی نامۆ" و تازه له پەيوەندى ئەو مادده شيميايیانه لەگەڵ پێستدا ساز دەبێ كه يەكەمجار زۆر مەترسیدارە بەڵام ناگوازرێتەوە.

هەروەها بۆ زانیاریی زیاتر لەو کێشەیە له زانكۆى مەهاباد مامۆستایەکی بەشى كۆلێژى كشت و كاڵ كه له وڵاتى هۆلەند بڕوانامەی دوكتوراى وەرگرتووە لە وتووێژ لەگەڵ هەواڵنیری "کوردستان" ڕایگەیاند: "بەداخەوه دوژمنێكى يەكجار زۆر بەهێز و پوشتە به چەکى نامۆ و ناديار و پێشكەوتوو هاتۆته سەر سفرەى ماڵەكانمان تەنانەت تا نەمانكوژێ به خۆشمان نازانين كە پرسەكه زۆر زۆر گرینگه و گەیشتووەتە حاڵەتى هۆشدارەوه، بەڵام بەردەوام داواى په ردەپۆش كردنيان لێ دەكرێ.

ئەو دوکتورە هەروەها گوتى: "ئەو ژەهرانه تەنيا کاریگەری لە سەر پێست دانانێن بەڵكو دەڕۆن له زەنجيرەى خواردنەکانەوه و بۆ ساڵانێكى زۆر له دانەوێڵەكانى كشت و كاڵدا دەمێننەوه و هەموو جارێ به پەيدابوونى دەرمان ئەوان شێوازى خۆيان دەگۆڕن ڕێك وەك يەك دانە ڤایرۆس و دواتريش گوتى دەڕۆن له كۆدى "دى ان اى" و ژێن و تەواوى دانەوێڵەكانى وەك گەنم و جۆ كه بۆ هەتا هەتايه ئەو مادده كيميايیه له نێو خۆياندا هەڵ دەگرن و دەیگوازنەوە به نەسڵەكانى داهاتوو.

دواتر گوتى واديارە ئەو پرسه تەنيا له ناوچەى مەهاباد و ورمێ و بۆکاندا زۆر باو و دياره چونكه ناوچەيەكى كشت و كاڵيه و جوتياران لەو ناوچانەدا به خەياڵى خۆيان زۆر پێشكەوتوون كە سەم بەكار دەهێنن وادياره هەندێکیش بە ئەنقەست و به "سوء نيت"ـەوه خەريكن پەره بەو كاره دەدەن و بەکردەوە بوونەته هۆى زياتربوونى ئەو كێشه كه به دڵنيايیەوه مەبەستى سپاى پاسداران بوو.

هەر له درێژەى قسەكانیدا گوتى به هەموو شێوەیەك هەوڵمان داوه جوتياران و خەڵكى نێو شار ئاگادار بكەينەوه بەڵام لەبەرئەوەى جوتياران بە مەبەستى سوودى زياتر و زيادبوونى بەر و بومى خۆيان هەر به كارى دەهێنن و لەو نێوەشدا کەسانی تریش هەڵدەستن به بازرگانى كردنى ناياسايى.

هەروەها مامۆستایەکی دیکەی زانکۆ لەم بارەیەوە باسی لەوە کرد: " تەنيا جوتياران زەرەرمەند نين بەڵكوو زەرەرمەندى ڕاستەقينه بەكارهێنەرانى بەروبومى پیس بوو بەو سەممانەن كه ئەوان قوربانی سەرەكين و گوتيشى كه يەكەمجار زۆر مەترسیدارە کاتێک کە دەچنە نێو زەنجيرەى خۆراکییەوە؛ تەنانەت باسى لە تێکەڵ بوون له نێو ئاوی ماسی كرد و گوتى كه هۆكارى سەرەكى زيادبوونى شێرپەنجەیە له ناوچەی ئێمەدا کە ٨٠٪‏ی دەگەڕێتەوه سەر سەمپاشى کردنەکان.

لە درێژەى ئەو لێكۆڵينەوەدا مامۆستايەكى بەشى ياسا که پێشتر ڕاوێژكارى وەزيرى دەرەوەى ئێران بووه ڕایگەیاند: ''له کاتى ڕێژيمى پەهلەوىدا هەر جۆره هاوردەکردن و بەكارهێنانى سەم بە بێ تەئيديەى وەزارەتى تەندروستى ئێران و فەرانسه قەدەغەكراو بوو و تەنانەت بازرگانان به توندى سزاى زيندان و تەنانەت حوکمى كوشتنيشيان هەبووه. بەڵام بەداخەوه هۆكارى زۆر بوونى ئەو بابەته يەكەم دەگەڕێتەوه بۆ نەبوونى ياسايەک بۆ ڕێگرى كردن له و جۆره كارانه و دووهەم دەگەڕێتەوه سەر ئەوەى كه سيستماتيك پلانيان بۆ ناوچەى موكريان هەيه و به هەموو جۆرێک خەريكه دەمانسڕنەوه و ئەو بابەتەى كه باسى دەكەى له چاو پيلانەكانى ديكەيان هەر هيچ نيیە؛ ئەو كارخانەیەش سەر به سپايه و بەپێى بەدوا داچوونى من زياتر له٦٠٪‏ی سەمى ئێران ئەوان سازى دەكەن و هيچ ئازمايشگايهک يان هيچ ڕێککەوتنێكيان لەگەڵ وەزارەتى بێهداشت يان زانكۆيەكى دياردا نيیه و سەربەخۆ تەنانەت بە مۆڵەتی فەرمى كار دەكەن.

بەپێی زانیارییەکان سەممی ناسراو به "تو فوردى" مەترسیدارترین و پڕ کاربۆردترین دەرمان لای جوتیارانە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.