• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

ڕۆژئاوای کوردستان

زایینی: ٠٦-٠٧-٢٠١٧ - هەتاوی: ١٣٩٦/٠٤/١٥ - ٢١:٣٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕۆژئاوای کوردستان
جەمیل ئەحمەدی

دوای دابەشبوونی کوردستان لە نێوان هەردوو ئیمپراتۆری سەفەوی و عوسمانی، نزیک بە سێ لە سەر چواری کوردستان کەوتە ژێر دەسەڵاتی عوسمانییەکان، بەڵام دوای شەڕی جیهانی یەکەم و هەڵوەشاندنەوەی ئیمپراتۆری عوسمانییەکان جارێکی تر ئەو بەشەی کوردستان کە لە ژێر دەسەڵاتی عوسمانییەکاندا بوو، کرا بە سێ بەشەوە کە بچووکترین بەشی ئەو سێ پارچەیەی کوردستان ڕۆژئاوای کوردستانە. ڕۆژئاوا نەک هەر بچووکترین بەشی هەر چوار بەشی کوردستانە لە بواری جوغرافیایی و حەشیمەتەوە، بەڵکوو خودی ڕۆژئاواش دابەش بووە بە سەر دوو پارچەوە، هەر بۆیە کێشەی ڕۆژئاوای کوردستان زیاترە لە پارچەکانی تر. بەڵام ئەمڕۆ هیوایەک لە نێو کورددا دروست بووە کە ئەو بەشەی کوردستان بە بەشێک لە ماف و ئازادییەکانی بگا (وەک باشووری کوردستان) و چیدیکە لە لایەن داگیرکەرانەوە نەچەوسێندرێتەوە؛ بێگومان ئەمەش بە هەوڵ و ماندووبوون و یەکگرتوویی کوردانی ئەو بەشەی کوردستان و گرتنەبەری ڕێگا عەقڵانی و لۆژیکییەکان دەبێت، ئەگینا ڕەنگە زۆر شت لە دەست بدەن کە هەلیان بۆ ڕەخساوە بە دەستی بهێنن.

''نەهامەتییەکان''

ئەو نەهامەتییانەی لە ١٠٠ ساڵی ڕابردوودا بە سەر خەڵکی ڕۆژئاوای کوردستاندا هاتووە، بێگومان زیاتر نەبێت لە هی بەشەکانی تری کوردستان کەمتر نییە و باشترین بەڵگەش بۆ سەلماندنی ئەوەیە کە هەتا مافی وەرگرتنی ناسنامە (شناسنامە) یا بەڵگەی سووری بوونیان نەبووە و زیاتر وەک ئاوارە سەیریان کردون، ئەویش ئاوارە لە وڵاتێکی فاشیست و دژە مرۆڤی وەک سوریەدا. چەوساندنەوە و نکۆڵی کردن لە ڕۆژئاوا لەلایەن دەسەڵاتە یەک لە دوای یەکەکانی سوریە بە ئاستێک گەیشتبوو کە هەندێ لایەنی کوردیش نکۆڵی لە هەبوونی ئەو بەشەی کوردستان بکەن و کوردانی ڕۆژئاوایان بە کوردە ئاوارەکانی سوریە دەزانی. ئەگەرچی کوردانی ڕۆژئاوا لەسەدەی ڕابردوەوە هەتاکوو پێش ڕاپەڕینی گەلانی سوریە لە ساڵی ٢٠١١دا زۆر جار دژی دەسەڵاتەکانی سوریە ڕاپەڕیبوون، بەڵام بێ ئاکام بوو. ڕاپەڕینی ئەم جارەی سوریەکان دژ بە دەسەڵاتی دژە مرۆیی بەشار ئەسەد و بنەماڵەکەی، دەرفەتی ئەوەی بەڕووی کوردانی ڕۆژئاوادا کردەوە کە هەم بوونی خۆیان بسەلمێنن و هەم ڕزگاریان ببێت لە چەوسانەوە و نکۆڵی لێکردن، ئەگەر خۆیان دەرگاکان بەڕووی خۆیاندا دانەخەن.

''قۆناغەکان''

لە ساڵی ٢٠١١ وە ڕۆژئاوای کوردستان بە چەندین قۆناغدا تێپەڕیوە کە دەتوانین قۆناغەکان بەم شێوەیە دابەش بکەین، یەک: دەستاودەست کردنی دەسەڵات لە نێوان ڕێژیمی بەعسی سوریە و پەیەدە یا چۆڵکردنی ناوچەکان لەلایەن ڕێژیمەوە بۆ پەیەدە. دوو: هێرشی گرووپە جیهادییەکان بۆ ڕۆژئاوای کوردستان و بەتایبەتی هێرشی دڕندانەی داعش و بەرگری بێ وێنە و مێژوویی کوڕان و کچانی ڕۆژئاوا و ناردنی هێزی پشتیوانی لە باشووری کوردستانەوە. سێ: بەدەستهێنانی پشتیوانی نێودەوڵەتی و هاتنەناوەوەی هێزەکانی تورکیە بۆ نێو خاکی سوریە. چوار: پێکهێنانی هێزی سوریەی دێموکرات بە ڕێبەرایەتی پەیەدە و دەسپێکی ڕزگاکردنی ناوچەکان و بەتایبەت شاری ڕەقەی پێیتەختی خەلافەتی ئیسلامی لە عێراق و شام. ئەگەرچی ڕۆژئاوا لەم چەند ساڵەدا زۆر قۆناغی دژوار و پڕ لە شانازی بڕیوە، بەڵام هێشتا لە نیوەی ڕیگاکەیدایە و دەبێ نیوەکەی تریش بە سەرکەوتوویی ببڕێت، بۆ ئەوەی بگا بە لێواری ئارامی و گەڕانەوەی ژیانێکی شایستە بۆ خەڵکە خێر لە خۆ نەدیوەکەی.

''فراوان کردنی ناوچەکانی ژێر دەسەڵاتی پەیەدە و لکاندنیان بە ڕۆژئاوای کوردستانەوە''

هێزەکانی ڕۆژئاوای کوردستان (پەیەدە) دوایی تێکشکاندنی شەمشەمە کوێرەکانی خەلافەت (داعش) لە کۆبانێ بە پشتیوانی پێشمەرگە و پێکهێنانی هێزەکانی سوریەی دێموکرات و بە دەست هێنانی هەندێک پشتیوانی سیاسی و سەربازی....... لە ئاستی نێودەوڵەتیدا، ئێستا جگە لە زۆربەی ڕۆژئاوای کوردستان ناوچەیەکی فراوانی عەرەبی سووننە مەزهەبیان بە دەستەوەیە و پێشبینی دەکرێت دوای ئازادکردنی ڕەقە، ناوچەی ژێر دەسەڵاتی هێزەکانی سوریەی دێموکرات درێژ ببێتەوە بۆ خوارووی دەیرەزور تا دەگاتە شارۆچکەی ئەبوو کەماڵ لە سەر سنووری نێوان سوریە و عێراق. هەندێک سەرچاوە و زانیاریش باس لەوە دەکەن کە هەوڵ و پلانێک هەیە کە هێزەکانی سوریەی دێموکرات بە ڕێبەرایەتی پەیەدە و پشتیوانی ئەمریکا، ناوچەکانی ژێر دەسەڵاتیان فراوان بکەن لە پارێزگای ئیدلیب و لازقیەوە، بۆ ئەوەی ڕۆژئاوا ببەستنەوە بە دەریای مەدیتەرانەوە. ئەگەرچی ئەمە تا ڕادەیەک دژوارە، بەڵام لەو ئاڵۆزی و ناڕوونییەی داهاتووی سوریەدا ڕەنگە زۆر شتی جێگای سەرسووڕمان ڕووبدات.

''سەرهەڵدانی شەڕ لە نێوان هێزەکانی پەیەدە و ڕێژیم''

هەر وەک ئاگادارین هەتا ئەمڕۆش بەشێک لە هێزەکانی دەوڵەتی سوریە لە ناوچە کوردستانییەکانی ڕٶژئاوا ماونەتەوە و بەشێک لە کاروباری ئیداری ئەو ناوچەیەشیان بە دەستەوەیە، جگە لەوە ڕێژیم لەو ناوچانە خۆی بە خاوەن ماڵ دەزانێت و پەیەدە و هێزە کوردییەکانی تر بە میوان، بەڵام لە واقیعدا وانییە و هێزەکانی بەشار ئەسەد داگیرکەرن لەو ناوچانەی کوردستان. سەرەڕای ئەو تێڕوانینە جیاوازانە کە بەدی دەکرێت، تا دێ زیاتر پەیەدە و ڕێژیمی سوریە لە یەک دووردەکەونەوە و پەیەدە بە ئاراستەی ئەمریکا و وڵاتانی هەوپەیمان و بەشار ئەسەد بە ئاراستەی ڕوسیە و ئێران هەنگاو دەنێت، هەر بۆیە دەبێ چاوەڕوانی شەڕی یەکلاکەرەوە بین لەو ناوچانەی هێزەکانی ڕێژیمی لێ جێگیرە، بەڵام ئەو شەڕە لە کاتێکدا دەست پێدەکا کە داعش نەمابێ یا لاواز بووبێت و تا ڕادەیەکیش باڵانسی هێز لە نێوان هێزەکانی سوریەی دێموکرات و هێزەکانی بەشار ئەسەد دروست بووبێت، هەر بۆیە زوو بێ یا درەنگ ئەو شەڕە ڕوودەدات.

''کاردانەوەکان لە بەرانبەر فراوانبوونی دەسەڵاتی کورد''

ڕەنگە شتێکی سرووشتی بێت لە جیهانی سیاسەتدا کە بە فروانبوونی دەسەڵاتی سیاسی، سەربازی و جوغرافیایی و... هتد لایەنێک، هەندێک لە ئاستی نێوخۆی و جیهانی پێی خۆشحاڵبن و هەندێکیش نیگەران، بەڵام خۆشحاڵی و نیگەرانییەکان هەموو کات جیاوازن و بەتایبەت نیسبەت بە فراونبوونی دەسەڵاتی کورد. لە ماوەی ڕابردوودا تورکیە زۆر هەوڵیدا بەربەست دروست بکا لە بەرانبەر پێشڕەوییەکانی پەیەدە و بە ئامانج نەگەیشت، بەڵام لە دوای دەستپێکردنی ئۆپەراسیۆنی ڕەقە کە دەرکەوت دەوڵەتی سوریە و ڕوسیەش بە پێشڕەوییەکانی هەسەدە خۆشحاڵ نین کە هاوپەیمانی نێودەوڵەتی پشتیوانیان لێ دەکات، هەر بۆیە پەیەدەیان بەوە تاوانبار کرد کە دەروازەیەکی بۆ دەرچوونی داعش لە ڕەقە کردۆتەوە، ئەمەش بووە هۆی کاردانەوەی پەیەدە و چەند بەرپرسێکیان بە تووندی وڵامی ڕێژیمی سوریە و ئێران و تورکیەیان دایەوە. لە بەرانبەردا پێشڕەوییەکانی هەسەدە جێگای دڵخۆشییە بۆ هاوپەیمانی نێودەوڵەتی و بەتایبەت ئەمریکا و ئەو دەسکەوتانە بە دەسکەوتی سیاسی و سەربازی خۆیان دەزانن لە سوریەدا. لە لایەکی ترەوە ڕەنگە وڵاتانی عەرەبیش بە ڕێبەرایەتی عەرەبستان بە پێشڕەوییەکانی هەسەدە خۆشحاڵ بن، کە هەم داعش بەرەو لەناوچوون دەچێت و هەم ناکۆکی نێوان هەسەدە و ڕێژیمی سوریە فراوان دەبێت.

''دابەشبوونی سوریە بە بێ خواستی زلهێز و وڵاتانی ناوچەکە''

لە سەرەتای خۆپێشاندانەکانی سوریە و تا ساڵی ٢٠١٤ش هیوایەک هەبوو کە ڕێژیمی بەشار ئەسەد بڕوخێت و دەوڵەتێکی نوێ لە سوریە بێتە سەر کار و ئارامی و خۆشگوزەرانی و ئاوەدانی بۆ سوریەیەکی یەکگرتوو بگەڕێتەوە، بەڵام دوای دروستبوونی دەیان گروپی تیرۆریستی و داگیرکردنی یەک لە سەر سێی خاکی سوریە و عێراق لەلایەن داعشەوە و هاتنەناوەوەی وڵاتانی ناوچە و زلهێزەوە بۆ نێو خاکی سوریە، چیدیکە کەس باوەڕی بەوە نەماوە کە سوریە بە یەکگرتوویی بمێنێتەوە و لە حەقیقەتیشدا دابەش بووە. لە سێ ساڵی ڕابردوودا هەموو هێزە نێودەوڵەتی و نێوخۆییەکان لە سوریە بە ڕێژیمیشەوە، ئەو ڕاستیە دەزانن کە سوریە بە یەکپارچەیی نامێنێتەوە و هێزەکان کەوتوونەتە ڕکابەری یەکدی بۆ ئەوەی زۆرترین خاک بە دەستەوە بگرن و وەک ئەمری واقع ببن بە فەرمانڕەوای ئەو ناوچەیە کە کونترۆڵی دەکەن، جا دەست بەسەردا گرتنی ئەو ناوچەیە ڕاستەوخۆ بێ یان لەلایەن هێزێکی هاوپەیمانەوە. ئەو هێزە شەڕکەرانەی لە سوریە لە هەوڵی کۆنترۆڵکردنی ناوچەکانن بە هێزەکانی ڕیژیمیشەوە، هەر کامەیان لەلایەن زڵهێزێکی نێودەوڵەتی یا ناوچەییەوە پشتیوانیان لێ دەکرێت و هەتا باس لە پشتیوانی گروپە تیرۆریستیەکانیش دەکرێ، ئەوەش بووەتە هۆکاری بێ متمانەیی و قوڵبوونەوەی ناکۆکی نێوان وڵاتانی تر و بەتایبەت ئەمریکا و ڕوسیە. ئەگەر جاران ئەمریکا و ڕوسیە تەنیا لە ململانێی یەکدی بوون بۆ کۆنترۆڵکردنی خاک و ئاسمانی سوریە و ئەم وڵاتەیان دابەش نەکردبوو، بەڵام ئەمڕۆ دەبینین نەک هەر هەوڵەکانیان چڕ کردۆتەوە بۆ گرتنی زۆرترین خاک، بەڵکوو ئاسمانی سوریەشیان دابەش کردووە و فرۆکە شەڕکەرەکانیان ناتوانێت سنووری ئاسمانی ئەوی دیکەیان ببەزێنێت. لە چەند ڕۆژی ڕابردوودا بینیمان کە ئەو ڕێککەوتنەی لە نێوان ڕوسیە و ئەمریکا هەبوو، بەهۆی خستنەخوارەوەی فرۆکەیەکی ڕێژیمی سوریە لەلایەن ئەمریکاوە، ڕوسیە ڕێککەوتنی خۆی لەگەڵ ئەمریکا هەڵوەشاندەوە و هۆشداری تووندی دا بە هێزی ئاسمانی ئەمریکا کە سنووری هێزەکانیان نەبەزێنن. لە بەرانبەردا ئەمریکاش هوشداری بە فرۆکەکانی ڕوسیە دا کە نزیک ئاسمانی هێزەکانی هەسەدە نەبنەوە، ئەگینا فرۆکەکانیان دەخاتە خوارەوە.

''دروستبوونی دەوڵەتێک لە ڕۆژئاوا و بەشێکی سوریە''

هەر وەک پێشتر باسمان کرد کە دابەشبوونی سوریە شتێکی چاوەڕوانکراوە و باوەڕ ناکەم هیچ و کەس و لایەنێک بتوانێت ڕێگر بێ لە تیکە تیکە بوونی ئەو وڵاتە، ئەمەش ڕەنگە خەونی لە مێژینەی بەشێک لە کورد بەدی بهێنێت. هەنگاوە نوێیەکانی پەیەدە و دروستکردنی هەسەدە و بە دەستهێنانی پشتیوانی ئەمریکا و بەشێکی زۆر لە وڵاتانی کاریگەری ناوچەکە و جیهان بۆ ڕزگارکردنی خاکی ژێردەستی داعش، ئەگەری ئەوە بەهێز دەکەن کە لە داهاتوودا دەوڵەتێک لەو ناوچانە لە دایک ببێت و ببێ بە ئەمری واقع؛ بێگومان ئەو دەوڵەتە بە ڕێبەرایەتی کورد (پەیەدە) و بەشداری بەشێک لە عەرەبی سووننە دەبێت. بەڵام لێرەدا چەند پرسیارێکی گرنگ دروست دەبن:
یەک: ئایا ئەو دەوڵەتە کە بە هاوبەشی کورد و عەرەبی سووننی دروست دەبێ، دەتوانێت بێ لایەن بێ لە ململانێکانی ناوچەکەدا؟ دوو: چ گەرەنتییەک هەیە شەڕی کورد و عەرەب لە سەر چۆنیەتی ئیدارەکردنی دەوڵەتەکە دروست نابێ؟ سێ: چی دڵنیاییەک هەیە کە گۆڕانی دێمۆگرافی بە قازانجی عەرەب ڕوونادات؟ چوار: چ گەرەنتییەک هەیە کە عەرەبی سووننە دەست بە سەر دەوڵەتەکەدا ناگرێت لە ڕێگای هەڵبژاردنەوە؟ دەبێ ئەوەمان لە بەرچاو بێت کە لەو ناوچانەدا ڕێژەی دەنگی کورد و عەرەب زۆر نزیکە لە یەکەوە و زۆرینەی لایەنە کوردستانییەکانی تر پەراوێزخراون لەلایەن پەیەدەوە.

''پەیوەندیەکانی نێوان کورد و ئەمریکا''

زۆر جار باس لە دۆستایەتی نێوان کورد و ئەمریکا دەکرێت و زۆرینەی چاودێرانی سیاسی و لایەنەکان لەسەر ئەوە کۆکن کە پەیوەندی باشی نێوان کورد و ئەمریکا بە قازانجی هەردوولایە، بەڵام هەندێک بە گومانەوە دەڕواننە پەیوەندییەکان و پێیان وایە نابێ باوەڕ بە ئەمریکا بکرێت و ئەوان تا ئەو کاتەی پێویستیان بە کوردە دۆستایەتی دەکەن. کورد دەبێ ئەوە بزانێت کە لە جیهانی سیاسەتدا (نە دووژمنایەتی بۆ هەمیشەیە و نە دۆستایەتی)، واتە ئەوەی دوو لایەن دەکا بە دۆست و دوژمنی یەکتر بەرژەوەندی هاوبەش و دژ بە یەکە، هەرکات دوو لایەن بەرژەوەندی هاوبەشیان هەبوو دەبن بە دۆست و بە پێچەوانەکەیشیەوە دەبن بە دووژمنی یەکدی یا دەکەونە ململانێی یەکترەوە. لە کاتی ئێستادا باوەڕم وایە بۆ ماوەیەکی درێژخایەنیش کورد و ئەمریکا بەرژەوەندی هاوبەشیان زۆرە و لە پێناو بەرژەوەندی هەردوولا ناچارن دۆستی یەک بن، گومانیشمان لەوە نەبێت هەر ئەو بەرژەوەندی هاوبەشەیە کە ئێستا کورد لە دوو بەشی کوردستان پەیوەندی باشیان لەگەڵ ئەمریکا هەیە و پاڵپشتی یەکترن.

چەندە ئەمریکا سوود لە پەیوەندییەکانی لەگەڵ کورد دەبینێت، بێگومان هێندەش سوودی بۆ کورد دەبێت، هەر بۆیە نابێ کورد چاوەڕوان بێ کە تەنیا ئەو لەو دۆستایەتییە قازانج بکا یا خۆی بە قوربانی ببینێت.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.