کوردستان میدیا

ماڵپەڕی ناوەندیی حیزبی دێموکراتی کوردستانی ئێران

ئه‌نجومه‌نی نیشتمانیی سووریه له‌ کۆبوونه‌وه‌ی رێکخراوی نه‌ته‌وه‌ یه‌کگرتووه‌کان به‌شداری ده‌کات

13:19 - 4 رەزبەر 2712

کوردستان میدیا: دوو نوێنه‌ری سووریه، که‌ یه‌کێکیان عه‌بدولباسیت سه‌یدا به‌رپرسی ئه‌نجومه‌نی نیشتمانیی سووریه‌یه، له‌ دانیشتنی ساڵانه‌ی رێکخراوی نه‌ته‌وه‌ یه‌کگرتووه‌کان به‌شداری ده‌که‌ن.


به‌گوێره‌ی راپۆرتێک که‌ ته‌له‌فزیۆنی ئه‌لجه‌زیره‌ بڵاوی کردووه‌ته‌وه، بۆ یه‌که‌مین جار له‌ مێژووی سیاسیی سووریه‌دا،‌ دوو نوێنه‌ری له‌ کۆبوونه‌وه‌ی گشتیی ساڵانه‌ی رێکخراوی نه‌ته‌وه‌ی یه‌کگرتووه‌کان ده‌بێت.
سه‌ره‌ڕای به‌شداريى نوێنه‌ری‌ رێژیمی سووریه له‌ رێکخراوی نه‌ته‌وه‌ یه‌کگرتووه‌کان، به‌رپرسی ئه‌نجومه‌نی نیشتمانیی سووریه (ئوپۆزسیۆن)، له‌ کۆبوونه‌وه‌دا به‌شدار ده‌بێت.
رێکخراوی نه‌ته‌وه‌ی یه‌کگرتووه‌کان به‌ شێوه‌یه‌کی فه‌رمی عه‌بدولباسیت سیدا، به‌رپرسی ئه‌نجومه‌نی نیشتمانیی سووریه‌ی، بۆ ئه‌و کۆبوونه‌وه‌ بانگهێشت کردووه.
ئه‌و بانگهێشتنه‌ له‌ رێگای چه‌ندین وڵاتی عه‌ره‌بییه‌وه‌ ئه‌نجام دراوه.
به‌پێی ئه‌م راپۆرته هێشتا روون نه‌بووه‌ته‌وه‌ که‌ عه‌بدولباسیت سه‌یدا له‌و دانیشتنه‌دا وتار پێشکه‌ش ده‌کات، یان نا؟