• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

کاوە ئاهەنگەری لە وتووێژ لەگەڵ ڕۆژنامەی کوردستان: گۆڕانکاریــی به ڕێوه‌یه‌وه و کۆماری ئیســلامی ئه‌و هێزه نیه که بتوانێ پێشــی پێ بگرێ.

زایینی: ٠٦-٠٧-٢٠١٧ - هەتاوی: ١٣٩٦/٠٤/١٥ - ٢١:٤٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
کاوە ئاهەنگەری لە وتووێژ لەگەڵ ڕۆژنامەی کوردستان: گۆڕانکاریــی به ڕێوه‌یه‌وه و کۆماری ئیســلامی ئه‌و هێزه نیه که بتوانێ پێشــی پێ بگرێ.
دەستدرێژییە نیزامییەکانی ئێران بۆ سەر کوردستانی باشوور نە تەنیا کارێکی تازە نیە بەڵکوو لە ڕابردووشدا ناوچە سنوورییەکانی هەرێمی کوردستانی تۆپباران کردووە یا لە ڕێگای نیزامی و ئەمنییەتییەوە دەستدرێژی بۆ سەر خاکی هەرێمی کوردستان کردووە. بەهۆی تۆپبارانەکانی ناوچە سنوورییەکانی باشووری کوردستان لە لایەن هێزەکانی سپای تێرۆریستی پاسدارانی ڕێژیمی ئیسلامیی ئێران کە لە ماوەی دوو ساڵی ڕابردوودا چڕتر بووەتەوە، دانیشتوانی گوندەکانی سەر سنوور، کۆچەر و وەرزێڕانی سەر سنوور کەوتوونەتە بەر هێرش و پەلاماری تۆپخانەکانی ڕێژیمی ئێران و زیانی ماددی و مەعنووی بە خەڵکی کوردستان گەیشتووە.

لەو پێوەندییەدا جیا لەوەیکە تۆپبارانی ناوچە سنوورییەکانی کوردستانی باشوور ناڕەزایەتیی خەڵکی لێکەوتووەتەوە بەرپرسانی حکومەتی هەرێمی کوردستانیش هۆشداریان بە ڕێژیمی ئێران داوە.

بە هۆی ئەو تۆپبارانانە ڕێكخراوی نه‌ته‌وه بێده‌وڵه‌ته‌كان ساڵی ڕابردوو لە بەیانییەیەکدا هێرشی ڕێژیمی ئێرانی بۆ سەر خاکی کوردستانی باشوور مەحکوم کرد. ئەو ڕێکخراوەیە لەو بەیانییەدا ڕایگەیاندبوو کە ڕێژیمی ئێران سیاسەتێکی توندی ستەمکارانەی بەرانبەر بە دانیشتوانی کورد و لایەنگرانی حیزبی دێموکراتی کوردستانی ئێران و ڕێخکراوەکانی دیکەی کوردی گرتووەتە پێش. ڕێژیمی ئێران هەروەها هەڕەشەی لە حیزبی دێموکرات و بنکەکانی لە باشووری کوردستان کردووە و هاوکات هەڕەشەی هێرشی سەر کەمپەکانی پەنابەرانی کردووە لە هەمان ناوچە. حوسێن سەلامی، جێگری گشتیی فەرماندەی گشتیی سپای پاسداران، هەرەشەی کردووە کە بە "دەیان هەزار مووشەک" هێرش بکاتە سەر باشووری کوردستان".

پاش راپەڕینی کوردەکانی عێراق لە ساڵی ١٩٩١ی زایینیی هەتا ٢٠١٢، بەهۆی تۆپبارانەکانی رێژیمی ئێران و دەوڵەتی تورکیە لانیکەم ٧٣ کەس کوژراون و ٨٨ کەسی دیکەش بریندار، یان بەشێک لە جەستەیان لەدەست داوە.

حکومەتى هەرێمى کوردستان لە بەیانییەیەکدا وێڕای ئەوەیکە تۆپبارانەکانی ئەم دواییەی ڕێژیمی ئێران مەحکوم دەکات ڕایگەیاندووە "ئەوە لە کاتێک دایە ئێمە پابەندین بە بنەماکانى دراوسێیەتى باش و دەستنەخستنە ناو کاروبارى یەکتر و لایەنێک نین لە کێشەکانى نێوان ڕێژیمى ئیسلامیی ئێران و گرووپەکانى ئۆپۆزسیۆن و گرفتەکانی نێوانیان".

هەروەها حکومەتى هەرێمى کوردستان باسی لەوە کردووە، "نامانهەوێت لەژێر ئەو پەردەیە دانیشتووانى مەدەنیی هەرێمى کوردستان لە ناوچە سنورییەکان، وەک کۆچەری و گوندنشینەکان، ببنە قوربانیى بۆردوومان و تۆپبارانەکانى ڕێژیمی ئیسلامیى ئێران".

هەروەها حکومەتی هەرێم ڕایگەیاندووە "حکومەتى هەرێمى کوردستان لە کاتێکدا ئەم کارە سەرکۆنە دەکات، داواش لە ڕێژیمی ئیسلامیى ئیران دەکات، دەست لە هێرشکردنە سەر خەڵکى مەدەنى و خاکى هەرێمى کوردستان هەڵبگرێت". حکومەتى هەرێمى کوردستان بانگهێشتى کۆنسوڵى گشتیى ڕێژیمی ئیسلامیی ئێرانی کردووە و ڕایگەیاندووە، ئامانج لەو بانگهێشتە "بۆ گەیاندنى پەیام و هەڵوێستى ناڕەزایى حکومەتى هەرێمى کوردستانه، تاوەکو بەرزی بکەنەوە بۆ پایتەختى خۆیان".

گه‌رچی یه‌كه‌مین لێپرسراوێتی سیاسه‌تی تۆپباران و ده‌ستێوه‌ردانی ده‌وڵه‌تانی ناوچه‌كه له ئه‌ستۆی خودی ئه‌و ده‌وڵه‌تانه دایه، كه به‌و جۆره سیاسه‌ته هه‌ڵده‌ستن و به‌و كاره ده‌یانهه‌وێت هه‌ژموونی خۆیان له سه‌ر كوردستان پیشان بده‌ن، به‌ڵام بێ‌هەڵوێستیی ده‌سه‌ڵاتی ناوه‌ندی عێراق به‌رامبه‌ر به‌و سیاسه‌ته هه‌یه، وا ده‌كات به‌شێك له لێپرسراوێتییه‌كه بخرێته ئه‌ستۆی ئه‌وان و ئه‌وانیش له درێژه‌كێشانی ئه‌و تۆپباران و ده‌ستێوه‌ردانه‌دا به‌رپرسیار بكرێن و بە جۆرێک حکومەتی بەغداش هاوبەش بکرێ لە گوشار هێنان بۆ سەر خەڵکی کورد و حکومەتی هەرێمی کوردستاندا.
ڕۆژنامەی کوردستان ئۆرگانی کۆمیتەی ناوەندیی حیزبی دێموکراتی کوردستانی ئێران وتووێژیکی لەوباریەوە پێک هێناوە لەگەڵ کاوە ئاهەنگەری نوێنەری حیزبی دێموکراتی کوردستانی ئێران لە وڵاتی بلژیک کە سرنجتانی بۆ رادەکێشین:

ـ دەست پێکردنەوەی تۆپبارانی هەرێمی کوردستان لەلایەن ڕێژیمی ئێرانەوە دەرخەری چ سیاسەتێکە؟

ئه‌م هێرشه درێژه‌ی پیلانی ده‌ستکردی به ناو تێرۆری تاران له چه‌ند حەوتوو له‌مەوپێشه که به مه‌به‌ستی هه‌رچی زیاتر میلیتاریزه‌ کردن و دیتنه‌وه‌ی بیانوو و شه‌رعیه‌تدان به ڕه‌شبگیری هاووڵاتیانی کورد له ئێران به‌ڕێوه‌چوو. ئه‌وه بۆ دوو ساڵ ده‌چێت که حیزبی دیموکرات قۆناغی نوێی خه‌باتی خۆی لەژێر ناوی "ڕاسان" ده‌ست پێکردۆته‌وه، ڕاسان لەلایه‌که‌وه نه‌ته‌وه‌ی کورد له ئێران به گشتی و لاوانی کوردی ڕۆژهه‌ڵاتی به تایبه‌تی بووژاندۆته‌وه و له لایه‌کی دیکه‌وه ڕاسان ڕێژیمی هه‌ژاندووه. له ئاستی ناوچه‌ییشدا پرسی ڕاپرسی گشتی بۆ سه‌ربه‌خۆیی له باشووری کوردستانیش زیاتر ڕێژیمی دژی کوردی خستۆته ژێر زه‌خته‌وه و جێگه‌و پێگه‌ی کۆماری ئیسلامی ڕۆژ به ‌ڕۆژ زیاتر ده‌که‌وێته په‌راوێز و پاشه‌کشه ‌پێکردن. هه‌ر بۆیه ئه‌م په‌له‌قاژانه زیاتر باس له دۆخی ئاڵۆزی ناوخۆی ڕێژیم ده‌کات تا شتی دیکه‌.

ـ پێشێلکردنی سەروەریی خاکی هەرێمی کوردستان چ کاریگەرییەکی لە سەر پێوەندییەکانی دەرەوەی ڕێژیمی ئێران دەبێت؟

ئه‌گه‌ر ئیدامه‌ی هه‌بێ ده‌کرێ ببێته هۆی دژکرده‌وه و هه‌ڵوێست‌ گرتنی وڵاتانی پێشکه‌وتنخواز به تایبه‌تی به‌ره‌ی ڕۆژئاوا و له سه‌رووی هه‌موو ئەوانه‌وه واشینگتۆن.

ـ مەحکووم کردنی تۆپبارانەکانی هەرێمی کوردستان چ کاریگەرییەکی لەسەر پێگەی هەرێمی کوردستان دەبێت؟

له باری سیاسییه‌وه ده‌توانێ ده‌ستکه‌وتێکی مه‌عنه‌وی بێ بۆ هه‌رێم و بەتایبه‌ت که هه‌رێم به‌ره‌و ڕاپرسی ده‌ڕوات ده‌توانێ یارمه‌تیده‌ری هه‌رێم بۆ سه‌قامگیری و ئاسایشی پتر له ناوچه‌دا بێ.

ـ ڕەوتی میلیتاریزەکردنی شارەکانی کوردستان و جێگیرکردنی هێزی نیزامی لە سنوورەکانی باشوور و ڕۆژهەڵات چ کاریگەرییەکی لە سەر پێوەندی ئێران وحکوومەتی هەرێم دەبێت؟

پێموانیه حکوومه‌تی هه‌رێم کاردانه‌وه‌یه‌کی ئه‌وتۆ به نیسبه‌ت میلیتاریزه‌کردنی ڕۆژهه‌ڵاتی کوردستان نیشان بدات و له دۆخێکیشدا نییه که ئه‌م باسه له‌گه‌ڵ تاران یان به‌رانبه‌ر به تاران بکاته‌وه، به‌ڵام به نیسبه‌ت تۆپ‌بارانی خاکی هه‌رێمی کوردستان و به‌زاندنی سنوور پێموایه جێی دژ‌کرده‌وه و هه‌ڵوێستی جیددیه و جدییه‌تی حکومه‌تی هه‌رێم ده‌توانێ شوێندانه‌ریی ئه‌رێنی له‌سه‌ر چه‌ند و چۆن حزووری کۆماری ئیسلامی له هه‌رێم و پێوه‌ندییه‌کانی نێوان دوو لایه‌ن هه‌بێ. به زمانێکی دیکه جدییه‌تی هه‌رێم ده‌توانێ کۆماری ئیسلامی زیاتر ملکه‌چی پێگه‌ی هه‌نووکه‌ و پرسی سه‌ربه‌خۆیی له داهاتوویه‌کی نزیکدا بکات.

ـ داهاتووی ئەم کردەوەیەی ڕێژیمی ئێران لە بارەی هەرێمی کوردستان چی لێ دەکەوێتەوە؟

وه‌کوو پێشتریش ئاماژه‌م پێکرد، له ئه‌گه‌ری ئیدامه‌ی هێرش و تۆپپارانکردن ئیمکانی دژکرده‌وه‌ی هاوپه‌یمانانی ڕۆژئاوایی هه‌رێمی کوردستان له ئارادایه.

ـ مووشەک هاویشتن بۆ سووریە لە ماوەی ڕابردوو و ئێستاش تۆپبارانی هەرێمی کوردستان چۆن شرۆڤە دەکەن؟

من پێمخۆشه له‌ هه‌مان ده‌سته‌واژه‌ی خامنه‌ی ڕێبه‌ری ئێران که‌ڵک وه‌ربگرم، ئه‌وه‌یش ئه‌وه که ئه‌م کارانه له چوارچێوه‌ و له ده‌قی گۆڕانکارییه‌کانی ڕۆژهه‌ڵاتی ناوه‌ڕاست زیاتر وه‌ک '' ترقه بازی'' ده‌چێت. گۆڕانکاریی به ڕێوه‌یه‌وه و کۆماری ئیسلامی ئه‌و هێزه نیه که بتوانێ پێشی پێ بگرێ.

ـ سیاسەتی دەستێوەردانەکانی ڕێژیمی ئێران لە ناوچەدا چ ئاکامێکی لێ دەکەوێتەوە؟

به باوه‌ڕی من زیاتر و زووتر کۆماری ئیسلامی به‌ره‌و هه‌ڵدێڕ ده‌بات.

ـ ڕێژیمی ئێران بە تۆپباران و هەڕەشە لە هەرێمی کوردستان چ مەبەستێکی هەیە؟

ئێران له لایه‌که‌وه بۆ مه‌سره‌فی نێوخۆیی واته ترساندن و هۆشداری دان به خه‌ڵک که گۆیا خه‌ته‌ر له په‌نا گوێمانه و ده‌بێ وشیار بین و له‌م نێوه‌شدا ئه‌وه ته‌نیا ڕێژیم و سپای پاسدارانه که ده‌توانن حافز و دابینکه‌ری ئاسایش و ئه‌منیه‌تی خه‌ڵک بن، له لایه‌کی دیکه‌شه‌وه پێی وایه به‌و کارانه باڵا ده‌ستی خۆی یان ڕاده‌ی مه‌ترسیداربوونی بۆ بۆ سه‌ر هه‌رێمی کوردستان له ئه‌گه‌ری به‌ڕێوه‌بردن یان به‌ره‌و سه‌ربه‌خۆیی ڕۆیشتن نیشان بدات. به‌ڵام به باوه‌ڕی من هیچ ئاکامێکی نابێ و له کۆتاییدا هه‌رێمی کوردستان و گه‌لی کورد سه‌رده‌که‌وێ.

ـ بەڕێوە بردنی مانۆڕی نیزامی لە شارەکانی کوردستانی ڕۆژهەڵات لە لایەن ڕێژیمی ئێرانەوە چ ئاکامێکی هەیە؟

به‌شێکی بۆ ئاماده‌گی و تازه‌کردنه‌وه‌ی وزه‌ و هێزی نیزامی خۆیانه له ئه‌گه‌ری هه‌ڵایسانی شه‌ڕ له ناوخۆ، له لایه‌کی دیکه‌شه‌وه بۆ شان و مل نیشاندنێک به گه‌لانی ئێران به گشتی وگه‌لی کورد به تایبه‌تی و چاوترساندنی خه‌ڵک.

ـ ڕاو بۆچوونی ئێوە لە سەر ئەم سیاسەتانەی ئێستای ڕێژیمی ئێران لە ناوچەکەدا چیە؟

به‌ باوه‌ڕی من ڕێژیمی کۆماری ئیسلامی که‌وتۆته فازی کۆتایی ته‌مه‌نی خۆی و هیچ ڕێگای هه‌ڵاتنێک نییه. چ له ئاستی نێوخۆییدا و چ له ئاستی نێوده‌وڵه‌تیدا نوقمی قه‌یرانه. سه‌رباری ئه‌وانه‌ش هیچ پلان و ڕێگا چاره‌یه‌ک بۆ ده‌رباز بوون نییه و تازه ئه‌گه‌ر به کرچی و کاڵی و ناته‌واوی به‌شێک له ڕێژیم هه‌ندێک باس ده‌ورووژێنێ ئه‌وه باڵه‌کانی دیکه‌ی ڕێژیم به گژیاندا ده‌چنه‌وه. به واتایه‌کی دیکه گرژی نێوان باڵه‌کانی ڕێژیم به ترۆپکی خۆی گه‌یشتووه و به باوه‌ڕی من ته‌نیا داڕمان ده‌توانێ کۆتایی به کێشه‌کانی ڕێژیمی کۆماری ئیسلامی بێنێ.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.