• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی ئاوریلی ٢٠١٨ی زایینی - ٠١ی بانەمەڕی ١٣٩٧ی هەتاوی  

ڕێوەسمێک بۆ ڕێزگرتن لە شەهیدانی ڕاسان بەڕێوەچوو

زایینی: ١٠-٠٧-٢٠١٧ - هەتاوی: ١٣٩٦/٠٤/١٩ - ١٤:١٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕێوەسمێک بۆ ڕێزگرتن لە شەهیدانی ڕاسان بەڕێوەچوو
کوردستان میدیا: لە یەکەمین ساڵڕۆژی شەهیدانی ڕاسان و بۆ ڕێزگرتن لە ئیرادە و قارەمانییەتی نەمر شەهید "کاوە جەوانمەرد" و هاوڕێیانی کۆڕیادێک لە لایەن بنەماڵەی ڕێزدار "ڕەزاویی"ـیەوە لە وڵاتی فینلاند بەڕێوەچوو.

ڕۆژی شەممە ڕێکەوتی ١٧ی پووشپەڕی ١٣٩٦ی هەتاوی ڕێوڕەسمێک بۆ بەرزڕاگرتنی یاد و قارەمانییەتی شەهیدانی ڕاسان لە یەکەمین ساڵڕۆژی ئەو حەماسەیەدا بە بەشداریی شاعیری شۆڕشگێڕ و ناوداری کورد "فەرەیدوون ئەرشەدی" و دوکتور "مەسعوود ڕۆستەمی" شرۆڤە کاری سیاسی له ڕێگەی ئینتێرنێتەوە لەشاری تامپێرێی وڵاتی فینـــــلاند ڕێوڕەسمێک بەڕێوەچوو.

ڕێورەسمەکە، به سروودی نەتەوایەتی "ئەی ڕەقیب" و ڕاگرتنی خوولەکێک بێدەنگی بۆ ڕێزگرتن لە گیانی پاکی شەهیدانی کوردستان بەگشتی و بە تایبەتی شەهیدانی ڕاسان دەستی پێکرد.

لەو ڕێوڕەسمەدا پەیامی كۆمیتەی گشتیی حیزبی دێموکراتی کوردستانی ئێران لە وڵاتی فینـــلاند، لە لایەن "عەلی موورادی"ـیەوە پێشكەش كرا.

هەر بەم بۆنەیەوە وتارێکی دەنگی مامۆستا "حەسەن شیوەسەڵی"، ئەندامی كۆمیتەی ناوەندیی حیزبی دێموكراتی كوردستانی ئێران، لە رێورەسمەکەدا بڵاو کرایەوە.

لە پەیامەکەی بەڕێز شیوەسەڵیدا، وێڕای دووبارە هاودەردی کردن لەگەڵ بنەماڵەی جەوانمەرد و شەهیدانی دیکەی ڕاسان و هەروەها شەهیدانی ئەم دواییەی كۆمەڵەی زەحمەتکێشانی کوردستانی ئێران لە شاری سنە، نزیکبوونەوەی حیزبەکانی ڕۆژهەڵاتی لەم قۆناغە هەستیارەی خەباتدا، بەرز نرخاند.

شیوەسەڵی لە قسەکانیدا جەختی کردەوە لە سەر زیاتر پەرەدان بە یەکڕیزی حیزبەکان و هەروەها پێکهێنانی فەرماندەییەکی هاوبەش لەنێو هەموو حیزبە سیاسییەکانی ڕۆژهەڵاتی کوردستاندا لە پێناو باشتر بەڕێوەبردنی ئەم ڕەوتەی خەبات کە دەستی پێکردووە. ئەو ئامانجانەی شەهیدانی ئێمە گیانیان لە پێناودا بەختکردووە، دەبێ ئامانجی ڕێگای ئێمە و بنەماڵەی شەهیدان بێ و درێژەدەری ڕێبازی پڕ لە سەرەوەرییان بین.

دواتر لە لایەن شاعیری شۆڕشگێڕی کورد "فەرەیدوون ئەرشەدی" پەخشانێک لە پێوەندی لەگەڵ حەماسە خوڵقاندن و قارەمانییەتی شەهیدانی"ڕاسان" پێشکەش کرا.

پاشان ژیاننامەی شەهیدانی "ڕاسان" لە لایەن "حەیدەر کاکەزادە" و "سادق عەسکەری"ـیەوە پێشکەش کرا.

لە بەشێكی دیكەی سێمینارەكەدا، دوکتور "مەسعوود ڕۆستەمی" شرۆڤە کاری سیاسی لە ڕێگای سكایپەوە لە سێمینارەكەدا بەشداریی كرد‌ و بەو بۆنەوە چەند وتەیەكی پێشكەش كرد.

ڕۆستەمی، لە سەرەتای وتەكانیدا ئاماژەی بە مانای پێشمەرگە کرد و ئەو ئامانجانەی کە پێشمەرگە گیانی لەپێناودا دەبەخشێت شی کردەوە.

ڕۆستەمی باسی لەوە کرد ئەو ئامانجەی کە پێشمەرگە ئامادەیە گیانی لە پێناویدا ببەخشێ، "ئازادیی"ـە، ئەو ئازادییەی کە ئاسوودەیی دابین دەکات بۆ نەسڵەکانی دوای خۆی، ئازادییەک کە کەرامەتی مرۆڤی تێدا پارێزراو بێت و ئەرکی ئێمەش وەکوو ئازادیخوازان درێژەدەری ڕێبازی شەهیدانمانین بۆ بە دەست هێنانی ئازادی و ئەو مافانەی کە پێشمەرگە لەپێناوی گیانی بەخشیوە.

شرۆڤە کاری سیاسی "ڕۆستەمی" باسی لەوە کرد: زۆر جار لێکدانەوەی خەڵک بۆ ئازادی بەلاڕێدا ڕۆیشتووە. پرسیاری بەڕێزیان ئەوە بوو، ئایا مرۆڤ دەتوانێ لە ڕێگەی دێموکڕاسییەوە، ئازادی بە دەست بێنێ یان نە؟ بە بۆچوونی بەڕێزیان ئەوە لەڕێگەی ئازادییەوە مرۆڤ دەتوانێ بگات بە دێموکراسی، نەک ئەوەی بە بڕوای هێندێک لە سیاسەتوانانی ڕۆژهەڵاتی کوردستان، کە پێیان وایە لەڕێگەی دێموکراسییەوە دەتوانرێت بگەی بە ئازادیی. دێموکراسی پارێزەر و زامنی "ئازادی"یە. مرۆڤ دەبێ لە پێشدا بگات بە ئازادی، پاشان لە ڕێگەی ئەو ئازادییەوە دێموکراسی دابین بکات بۆ گەلی خۆی.

ناوبراو باسی لەوە کرد، شەهیدانی "ڕاسان" لە سەروویانەوە " شەهیدان " کاوە جەوانمەرد" و " سەرکەوت سەمەدی" کارێکی وایان خولقاند کە "ڕاسان"یان لە گووتن و شووعاردا دەرهێنا و کردیان بە ئەمری واقیع و گیانی پیرۆزیان لەو ڕێبازەدا بەخت کرد.

ڕۆستەمی جەختی کردەوە حیزبەکان پێویستییان بە کەسانێکی وەکوو شەهید "کاوە" هەیە، کە بیرۆکەی ڕابردوو و داهاتوو پێکەوە گرێ بدەن بۆ زیاتر بەڕێوەچوون و ئامانج پێکانی نەتەوەیی کورد لە ڕۆژهەڵاتی کوردستاندا.

پاشان لە لایەن "فازڵ سوڵتانپەناه" پەخشانێک پێشکەش کرا، و دواتر "مەجید حەقی" وتەیەکیان بەم بۆنەیەوە پێشکەش کرد.

پەیامی بنەماڵەی شەهید "کاوە جەوانمەرد" لەلایەن خاتوو "ئەژین ڕەزاوی" هاوسەری شەهید کاوە پێشکەش کرا.

بڕگەی کۆتایی بەرنامە پەیامی بنەماڵەی ڕەزاوی لە لایەن "شەهین سوڵتانی" پێشکەش کرا، کە تێیدا ڕێز و سپاسی بنەماڵەی ڕەزاوی ئاڕاستەی سەرجەم هاوڕێ و دۆست و ئەو کەساییەتیانە کرد، کە لەو ماوەیەدا هێزی ئارام بەخش و پشتگیر بووە بۆیان لەکاتی لەدەستدانی ئازیزەکانیان و دووپاتیان کردەوە ڕاستە کە ڕێژیمی سێدارەی کۆماری ئیسلامیی ئێران بە شەهید کردنی ئازیزەکانمان زەبرێکیان لێداوین، بەڵام کۆماری ئیسلامیی ئێران ئەوە باش بزانێت، کە هەردەم ئێمە لە جاران زیاتر ورەی خەباتمان بەرزبووەتەوە و درێژەدەری ڕێبازی شەهیدەکانمانین.

کۆڕیادەکە دوای نزیک بە چوار کاتژمێر بە سروودی ئەی شەهیدان کۆتایی پێهات.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: