• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی فێڤریەی ٢٠١٨ی زایینی - ٢٩ی رێبەندانی ١٣٩٦ی هەتاوی  

ڕێز لە یاد و بیرەوەریی شەهیدانی ٢٢ی پووشپەڕ گیرا

زایینی: ١٦-٠٧-٢٠١٧ - هەتاوی: ١٣٩٦/٠٤/٢٥ - ١٨:٤٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕێز لە یاد و بیرەوەریی شەهیدانی ٢٢ی پووشپەڕ گیرا
کوردستان میدیا: لە وڵاتی سوئێد یاد و ناوی شەهیدانی ٢٢ی پووشپەڕ لە ڕێوڕەسمێکی تایبەتدا بەرز ڕاگیرا.

ڕۆژی شەممە ڕێکەوتی ٢٤ی پووشپەڕی ١٣٩٦ی هەتاوی، کۆمیتەی گشتیی حیزبی دێموکراتی کوردستانی ئێران بۆ ڕێزگرتن لە خەبات و تێکۆشانی ڕێبەری ناوداری نەتەوەکەمان دوکتور عەبدولڕەحمان قاسملوو سکرتیری گشتیی پێشووی حیزبی دێموکراتی کوردستانی ئێران ، کاک عەبدوڵڵا قادری ئازەر ئەندامی کۆمیتەی ناوەندیی حیزب و بەرپرسی نوێنەرایەتی حیزب لە دەرەوەی وڵات و دوکتور فازل ڕەسووڵ دۆستی حیزب بە هاوکاری یەکیەتیی کوردان، یەکیەتیی لاوانی دێموکراتی کوردستانی ئێران و یەکیەتیی ژنانی دێموکراتی کوردستانی ئیران لە شاری ستۆکهوڵم بە بەشداری نوینەری زۆریک لە حیزب و لایەنە سیاسییەکان خەلکیکی بەرچاو لە ئەندامان و لایەنگرانی حیزب ڕێوڕەسمێکی بەڕێوە برد.

سەرەتای ڕێوڕەسمەکە بە سروودی نەتەوایەتی "ئەی ڕەقیب" لە لایەن کۆڕی سروودی یەکیەتیی لاوانی دێموکراتی کوردستانی ئێرانەوە و بە لەبە کردنی تیشێرتێک کە وێنەی ڕێبەری شەهید دوکتور قاسملوو لە سەری چاپ کرابوو دەستی پێی کرد و پاشان خولەکیک بێدەنگی بۆ ڕێزگرتن لە گیانی پاکی شەهیدانی ٢٢ی پووشپەڕ و سەرجەم شەهیدانی نەتەوەکەمان ڕاگیرا.

پاشان داوا لە "کاکەبرا ئەلیاسی" بەرپرسی گشتیی کۆمیتەی حیزب لە وڵاتی سوئێد کرا بۆ پێشکەش کردنی پەیامی کۆمیتە.

لە بەشیکی پەیامی کۆمیتەی گشتیی حیزبدا باسیک لە سەر ڕۆڵ و پێگەی دوکتور قاسملوو کراوبوو:
لەو پایەمەدا هاتبوو، دوکتور قاسملوو سیاسه‌تمەداریکی بە توانا، کۆمه‌ڵناسێکی واقیع بین و تێئۆریسیۆنێکی کەم وێنە له کوردستان بوو، ئه‌و پێش هه‌موو که‌س وحیزب و ده‌وڵه‌تانی جیهان ماهییه‌تی خومه‌ینی و ڕێژیمی ئیسلامیی ئاخوندی ناسی و زانی دواڕۆژی ئه‌م ڕێژیمه‌ به‌ره‌و کوێ ده‌ڕوات. له‌ کاتێکدا به‌شێک له‌ هێزه‌ سه‌رانسه‌ره‌یه‌کان و زۆر که‌س و لایه‌ن له‌ ناو خۆ و ده‌ره‌وه‌ چه‌پڵه‌یان بۆ ئه‌م نیزامه‌ لێ ده‌دا ، له‌ژێر تیشکی خوێندنه‌وه‌ و لێکدانه‌وه‌ی قاسملوودا بوو که‌ خه‌لکی کوردستان بریاری دا ده‌نگ به‌ نیزامێک نه‌دا که‌ بڕوای به‌ دێمۆکراسی ومافی مرۆڤ و مافی نه‌ته‌وه‌کان نه‌بێت.

لە پەیامی کۆمیتەی گشتی‌دا هاتبوو دوکتۆر قاسملوو که‌سایه‌تێکی به‌ توانا ، ئازا و به‌وره بوو که‌‌، هه‌رگیز بیری ئازادیخوازی و مرۆڤدۆستی و ستراتێژی حیزب و نه‌ته‌وه‌‌که‌ی فیدای مه‌سله‌حه‌تی کاتی نه‌کرد. کاتێک نیوه‌‌ی جیهان چه‌پڵه‌ی بۆ بارمته‌گیری باڵوێزخانه‌ی ئامریکا لێ ده‌دا، ئه‌و، ئه‌و کاره‌ی به‌ له‌ژێر پێ نانی عورف و یاساکانی په‌سند کراوی نێو نه‌ته‌وه‌یی دانا و مه‌حکوومی ‌کرد.

هەروەها لەو پەیامەدا هاتبووە دوکتور قاسملوو ئه‌و مرۆڤه‌ به‌ مانای ته‌واوی وشه‌ دێمۆکراته‌، کاتێک بلۆکی گه‌وره‌ی به‌ناو سوسیالیستی جیهان به‌ شێوه‌ی نیزامی دیکتاتۆری به‌ڕێوه‌ ده‌چوو ، ئه‌و "سۆسیالیزمی دێمۆکراتیکی"، کرده‌ ئامانجی دواڕۆژی حیزبی دێمۆکراتی کوردستانی ئێران. دوکتور قاسملوو باوه‌ڕێکی قووڵی به‌ دێموکراسی هه‌بوو، هه‌ بۆیه‌ زۆر جاران ئه‌و باسی لەوە دەکرد کە دێموکراسییه‌کی خراپی له‌ دیکتاتۆرییه‌کی باش، پێ باشتره‌. هه‌ر ده‌میش ئاماده‌ بوو باجی قورسی ئه‌و دێموکراسییه‌ بدات. ئه‌و کاتی خۆی ئازایانه‌ له‌ وتوێژێکدا له‌ ڕادیۆ "بی بی سی" به‌ بیروڕای جیهانی ڕاگه‌یاند که‌ :

"دێموکراسیه‌کی خه‌راپ له‌ دیکتاتۆریه‌کی باش، با ‌شتره‌". ده‌ربڕینی بیر و ڕایه‌کی ئاوا له‌ فه‌زای سیاسی و دوو بلووکه‌ بوونی جیهانی ئه‌و کاتدا، ته‌نات وته‌نیا له‌ مرۆڤێکی زاناو ئازای وه‌ک دوکتور قاسملوو ده‌وه‌شایه‌وه‌.

دوکتور قاسملوو له‌و سیاسه‌ت مه‌داره‌ به‌ ده‌گمه‌نانه‌ بوو که‌ توانی به‌ دوور ئه‌ندیشی و وردبینیه‌وه‌ حیزبی دێموکراتی کوردستانی ئێرانی بگه‌یه‌نیته‌ ڕیزی هه‌موو ئه‌حزابی دێموکرات و سوسیال دێموکراتی جیهان و به‌ قیمه‌تی ژیانی ده‌نگی کوردی له‌ گه‌ل ده‌نگی دێمۆکراته‌کان و سۆسیال دێمۆکراته‌کانی جیهان تێکه‌ڵ بکات.

دوکتور قاسملوو له‌ شه‌ڕ بێزار بوو و ئه‌وینداری ئاشتی و ئاساییش بوو و هه‌میشه‌ ده‌یکوت و پێی وابوو که‌ مه‌سه‌له‌ی کورد چاره‌سه‌ریی نیزامی نییه".

لە درێژەی پەیامی کۆمیتەی گشتیی حیزبدا ئاوڕێک لە ڕاسان و یەک ساڵەی شەهیدکرانی کۆمەڵیک لە ڕۆڵەکانی نەتەوەکەمان کرا کە لە ساڵیی پار لە قەرەسەقەل و کۆساڵان گیانیان فیدای ئازادی کورد و کوردستان کرد.

لە بەشیکی دیکەی پەیامی کۆمیتەی گشتیی حیزبدا سەبارەت بە ڕێفراندووم لە باشووری وڵاتدا هاتبوو "سەرۆکایەتی حکوومەتی هەرێمی کوردستان لە مانگی ڕابردوودا بڕیاری دا کە گشتپرسی بۆ دیاریکردنی چارەنووسی گەلی کورد لە باشووری کوردستان لە ٢٥ مانگی ٩ی ٢٠١٧ بەڕێوە بچێت.

کۆمیتەی گشتیی حیزبی دێموکراتی کوردستانی ئێران، هەنگاوەکانی هاونیشتمانانی باشووری وڵات بە هەنگاوێکی مێژووی دەزانیت و بە هەموو شیوەیەک پشتیوانی لە ڕێفراندووم و سەربەخۆیی باشووری کوردستان دەکات. هیوادارین هەموو لایەنە سیاسییەکانی باشووری کوردستان، کێشە ناوخۆییەکانی خۆیان وەلا بنین و ئەرکی مێژوویی و نەتەوەی خۆیان لە ئەم قۆناغە هەستیار و چارەنووسسازە بە برایەتی و تەبایی بە جێ بگەیەنن".

پەیامی هاوبەشی یەکیەتیی کوردان، یەکیەتیی ژنان، یەکیەتیی لاوان لە لایەن "جەمیل ئوزەیری" پێشکەش کرا، کە ئاور دانەوەیەک بوو لە ژیان و زانایی، تێکۆشینی دوکتور قاسملوو بۆ ئازادی میللەتەکەمان لە چەوساندنەوە.

دواتر پەخشانیک لە لایەن "چیا عەلیار"ـەوە لە نووسینی سەید "ئەحمەد حوسەینی" خویندرایەوە کە بە هاوکاریی "چیا مەدەنی" هونەرمەندی دەست و پەنجە ڕەنگین بە پارچە موسیقایەک شێعرەکەی پێشکەش کرد و باسێکی سیاسی بوو لە سەر ژیان و بە سەرهات و ڕۆانگەی دوکتور قاسملوو.

دواتر ڕۆژنامەنووس "نیکۆلا ماستروڤیج" لە سەر کەسایەتی دوکتور قاسملوو و ئاشنایەتی ناوبراو لەگەڵ دوکتور قاسملوو بە وردی باسیکی کورتی پێشکەش کرد. نیکۆلا باسی ئەوەی کرد کە بە دوای شەهید کرانی دوکتور قاسملوو و هاوڕێیانی هەوڵی زۆری داوە کە پێوەندی بە بن بلادەوە بگرێت و لە سەر چۆنیەتی ئەو وتوویژەی دوکتور قاسملوو و دیپلۆمات تێرۆریستەکانی کۆماری ئیسلامی زانیاری وەرگرێت چوونکە بە وتەی نیکۆلا یەکێک لە نێوبژیوانانی وتووێژ بن بلاد بووە. نیکۆلا فیلمیکی ٤٠ چرکەیی کە لە کوردستان کاتی خۆیی لە گەڵ دوکتور قاسملوو گرتبوو کە ئەو فیلمەی پیشان دا و کۆمیتەی گشتی کۆپی ئەو فیلمەی هەڵگرت کە لە داهاتوودا دەخریتە بەر دەست بینەران.

دواتر مامۆستا مەلا حەسەن شیوەسەڵیی وێرای بە خێرهاتنی ڕۆژنامەوان نیکۆلا، سپاسی ناوبراوی کرد کە لە هەشتاکاندا لە گەڵ تێمیکی ڕۆژنامەوانی لە ناوچە مەرزییەکان فیلم و دیکیومێنتاریان لە سەر خەبات و تێکۆشانی پێشمەرگەکان تۆمار کردوە و ئەو کارەی ئەوانی بە خزمەتیکی گەورە ناوبرد. شایانی باسە مامۆستا بە زمانی سوءیدی ئەو چەند دێرەی پێشکەش کرد.

لە بڕگەیەی دیکەی ئەو سمینارەدا خەڵات بە سەر کۆمەڵیک لاودا کە ئەو ساڵ دیپلؤمیان گرتبوو لە لایەن یەکیەتیی لاوانی دێموکراتی کوردستانی ئێرانەوە دابەش کرا.

لە بەشیکی دیکەی ئەو سمینارەدا دوکتور خالید خەیاتی مامۆستای زانکۆ وتاریکی پڕنیوەڕۆکی لە سەر هزر و بیرو و ئەندیشەی دوکتور قاسملوو پێشکەش کرد. خەیاتی لە درێژەی باسەکەیدا زۆر بە وردی هەڵسەنگانیکی ئەکادمیکی بۆ هەوڵە دیپلوماسی و سیاسییەکانی دوکتور قاسملوو لە ئاست نێو خۆ و دەرەوەی کوردستان کرد و هەوڵەکانی دوکتور قاسملووی بە دەستەبەرکردنی مافی نەتەوایەتی کورد بەرز نرخاند و بە کەسایەتیکی کەم وێنەی سیاسیی جیهانی ناوبرد.

لە بڕگەیەکی دیکەی قسەکانیدا خەیاتی تیشکی خستە سەر دۆخی ئیستای ڕۆژهەڵاتی کوردستان، بێ بەشی و بێ مافی نەتەوەی کورد و هەڵسووکەوتی داگیر لە بەرامبەر چارەنووسی ئەو میللەتە بە هینانەوەی هیندیک فاکت وەک ولاتیکی داگیر کراو و موستەعمەرە ناودێڕی کرد. هەر لە پیوەندی لە گەڵ وەزعی ڕۆژهەلاتی کوردستان خەیاتی ڕاگەیاندنی ڕاسانی بە هەنگاویکی گەلیک پێویست زانی و بە زەنگیکی بۆ هەستانەوەی ڕۆژهەلاتی وڵات پێناسە کرد.

لە درێژەی ئەو سێمینارەدا "لوتفی باکسی" کەسایەتی ناسراو و دۆستی دوکتور قاسملوو لە سەر کەسایەتی دوکتور قاسملوو و ئاشنایەتی خۆی لەگەڵ دوکتور قاسملوو وتاریکی پێشکەش کرد، و کۆمەڵیک وتوویژی دوکتور قاسملووی کە لە سالەکانی پێش شەهیدبوونی لە گەڵ ڕۆژنامەنووسانی سویدی ئەنجام دابوون لە گەڵ خۆیی هێنابوو.

ئەم حیزب و ڕێکخراوە سیاسییانە که لە مەڕاسمی ٢٢ی پووشپەڕدا بەشدار بوون:

ـ پارتی دیموکراتی کوردستان
ـ کۆمەڵەی شۆڕشگێری زەحمەتکێشانی کوردستانی ئێران
ـ حیزبی شیوعیی کوردستان
ـ پارتی ئازادی کوردستان باکوور
ـ پارتی سوسیالیستی کوردستان پەسەک
ـ فێدراسیۆنی کومەلە کوردستانییەکان لە سوئێد
ـ بزووتنەوەی دێموکراتیکی یارسان

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.