کوردستان میدیا: ئەحمەد خاتەمی، بەرنوێژی کاتی نوێژی هەینی تاران ڕایگەیاند: دەبێ هەموو ئەو کەسانەی کە لە ساڵی ٦٧دا بڕیاری ئیمامیان جێبەجێ کرد و ئێعدامەکانییان لەو کاتەدا ئەنجام دا خەڵات بکرێن و میدالیایان لە مل بکرێت.
هەواڵدەریی دەنگ و ڕەنگی ڕێژیم لە ڕاپۆرتێکدا لەپێوەندی لەگەڵ قسەکانی بەرنوێژی کاتی نوێژی هەینی تاران، ئەحمەد خاتەمی ئاماژەی بە بەشێک لە قسە پڕ لە ڕق و قینەکانی ناوبراو کرد کە ڕۆژی ٣٠ی پووشپەڕ لە نوێژی هەینی تاراندا کردبووی.
بەپێی ئەم ڕاپۆرتە ناوبراو وتوویەتی: کووشتن و لەنێوبردنی ئەو کەسانە لە ساڵی ٦٧ بە بڕیاری ئیمام یەکێک لە باشترین کارەکان بووە کە دەبێ ڕێزی لێ بگیرێت و بایەخەکەی بزانین هەربۆیە پێویستە تەواوی ئەو کەسانەی کە بڕیاری ئێعدامی زیندانیانی سیاسییان جێبەجێ کرد ڕێزیان لێ بگیرێ و میداڵیان لە مل بکرێت.
لە مانگەکانی گەلاوێژ و خەرمانانی ساڵی ٦٧ی هەتاوی چەند هەزار کەس لە زیندانییانی سیاسی لەلایەن هەیئەتی مەرگی کۆماری ئیسلامی و لەسەر ڕێنوێنی خومەینی جەلاد ئێعدام کران؛ هەندێک لە داکۆکیکارانی مافی مرۆڤ ڕێژەی ئەم کەسانەیان بە ٥ هەزار کەس خەمڵاندووە بەڵام ئایەتووڵا مۆنتەزێری لە بیرەوەرییەکانی خۆیدا باسی لە ئێعدامی ٣٨٠٠ کەس کردووە.
ئەندامانی هەیئەتی مەرگ بریتی بوون لە: ئیبراهیم ڕەئیسی جێگری دادستان، مستەفا پورمۆحەممەدی نوێنەری ئیتلاعات لە ئێڤین، حسەینعەلی نەیێری حاکمی شەرع و مۆرتزا ئێشراقی دادستان.
ساڵی ڕابردوو ماڵپەڕی فەرمیی ئایەتوڵڵا حوسێنعەلی مۆنتەزێری، فایلێکی دەنگیی ناوبراوی بڵاو کردەوە کە تێیدا، ڕوو لە هەیئەتی مەرگ دەڵێ: ئێوە جینایەتکارن. بەپێی ناوەرۆکی ئەم فایلە دەنگییە، مۆنتەزێری ڕوو لە کۆمیسیۆنی مەرگ یان هەیئەتی مرگ وتوویەتی، ئێوە جینایەتکارن؛ من دڵم بۆ ئەو شۆڕشە دەسووتێ کە ئێوە خەریکن بەلاڕێیدا دەبەن.
هەواڵدەریی دەنگ و ڕەنگی ڕێژیم لە ڕاپۆرتێکدا لەپێوەندی لەگەڵ قسەکانی بەرنوێژی کاتی نوێژی هەینی تاران، ئەحمەد خاتەمی ئاماژەی بە بەشێک لە قسە پڕ لە ڕق و قینەکانی ناوبراو کرد کە ڕۆژی ٣٠ی پووشپەڕ لە نوێژی هەینی تاراندا کردبووی.
بەپێی ئەم ڕاپۆرتە ناوبراو وتوویەتی: کووشتن و لەنێوبردنی ئەو کەسانە لە ساڵی ٦٧ بە بڕیاری ئیمام یەکێک لە باشترین کارەکان بووە کە دەبێ ڕێزی لێ بگیرێت و بایەخەکەی بزانین هەربۆیە پێویستە تەواوی ئەو کەسانەی کە بڕیاری ئێعدامی زیندانیانی سیاسییان جێبەجێ کرد ڕێزیان لێ بگیرێ و میداڵیان لە مل بکرێت.
لە مانگەکانی گەلاوێژ و خەرمانانی ساڵی ٦٧ی هەتاوی چەند هەزار کەس لە زیندانییانی سیاسی لەلایەن هەیئەتی مەرگی کۆماری ئیسلامی و لەسەر ڕێنوێنی خومەینی جەلاد ئێعدام کران؛ هەندێک لە داکۆکیکارانی مافی مرۆڤ ڕێژەی ئەم کەسانەیان بە ٥ هەزار کەس خەمڵاندووە بەڵام ئایەتووڵا مۆنتەزێری لە بیرەوەرییەکانی خۆیدا باسی لە ئێعدامی ٣٨٠٠ کەس کردووە.
ئەندامانی هەیئەتی مەرگ بریتی بوون لە: ئیبراهیم ڕەئیسی جێگری دادستان، مستەفا پورمۆحەممەدی نوێنەری ئیتلاعات لە ئێڤین، حسەینعەلی نەیێری حاکمی شەرع و مۆرتزا ئێشراقی دادستان.
ساڵی ڕابردوو ماڵپەڕی فەرمیی ئایەتوڵڵا حوسێنعەلی مۆنتەزێری، فایلێکی دەنگیی ناوبراوی بڵاو کردەوە کە تێیدا، ڕوو لە هەیئەتی مەرگ دەڵێ: ئێوە جینایەتکارن. بەپێی ناوەرۆکی ئەم فایلە دەنگییە، مۆنتەزێری ڕوو لە کۆمیسیۆنی مەرگ یان هەیئەتی مرگ وتوویەتی، ئێوە جینایەتکارن؛ من دڵم بۆ ئەو شۆڕشە دەسووتێ کە ئێوە خەریکن بەلاڕێیدا دەبەن.
