• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی ئوکتۆبەری ٢٠١٧ی زایینی - ٢٧ی رەزبەری ١٣٩٦ی هەتاوی  

یاد‌و بیرەوەریی شەهیدانی ٢٢ی پووشپەڕ لە فینلاند ڕێزی لێ گیرا

زایینی: ٢٤-٠٧-٢٠١٧ - هەتاوی: ١٣٩٦/٠٥/٠٢ - ١٤:٠٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
یاد‌و بیرەوەریی شەهیدانی ٢٢ی پووشپەڕ لە فینلاند ڕێزی لێ گیرا
کوردستان میدیا: ڕێوڕەسمێكی تایبەت بە یادی شەهیدانی ٢٢ی پووشپەڕ لە وڵاتی فینلاند، بەڕێوە چوو.

رۆژی شەممە، ڕێكەوتی ٣١ی پووشپەڕی ١٣٩٦ی هەتاوی ، كۆمیتەی گشتیی حیزبی دێموكراتی كوردستانی ئێران، بۆ ڕێزگرتن لە خەبات ‌و تێكۆشانی ڕێبەری مەزن ‌و ناوداری نەتەوەكەمان، دوكتور عەبدولڕەحمان قاسملوو، سكرتێری گشتیی پێشووی حیزبی دێموكراتی كوردستانی ئێران و كاك عەبدوڵڵا قادری ئازەر، ئەندامی كۆمیتەی ناوەندیی حیزب‌ و بەرپرسی نوێنەرایەتیی حیزب لە دەرەوەی وڵات‌ هەروەها دوكتور فازڵ ڕەسووڵ، دۆستی حیزب، لە شاری توركو لە وڵاتی فینلاند، بە بەشداریی نوێنەرانی چەندین حیزب ‌و ڕێكخراوی سیاسی‌ و مەدەنی ‌و ئەندامان ‌و دۆستانی حیزب، ڕێوڕەسمێكی بەڕێوە برد.

سەرەتای رێوڕەسمەكە بە سروودی نەتەوایەتیی "ئەی ڕەقیب"‌و پاشان چەند ساتێك بێدەنگی بۆ ڕێزگرتن لە گیانی پاكی شەهیدانی ٢٢ی پووشپەڕ‌و سەرجەم شەهیدانی كوردستان دەستی پێكرد.

پاشان پەیامی كۆمیتەی گشتیی حیزبی دێموکرات، لە لایەن "عەلی مورادی" به¬رپرسی کۆمیته¬ی گشتیی حیزبه¬وه پێشكەش كرا. لە پەیامی كۆمیتەی حیزبدا، وێڕای مەحكووم كردنی تێرۆریزمی دەوڵەتیی ڕێژیمی ئاخووندیی ئێران، بێدەنگی لـێكردن‌ و ئازادكردنی تێرۆریستەكانیش لەلایەن دەوڵەتی ئەوكاتی ئۆتریشەوە، مەحكووم كرا؛ لە هەمان كاتدا پەیمانی درێژەدان‌و وەفاداری لەگەڵ رێبازی شەهیدانی ٢٢ی پووشەڕ‌و هەموو شەهیدانی كوردستان نوێ‌ كرایەوە.

لە بەشێكی دیكەی رێوڕەسمەكەدا، چەندین پەیام پێشكەش كران:

ـ پەیامی یەكیەتییەكانی ژنان، لاوان ‌و خوێندكارانی دێموكراتی كوردستانی ئێران
ـ پەیامی نوێنەرایەتیی پارتی دێموكراتی كوردستان
ـ پەیامی نوێنەرایەتیی یەكیەتیی نیشتمانیی كوردستان
ـ پەیامی نوێنەرایەتیی بزووتنەوەی گۆڕان
ـ پەیامی فیدراسیۆنی كۆمەڵە كوردییەكان لە فینلاند

لە بەشێكی دیكەی ئەم ڕێوڕەسمەدا، پەرویز ڕەحیم، مامۆستای زانكۆ، لە رێگای سكایپەوە بەشداری كرد ‌و بەم بۆنەوە چەند وتەیەكی پێشكەش كرد.

مامۆستا پەرویز رەحیم، وێڕای ئاوڕدانەوە لە كەسایەتیی شەهید دوكتور قاسملوو، ئاوڕێكی لە بیرۆكە ‌و بۆچوونەكانی دوكتور قاسملوو لەبارەی تێرۆریزم دایەوە. هەروەها بەڕێز دوكتور پەرویز، وێڕای ئاماژەدان بە كەسایەتیی بەرزی شەهید دوكتور قاسملوو، وتی: دوكتور قاسملوو كەسایەتییەكی جیهانییە كە نابێ‌ تەنیا وەك رێبەری حیزبی دێموكرات چاوی لـێ‌ بكرێ‌.

لە بەشێكی دیكەی ئەم رێوڕەسمەدا، تاهیر عەلیار، كەسایەتیی سیاسیی نەتەوەكەمان، بەم بۆنەوە باسێكی پێشكەش كرد.

عەلیار، لە وتەكانیدا ئاوڕی لە ژیان‌ و خەباتی سیاسیی شەهید دوكتور قاسملوو دایەوە‌ و ڕۆڵ ‌و كاریگەریی دوكتور قاسملووی لە قۆناخە جیاجیاكانی خەباتی حیزبی دێموكراتدا لێك دایەوە.

دوای وتەكانی تاهیر عەلیار، بەشدارانی رێوڕەسمەكە پرسیار‌و بۆچوونەكانی خۆیان دەربڕی ‌و دوكتور تاهیر وەڵامی پێویستی بە پرسیارەكان دایەوە.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٠ لەم ژمارەیەدا:

ــ هەموو ڕێگاکان دەچنەوە کوردستان
ــ سەهۆڵبەردان لە ڕۆژهەڵاتی ناویندا
ــ دیپلۆماسیی درۆزنەی نێوخۆیی
ــ زیندانیی سیاسی بوونی نییە
  • ڕەساڵەتی تەنز له شێعری \ ڕەساڵەتی تەنز له شێعری "مەلا مارف کۆکەیی"دا
    کۆمەڵیک ڕووداوی ناخۆش و تاڵ وەک شەڕە جیهانییه‌کان، شەڕی ناوخۆی ئێران، سیڵاوی مەهاباد، کوشتاری خەڵکی ئه‌م شاره و قات و قڕی له ماوەی ژیانی مەلا مارفدا که له سەر هەژاری و نەداری خەڵک شوێندانەر بوو له شێعرکانی ڕەنگدانه‌وەی جیددیان هه‌یه، شاعیری نوکته باز له سەردەمی دیکتاتۆرییه‌تدا زۆر جار به زمانی ته‌نز لۆمه له‌م بارودۆخه دەگرێ.
  • کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن
    خرۆشانی جەماوەریی ڕۆژهەڵات و پەیامەکانی لە دوای ئەنجامە ئەرێنییەکەی ڕێفراندۆمی سەربەخۆیی کوردستانی باشوور، مژاری چاوپێکەوتنێکی تەلەفزیۆنی تیشکە لەگەڵ کەریم پەرویزی، ئەندامی دەفتەری سیاسی حیزبی دێموکراتی کوردستانی ئێران کە سەرنجتانی بۆ خوێندنەوەی ڕادەکێشین.
  • بەرەو درووستکردنی حکوومەتێکی سەربەخۆ و دێموکرات لە باشوور بەرەو درووستکردنی حکوومەتێکی سەربەخۆ و دێموکرات لە باشوور
    چوار فاکتۆری سەرچاوە گرتنی ئەم سەربەخۆییە لە ئیرادەی گشتی، دادپەروەری وەک بناغەی ئەو حکوومەتە، دێموکراسی و هەبوونی هێزی پێشمەرگە بۆ دابین کردنی ئاسایش و ئاسوودەیی هاووڵاتیان لەو فاکتۆرانەن کە لە بەرژەوەندیی حکوومەتی سەربەخۆی باشووری کوردستان دا دەبن.
  • باشووری کوردستان و بنچینەی خەباتی گەلی کورد باشووری کوردستان و بنچینەی خەباتی گەلی کورد
    ئێمە دەبێ سەرەتا لە هەناوی کۆمەڵگەی خۆماندا حزوورمان هەبێت و ئاگاداری هەموو گرفت و خەسڵەتەکانۆ کۆمەڵگەی خۆمان بین و بتوانین جیاوازییە هەرێمی و ناوچەییەکان بناسین، هەتا بتوانین بەرنامە و پرۆژەکانمان لەسەر بنەمای واقیعی کۆمەڵگەکەمان بێت.
  • چیرۆکی منداڵانی بێ‌‌سەرپەرەست لە ئێران چیرۆکی منداڵانی بێ‌‌سەرپەرەست لە ئێران
    سەرئەنجام دوای پڕۆسەی قانوونی، ماری و مێردەکەی پێکەوە لە ئافریقاڕا کچێک و کۆڕێکیان وەک منداڵی خۆیان وەرگرت. ئێستا ئەوان ١٤ ساڵ و ١٢ ساڵ تەمەنیانە و وەک هەر منداڵێکی دیکە دەچنە قوتابخانە و ژیانێکی باشیان هەیە.
  • خۆكوژی كۆتاییەكی تراژێدیك خۆكوژی كۆتاییەكی تراژێدیك
    دیاردەگەلێك كە بەربەستن لە بەردەم بەرزەفڕی مرۆڤ و وەك نەخۆشییەك خەون و ئارەزووەكانی مرۆڤ تووشی بەلاڕێداچوویی دەكەن و لە ئاكامدا ئەوە ئەو دیاردانەن كە زۆرجار زاڵ دەبن بەسەر مرۆڤدا. خۆكوژی یەكێك لەو دیاردانەیە كە ئەمڕۆ بەربینگی مرۆڤی گرتووە و بووەتە دیاردە لە نێو هەموو كۆمەڵگا مرۆییەكانی جیهاندا.
  • ڕاسان پرۆژەیەکی سیاسی نوێ لە خەباتی ڕۆژهەڵاتدا ڕاسان پرۆژەیەکی سیاسی نوێ لە خەباتی ڕۆژهەڵاتدا
    زۆربەی بزاڤە ڕزگاریخوازەکانی دنیا لە حاڵەتێکدا سەریان هەڵداوە، کە دیکتاتۆرەکان ویستوویانە لە ڕێگای ئامرازەکانی هێز و دەسەڵاتەوە ڕێککەوتنێکی مڵکەجبوون لە نێوان خۆیان و کۆمەڵگادا ساز بکەن و کۆمەڵگا ملکەجی بەرژەوەندییەکانی خۆیان بکەن و ئەدەبیاتێک لە سەر کۆمەڵگا زاڵ بکەن کە لە ڕاستای دەسەڵاتی ئەواندا بێت و سەروەری ئەوانی تێدا گارانتی کرابێت.
  • دیپلۆماسیی درۆزنەی نێوخۆیی دیپلۆماسیی درۆزنەی نێوخۆیی
    کەوایە بەپێی وتەی بەرپرسانی ڕێژیم، خامنەیی ڕاستەوخۆ لە هەڵبژاردنی هەموو وەزیرەکانی رووحانیدا دەستی هەیە، ڕەنگە لێرەدا بگوترێ: "بۆخۆت بەخێر بێیتەوە، ئاگات لە کوێیە؟"
  • هەموو رێگاکان دەچنەوە کوردستان هەموو رێگاکان دەچنەوە کوردستان
    لە دوای ٥٧ و خۆسەپاندنی رێژیمی ئیسلامی بەسەر گشتایەتیی جوغرافیای ئێراندا، کوردستان بوو بە مەکۆی گشت لایەنە پەراوێزخراوەکان، ئەو رۆژانە زۆر لایەن بوون کە لە نیشتمانی کوردەکاندا داڵدە درابوون، حیزبە کوردییەکان بە سینگ ئاوەڵاییەوە وەریانگرتن.
  • سەهۆڵبەردان لە رۆژهەڵاتی ناویندا سەهۆڵبەردان لە رۆژهەڵاتی ناویندا
    پەرەئەستاندنی دێموکراسی و پتەوبوونی پەیوەندیی لە نێوان ئەمریکا، وڵاتانی ئەورووپی، ژاپۆن، کورەی باشوور و ئوسترالیا "بەراییەکی ئاشتی" (zone of peace) لێ کەوتووەتەوە. دێموکراسی هەروەها ڕای گشتی کردووەتە فاکتەری سنووردارکەر، هەڵبەت نەک ڕێگر، لە پەیوەندی لەگەڵ شەڕکردنی وڵاتانی دێموکراتیکدا.
  • زیندانیی سیاسی بوونی نییە زیندانیی سیاسی بوونی نییە
    لە وڵاتێکی ژێر دەسەڵاتێکی دیکتاتۆری و فاشیستیدا، شتێک بە ناوی زیندانیی سیاسی ناتوانێ مانایەکی هەبێ و ئاماژەیەک بۆ شتێکی راستەقینە نابێ. لە راستیدا چەمکی زیندانیی سیاسی دەتوانێ چەمکێکی چەواشەکارانە و بەلاڕێدابەرانە بێ.
  • ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ
    بە بۆنەی ٢٥ـەمین ساڵڕۆژی شەهیدانی بێرلین لە لایەن دیپلۆمات تێرۆریستانی نێردراوی ڕێژیمی ئیسلامیی ئێران ڕۆژنامەی کوردستان ئۆرگانی کۆمیتەی ناوەندیی حیزبی دێموکراتی کوردستانی ئێران وتووێژێکی لەگەڵ "ئەحمەد شێربەگی" بێژەری بەناوبانگی ڕادیۆ دەنگی کوردستانی ئیران پێک هێناوە کە دەقی ئەم وتووێژە بەم چەشنەیە:
  • شەرەفکەندی، قارەمان یا پاڵەوان؟ شەرەفکەندی، قارەمان یا پاڵەوان؟
    لە ڕاستیدا خودی وشەی "شۆڕش" (انقلاب) واتە گۆڕانێکی بنەڕەتی لە ناوەڕۆکدا؛ ئەوەش پێویستی بە هەندێک هۆکاری تایبەتی و گشتی هەیە کە هۆکارە تایبەتییەکە ئەوەیە سەرتاسەری شۆڕشەکانی مێژوو بە دەست کەسانی نوخبه و زانای کۆمەڵگای نێوخۆی خۆیان کراوە جا ئەم کەسانە لە هەر چین و توێژێکی کۆمەڵگا بن و بە هەر جۆرە بیرۆکەیەک.
  • کرماشان، لانکەی کولتوور و ژیاری مرۆیی لە کوردستان کرماشان، لانکەی کولتوور و ژیاری مرۆیی لە کوردستان
    لە ساڵانی ١٣٣٠ی (١٩٥٢ی زایینی) هەتاوی بەئەملا لەسەر دەستی كەسانێكی تر و نەوەیەكی تر شەپۆل و رەهەندێكی دیكە لە نووسین و داهێنانی ئەدەبی و بەتایبەت ژانری شیعر لە كرماشان و ئیلام سەر هەڵدەدەن و دەبنە ئاوێنەی باڵانوێنی كۆمەڵ و لەباری فەرهەنگییەوە پێشەنگایەتیی ئەو قۆناغە دەگرنە ئەستۆ.