کوردستان میدیا

ماڵپەڕی ناوەندیی حیزبی دێموکراتی کوردستانی ئێران

پەیامی هاوخەمی ئەندامان و لایەنگرانی حیزب لە شاری نەغەدە و ناوچەی شاروێرانی مەهاباد بەبۆنەی شەهیدبوونی ٢ هاوڕێی تێکۆشەری حیزب

16:38 - 17 گەلاوێژ 2717

کوردستان میدیا: بەشێک لە ئەندامان و لایەنگرانی حیزبی دێموکرات لە شاری نەغەدە و ناوچەی شاروێرانی مەهاباد بەبۆنەی شەهید بوونی ٢ پێشمەرگەی قارەمانی حیزبی دێموکرات لە شەڕی سەری هەواری شێخە لە پیرانشار پەیامی هاوخەمی و بەڵێنی بەردەوام بوون لە ڕێبازی پیرۆزیان دا.

دەقی پەیامەکان:

کۆمەڵانی ئازادیخوازی کوردستان

حیزبی تێکۆشەری دێموکراتی کوردستانی ئێران

کادر و پێشمەرگە قارەمانەکانی نێو سەنگەری جەرگەی خەبات

بنەماڵەی سەربەرزی شەهیدانی هەمیشە زیندوو

زیندانیانی سیاسی خۆڕاگری ورە پۆڵایین


ئێمه‌ش وه‌ک ئه‌ندامانی نهێنی شاری نه‌غه‌ده هاوخه‌می خۆمان ده‌رده‌بڕین لەهه‌مبه‌ر شه‌هیدبوونی دوو ڕۆڵه‌ی به‌وه‌فا و بەورەی گه‌له‌که‌مان و خۆمان به شه‌ریکی خه‌م و په‌ژاره‌ی ئێوه ‌ده‌زانین‌؛ ئاماده‌ین تا‌ دواهه‌ناسه‌ی ژیانمان درێژەدەری ڕێگایان بین.

وێڕای ڕێز و سڵاوی شۆڕشگێڕانه بۆ بنەماڵەی سەرجه م شەهیدانی حیزبی دێموکراتی کوردستانی ئێران، ئێمه ئەندامان و لایەنگرانی حیزبی دێموکرات له ناوخۆی ڕۆژهەڵات ناوچەی شاروێرانی مەهاباد، سەرەخۆشی خۆمان لە بنەماڵەی ئەم دوو شەهیده نەمرە و حیزب وگەلەکەمان ڕادەگەیەنین.

هەروەها دڵنیاتان دەکەینەوه کە ئێمەش درێژەدەری ڕێگای ئەو شەهیدانەین، با داگیرکەر باش بزانێت ئەگەر هێمن و یەعقوب شەهیدبوون هەزاران هێمن و یەعقوبی دیکه له دایک بوون. بژی کوردستان، بژی حیزبی دێموکراتی کوردستانی ئێران، بژی ڕاسان، ئەندامانی شاروێران.