• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی ئوکتۆبەری ٢٠١٧ی زایینی - ٢٧ی رەزبەری ١٣٩٦ی هەتاوی  

پلینۆمی ١٧ی کۆمیتەی ناوەندیی حیزبی دێموکراتی کوردستانی ئێران کۆتایی پێهات

زایینی: ٠٩-٠٨-٢٠١٧ - هەتاوی: ١٣٩٦/٠٥/١٨ - ١٩:٤٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پلینۆمی ١٧ی کۆمیتەی ناوەندیی حیزبی دێموکراتی کوردستانی ئێران کۆتایی پێهات
کوردستان میدیا: لە پلینۆمی ١٧ی کۆمیتەی ناوەندیی حیزبی دێموکراتی کوردستانی ئێران لە سەر بەهێزترکردن و بەردەامی خەباتی شار و شاخ جەخت کرایەوە.

دەقی ڕاگەیەندراوەکە:

ڕاگەیەندراوی دەفتەری سیاسیی حیزبی دێموکراتی کوردستانی ئێران بە بۆنەی کۆتایی هاتنی ١٧هەمین پلینۆمی کۆمیتەی ناوەندی


بۆ ئاگاداری هەموو لایەک ڕادەگەیەنین کە ١٧یەمین پلینۆمی کۆمیتەی ناوەندیی حیزبی دێموکراتی کوردستانی ئێران هەڵبژێردراوی کۆنگرەی ١٥ ، کاتژمێر ٩ی بەیانی ڕۆژی دووشەممە ڕێکەوتی ١٦ی گەلاوێژی ١٣٩٦ی هەتاوی بەرانبەر بە ٧ی ئاگۆستی ٢٠١٧ی زایینی دەستی پێکرد و پاش دوو ڕۆژ کاری بەردەوام کاتژمێر ٨ی ئێوارە ڕۆژی سێشەممە کۆتایی بەکارەکانی هێنا.

پلینۆم بە خولەکێک بێدەنگی و بە پێوەراوەستان بۆ ڕێزگرتن لە شەهیدانی حیزب بە تایبەت شەهیدانی تازەی ڕاسان دەستی پێکرد، دواتر بەرنامەی کاری پلینۆم کە پێشتر ئەندامانی بەڕێوەبەری حیزبی لێی ئاگادار کرا بوو خرایە بەر باس و پاش پەسندکردنی بەرنامەکە، ڕاپۆرتێکی سیاسی و لێکدانەوەیەکی گشتی لە سەر هەلومەرجی ناوچەی ڕۆژهەڵاتی نێوەڕاست و ئێران و خەباتی کورد لە هەموو بەشەکانی کوردستان و ئەرک و هەڵوێستی حیزبی دێموکراتی کوردستانی ئێران بەرانبەر بە ئەگەری هەر ڕووداو و ئالوگۆڕێک، لە لایەن بەڕێز کاک "مستەفا هیجری" سکرتێری گشتیی حیزبەوە پێشکەش بە بەشدارانی پلینۆم کرا.

لەو لێکدانەوەیەدا وێڕای ئاماژە بە وەزعی ناوچە و لە ژێر تیشکی ئەو وەزعەدا باس لە هەلومەرجی ئێران کرا بوو کە ڕێژیمی کۆماری ئیسلامی پاش چەندین ساڵ درێژەدان بە سیاسەتی هەناردەکردنی شۆڕش و پەلوپۆهاوێشتن بە مەبەستی دەستێوەردان و نفووز لە وڵاتانی ناوچە و هەڵکشان لەو بوارەدا کە بە هۆی بۆشایی لە ناوچە، وەزعی ئەفغانستانی دوای تالیبان و عێراقی پاش ڕووخانی سەدام حوسەین و پاشەکشەی ئامریکا لە عێراق و شەڕی سووریە و سیاسەتی نەرمی‌نواندن و سازانی ئامریکا لەگەڵ کۆماری ئیسلامی لە ماوەی ٨ ساڵ سەرۆکایەتی ئوبامادا بۆی پێک هاتبوو، ئێستا لە ماوەی ٦ مانگی ڕابردوودا و بە هۆی ئاڵوگۆڕ لە سیاسەتی ئامریکا و وڵاتانی ناوچە بەرانبەر بە ناوچەی ڕۆژهەڵات بە گشتی و کۆماری ئیسلامیی ئێران بە تایبەتی ئەو ڕەوتە بەرە و داشکان هەنگاوی ناوە، سیاسەتی نوێی ئامریکا و هەلویستی بەشێکی بەرچاو لە وڵاتانی ناوچە دژ بە هەژموونیخوازی و زیادەڕەوی و سەرەڕۆیەکانی ڕێژیم و کۆمەڵیک هۆکاری دیکە بوونە بەربەست لەبەردەم سیاسەت و کرداری کۆماری ئیسلامیی ئێران لە پێوەندی لەگەڵ نفووز و پەرەگرتنی دەسەڵاتی لە وڵاتانی ناوچەدا.

ڕێککەوتنەکەی کۆماری ئێسلامیی ئێران لەگەڵ وڵاتانی ٥ کۆی ١ لە پێوەندی لەگەڵ چالاکییە ئەتۆمیەکانی ڕێژیم نەک ئاکامێکی ئابووری بە قازانجی ژیان و گوزەرانی خەڵکی ئێرانی لێنەکەوتووتەوە، بەڵکوو لە لایەن ئامریکاوە بۆتە هۆیەکی فشار لە سەر ڕێژیم بۆ پابەندبوونی بە خاڵە درشت و وردەکانی ئەو رێککەوتننامەیە، لەکەش و هەوای ئەو فشار هێنانەدا ڕێژیمی ئیسلامیی ئێران بە هاویشتنی ٦ مووشەک بۆ دیرەلزور لە سووریە و تاقیکردنەوەی مووشەکێکی باڵستیک و مووشەکی سیمورغ، ئاتۆیەکی دیکەی دایە دەست کە ڕۆژئاواییەکان بەتایبەت ئەمریکا داوای پشکنینی دامەزراوە مووشەکی و چەک و چۆڵەکانی ئێران بکەن. حزووری پڕڕەنگی ڕێژیم لە سووریە بە بەهانەی شەڕ لەگەڵ داعش، بەڵام بەمەبەستی پاراستنی دەسەڵاتی بەشار ئەسەد، بە هاتنی ڕووسیە و دواتر ئامریکا بۆ نێو گۆڕەپانی کێشەکانی سووریە بوونی کۆماری ئیسلامیی ئێرانی لە سووریەی کەمرەنگتر کردووە و پێکهێنانی هیلالی شیعە لە لایەن ئێرانەوە بە سازانی ئامریکا ورووسیە بۆ پێکهێنانی ناوچەی ئارام لە باشوور و باشووری خۆرئاوای سووریە کە ئامریکا بەڕێوەی دەبا لەگەڵ ناکامی بەرەوروو کردوە. بە تایبەت بە دانانی چەند پایەگای سەربازی و بنیادنانی چوار فرۆکەخانە لە لایەن ئامریکاوە لە سووریە رۆژبەرۆژ فشار بۆ سەر کۆماری ئیسلامی لە سووریە زیاتر دەکا.

لە عێراق کە تا ماوەیەک لەوە پێش کۆماری ئیسلامیی ئێران لە غیابی ئامریکا و عەرەبستاندا تەراتینی بێ بەر بەستی دەکرد لە ئێستادا هەم ئامریکا بەرامبەر بە عێراق بێ‌تەفاوەت نییە و هەمیش عەرەبستان و وڵاتانی کەنداو و تەنانەت میسریش بەرامبەر بەو رمبازێنی کۆماری ئیسلامیی ئێران لە عێراق بێ دەنگ نیین و تەنانەت دژ بە نفووز و دەخاڵەتی کۆماری ئیسلامی لە عێراق و ناوچەدا یەکگرتوویی و یەکدەنگی و هاوهەڵوێستێکی پێویستیان پێکهێناوە و لە نێوخۆی عێراق و هێزە شیعەکانیشدا دەنگی ناڕەزایەتی لە دەستێوەردانی بێسنووری ڕێژیمی ئێران لە کاروباری ئەو وڵاتەدا بەرز بووەتەوە. بەلەبەرچاوگرتنی هەموو ئەو حاڵەتانە ڕاپۆرتەکەی سکرتێری گشتی بەو ئاکامە گەیشتبوو کە سەردەمی پەرەگرتنی نفووز و دەسەڵاتی ڕێژیمی تاران لە ناوچە بەسەر چووە و ڕەوتی داکشانی خێرای دەستی پێکردووە.

لێکدانەوەی سکرتێری گشتی بە سەرنجدان بە وەزعی نێوخۆیی ئێران ئاماژەی بەوە کردبوو کە لە دەوری یەکەمی سەرۆکۆماری حەسەن ڕوحانیدا سەرەڕای هەموو وەعدە و بەڵێنەکانی ڕێژەی ئیعدامەکان زیادی کردووە، دەستگیرکردن و زیندانی کردن پتر بووە و وەزعی ژیان و گوزەرانی خەڵک ئەگەر خراپتر نەبوو بێ باشتر نەبووە. بەم حاڵەش و سەرەڕای بەڵێنیە دووبارەکانی بە خەڵک و هەڵبژێرانەوەی بە سەرکۆمار، لیستی ئەندامانی کابینەکەی نیشان دەدا کە زیاتر بەلای بناژۆخوازەکانیدا شکاندووەتەوە و، نە ژنێک پۆستی وەزارەتی پێ دراوە و نە پێڕەوانی ئەهلی سوننەت.

لە پێوەندی لەگەڵ کێشە نێوخۆییەکانی بناژۆخوازەکان و ئیسلاحتەلەبانی ڕێژیمدا لێکدانەوەکە دەربڕی ئەو ڕاستییە بوو کە سەرەڕای بوونی کێشەی واقعیی، بەڵام هیچ لایەنێک کێشەیان لە سەر بەرژەوەندی و باشبوونی ژیان و ئازادییەکانی خەڵکی ئێران نییە، بەڵکوو پێوەندی بە دەسەڵاتی زیاتر و دەستوێڕاگەیشتن بە سەروەت و سامانی پترە و، لە پێناو پاراستنی کۆماری ئیسلامیدا نە تەنیا جیاوازێکیان نییە، بەڵکوو هاودەنگ و هاوڕان. لە بەشێکی دیکەی لێکدانەوەی سکرتێری گشتیدا وەزعی کورد لە هەموو بەشەکانی کوردستان باسی لێکرا بوو و پێوەندیەکانی حیزبی دێموکراتی کوردستانی ئێران لەگەڵ هەرکام لە هێزە کوردییەکان ئاماژەی پێکرا بوو و پێویستی هاوکاری نێوان هێزە کوردییەکان بە تایبەت حیزب و لایەنە سیاسییەکانی ڕۆژهەڵات پێی لە سەر داگیرا بووە.

لێکدانەوە سیاسییەکە بەلەبەرچاوگرتنی هەموو ئاڵوگۆڕ و ئەگەرەکان ئەرکەکانی حیزبی دێموکراتی کوردستانی ئێرانی بۆ هەر ئەگەرێک دەستنیشان کرد بوو و لەو چوارچێوەدا گرینگی زیاتر بە ڕاسان، گرێدانی خەباتی شار و شاخ سەرنجی پێویستی پێ درا بووە و ڕێگاکانی بەهێزترکردنی پێشنیار کرا بوو.

پلینۆم پشتیوانی کردنی دەفتەری سیاسی لە ڕێفراندۆم و سەربەخۆیی باشووری کوردستان بە سیاسەتێکی دروستی نەتەوەیی و نیشتمانی و بەجێ گەیاندنی ئەرکێکی کوردپەروەرانە زانی و تەئیدی کرد.

لە بەشێکی دیکەی کاری پلینۆمی ١٧هەمدا ڕوانگەی هاوڕێیانی پێشووی لە سەر یەکگرتنەوە کە بەدوای چەند دانیشتنی هەیئەتەکاندا هاتبووە گۆڕ خرایە بەرباس و سەرەڕای هەموو ڕەخنە و تێبینییەکان بەرانبەر بەم ڕوانگەیە درێژەدان بە دانیشتن و وتووێژ لەگەڵ هاوڕێیانی پێشوو بە مەبەستی یەکگرتنەوە بە پێویست زانرا.

بەشدارانی پلینۆم زۆر چالاکانە بەشداری باسەکان بوون و دوای ڕاوبۆچوون و تێبینییەکانی خۆیان لەسەر هەر بڕگەیەکی لێکدانەوەکە و یارمەتیدان بە دەوڵەمەندترکردنی ڕاپۆرتەکەیان پەسند کرد و، ڕاسپاردەکانی خۆیان لە پێوەندی بە بڕیارەکانی پلینۆم بە دەفتەری سیاسی دا.

پلینۆم کاتژمێر ٨ی ئێوارەی ڕۆژی سێشەممە ١٧ی گەلاوێژ کۆتایی بە کارەکانی هێنا.

حیزبی دێموکراتی کوردستانی ئێران
دەفتەری سیاسی

١٨ی گەلاوێژی ١٣٩٦ی هەتاوی
٩ی ئاگۆستی٢٠١٧ی زایینی


لە پلینۆمی ١٧ی کۆمیتەی ناوەندیی حیزبی دێموکراتی کوردستانی ئێران ڕێگاکانی بەهێزترکردنی ڕاسان پێشنیار کرا


بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٠ لەم ژمارەیەدا:

ــ هەموو ڕێگاکان دەچنەوە کوردستان
ــ سەهۆڵبەردان لە ڕۆژهەڵاتی ناویندا
ــ دیپلۆماسیی درۆزنەی نێوخۆیی
ــ زیندانیی سیاسی بوونی نییە
  • ڕەساڵەتی تەنز له شێعری \ ڕەساڵەتی تەنز له شێعری "مەلا مارف کۆکەیی"دا
    کۆمەڵیک ڕووداوی ناخۆش و تاڵ وەک شەڕە جیهانییه‌کان، شەڕی ناوخۆی ئێران، سیڵاوی مەهاباد، کوشتاری خەڵکی ئه‌م شاره و قات و قڕی له ماوەی ژیانی مەلا مارفدا که له سەر هەژاری و نەداری خەڵک شوێندانەر بوو له شێعرکانی ڕەنگدانه‌وەی جیددیان هه‌یه، شاعیری نوکته باز له سەردەمی دیکتاتۆرییه‌تدا زۆر جار به زمانی ته‌نز لۆمه له‌م بارودۆخه دەگرێ.
  • کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن
    خرۆشانی جەماوەریی ڕۆژهەڵات و پەیامەکانی لە دوای ئەنجامە ئەرێنییەکەی ڕێفراندۆمی سەربەخۆیی کوردستانی باشوور، مژاری چاوپێکەوتنێکی تەلەفزیۆنی تیشکە لەگەڵ کەریم پەرویزی، ئەندامی دەفتەری سیاسی حیزبی دێموکراتی کوردستانی ئێران کە سەرنجتانی بۆ خوێندنەوەی ڕادەکێشین.
  • بەرەو درووستکردنی حکوومەتێکی سەربەخۆ و دێموکرات لە باشوور بەرەو درووستکردنی حکوومەتێکی سەربەخۆ و دێموکرات لە باشوور
    چوار فاکتۆری سەرچاوە گرتنی ئەم سەربەخۆییە لە ئیرادەی گشتی، دادپەروەری وەک بناغەی ئەو حکوومەتە، دێموکراسی و هەبوونی هێزی پێشمەرگە بۆ دابین کردنی ئاسایش و ئاسوودەیی هاووڵاتیان لەو فاکتۆرانەن کە لە بەرژەوەندیی حکوومەتی سەربەخۆی باشووری کوردستان دا دەبن.
  • باشووری کوردستان و بنچینەی خەباتی گەلی کورد باشووری کوردستان و بنچینەی خەباتی گەلی کورد
    ئێمە دەبێ سەرەتا لە هەناوی کۆمەڵگەی خۆماندا حزوورمان هەبێت و ئاگاداری هەموو گرفت و خەسڵەتەکانۆ کۆمەڵگەی خۆمان بین و بتوانین جیاوازییە هەرێمی و ناوچەییەکان بناسین، هەتا بتوانین بەرنامە و پرۆژەکانمان لەسەر بنەمای واقیعی کۆمەڵگەکەمان بێت.
  • چیرۆکی منداڵانی بێ‌‌سەرپەرەست لە ئێران چیرۆکی منداڵانی بێ‌‌سەرپەرەست لە ئێران
    سەرئەنجام دوای پڕۆسەی قانوونی، ماری و مێردەکەی پێکەوە لە ئافریقاڕا کچێک و کۆڕێکیان وەک منداڵی خۆیان وەرگرت. ئێستا ئەوان ١٤ ساڵ و ١٢ ساڵ تەمەنیانە و وەک هەر منداڵێکی دیکە دەچنە قوتابخانە و ژیانێکی باشیان هەیە.
  • خۆكوژی كۆتاییەكی تراژێدیك خۆكوژی كۆتاییەكی تراژێدیك
    دیاردەگەلێك كە بەربەستن لە بەردەم بەرزەفڕی مرۆڤ و وەك نەخۆشییەك خەون و ئارەزووەكانی مرۆڤ تووشی بەلاڕێداچوویی دەكەن و لە ئاكامدا ئەوە ئەو دیاردانەن كە زۆرجار زاڵ دەبن بەسەر مرۆڤدا. خۆكوژی یەكێك لەو دیاردانەیە كە ئەمڕۆ بەربینگی مرۆڤی گرتووە و بووەتە دیاردە لە نێو هەموو كۆمەڵگا مرۆییەكانی جیهاندا.
  • ڕاسان پرۆژەیەکی سیاسی نوێ لە خەباتی ڕۆژهەڵاتدا ڕاسان پرۆژەیەکی سیاسی نوێ لە خەباتی ڕۆژهەڵاتدا
    زۆربەی بزاڤە ڕزگاریخوازەکانی دنیا لە حاڵەتێکدا سەریان هەڵداوە، کە دیکتاتۆرەکان ویستوویانە لە ڕێگای ئامرازەکانی هێز و دەسەڵاتەوە ڕێککەوتنێکی مڵکەجبوون لە نێوان خۆیان و کۆمەڵگادا ساز بکەن و کۆمەڵگا ملکەجی بەرژەوەندییەکانی خۆیان بکەن و ئەدەبیاتێک لە سەر کۆمەڵگا زاڵ بکەن کە لە ڕاستای دەسەڵاتی ئەواندا بێت و سەروەری ئەوانی تێدا گارانتی کرابێت.
  • دیپلۆماسیی درۆزنەی نێوخۆیی دیپلۆماسیی درۆزنەی نێوخۆیی
    کەوایە بەپێی وتەی بەرپرسانی ڕێژیم، خامنەیی ڕاستەوخۆ لە هەڵبژاردنی هەموو وەزیرەکانی رووحانیدا دەستی هەیە، ڕەنگە لێرەدا بگوترێ: "بۆخۆت بەخێر بێیتەوە، ئاگات لە کوێیە؟"
  • هەموو رێگاکان دەچنەوە کوردستان هەموو رێگاکان دەچنەوە کوردستان
    لە دوای ٥٧ و خۆسەپاندنی رێژیمی ئیسلامی بەسەر گشتایەتیی جوغرافیای ئێراندا، کوردستان بوو بە مەکۆی گشت لایەنە پەراوێزخراوەکان، ئەو رۆژانە زۆر لایەن بوون کە لە نیشتمانی کوردەکاندا داڵدە درابوون، حیزبە کوردییەکان بە سینگ ئاوەڵاییەوە وەریانگرتن.
  • سەهۆڵبەردان لە رۆژهەڵاتی ناویندا سەهۆڵبەردان لە رۆژهەڵاتی ناویندا
    پەرەئەستاندنی دێموکراسی و پتەوبوونی پەیوەندیی لە نێوان ئەمریکا، وڵاتانی ئەورووپی، ژاپۆن، کورەی باشوور و ئوسترالیا "بەراییەکی ئاشتی" (zone of peace) لێ کەوتووەتەوە. دێموکراسی هەروەها ڕای گشتی کردووەتە فاکتەری سنووردارکەر، هەڵبەت نەک ڕێگر، لە پەیوەندی لەگەڵ شەڕکردنی وڵاتانی دێموکراتیکدا.
  • زیندانیی سیاسی بوونی نییە زیندانیی سیاسی بوونی نییە
    لە وڵاتێکی ژێر دەسەڵاتێکی دیکتاتۆری و فاشیستیدا، شتێک بە ناوی زیندانیی سیاسی ناتوانێ مانایەکی هەبێ و ئاماژەیەک بۆ شتێکی راستەقینە نابێ. لە راستیدا چەمکی زیندانیی سیاسی دەتوانێ چەمکێکی چەواشەکارانە و بەلاڕێدابەرانە بێ.
  • ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ
    بە بۆنەی ٢٥ـەمین ساڵڕۆژی شەهیدانی بێرلین لە لایەن دیپلۆمات تێرۆریستانی نێردراوی ڕێژیمی ئیسلامیی ئێران ڕۆژنامەی کوردستان ئۆرگانی کۆمیتەی ناوەندیی حیزبی دێموکراتی کوردستانی ئێران وتووێژێکی لەگەڵ "ئەحمەد شێربەگی" بێژەری بەناوبانگی ڕادیۆ دەنگی کوردستانی ئیران پێک هێناوە کە دەقی ئەم وتووێژە بەم چەشنەیە:
  • شەرەفکەندی، قارەمان یا پاڵەوان؟ شەرەفکەندی، قارەمان یا پاڵەوان؟
    لە ڕاستیدا خودی وشەی "شۆڕش" (انقلاب) واتە گۆڕانێکی بنەڕەتی لە ناوەڕۆکدا؛ ئەوەش پێویستی بە هەندێک هۆکاری تایبەتی و گشتی هەیە کە هۆکارە تایبەتییەکە ئەوەیە سەرتاسەری شۆڕشەکانی مێژوو بە دەست کەسانی نوخبه و زانای کۆمەڵگای نێوخۆی خۆیان کراوە جا ئەم کەسانە لە هەر چین و توێژێکی کۆمەڵگا بن و بە هەر جۆرە بیرۆکەیەک.
  • کرماشان، لانکەی کولتوور و ژیاری مرۆیی لە کوردستان کرماشان، لانکەی کولتوور و ژیاری مرۆیی لە کوردستان
    لە ساڵانی ١٣٣٠ی (١٩٥٢ی زایینی) هەتاوی بەئەملا لەسەر دەستی كەسانێكی تر و نەوەیەكی تر شەپۆل و رەهەندێكی دیكە لە نووسین و داهێنانی ئەدەبی و بەتایبەت ژانری شیعر لە كرماشان و ئیلام سەر هەڵدەدەن و دەبنە ئاوێنەی باڵانوێنی كۆمەڵ و لەباری فەرهەنگییەوە پێشەنگایەتیی ئەو قۆناغە دەگرنە ئەستۆ.