• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی فێڤریەی ٢٠١٨ی زایینی - ٠٢ی رەشەمەی ١٣٩٦ی هەتاوی  

راگه‌یه‌ندراوی ده‌فته‌ری سیاسیی حیزبی دێمۆکراتی کوردستانی ئێران، به‌ بۆنه‌ی کۆتایی هاتنی پلینۆمی پانزه‌هه‌م

زایینی: ٢٧-٠٩-٢٠١٢ - هەتاوی: ١٣٩١/٠٧/٠٦ - ١١:٠٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
راگه‌یه‌ندراوی ده‌فته‌ری سیاسیی حیزبی دێمۆکراتی کوردستانی ئێران، به‌ بۆنه‌ی کۆتایی هاتنی پلینۆمی پانزه‌هه‌م
کوردستان میدیا: به‌بۆنه‌ی کۆتایی هاتنی ١٥مین پلینۆمی حیزبی دێمۆکراتی کوردستان، ده‌فته‌ری سیاسیی راگه‌یه‌ندراوێک بڵاو ده‌کاته‌وه.


ده‌قی راگه‌یه‌نراوه‌که‌ به‌م چه‌شنه‌یه:


بۆ ئاگاداری هه‌موو لایه‌ک راده‌گه‌یه‌نین که‌ پانزه‌هه‌مین پلینۆمی کۆمیته‌ی ناوه‌ندیی حیزبی دێمۆکراتی کوردستانی ئێران، هه‌ڵبژێردراوی کۆنگره‌ی چوارده‌هه‌می حیزب به‌ به‌شداریی ئه‌ندامانی ئه‌سڵی، جێگران‌ و موشاویرانی کۆمیته‌ی ناوه‌ندی پێکهات ‌و پاش ٣ رۆژ کاری به‌رده‌وام ‌و چڕوپڕ کۆتایی به‌ کاره‌کانی هێنا.


پلینۆم کاتژمێر ٠٩:٣٠ـی رۆژی دووشه‌ممه‌ رێکه‌وتی ٣ی ره‌زبه‌ری ١٣٩١ی هه‌تاوی به‌رانبه‌ر به‌ ٢٤ی سیپتامبری ٢٠١٢ی زایینی، به‌ راگرتنی خوله‌کێک بێ‌ده‌نگی بۆ رێزگرتن له‌ گیانی پاکی شه‌هیدان ده‌ستی پێکرد.


له‌ سه‌ره‌تای کاری پلینۆمدا به‌ڕێز مسته‌فا هیجری، سکرتێری گشتیی حیزبی دێمۆکراتی کوردستانی ئێران، وێڕای به‌خێرهاتنی ئه‌ندامانی به‌ڕێوه‌به‌رایه‌تیی حیزب به‌رنامه ‌و ده‌ستووری کاری پلینۆمی که‌ راپۆرتی کۆمیته‌ی ئاماده‌کردنی کۆنگره‌ی ١٥ی حیزب‌ و راپۆرتی سیاسی ‌و کاریی کۆمیته‌ی ناوه‌ندی ‌و گه‌ڵاڵه‌ی به‌رنامه ‌و پێڕه‌وی نێوخۆی حیزب بۆ کۆنگره‌ی پانزه‌هه‌می حیزبی له‌خۆ گرتبوو، راگه‌یاند.


له‌ چوارچێوه‌ی ئه‌و به‌رنامه‌ کار‌یه‌دا به‌ڕێز حه‌سه‌ن شه‌ره‌فی جێگری سکرتێری گشتیی حیزب، راپۆرتی کاری کۆمیته‌ی ئاماده‌ کردنی کۆنگره‌ی پانزه‌هه‌می حیزب له‌سه‌ر بڕیارات ‌و شێوه‌ی به‌ڕێوه‌چوونی کۆنفرانسه‌کان له‌ وڵاتانی ده‌ره‌وه ‌و ئه‌ندامان، کادر و پێشمه‌رگه‌کانی حیزب‌ و ئاکامی ئه‌و کۆنفرانسانه‌ی به‌ ئاگاداری به‌شدارانی پلینۆم گه‌یاند.


پاشان راپۆرتی کۆمیته‌ی ناوه‌ندی که‌ وه‌زعی نێونه‌ته‌وه‌یی، ئاڵۆزی ‌و قه‌یرانه‌کان ‌و به‌ره‌و چه‌ند جه‌مسه‌ری ئابووری ‌و سیاسی چوونی جیهان ‌و وه‌زعی ناوچه‌ی رۆژهه‌لاتی نێوه‌ڕاست ‌و سه‌رهه‌ڵدانه‌کانی خه‌ڵکی به‌شێک له‌ وڵاتانی ئه‌م ناوچه‌یه‌ ‌و شوێندانه‌رییان له‌سه‌ر وه‌زعی ئێران له‌ خۆ گرتبوو، خرایه‌ به‌ر باس. هه‌روه‌ها له‌و راپۆرته‌دا وه‌زعی گشتیی ئێران له‌ باری سیاسی، ئابووری، کۆمه‌ڵایه‌تی، فه‌رهه‌نگی ‌و ئه‌و هه‌لومه‌رجه‌ ناله‌باره‌ی که‌ رێژیمی کۆماری ئیسلامی له‌ هه‌موو بواره‌کاندا بۆ خه‌ڵکی ئێرانی پێکهێناوه‌‌ و ئه‌و که‌لێنه‌ که‌ که‌وتۆته‌ نێوان رێژیم ‌و دونیای ده‌ره‌وه‌ به‌ وردی‌ و به‌ شێوه‌یه‌کی واقیعبینانه‌ خرابوونه‌ به‌ر چاوی به‌شدارانی پلینۆم.


وه‌زعی کورد له‌ هه‌موو پارچه‌کانی کوردستان ‌و به‌تایبه‌تی نه‌ته‌وه‌ی کورد له‌ ئێران‌ و خۆڕاگری‌ و خه‌باتی ئه‌و نه‌ته‌وه‌یه‌ به‌ ئاماژه‌ به‌ لایه‌نه‌ جۆراوجۆره‌کان‌ و ئه‌رکی کورد له‌و هه‌لومه‌رجه‌ ئاسته‌م ‌و پڕ له‌ ئاڵوگۆڕه‌دا به‌ روونی له‌ راپۆرته‌که‌دا ئاماژه‌ پێ‌ کرابوو، له‌ په‌نا ئه‌ویشدا وه‌زعی نه‌ته‌وه‌ ماف پێشێلکراوه‌کانی ئێرانی هه‌رکام به‌ تایبه‌تمه‌ندی خۆیانه‌وه‌ ‌و به‌ راده‌ی شوێندانه‌رییان له‌سه‌ر بزووتنه‌وه‌ی سه‌راسه‌ری ئێران خستبووه‌ به‌ر باس‌ و لێکدانه‌وه.


هه‌ر له‌ چوارچێوه‌ی ئه‌و باسه‌دا راپۆرته‌که‌ گرینگی تایبه‌تی دابوو به‌ کۆنگره‌ی نه‌ته‌وه‌کانی ئێرانی فیدراڵ ‌و به‌هێزتر کردن ‌و شوێندانه‌رتر بوونی ئه‌و کۆنگره‌یه‌ی به‌ پێویستییه‌کی به‌رچاو له‌ ره‌وتی خه‌بات بۆ دابین بوونی مافه‌ نه‌ته‌وایه‌تییه‌کانی هه‌ر کام له‌و نه‌ته‌وانه‌ له‌ ئێراندا زانی بوو.


راپۆرتی کۆمیته‌ی ناوه‌ندی ئاوڕی له‌ هێزه‌ سیاسییه‌کانی ئوپوزیسیونی ئێرانی دابووه‌وه‌ ‌و ئاماژه‌ی به‌ روانگه‌ ‌و بۆچوونی هه‌رکام له‌و هێزانه‌ کردبوو. له‌و پێوه‌ندییه‌دا هاوکاری‌ و یه‌کگرتوویی هێزه‌ سیاسییه‌کانی ئێرانی به‌ مه‌رجی سه‌رکه‌وتن به‌سه‌ر رێژیمی کۆماری ئیسلامی ئێراندا ده‌ستنیشان کردبوو که‌ پێویسته‌ هه‌وڵی جیددی بۆ بدرێ‌.


له‌ به‌شی کار ‌و تێکۆشانی حیزبی دێمۆکراتی کوردستانی ئێراندا راپۆرته‌که‌ ئاماژه‌ی به‌ رێککه‌وتننامه‌ی حیزب ‌و کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران کردبو‌و و ئه‌و هه‌نگاوه‌ی به‌ کرده‌وه‌یه‌ک له‌پێناو یه‌کریزی هێزه‌ سیاسییه‌کانی کوردستانی ئێران زانیبوو. هه‌روه‌ها راپۆرته‌که‌ به‌ بایه‌خه‌وه‌ سه‌یری بڕیاری حیزب له‌ پێوه‌ندی له‌گه‌ڵ هه‌نگاونان به‌ره‌‌و دیالوگ‌ و دانیشتن له‌گه‌ڵ ئه‌و هاوڕێیانه‌ کرد بوو که‌ ٦ سال له‌ مه‌وبه‌ر له‌ حیزبی دێمۆکراتی کوردستان جیابوونه‌وه‌ ‌و درێژه‌ی دیالوگی به‌ مه‌به‌ستی لابردنی له‌مپه‌ره‌کانی له‌سه‌ر رێگای یه‌کڕیزی به‌ پێویست زانیبو.


هه‌ر له‌ به‌شی کار ‌و تێکۆشانی حیزب له‌ نێوان دوو کۆنگره‌ی چوارده‌ ‌و پازده‌دا کار ‌و چالاکییه‌کانی هه‌ر ئۆرگانێکی حیزبی به‌ چاوێکی ره‌خنه‌گرانه‌‌ و له‌ هه‌مانکاتدا واقیعبینانه‌وه‌ خستبووه‌ به‌رباس‌ و رێکاری له‌ نێوبردنی که‌موکۆڕییه‌کان ‌و به‌ره‌وپێشچوونی کاری ئۆرگانه‌کانی حیزبی ده‌ست نیشان کردبوو.


گه‌ڵاڵه‌ی راپۆرتی کومیته‌ی ناوه‌ندی بۆ کۆنگره‌ی پازده‌یه‌می حیزب له‌لایه‌ن به‌شدارانی پلینۆمه‌وه‌ به‌ وردی ‌و بابه‌ت به‌ بابه‌ت باسیان له‌سه‌ر کرا ‌و به‌شدارانی پلینۆم را ‌و بۆچوونی خۆیان سه‌باره‌ت به‌ هه‌ر مه‌سه‌له‌یه‌ک ده‌ربڕی ‌و پاش له‌به‌رچاوگرتنی تێبینییه‌کان ‌و ده‌وڵه‌مه‌ندتر بوونی راپۆرته‌که‌ له‌لایه‌ن به‌شدارانی پلینۆمه‌وه‌ بۆ پێشکه‌ش کردنی به‌ کۆنگره‌ پانزه‌ی حیزب په‌سند کرا.


به‌ دوای په‌سند کرانی راپۆرتی کۆمیته‌ی ناوه‌ندی به‌شدارانی پلینۆم گه‌ڵاڵه‌ی به‌رنامه‌ ‌و پێڕه‌وی نێوخۆی حیزب‌ و ئه‌و ده‌سکاری‌ و ئاڵوگۆڕانه‌ی که‌ تێیدا پێکهاتبوون خسته‌ به‌رباس ‌و را و بۆچوونی به‌شدارانی له‌ پێوه‌ندی له‌گه‌ڵ هه‌ر کام له‌ به‌شه‌کاندا وه‌رگرت. ئه‌م گه‌ڵاڵه‌یه‌ پاش گونجاندنی تێ‌بینی‌ و بۆچوونه‌کان له‌ لایه‌ن به‌شدارانی پلینۆم بۆ پێشکه‌ش کردن به‌ کۆنگره‌ی پانزه‌هه‌می حیزب په‌سند کرا.


پانزده‌هه‌مین پلینۆمی کومیه‌تی ناوه‌ندی پاش سێ‌ رۆژ کاری به‌رده‌وام ئێواره‌ی رۆژی چوارشه‌ممه‌ ٥ی ره‌زبه‌ری ١٣٩١ی هه‌تاوی به‌رانبه‌ر به‌ ٢٦ی سپتامبری ٢٠١٢ی زایینی کۆتایی به‌ کاره‌کانی هێنا.


حیزبی دێمۆکراتی کوردستانی ئێران
ده‌فته‌ری سیاسی
٦ره‌زبه‌ری ١٣٩١ی هه‌تاوی
٢٧ی سپتامبری ٢٠١٢ی زایینی

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.