• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ئوتی ٢٠١٧ی زایینی - ٢٩ی گەلاوێژی ١٣٩٦ی هەتاوی  

دەسەڵات و کورسی کوشتن لە دەوڵەتی ڕۆحانی بەر کێ دەکەوێت؟

زایینی: ١١-٠٨-٢٠١٧ - هەتاوی: ١٣٩٦/٠٥/٢٠ - ١٢:٥١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
دەسەڵات و کورسی کوشتن لە دەوڵەتی ڕۆحانی بەر کێ دەکەوێت؟
کوردستان میدیا: عەلیڕەزا ئاوایی، یەکێک لە بەرپرسانی ڕێژیمە کە لە ئێعدامەکانی ساڵی ١٣٦٧ی هەتاوی دەستی هەبووە و لەلایەن ڕۆحانییەوە وەکوو وەزیری دادگوستەری پێشنیار کراوە و بڕیارە ئەم پۆستەی پێ بدرێت.

مستەفا پوور محەممەدی، وەزیری پێشووی دادگوستەری لە دەوڵەتی ڕۆحانی کە یەکێک لە بکوژان و سەرکوتکەرانی باڵای ڕێژیم، پاش ئەوەیکە ئەو پۆستەی پێبڕا لەلایەن لایەنگرانی ڕۆحانییەوە بانگەشەی ئەوە دەکرا، کە ئەم کەسە بە پێشنیاری هێزی دادوەری هەڵبژێردراوە و لەم کارەدا ڕۆحانی هیچ هەڵەیەکی نەکردووە، بەڵام ڕاستییەکە ئەوەیە کە ڕۆحانیش خۆی لە هەڵبژاردنی ئەو کەسە ناڕەزایەتی دەرنەبڕیوە.

ئەم شێوازە هەڵبژاردنانە لە سیستمی ڕێژیمدا شتێکی تازە نییە، هەروەک لە سەردەمی خاتەمیشدا بۆ هەڵبژاردنی وەزیری ئیتلاعات بە پێشنیار کردنی ١٤ کەس لە کۆتاییدا "دۆری نەجەفئابادی" لەلایەن خامنەییەوە بە زۆر لەو پۆستە دانرا، نموونەیەکی بەرچاوی هەڵبژاردنی وەزیران لە ئێرانە.

ئەو کەسانەی کە پێشتر "کەمپەینی وەلانانی پوورمحەممەدی"یان ڕێک خستبوو، پێشوازی لە هەڵبژاردنی "عەلیڕەزا ئاوایی" دەکەن، لەحاڵێکدا ئەم مۆرەی ڕێژیمیش بۆخۆی ڕێبوارێکی ملکەچی ڕێبازەکەی پوور محەممەدییە.

عەلیڕەزا ئاوایی خەڵکی دزفوولە کە لە سەرەتای هاتنە سەرکاری ڕێژیمەوە فەرماندەی سپا بووە و دواتر بە بڕوانامەی ساختە لە "هێزی دادوەری" پۆستی قەزایی وەرگرتووە، لە ساڵی ١٣٦٠ی هەتاوی،٦٠ کەسی بێ‌تاوانی عەرەبی خووزستانی بە تۆمەتی "جیاییخواز" لە گرتووخانەی یۆنسکۆ پاش ئەشکەنجە و ئازارێکی زۆر، ئێعدام کرد.

هەروەها ئەم کەسە لە کوردستانیش هەتا ساڵی ١٣٦٥ی هەتاوی پۆستی دادستانی هەبووە و لەم ماوەدا سەدان کەسی بێ‌تاوانی ئێعدام کردووە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٦ لەم ژمارەیەدا:

ــ کوردی نوێنەر، نوێنەری کورد
ــ دۆستی خەباتێک
ــ پیلانی دابڕان لە زمانی کوردی پـــــووچـــەڵــە!
ــ گشتپرسی بۆ سەربەخۆیی لە باشووری کوردستان لە نێوان
دوو هێزی ناسیۆنالیستیی "ناوەندگەرا" و " ناوەندڕەتێن"