کوردستان میدیا

ماڵپەڕی ناوەندیی حیزبی دێموکراتی کوردستانی ئێران

کۆمەڵێک له چالاکانی سیاسی-مەدەنی کرماشان بە بۆنەی شەهیدبوونی ٢ پێشمەرگەی قارەمانی حیزب پەیامی هاوخەمییان بۆ حیزبی دێموکرات نارد

17:24 - 20 گەلاوێژ 2717

کوردستان میدیا: کۆمەڵێک له چالاکانی سیاسی-مەدەنی کرماشان له پەیامێکدا هاوخەمی خۆیان لەگەڵ حیزبی دێموکراتی کوردستانی ئێران، به بۆنەی شەهیدبوونی ٢ پێشمەرگەی حیزبی دێموکرات که له شەڕ و تێکهەڵچوون لەگەڵ هێزه تێرۆریستییەکانی ڕێژیمی ئیسلامی تێکەڵ بە کاروانی شەهیدان بوون، دەربڕی.

دەقی پەیامەکە بەم چەشنەیە:

وە ناو بەرزناو شەهیدەیل وڵاتمان


وە داخەو جارێگتر خەوەر گیان لە دەس داین بەشێگتر لە ڕێوارەیل ڕێ ئازادی وڵاتمان ڕەسییە پێمان، وەی بوونەوە ئیمە ئەندامەیل تەشکیلات نهێنی حزب دموکرات کوردستان ئێران لە شار کرماشان، پرسە و سەرەخوەشی خوەمان ئاراستەی بنەماڵەی قەدردار شەهیدەیل نوومان، کادر و پێشمەرگەیل قارەمان و مەردممان لە ڕۆژهەڵات کوردستان کەیمن.

رژیم ترۆریست‌پەروەر پەت و سێدارەی ئسڵامی ساڵەیل ساڵە ک جوور پشتیوان سەرەکی ترۆر لە جەهان وە گشتی و خوەرهەڵات ناوین وە تایبەت چاڵاکی کەیدن و هە ئیجوورەیش لە ناو ئێران گشت هاز خوەی ئڕای نابوود کردن نەتەوەی کورد و باقی ئازادی‌خوازەیل ئێران خستیەسه گڕ. لەی هەل و مەرجە، ڕۆژهەڵات وڵاتمان جارێگتر وە پێشەنگی حزب دموکرات کوردستان ئێران هەڵسایەسە پا و وە گشت هاز و تەوان خوەی ئڕای وەرگیری کردن لە شرافەت و ماف ئنسانی نەتەوەی کورد و هە ئیجوورەیش نواگرتن لە تاویان و ئاسیمیلاسیۆن فەرهەنگیێگ ک ساڵەیل ساڵە حوکوومەتەیل ناوەندی ئێران دژ وە نەتەوەیل غەیر فارس نیشتەجی ئی ساختار سیاسییە وە ڕێیەو بەنەی پا ناسە ناو مەیدان خەبات و بەرخۆدان و ڕۊ وە ڕۊ بین وەگەرد ئی جنایەتکارەیل و دژبەرەیل ئنسانییەتە.

بایەس بزانیم ک ئی ڕێیە ڕێیگ ڕاحەت نیە و بێ پشتیوانی مەردوممان و بەرخۆدان قارەمانانەی پێشمەرگەیلمان نیەتۊەنیم وە ئامانج سەرەکی و وەرچەومان ک ڕەسین وە ئازادی و ماف ئنسانی دیاری کریای هەر نەتەوەیگە بڕەسیمن. هە ئەوجوورە ک ڕێبەر گەورامان دوکتۆر قاسملوو وەت: گیان‌بازی پێشمەرگەیل قارەمانمان و ڕشیان خۊنێیان لە مەیدان خەبات هەزینەیلێگن ک ئڕاێ وە دەس هاوردن ئازادی نەتەوەی کورد بایەد بیەیمن، هەر وە ئیره لە گشت هاووڵاتیەیل و شێرە‌کوڕەیل و شێرە دۊیەتەیل وڵاتمان وە تایبەت کوڕەیل و دۊیەتەیل کرماشان و ئیلام و لوڕستان لە گووران و جاف و کەڵهوڕ تا هەورام لەک و لوڕ و سنجاوی و قەڵخانی و زنگنە و فەیلی و ... داوا کەیمن ک بانە ڕێز پێشمەرگەیل و ئەندامەیل تەشکیلات حزب دموکرات کوردستان ئێران تا گشتمان وە یەکەو و دەس لە ناو دەس یەک، وڵات داگیرکریایمان لە چنگ ئی خۊن‌خوەرەیلە ڕزگار بکەیم و ئڕای هەمیشە وە بن‌دەستی نەتەوەمان لە ئی بەش وڵات لەت‌لەت کریایمانە کووتایی باریمن.

ئیمە ئەندامەیل تەشکیلات نهێنی حزب دموکرات کوردستان ئێران لە شار کرماشان جارێگتر پەیمان خوەمان وەگەرد حزب دموکرات کوردستان و شەهیدەیلمان نووەو کەیمن و دڵنیادان کەیمن ک خۊن هاوڕێیەیل شەهیدمان لە ویر نیەوەیمن و تا ئاخرین هەناسەمان دەس له خەبات و تێکووشان هیز نیەیمن.

هەر بژی کورد
هەر بژی کوردستان
هەر بژی ڕاسان
هەر بژی حزب دموکرات کوردستان ئێران

ئەندامەیل تەشکیلات نهێنی حزب دموکرات کوردستان ئێران لە شار کرماشان