• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ئوتی ٢٠١٧ی زایینی - ٢٩ی گەلاوێژی ١٣٩٦ی هەتاوی  

دەوڵەت پوڵی وەرزێڕانی کوردستان نادات

زایینی: ١٢-٠٨-٢٠١٧ - هەتاوی: ١٣٩٦/٠٥/٢١ - ١٣:٢٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
دەوڵەت پوڵی وەرزێڕانی کوردستان نادات
کوردستان میدیا: دوای تێپەربوونی زیاتر لە ٤٠ ڕۆژ بە سەر ڕادەست کردنەوەی گەنم لەلایەن وەرزێڕانی کوردستانەوە بە دەوڵەت تا ئێستا هیچ پوڵێکیان وەرنەگرتووە.

بە پێی هەواڵی گەیشتوو بە ماڵپەڕی کوردستان میدیا؛ نوێنەری وەرزێڕانی پارێزگای سنە لە شۆرای ناوەندی ماڵی جوتیار لە وتووێژێکدا لەگەڵ هەواڵدەریی حکوومەتی "مێهر" وێڕای رەخنەی تووند لە کارکردی دەوڵەت لەهەمبەر نەدانی پارەی وەرزێڕانی کورد ڕایگەیاند : ٤٠ ڕۆژە وەرزێڕان گەنمەکانیان ڕادەستی دەوڵەت کردووە بەڵام تا ئێستا هیچ پوڵێکان وەرنەگرتووە.

حەسەن محەمەدی وێڕای رەخنەی تووند لە کارکردی دەوڵەت سەبارەت بە پێڕانەگەیشتن بە بارودۆخی وەرزێڕان ڕایگەیاندووە: بەداخەوە دەوڵەت بیر لە وەرزێڕان ناکاتەوە؛ لە ساڵانی ڕابردووشدا داخوازییەکانی وەرزێڕانی پشت گوێ خستووە و ئەمساڵیش هیچ هەنگاوێکی لەو بارەوە هەڵنەگرتووە.

وتیشی: وەرزێڕان ساڵی پێشوو دەوروبەری٨٦٠هەزارتۆن گەنمیان ڕادەستی سایلۆکانی دەوڵەت کردووە بەڵام ئەمساڵ پێشبینی دەکڕێ ئەو بڕە ٤٠٠هەزار تۆن بێت.

ئەوەش لەحاڵێکدایە کە ڕاویژکاری وەزیری کشت وکاڵ ماوەیەک پیش ئێستا رایگەیاندبوو لە ساڵی ٩٦دا ئێران پێویستی بە هاوردەکردنی گەنم لەدەرەوە نابێت.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٦ لەم ژمارەیەدا:

ــ کوردی نوێنەر، نوێنەری کورد
ــ دۆستی خەباتێک
ــ پیلانی دابڕان لە زمانی کوردی پـــــووچـــەڵــە!
ــ گشتپرسی بۆ سەربەخۆیی لە باشووری کوردستان لە نێوان
دوو هێزی ناسیۆنالیستیی "ناوەندگەرا" و " ناوەندڕەتێن"