• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی فێڤریەی ٢٠١٨ی زایینی - ٠٣ی رەشەمەی ١٣٩٦ی هەتاوی  

روانگەی تەناهیی کۆماری ئیسلامی و شەڕی نەرم لە دژی کوردستان

زایینی: ٢٢-٠٨-٢٠١٧ - هەتاوی: ١٣٩٦/٠٥/٣١ - ٢١:٠٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
روانگەی تەناهیی کۆماری ئیسلامی و شەڕی نەرم لە دژی کوردستان
ئاگری ئیسماعیل نژاد

روانگەی تەناهیی کۆماری ئیسلامی لە کوردستان


رۆژی ٢٧ی پوشپەری ١٣٩٦ رۆژنامەی کیهان ، کە لە راستییدا زمانحالی بنەماڵەی خامنەییە، لە وتارێکدا لە ژێر سەردێڕی " همەپرسی موزائیکی را نمی‌پذیریم"؛ وێڕای شڕۆڤە لەسەر گشت‌پرسی سێی رەزبەری ١٣٩٦ کە بڕیارە لە باشووری کوردستان بەڕێوە بچێت، چەند ڕوانگەیەکی ئەمنی نێوخۆیی رێژیمی لە پەیوەندی لەگەڵ کوردستان ئاشکرا کرد، ئەگەر بمانەوێت بەپێی کۆی ئەو قسە و بابەتگەلەی لە زاری بەرپرسانی ڕێژیم یان راگەیاندنەکانی ڕێژیم لەسەر کوردستان بڵاودەبێتەوە، ڕوانگەی تەناهی ڕێژیم لە سەر کوردستان گردکۆ بکەین دەکرێت بڵێین: لە دوو ئاستدا ڕێژیم روانگەی درێژخایەنی تەناهی لە سەر کوردستان هەیە:
١: رۆژهەڵاتی کوردستان وەک بەشێک لە جوغرافیای ژێر دەسەڵاتی کۆماری ئیسلامی، خاڵی لاوازی ئەمنییەتی کۆماری ئیسلامییە، بە دوو هۆکاری سەرەکی:
ئا: کۆماری ئیسلامی وەک دەسەڵاتێکی تۆتالیتێر نەیتوانیوە و ناتوانێت، سیاسەتی تۆتالیتێری کۆمەڵایەتی ، فەرهەنگی خۆی لە کوردستان دابەزێنێ و ناچارە بەردەوام لە کوردستان سیاسەتی رەگەزپەرستانەی کۆمەڵایەتی، فەرهەنگی خۆی کورت ببرێتەوە.

بێ: لە رۆژهەڵاتی کوردستان لانیکەم لە ٩٢ ساڵی ڕابردوودا و پاش سەرهەڵدانی بیر و هەوڵی دەوڵەت_نەتەوە، لە چوارچێوەی جوگرافیای ئێراندا بەردەوام رەوتێکی شۆڕشگێڕ هەبووە و هەیە، ئاراستەی ئەو ڕەوتە داکۆکیکردن لە مافی نەتەوەی کوردە، کە بە دیوێکی تریدا دەبێتە بەرەوڕووبونەوە لەگەڵ پڕۆژەی نەتەوە_دەوڵەتی، نەتەوەی فارس.

٢: پرسی کورد لە ناوچەی رۆژهەڵاتی‌ نێوەڕاست بە دوو هۆکار خاڵی لاوازی سەر تەناهیی کۆماری ئیسلامییە:
ئا: پرسی کورد لە هەموو پارچەکانی کوردستان لەسەر بناغەی بەشداری هاوشان لە دەسەڵات و بەرێوەبەریی وڵات دامەزراوە، دیوێکی ئەو باسە واتە پرسی کورد لە نێوەرۆکی خۆیدا دەستەبەری دێمۆکراسی دەکات و ڕێژیمی کۆماری ئیسلامیش دێمۆکراسی لە ناوچەی رۆژهەڵاتی‌ نێوەراست بە مەترسی لەسەر کیانی سیاسی خۆی دەزانێت.

بێ: بێگومان هەر چەشنە پێشوەچوونێک لە پرسی کورد لە پارچەکانی تری کوردستان ڕاستەوخۆ کارتێکەری لەسەر پرسی کوردی رۆژهەڵات دادەنێت و دەکرێت وەک پشتیوان و تەنانەت هێزێکی دنەدەری بزاڤی رۆژهەڵاتی کوردستان سەیری بکرێت.

کاتێک روانگەی تەناهیی کۆماری ئیسلامی لەسەر پرسی کورد، لەگەڵ قەیرانی ئاو لە رۆژهەڵاتی ‌نێوەراست (کوردستان وەک تەنیا ناوەندی رۆژهەڵاتی ‌نێوەراست کە خاوەنی ئاوە) و ستراتێژی هیلال یان پشتوێنەی شێعە هاوکات دەبێت، کۆی ئەو باسانە دەبن بە هۆکارگەلێک کە شڕۆڤەکارانی بنەماڵەی خامنەییە بڵێن:"باکووری رۆژئاوای وڵات، بۆ چل ساڵی داهاتوو خاڵی لاوازی تەناهی ئێمەیە" .

کەوایە لە ستراتێژی تەناهیی ڕێژیمدا، کوردستان مەترسی گەورەیە بۆ سەر، شێوەی دەسەڵاتداریی کۆماری ئیسلامی، پرۆژەی نەتەوە_دەوڵەتی فارس، قووڵبوونەوەی قەیرانی ئاو لە ئێران و ستڕاتێژی پشتوێنەی شێعە لە ناوچەکەدا کە خەونی هاوبەشی ناسیونالیزمی فارسی و شێعەگەری ئێرانییە، هەر بۆیەش شڕۆڤەکارەکەی سپا و بنەماڵەی خامنەیی بە سیلە دەڵێن ٤٠ ساڵی داهاتوو ٤٠ ساڵی رووبەرووبونەوەی کوردستان لەگەڵ دەزگا ئەمنی و سەرکوتکەرەکانی ڕێژیمی کۆماری ئیسلامییە.

بەشی دووهەم:

شەڕی نەرمی کۆماری ئیسلامی لە کوردستان


ئەگەر پێناسەی تەناهی بەخشین بە کۆی رووداوەکانی کوردستان چ لە ئاستی رۆژهەڵات و چ لە ئاستی دەرەوەی رۆژهەڵات لە لایەن کۆماری ئیسلامییەوە، لە تەنیشت باسێک بەناوی" شەڕی نەرم" دابندرێت، بە روونی بۆمان ئاشکرا دەبێت کە بەستێن و بوارەکانی رووبەڕووبونەوەی کۆماری ئیسلامی لەگەڵ کوردستان تەنیا چەک و سەرکوتی ڕەق نییە، بەڵکوو لە بواری تر و بەستێنی جیاوازدا ئەو سەرکوت و دژایەتی کردنە خۆی دەگۆڕێ و بەپێی مەبەست بەڵام لە پێناو یەک ئاکام‌دا و بە شێوازی جیاواز کوردستان لەلایەن کۆماری ئیسلامییەوە وەک ڕێژیمێکی تۆتالیتێر و بە تەواوی باڵ و لایەنەی سیاسی و دەسەڵات و توانایی مرۆڤی و ئابوورییەوە، دەکرێت، بەچەقی خۆتاقیکردنەوەی دەزگا داپڵۆسێنەرەکانی ڕێژیم، هەم وەک سەرکوتی ڕەق و هەم وەک سەرکوت و شەڕی نەرم ڕێژیم هەوڵ بۆ داپڵۆسین و لەنێوبردنی کوردستان دەدات.

لێرەدا هەر وەک ئاماژە، بۆ روونبوونەوەی بەشێک لە شەڕی نەرمی ڕێژیم لە دژی کوردستان دەکرێت، باس لە "ئەرتەشی سایبێری" کۆماری ئیسلامی بکەین ، دیارە ستڕاتێژی یەکەمی ئەو "ئەرتەش"ە تێکدان و هێرش کردنە سەر بنیاتە کۆمپیوتێرییەکانی وڵاتانی جیهانە، و بەپێی ڕاگەیاندنی خۆیان هەتا ئێستا چەندین هێرشیان کردۆتە سەر بنیات و دامەزراوە کۆمپیوتێرییەکانی وڵاتانی جیهان کە لەوانە دەکرێت، هێرش بۆ سەر ماڵپەری تویتێر ، هەک کردنی ماڵپەری بەناوبانگی بایدۆ کە گەورەترین پشکێنەری ئینتێرنێتی وڵاتی چینە و... ناو بێنین.

ستڕاتێژی دووهەم کە "ئەرتەشی سایبێری ئێران"، پێرەوی دەکات هێرش کردنە سەر بنیاتە کامپیوتێری و ئینتێرنێتییەکانی ئۆپۆزیسیونی ئێرانە و رەنگە خاڵی جێگای ئاماژە لێرەدا ئەوە بێت، کە راگەیاندنی ناوی "ئەرتەشی سایبێری ئێران"، هاوکات بوو لەگەڵ رووداوەکانی پاش هەڵبژاردنی ساڵی ١٣٨٨، ئەوەش لە کاتێکدابوو کە پێشتر و لە ساڵی ١٣٨٤وە ئەو "ئەرتەشە" بە نهێنی لەلایەن سپای پاسدارانەوە دامەزرابوو.

لە بواری بەرەوڕووبونەوە لەگەڵ ئۆپۆزیسیون یەكێک لە ئۆرگانەکانی ئەو "ئەرتەشە" ، "رێکخراوی ئاراستەکردنی زانیاریی"ە، روونە لە سەردەمی زانیاریدا ، لەگەڵ ئەوەیکە سەرچاوە بۆ وەرگرتنی زانیاری یەکجار زۆرە ، بەڵام هەر زۆربوونی ئەو سەرچاوانە و رێژەی ئەو زانیارییانە وای کردووە، جۆرێک ئاڵۆزی زانیاری بخوڵقێت ، بەومانایە کە زۆری سەرچاوە نەبۆتە هۆی ئەوەیکە ئاستی درووستی زانیاری بچێتە سەرێ و بەرچاوڕوونی زیاد بکات، بەڵکوو زیاتر بۆتە هۆی ئەوەیکە گومان و دوودڵی لە نێو بەردەنگدا زیاد بکات، بە جۆرێک کە لە باتی روونبوونەوەی رووداو و بابەتەکانی زیاتر ئاراستەی رووداوەکان بەرو لێڵی و ناروونی رۆییوە و لەم نێوانەدا ڕێژیم ئەو تایبەتمەندییەی "سەردەمی زانیاری" کە بەردەنگ بەرەوڕووی "کەڵەکەبوونی" زانیاریی و رووداوەکان دەکات، وەک ئامێرێک بۆ دژایەتی فەلسەفەی بوونی زانیاری بەکار دێنێت.

بۆ روونبوونەوەی زیاتر دەبێت بڵێین بەردەنگ بێ دڵخوازی خۆی و تەنانەت لەگەڵ ئەوەی رەنگە رێژەی ئەو زمانانەی کە شارەزایی تێدا هەیە، یەک یان دوو زمان بێت، بەڵام چونکە تایبەتمەندی "سەردەمی زانیاری" ئەوەیە کە زانیاری سنوورە جوغرافیایی و زمانییەکان دەبڕێ، لێرەدا بەردەنگ تووشی کەڵەکەبوونی زانیاری دەبێت و بێ ئەوەی خۆی خوازیاری بێت ، ئەو کەڵەکەبوونەش دەرفەتی ئەوە دەخوڵقێنێ کە لە دەرەوەی ئیرادەی بەردەنگ زانیاری هەڵە و جۆراجۆر و تەنانەت ناپێویست دەرخواردی بدرێت؛ بەو شێوەیە کە دەکرێت بڵێین زانیاری هروژم بۆ بەردەنگ دێنێ.

هروژمی زانیاری و کەڵەکە بوونی زانیاری وای کردووە کە بەردەنگ زۆر خۆی بە زانیارییەوە ماندوو نەکات، یان باشترە بڵێم دەرەقەتی ئەوە نەیەت کە بزانێ کام زانیاری ڕاستە و کامەیان هەڵەیە و ئەوەش بۆ ڕێژیمی وەک کۆماری ئیسلامی دەرفەتی خوڵقاندووە، کە لە رێگای "رێکخراوەگەلی وەک "ئاراستەکردنی زانیاریی" بەردەنگی کۆمەڵگای ئێران تووشی "دیاردەی هروژمی زانیاری" بکات.

دیاردەی هروژمی زانیاری رێک بەپێچەوانەی سانسۆڕ و بڕینی زانیارییە، لە هروژمی زانیاریدا بەردەنگ تووشی رێژەیەکی زۆری زانیاری دێت ، ئەوە هەم جۆرێک کەڵەکە بوونی زانیارییە و هەمیش بەلێشاوبوونی زانیارییە بەو مانایە کە رێژەیەکی زۆر لەو زانیارییەی دەگاتە دەست بەردەنگ هیچ پێویستی نییە و زانین و نەزانینی هیچ کارتێکەرییەکی لەسەر ژیانی نییە، بەڵام ئەو دو دیاردەیە واتە کەڵەکەبوونی زانیاری و بەلێشاوی زانیاری وا دەکات کە بەردەنگ تووشی دوو بابەت دەبێت:

یەکەم: زانیاری پێویست لە نێوزانیاریی ناپێویستدا ون بێت.

دووهەم: تێکەڵبوونی سنووری زانیاریی دروست و نادرووست روو دەدا و بەردەنگ بە ئاسانی ناتوانێ سنووری نێوان راست و درۆ لێک کاتەوە و بۆ لێک کردنەوەی ئەو سنوورە پێویستی بە شارەزایی زۆر هەیە، بۆیەش ئاستی ناروونی زیاد دەکات و بەردەنگ تووشی گومان و دوودڵی دەبێت.

کۆی ئەو بابەتە وادەکات کە کۆمەڵگا هەم لە ئاستی کۆمەڵایەتی و هەم لە ئاستی تاک وەک بەردەنگ یان بەسەر زانیاریدا تێپەرێت بەو مانایەی کە زانیاری و رووداوەکان کارتێکەری دەروونی لەسەر نەکات و نەبێتە هۆی ئەوە هەڵوێستی ئاراستەدار بکات، یان ئەوەی لە نێوان گومان و دڵنیاییدا بمێنێتەوە و باوەری بە زانیاری نەمێنێ؛ کە هەردووک حاڵەت دەبێتە هۆی ئەوەی لە کۆمەڵگادا "رای گشتی" سازنەبێت، یان ئەگەریش سازبوو لە کاتی خۆیدا نەتوانێ هەڵوێست بگرێت؛ بەو شێوەیە کۆمەڵگا تووشی جۆرێک لە شەق بوون و لێک جیابوون و هەڵاوارن و ناکۆکی دەبێت. دیارە ئامانجی سەرەکی "رێکخراوەی ئاراستەکردنی زانیاریش" رێک ئەوەیە کە کۆمەڵگا تووشی قەیران و لێکدابڕان و ناکۆکی بکات و بەر بەوەبگرێت کە ڕای گشتی لەسەر بابەتێک مکوڕ بێت.

کۆتایی

لە ئێستادا ئەگەر بابەتی روانگەی تەناهیی کۆماری ئیسلامی لەسەر کوردستان و شەڕی نەرم بەتایبەتی دیاردەی هروژمی زانیاری و داسەپاندنی زانیاری بۆ سەر بەردەنگ لە شەڕی نەرمدا، لەبەر چاو بگرێن؛ دەکرێت بڵێین کە ڕێژیمی کۆماری ئیسلامی بۆ سەرخستنی ئامانجەکانی یەكێ لەو چەکانەی لە دژی کوردستان بەکاری دەهێندرێ، هروژم و داسەپاندنی زانیارییە، بەهۆی ئەوەی روانگەی تەناهیی ڕێژیم لەسەر کوردستان روانگەیەکی ستڕاتێژییە، بۆیەش شەڕی نەرمی ڕێژیم لە دژی کوردستان شەڕێکی ستڕاتێژییە و هروژم و داسەپاندنی زانیاری بۆ سەرتاکی کورد و لە کۆمەڵگای کوردستاندا جۆرێکی بەرگ و بەربەرینە ، بەو مانایەی کە ڕێژیم بۆ سەرخستنی ئامانجەکانی خۆی زۆر دەربەستی کات و تەنانەت شێواز نییە، بەڵکوو زیاتر دەیهەوێت، ئەو زانیارییەی کە پێویستێتی جێگیری بکات، بۆ وێنە لەرێگای کەسانی وەک عیرفان قانعی‌فەرد ،هۆشەنگی تاڵع و پیمانی حەریقی .... ، دەیهەوێت ئاڕاستەی مێژوو و رووداوەکانی ڕابردووی کوردستان بگۆرێ، لێرەدا خاڵی گرینگی مەبەست ئەوەیە کە ڕێژیم ئاراستەی مێژووی کوردستان ناگۆڕێت بۆ ئەوەی مێژوو بشێوێنێ، بەڵکوو ئاراستەی مێژوویی دەگۆڕێت بۆ ئەوەی ئێستا و داهاتوو لەسەر بناغەی مێژوویەکی پڕ لە ناڕاستی لێکداتەوە و هاوکات پێوەندی ئێستا و ڕابردوو لێک هەڵپچرێت؛ هەر بۆیەش لە داسەپاندنی زانیاری بەسەر کۆمەڵگای کوردستاندا، نە پێبەندی شێوازێکی تایبەتە و نە زۆریش کاتی بەلاوە گرینگە، ئەگەر سەیری کتێبەکانی هۆشەنگی تالع و قانعی‌فەردیش بکەین رەنگە لە ڕواڵەتی خۆیدا پێچەوانەی یەک بن و یەکتری رەت بکەنەوە، بەڵام بە نێوەڕۆک یەک ئامانج و یەک ئاکامیان هەیە و حاسل و دەرهاوێشتەی یەک ژووری فکرن.

بەکارهێنانی هروژمی زانیاری و داسەپاندنی زانیاری لە کوردستان وەک چەکێک و هەروەها مێتۆدەکانی تری شەڕی نەرم، وای کردووە ڕێژیم، کۆمەڵگای کوردستانی لەگەڵ دوو قەیرانی گەورە رووبەڕوو کرۆتەوە:
یەکەم: سنووری نێوان رەخنە و خیانەت پاک بۆتەوە، پاک بوونەوەی سنووری نێوان ڕەخنە و خیانەت نەتەنیا کۆمەڵگای کوردستانی لەیەک دردۆنگ کردووە، بەڵکوو دۆخێکی خوڵقاندووە کە بەشێکی زۆر لە لێهاتوو و لێزانانی کوردستان بەناچار و بۆ ئەوەی قسەکەیان نەکرێتە بیانوو بۆ هێرش کردنە سەر جوگمە و کۆڵەکەی شۆڕش و کۆمەڵگای کوردستان بێدەنگیان هەڵبژاردووە و بەشێکی تریان بەو دیوی سەربانەکەدا بەربوونەوە و زۆر جار راستەوخۆ و ناراستەخۆ هێرش دەکەنە سەر دابەشکاری "جاش و باش" ، فەلسەفە و بوونی ئەو دابەشکارییە دەبەنە ژێرپرسیارەوە، کە ئەو کارەش لە ناخی خۆیدا زیاتر دەبێتە هۆی ئەوەی گۆڕەپان بۆ کەسانی سەربە ڕێژیم ئاوەڵا بێت، نەک ئەوەی دەرفەت بۆ رەخنەگرانی کوردستان بەرین بێتەوە.
دووهەم: لە ئاستی لایەنگر و ئەندامی حیزبەکانی کوردستان دەکرێت، بڵێین ژمارەیەک لە لایەنگران و ئەندامانی حیزبەکانی کوردستان تووشی جۆرێک تووڕەیی نابەجێ بوون کە ئەو تووڕەییە کارتێکەری لەسەر ڕواڵەتی گشتیی لایەنە سیاسییەکانی کوردستان داناوە و ئەو رواڵەتەی لە کۆمەڵگادا بەرەو ناشیرینی دەبا.

لە کۆتایی‌دا دەبێت بڵێم شەڕی نەرمی کۆماری ئیسلامی لە دژی کوردستان هەڵقوڵاوە لە ستڕاتێژی تەناهی ئەو ڕێژیمە و مێتۆدێکی ستڕاتێژی سەرکوتە و بەردەنگیشی کۆی کۆمەڵگای کوردستانە.

ئامانجی شەڕی نەرمی ڕێژیم مان و نەمانی کۆمەڵگای کوردستان بە هەموو رەهەندەکانیەوەیەتی ئەوان مان و نەمانی ئێمە لە ڕابردوو، ئێستا و داهاتوویان کردووەتە ئامانج و دەیانهەوێت یان بمانسڕنەوە یان ئەوەی کۆمەڵگایەکی دڵخوازی خۆیانمان تێدا بەدی بێنن، بۆیەش بۆ بەرەوڕووبونەوە لەگەڵ ئەو شەڕە دەبێت نەک هەموو لایەنە سیاسییەکانی کوردستان بەڵکوو کەسایەتی و ئەو بەشەی لە چالاکانیش کە خۆیان لە چوارچێوەی رێکخراوەیەکی تایبەتدا نابیننەوە ، ئەوانیش بۆ بەرەوڕووبونەوە لەگەڵ شەڕی نەرمی ڕێژیم قۆڵ هەڵکەن و هاوکات لە بەرەیەک پێكەوە لە دژی ڕاوەستن.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.