• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی فێڤریەی ٢٠١٨ی زایینی - ٠٤ی رەشەمەی ١٣٩٦ی هەتاوی  

خاکی سووتاو وەک تاکتیک یان ستراتێژی؟

زایینی: ٠٦-٠٩-٢٠١٧ - هەتاوی: ١٣٩٦/٠٦/١٥ - ٢١:٣٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
خاکی سووتاو وەک تاکتیک یان ستراتێژی؟
عەلی مونەزەمی

داگیرکەرانی کوردستان لە مێژساڵە بە دژی کورد لەوەیکە لە زانستە سەربازییەکاندا بە تاکتیکی "خاکی سووتاو" دەناسرێ، کەڵک وەردەگرن و بۆ لەنێوبردنی هەموو سەرچاوەکان کە یارمەتیدەری مرۆڤن، بۆ بەردەوامبوون لە ژیان لە کوردستاندا و بۆ لەنێوبردنی هەرچی زووتری ئەو سەرچاوانەش لەگەڵ یەکدا لە پێشبرکێیەکی بێ وێنەدان و پەندو دەرس لە یەکتر وەردەگرن تاکوو هەرچی زیاتر ژیان لە خەڵکی کورد تێک بدەن و کوردستانیان پێ چۆل کەن.

دەوڵەتی تورک ماوەی چەند ڕۆژێک لەمەوبەر لە دەرسیم و دەورووبەری بەبیانووی هەبوونی گریلاکانی پارتی کرێکارانی کوردستان لە نێو دارستاندا، لە چەندین شوێنی جۆراوجۆر ئاوریان لە دارستانەکان بەردا کە ئەو ئاورە بووە هۆی سووتانی رووبەرێکی بەرفراوان لەو دارستانانە لە لایەک و لە مەترسی کەوتن و لە نێوچوونی بەشێک لە سەرچاوەی ژیانی خەڵک و ماڵوێرانی و ئاوارەبوونی خەڵکی بێدەرەتان و لەلایەکی دیکەشەوە، زیان پێگەیشتن بە سروشت و سەرچاوەیەکی بەهێزی ئابووریی کوردستان.

لەم وتارەدا هەوڵ دەدرێت بە کەڵک وەرگرتن لە یەکێک لە تیۆرییەکانی زانستی سەربازی کە بە تاکتیکی "خاکی سووتاو" بەناوبانگە، ئەو کاوڵکارییە وەک نموونە شی کردنەوەی بۆ بکرێ و ئامانجی نامرۆڤانەی دوژمنانی کورد و هەڵسووکەوتیان لە کوردستاندا وەک داگیرکەر بخرێتە بەر چاو و دیدی خوێنەران و پەردە لە سەر ئەو راستییە لابدرێ کە بۆ ئەوان بەکارهێنانی ئەو تاکتیکە بووەتە ستراتێژی و ئامانجیان قڕکردن و ئاوارەکردنی کورد و وێرانکردنی کوردستانە.

پەیڤە سەرەکییەکان کە لەو وتارەدا بە کار دەبردرێن، ئەمانەن: تاکتیک، ستراتێژی، تاکتیکی خاکی سووتاو، داگیرکاری.

• تاکتیک: پڕۆسەی بە ئەنجام گەیاندنی ئەرکێک یان چارەسەرکردنی مەسەلەیەکە لە دەمێکی کورت یان نیوەدرێژدا لە پێناوی ئامانجێکی ستراتێژیی درێژخایەندا.

• ستراتێژی: ستراتێژی کە لە وشەی یوونانی ستراتێژیاوە هاتووە، دێتە مانای پلان یان شێوازی هێرشی بەڕێوەبەری سوپا بۆ سەرکەوتن لە شەڕدا. ستراتێژی تەواوییەتی بەرنامەڕێژی و هەموو کردەوەکان بۆ بەکارهێنانی هەموو ئیمکاناتی لە بەردەستدا بە باشترین شێوە، بۆ بەدەستهێنانی ئامانجێکی دیاریکراو لە خۆی دەگرێتەوە. یانی شیکردنەوەی بیرۆکەکان بۆ گەیشتن بە ئامانج. ستراتێژی لە ڕاستیدا رێگای وەدیهێنانی ئامانجەکانە کە لە سەردەمی ئێستادا بە بەرنامەی درێژخایەنیش دەگوترێ.

• تاکتیکی "خاکی سووتاو": تاکتیکێکی چەکدارییە بۆ لەنێوبردنی هەموو ئەو شتانەی کە دەتوانێ لەلایەن دوژمنەوە بە کار ببردرێ لە کاتێکدا کە لایەنێک بۆخۆی لە حاڵەتی پاشەکشە یان پێشڕەویدا بێ. لە کاتی بەکار هێنانی ئەو تاکتیکەدا هەول دەدرێ کە هەموو کۆگاکانی خواردەمەنی، مەزرا و دەخل و دان، مەڕوماڵات و سەرچاوەکانی سرووشتی، تێکنۆلۆژیی پێوەندیگرتن و هەموو جۆرە کەرەستەیەکی بەرهەمهێنان لە نێو ببردرێ تاکوو دوژمن دەرەتانی بەکار هێنانی نەبێ. ئەو تاکتیکە زۆرتر لە سەر خاکی دوژمن یان لەو بەشە لە وڵاتی خۆیاندا کە مەزندە دەکرێ بکەوێتە دەستی دوژمن، بە کار دەبردرێ. لەو تاکتیکە لە رەوتی مێژوودا زۆر جار کەڵک وەرگیراوە، بەتایبەتی لە سەردەمی شەڕی دووهەمی جیهانیدا کە هەم لەلایەن رووسیە لە ئوکراین بۆ ئەوەیکە ئیمکانات نەکەوێتە بەر دەستی ئەرتەشی نازییەکان و هەم لە باکووری نوروێژ لەلایەن ئەرتەشی نازییەکانەوە بۆ ئەوە کە ئیمکانات نەکەوێتە دەستی ئەرتەشی رووسیە بە کار بردراوە. ئەو یەکە لەلایەن نازییەکان لە ئوکراینیش دووپات کراوەتەوە.
ئەو سیاسەت و تاکتیکانەی کە لە سەرەوەدا ئاماژەیان پێدراوە، لەلایەن هەموو دوژمنانی کوردەوە لە هەموو پارچەکانی کوردستان پەیڕەو کراوە و پەیڕەو دەکرێ. ئەوە لە کاتێکدایە کە وڵاتێکی وەک ئیسرائیل لە یاسای چەکداریی وڵاتەکەیدا لە ساڵی ١٩٩٨ پەسندی کردووە کە نابێ بە هیچ جۆرێک سیاسەتێک یان ستراتێژییەک لەلایەن سوپاکەیەوە پەیڕەو بکرێت کە ببێتە هۆی برسێتی یان ئێش و ژان بۆ خەڵکی سڤیل و هەروەها لە یاسای شەڕ لە ٢٠٠٦ دا نووسراوە کە نابێ بە هیچ شێوەیەک تاکتیکی خاکی سووتاو بە کارببردرێ. ئەوە لە کاتێکدایە کە دەسەڵاتدارانی تورک تەنیا لە کاتی سەرهەڵدانی دەرسیمدا بێجگە لە کاولکاری، دەیان هەزار کوردیان کوشتووە و لەو بارەوە باس لە کوژرانی ١٣ هەزار تا ٧٠ هەزار کەس دەکرێ؛ هەروەها لە دەستپێکی شەڕ لەگەڵ پێ‌کاکا لە ١٩٨٠وە تا ئێستا، بە سەدان گوندی کوردەکان لە کورستانی باکوور خاپوور کراوە و دانیشتوانی بە زۆرەملی کۆچبەر کراون. ئەو سیاسەتەی ئەوان ڕۆژ بە دوای ڕۆژ توند و تیژتر و لە شکڵ و قاڵبی نوێ و لە ڕاستای وێران کردنی سرووشتی کورستان، ئافراندنی ئێش و ژانی زیاتر بۆ گەلی کورد و کوشتن و بڕینی خەڵک دووبارە و چەندبارە دەبێتەوە.

لە قۆناغی نوێی شەڕ لە تورکیە لە نێوان دەوڵەت و پێ‌کاکا کە لە ساڵی ٢٠١٥ەوە دەستی پێکرد، چەندین شار و شارۆچکە و گوند وێران کران و بە هەزاران کەس کوژران و بە سەدان هەزار ئاوارەی لێکەوتەوە و بە هەزاران کەس کەوتنە زیندان و بوونە قوربانی، لە نوێترین نموونەدا ئەو حکوومەتە بە چاولێکەری لە رێژیمی داگیرکەری ئێران، دەستی داوەتەوە سووتاندنی دارستانەکانی کوردستان و بەتایبەتی دارستانەکانی دەوروبەری دەرسیم.

بە گوێرەی ئەو زانیاریانەی کە لە میدیاکاندا باسی لێوە کراوە، دارستانی ١٨ هەرێمی دەرسیم هێشتا بە ئاگر دەسووتێن و کاربەدەستانی دەوڵەتی ئیزن بە خەڵک نادەن کە بەهۆی ئۆپەراسیۆنە سەربازییەکان و هەبوونی مینی چێندراو، ئاورەکە بکوژێننەوە. کۆماری ئیسلامیش چەندین ساڵە و بەتایبەت لەم چەند ساڵەی دواییدا بەبیانووی جۆربەجۆر و بە شێوازی جیاواز دارستان و ژینگەی کوردستان دەداتە بە تۆپباران و ئاگرتێبەردان و رێگە بە خەڵک و رێکخراوی مەدەنیش نادات کە ئاگرکەوتنەوەکان کۆنترۆڵ بکەن و ژینگەی کوردستان لە رق و کینی کۆماری ئیسلامی بپارێزن. ئەو کردەوەی کاربەدەستانی داگیرکەر، لەگەڵ کاروکردەوەی نازییەکانی هیتلێر لە باکووری نوروێژ، زۆر وەک یەک دەچن کە ئەوانیش بە گرتنە پێشی تاکتیکی خاکی سووتاو، لە دوو پارێزگای فینمارک و باکووری تروومس، بە سووتاندنی هەر شتێک کە دەستیان پێراگەیشت، لە ماوەیەکی کورتدا ئەو ناوچەیەیان تاڕادەیەکی زۆر لە خەڵک بەتاڵ کرد کە بەو کردەوەیە خەڵک تووشی ئازارێکی زۆر بوون. لە ساڵی ٢٠١٤ دا، ئالفرێد یوودل کە ئەفسەرێکی ئەرتەشی نازییەکان بوو، بە سووچی سووتاندنی باکووری نوروێژ، دوای تێپەربوونی ٧٠ ساڵ بە سەر ئەو رووداوە سزا درا. گەلۆ ڕۆژێک دێ کە دوژمنانی کوردیش بە سووچی کاولکردنی کوردستان لە بەردەم دادگایەکی دادپەروەردا سزای کارەکانیان وەربگرن؟

دوژمنانی کورد لە بواری بەکارهێنانی تاکتیکی خاکی سووتاو لە کوردستاندا، زۆر ئاکتیڤ و خاوەن پلانن. لە شڕۆڤەی پەیڤەکاندا باس کرا کە تاکتیک بۆ سەرکەوتنێکی کورتخایەن بە کار دەبرێت. شتێک کە بوو بە پلانی درێژخایەن و ئامانجێکی گرینگ، لە چوارچێوەی تاکتیک دەردەچێ و وەک ستراتێژی لە قەڵەم دەدرێ. بۆ نموونە، دوو رێژیمی ئێران و تورکیە لەو ساڵانەی رابردوودا، بە قامک خستنەسەر سەرچاوەکانی ئاو لە کوردستان و بە درووست کردنی بەنداوی جۆراوجۆر و راگواستنی ئەو ئاوە بۆ دەرەوەی سنووری راستەقینەی کوردستان، و هەروەها بە سووتاندنی دارستانەکان و وێران کردنی گوند و باژارەکان و کوشتنی مرۆڤی کورد و جیانەکردنەوەی کوردی سڤیل لە چەکدار، و کۆچبەرکردنی زۆرەملی یان ناچارکردنی کورد بۆ چۆڵ کردنی شوێنی نێشتەجێبوونی خۆیان و گواستنەوەیان بۆ شار و دەڤەرە ناکوردستانییەکان، نیشان دەدات کە ئەو داگیرکەرانە بە هەموو هێز و توانای خۆیانەوە لە ڕاستای وێران کردنی کوردستان بۆ ئەوەیکە کورد تێدا نەمێنێ و ئینجا دەستبەسەرداگرتنی یەکجارەکی کوردستان و گۆڕینی دێموگرافیای کوردستان، بۆ هەتایە کوردستان بکەن بە موڵکی خۆیان و کوردیش بتوێننەوە.

تێکدانی سرووشتی کوردستان بەمەبەستی تێکدانی ژیانی خەڵک و دەربەدەرکردنیان دەکرێ؛ بۆیە دەبێ ئەو سیاسەتە چەپەڵ و گەماڕەی داگیرکەران هەرچی زیاتر لەقاو بدرێ و پێش بەو وێرانکارییە بگیردرێ. ئەو سیاسەت و پیلانانەی دوژمن لە پێش هەموو شتێکدا دژی زاگۆن و کونوانسیۆنەکانی نەتەوەیەکگرتووەکان و بەتایبەتی کونوانسیۆنی مافی مرۆڤە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.