کوردستان میدیا

ماڵپەڕی ناوەندیی حیزبی دێموکراتی کوردستانی ئێران

بێ‌کاریی له‌سه‌دا 30ی کرێکارانی به‌شی به‌رهه‌مهێنان له‌ سه‌ره‌تای ئه‌مساڵه‌وه‌

21:19 - 21 خاکەلێوه 2712

کوردستان میدیا: چالاکێکی کرێکاری گوتوویه‌تی، به‌ هۆی داخران و وه‌رشکه‌سته‌ بوونی یه‌که‌کانی به‌رهه‌مهێنان، له‌ سه‌ره‌تای ئه‌مساڵه‌وه‌ له‌سه‌دا 30ی که‌رێکارانی یه‌که‌کانی به‌رهه‌مهێنان، له‌سه‌ر کاره‌کانیان ده‌ر کراون.

به‌گوێره‌ی راپۆرتی ماڵپه‌ڕی جرس، فه‌رامه‌رز توفیقی، چالاکی کرێکاری، وێڕای ئاماژه‌ به‌ سه‌رنه‌که‌وتنی گه‌ڵاڵه‌ی ئامانجدار کردنی یارانه‌کان، له‌ ساڵی رابردوودا ژماره‌یه‌کی زۆر له‌ یه‌که‌کانی به‌رهه‌مهێنان داخراون.

به‌پێی وته‌ی فه‌رامه‌رز توفیقی، له‌ درێژه‌ی ساڵی رابردوودا خاوه‌ن کاره‌کان به‌ سڕینه‌وه‌ی سیستمی خوشبژێوی (رفاهی) و هێندێک شتوموکی بنه‌ڕه‌تیی کرێکاران، به‌ که‌مترین تێچوو هه‌وڵی ئیداره‌ کردنی نووسینگه‌کانی به‌رهه‌مهێنانیان داوه.

به‌پێی هه‌مان سه‌رچاوه‌، ئه‌و چالاکه‌ کرێکارییه‌ هه‌واڵی سه‌رگه‌ردانیی کارگێران و کرێکارانی ئه‌مساڵی داوه‌ و له‌و پێوه‌ندییه‌دا گوتوویه‌تی: کارگێڕان به‌ هۆی داسه‌پاندنی سیاسه‌تی ته‌حریم، نیگه‌رانی له‌ به‌ڕێوه‌بردنی پاژی دووهه‌می یاسای ئاماندار کردنی یارانه‌کان و نه‌بوونی پاڵپشتی، له‌ سه‌رگه‌ردانی دان.