• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی نوامبری ٢٠١٧ی زایینی - ٠٤ی سەرماوەزی ١٣٩٦ی هەتاوی  

چیرۆکنووسە سیحربازەکەی کوردستان خەڵاتی ئەدەبیی نیلی زاکسی ئاڵمانی پێ بەخشرا

زایینی: ١٠-٠٩-٢٠١٧ - هەتاوی: ١٣٩٦/٠٦/١٩ - ١١:٤٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
چیرۆکنووسە سیحربازەکەی کوردستان خەڵاتی ئەدەبیی نیلی زاکسی  ئاڵمانی پێ بەخشرا
کوردستان میدیا: بەختیار عەلی نووسەر و ڕۆماننووسی بە ناوبانگی کورد و ناسراو به چیرۆکنووسە سیحربازەکەی کوردستان خەڵاتی ئەدەبیی نیلی زاکسی ئاڵمانی به دەست هێنا.

بەپێی ڕاپۆرتە بڵاوکراوەکان "بەختیار عەلی" یەکێک لە نووسەرە بە ناوبانگەکانی کورد، لە سەر بڕیاری لێژنەی تایبەت بە خەڵاتی "نیلی زاکس" خەڵاتی ساڵی ٢٠١٧ی زایینی پێ بەخشرا.

خەڵاتی ئەدەبیی نیلی زاکس یەکێکە لە کۆنترین خەڵاتە ئەدەبییەکانی ئەڵمان و تەنیا بە کەسایەتییە زۆر ناسراو و گرنگە ئەدەبییەکان دراوە.

داوەرانی ئەو خەڵاتە ئەدەبییە باسیان لەوە کردووە بەختیار عەلی یەکێک لە گەورەترین نووسەرەکانی جیهانی ئیسلامە، بەڵام تا ئێستا بەرهەمەکانی لە لایەن ڕۆژئاوا نەناسراوە.

ئەو نووسەرانەی پێشتر ئەم خەڵاتەیان وەرگرتووە بریتین لە "ئێریک فرۆم، میلان کۆندێرا، نادین گۆردمیر، ئەلیاس کانیتی، کریستا ڤۆڵف، دافید گرۆسمان، مارگرت ئەتود".

هەتا ئێستا تەنیا دوو کتێبی بەختیار عەلی بە ناوەکانی "دواهەمین هەناری دونیا" لە وەرگێڕانی ڕاوێژ سەلیم و خانمی ئوتە کانتێرا لانگ، لەگەڵ "شاری مۆسیقارە سپییەکان" لە وەرگێڕانی "پێشەوا فەتاح" وەرگێڕدراونەتە سەر زمانی ئاڵمانی.

دەزگای چاپی ئونیۆنی وڵاتی ئاڵمان لە کتێبە چاپکراوەکانی خۆیان ڕۆمانی "شاری مۆسیقارە سپییەکان" لە نووسینی "بەختیارعەلی‌"یان ناساند و نووسیان "لەگەڵ ڕۆمانێکی مەزن، دووهەمین ڕۆمانی چیرۆکنووسە سیحربازەکەی کوردستان".

بەختیار عەلی لە ساڵی ١٩٦٠ی لە شاری سلێمانی لە دایک بووە. یەکەم بەرھەمی بڵاوکراوەی بەختیارعەلی قەسیدەی "نیشتیمان"ە.

بەختیار عەلی لە ساڵانی نەوەدەکان بە هاوکاریی " ڕێبین ھەردی، ڕێبوار سیوەیلی، مەریوان وریا قانع، فاروق ڕەفیق، ئاراس فەتاح، ھەڵکەوت عەبدوڵا " گرووپی (ڕەھەند) دادەمەزرێنن، پاشان چەند ژمارەیەک لە گۆڤاری ڕەھەند بڵاو دەکەنەوە.

گۆڤاری ڕەھەند گۆڤارێکی ئەدەبی - فیکری بووە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک