• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

هەیئەتێکی پەیوەندییەکانی حیزبی دێموکرات سەردانی پەرلەمانی سویدیان کرد

زایینی: ١٦-٠٩-٢٠١٧ - هەتاوی: ١٣٩٦/٠٦/٢٥ - ١٣:٤٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هەیئەتێکی پەیوەندییەکانی حیزبی دێموکرات سەردانی پەرلەمانی سویدیان کرد
کوردستان میدیا: هەیئەتێکی پەیوەندییەکانی حیزبی دێموکرات لەگەڵ "فرێدریک ماڵم" لە پەرلەمانی سوید کۆبوونەوە و چەند پرسێكیان سەبارەت بە بارودۆخ و ڕووداوەکانی کوردستان تاوتوێ کرد.

بەپێی هەواڵی گەیشتوو بە ماڵپەڕی کوردستان میدیا؛ ڕۆژی پێنج شەممە ڕێکه‌وتی ٢٣ی خەرمانانی ١٣٩٦ی هەتاوی هەیئەتێكی پەیوەندییەکانی حیزبی دێموکراتی کوردستانی ئێران پێکهاتوو له‌ نوێنه‌ری پێوه‌ندییه‌کانی حیزب "حه‌مید ته‌یموری" و "ئاسۆ ساڵح" له‌ وڵاتی سوید به‌ مه‌به‌ستی دیدار و چاوپێکه‌وتن سەردانی پارلەمانی ئەو وڵاتەیان کرد.

له‌م سەر‌دانه‌دا لەگەڵ نوێنه‌ره‌ نێونه‌ته‌وه‌ییه‌کانی حیزبی لیبراڵ و پارله‌مانتار و دۆستی کورد فرێدریک ماڵم Fredrik Malm کۆبوونەوە و کۆمه‌ڵێک خاڵیان لەبارەی کوردستان و ڕێژیمی ئێران باس کرد.

لەم دیدارەدا سه‌ره‌تا پاش به‌خێرهاتنی هه‌یئه‌تی حدکا له‌لایه‌ن فرێدریک مالم و سپاسی هه‌یئه‌تی حیزبی دێموکرات له‌ ناوبراو باسی ئاڵوگۆڕه‌کانی حدکا و کوردستان و ئێران و ناوچه‌که‌ به‌ کورتی کرا که‌ وه‌زعی کوردستانی ئێران و به‌ ته‌واوه‌تی له‌ لایه‌ن ڕێژیم‌ ڕۆژ دوای ڕۆژ سه‌ختتر ده‌بێ و کوشتن و گرتن و ئه‌شکه‌نجه‌دان په‌ره‌ ده‌ستێنێ. کوشتنی کۆڵبه‌رانی کورد له‌ لایه‌ن هێزی پاسدارانی ئێرانه‌وه‌ له‌ زیادبووندایه‌ و تاکوو وه‌های لێهات به‌ کوشتنی دوو کۆڵبه‌ری خه‌ڵکی شاری بانه‌ خه‌ڵک وه‌زاڵه‌ هاتن و ڕژانه‌ سه‌ر شه‌قام و کۆڵانه‌کان و ئه‌و کرده‌وانە‌یان مه‌حکوم کرد و دژی هێزی ڕێژیم خۆپێشاندانیان ئه‌نجام داو هێشتاش به‌رده‌وامه‌. سه‌ره‌ڕای ئه‌وانه‌ش شاره‌کانی سه‌رده‌شت و مه‌ریوان و ورمێ و سنه‌ و مەهاباد و کرماشان بۆ پشتیوانی خه‌ڵکی بانه‌ و مه‌حکوم کردنی کوشتنی کۆڵبه‌ران ڕژانه‌ سه‌ر شه‌قامه‌کان و داوای گرتن و دادگایی کردنی بکوژه‌کانیان کرد.

له‌باتی ئه‌وه‌ی ڕێژیم بارودۆخه‌که‌ ئارام بکاته‌وه‌و چاره‌سه‌ری ئاشتیانه‌ بدۆزێته‌وه‌ که‌چی هێزێکی زۆری هێناوه‌ته‌ کوردستان و ته‌واوی شاری بانه‌ و ده‌وروبه‌ری میلیتاریزه‌ کردووه ‌و هێزێکی زۆری هێناوه‌تە کوردستان و بڵاوه‌ی پێیان کردووه‌و خه‌ڵکی خستووه‌ته‌ ژێر چاودێری، به‌ڵام به‌و هه‌موو هێزه‌وه‌ ڕێژیم ترسی لێ نیشتووه‌و له‌ دڵه‌ڕاوکێ ده‌ژین.

ـ پاشان باسی ده‌ستێوه‌ردانه‌کانی ڕێژیمی ئێران له‌ وڵاتانی ناوچه‌که‌ وه‌ک عێراق و سووریه و لوبنان و یه‌مه‌ن‌ که‌ به‌ ته‌واوه‌تی ڕێژیمی ئێران ده‌ستی به‌سه‌ر ئه‌م وڵاتانه‌دا گرتووه‌ و بڕیاریان به‌سه‌ردا ده‌سه‌پێنێ و خۆی به‌ خاوەنی ئه‌م وڵاتانه‌دا ده‌زانێ و هێزی میلیشیا و ئاژاوه‌گێڕیان بۆ ڕه‌وانه‌ ‌ده‌کات و نموونه‌شی میلیشیاکانی حه‌شدی شه‌عبییه‌ که‌ خه‌ریکن کێشه‌ بۆ خه‌ڵکی کورد له‌ باشوور ده‌نێنه‌وه‌. ڕێژیمی ئێران ده‌یهه‌وێ له‌ ڕێگای ئاژاوه‌نانه‌وه‌ له‌م وڵاتانه‌دا ده‌سەڵاتی خۆی بچەسپێنێت و خۆی به‌ هێزی گه‌وره‌ی ناوچه‌که‌ ده‌زانێت. ڕێژیمی ئێران هه‌رده‌م له‌ پلانی ئاژاوه‌نانه‌وه‌یه‌ له‌ عێراق و به‌تایبه‌ت کوردستان و به‌ ڕواڵه‌ت دژی داعشه‌ به‌ڵام له‌ ڕاستیدا یه‌ک له‌و وڵاتانه‌یه‌ که‌ هاوکاری داعش ده‌کات. نموونه‌ی ئه‌و هاوکاریشه‌ ڕێککه‌وتنی نێوان ڕێژیمی ئێران و عێراق و حیزبوڵڵای لوبنان و ڕێژیمی ئه‌سه‌دە که‌ کاروانی داعشی لوبنان به‌ره‌و‌ سنووره‌کانی عێراق هێنران بۆ ئاژاوه‌نانه‌وه‌ له‌ کوردستاندا ته‌نانه‌ت له‌ لایه‌ن نوری مالیکیش به‌خێرهاتنیان لێکرا. هۆکاری هێنانی داعش له‌م کاته‌دا بۆ تێکدانی ناوچه‌که‌و به‌تایبه‌تی رێفراندۆمی کوردستانه‌ که‌ ٢٥ مانگی ٩ ئه‌نجام ده‌درێ.

ـ خاڵێکی تر پرسی نه‌ته‌وه‌کانی ئێرانی فیدراڵ بوو وه‌ک ئازه‌ری، به‌لووچ، عه‌ره‌ب، تورکمه‌ن و کورد بوون که‌ ئه‌م نه‌ته‌وانه‌ به‌ ڕواڵه‌ت ده‌ستیان داوه‌ته‌ چالاکی سیاسی و ته‌نانه‌ت له‌ ئه‌هواز و سیستان و به‌لووچستان هاتوونه‌ته‌ سه‌ر شه‌قامه‌کان بۆ پشتیوانی خه‌ڵکی شاری بانه‌ و کوشتنی کۆڵبه‌رانی کوردیان مه‌حکوم کردووه‌. جا داخوازی حدکا ئه‌وه‌یه‌ که‌ وڵاتانی ڕۆژئاوا و ئامریکا و له‌ سه‌رەوەی هه‌موویان سوئێد پشتیوانی ئه‌م نه‌ته‌وانه‌ بکه‌ن بۆ ئه‌وه‌ی کاریگه‌ریان له‌ داهاتوودا هه‌بێ و ئاڵوگۆڕ له‌ ئێراندا بێته‌ ئاراوه‌. به‌ڕێز مالم وتی ئه‌مان یارمه‌تی هه‌موو هێزه‌ دێموکراتخوازه‌کان ده‌که‌ن که‌ بۆ مافی مرۆڤ و ئاشتی و ئاسایش تێده‌کۆشن.

سه‌ڕه‌ڕای ئه‌مانه‌ش باسی هه‌ڕه‌شه‌کانی ئێران له‌ حدکا و ئۆپۆزیسیۆنی کوردی ئێران له‌ باشور بووه‌ته‌ دروشمی سه‌رانی ڕێژیم له‌ ئێراندا. هه‌ر بۆیه‌ سه‌رانی ڕێژیم له‌ راسانی حدکا ترساون و به‌و هه‌ڕه‌شانه‌ ده‌یانه‌وێ خه‌ڵک بترسێنن که‌ نەکا جموجۆڵ له‌ کوردستاندا په‌ره‌ بستێنێت و باسی چووەنەوە ناوخۆی پێشمه‌رگه‌ و خه‌ڵک له‌ ئاماده‌ باشی دان بۆ هه‌ر جۆره‌ ئاڵوگۆڕێک.

له‌ کۆتایشدا باسی رێفراندۆمی کوردستان کراو و به‌ڕێز ماڵم پرسیاری ئه‌وه‌ی کرد که‌ بۆچونی حدکا له‌ سه‌ر ریفراندۆم چییه‌ و ئەوانیش لە وڵامدا بە ناوبراویان ڕاگەیاندبوو حدکا پشتیوانی خۆی بۆ پرۆسه‌ی ڕێفراندۆم ده‌ربڕیوه‌و ئه‌گه‌ر هاوکاریشیان بوێ ئەوه‌ حدکا ئاماده‌ی هاوکارییه‌ و له‌و بواره‌شدا به‌یاننامه‌ی بڵاو کردووه‌ته‌وه‌. ناوبراویش بۆچوونی خۆی و حیزبه‌که‌ی راگه‌یاند که‌ سه‌د له‌ سه‌د له‌گه‌ڵ پرۆسه‌ی گشتپرسین.

ئه‌م چاوپێکه‌وتنه‌ له‌ کاتژمێر ٩ی به‌یانی ده‌ستی پێکرد و٩:٥٠ خوله‌ک کۆتایی هات؛ به‌ڕێز ماڵم سپاسی هه‌یئه‌تی حدکای کرد بۆ زانیاریه‌کانیان و هه‌یئه‌تی حدکاش سپاسی ناوبراویان کرد بۆ ئه‌و کاته‌ی که‌ به‌ ئەوانی داوە فرێدریک مالم له‌ سه‌ر دیدارو چاوپێکه‌وتنه‌کان جه‌ختی کرده‌وه‌.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.