• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی نوامبری ٢٠١٧ی زایینی - ٢٩ی خەزەڵوەری ١٣٩٦ی هەتاوی  

چالاکی تەبلیغی بە بۆنەی ٢٦ی خەرمانان، لە کوردستان بەردەوامه

زایینی: ١٨-٠٩-٢٠١٧ - هەتاوی: ١٣٩٦/٠٦/٢٧ - ١٣:٠٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
چالاکی تەبلیغی بە بۆنەی ٢٦ی خەرمانان، لە کوردستان بەردەوامه
کوردستان میدیا: چالاکییە تەبلیغاتییەکان بە بۆنەی ٢٦ی خەرمانان ساڵڕۆژی شەهیدانی میکۆنۆس لە شار و گوندەکانی کوردستان بەردەوامن.

بەپێی هەواڵی گەیشتوو بە ماڵپەڕی کوردستان میدیا، تێکۆشەرانی دێموکرات لە گوندی نێی مەریوان بۆ زیندوو ڕاگرتنی یاد و ڕێبازی شەهیدانی میکۆنۆس چالاکیی تەبلیغییان بەڕێوە برد.

قارەمانانی دێموکرات بەبۆنەی ۲٦ی خەرمانان لە ناوچەی "چەمشاری سنە" چالاکی تەبلیغییان بەڕێوە برد و ئەو شوێنانەی دروشمیان نووسی و تراکتی تایبەت بەو ڕۆژەیان بڵاو کردەوە، ئەمانەن: (سەر جاددەی سنە و سێ‌رێیانی گوندی نشوور بۆ مووچش، گرێزە و شارەکی گرێزە، بەهاران ١٩ـ ٤ هەروەها سەرەتای شەقامی بەهاران تا مەیدانی قوبا).

ئەندامانی دڵسۆز و تێکوشەری حیزبی دێموکرات لە شاری مەریوان، بە بۆنەی ۲٦ی خەرمانان، ساڵڕۆژی تێرۆرکرانی دوکتور شەرەفکەندی و هاوڕێیانی لە شاری بێرلین، ژماەیەک لاوی خوێن گەرەم بە وتنەوەی سروودی دوکتور شەرەفکەندی لە سەرشەقام بە شێوەیەکی ڕێکوپێک چالاکییان بەڕێوە برد.

هەروەها ڕۆڵەکانی دێموکرات، لە یادی ٢٥ ساڵەی شەهیدانی میکۆنۆس لە گوندی تەنگیسەر کار و چالاکی تەبلیغییان بەڕێوە برد.

لەو بۆنەیەدا لاوانی تەنگیسەر لەگەڵ شەهیدان پەیمانیان نوێ کردەوە و به بڵاو کردنەوەی تراکتی تایبەت بەو یادە لە گاراجی گوند، تەعمیرگاکان، قوتابخانە، کتێبخانەی دوکتور قاسملوو، بێهداشت، پۆست بانک، مزگەوتی سەرەوە و مزگەوتی جامێع، دووکانەکانی نێو گوند، ناو ماڵی خەڵک، قەسابخانە، دێهیاری یادی شەهیدانی میکۆنۆسیان‌ بەرز ڕاگرت.

هەروەها ئەندامانی دڵسۆز و تێکوشەری حیزبی دێموکرات بەبۆنەی ۲٦ی خەرمانان، ساڵڕۆژی تێرۆرکرانی دوکتۆر شەرەفکەندی و هاوڕێیانی، لە چەند شوێنی دیکەی سنە، چالاکی تەبلیغاتیان بەڕێوە برد، ئەو شوێنانەی چالاکی تێدا بەڕێوە چووە بریتین لە:
(شەقامی نمەکی، گەڕەکی ئاغا زەمان، بلواری بێعسەت، چوارڕای سیرووس، بەردەشت، مەحەلەی گەلەخان، تەکیەی شێخ هادی، گەڕەکی سپوورئاوا، شەقامی سیرووس، مەیدانی نبووەت، تەپەی بەهارمەست، قوتابخانەی حەیدەر موحی، گەڕەکی پیر محەممەد و پشتی چەقڵی چەقان".

ڕۆژی ڕابردوو، بە بۆنەی ٢٦ی خەرمانان، ساڵوەگەڕی تێرۆرکردنی دوکتور سادق شەرەفکەندی بە دەستی دیپلۆمات تێرۆریستەکانی دەسەڵاتی تاران، ئەندامان و لایەنگرانی حیزبی دێموکرات لە هەورامان، لە گوندی "ڕواری" هەمیشە پێشمەرگە، بە درۆشمی وەک "بژی حیزبی دێموکرات، دوکتور سادق ڕێگات درێژەی هەیە، بەردەوام بێ خەباتی شار و شاخ، سادقی شەرەفکەندی وەک چیا سەربڵندی" ڕێزان لەو ڕۆژە گرت و پەیمانی وەفادارییان لەگەڵ ڕێبازی شەهیدان، بەتایبەت دوکتور سادق شەرەفکەندی ڕێبەری گەلی کورد و سکرتێری گشتیی حیزبی دموکرات نوێ کردەوە.

هەروەها لە گوندی "باوان" سەر بە ناوچەی مەرگەوەڕی ورمێ چالاکیی تەبلیغیی بەڕێوە چوو.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا