• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١١ی دێسامبری ٢٠١٧ی زایینی - ٢٠ی سەرماوەزی ١٣٩٦ی هەتاوی  

٢٥ـەمین ساڵیادی شەهیدانی میکۆنۆس بە شکۆیەکی مەزن، لە وڵاتی فەڕانسە بەڕێوە چوو

زایینی: ١٩-٠٩-٢٠١٧ - هەتاوی: ١٣٩٦/٠٦/٢٨ - ١٣:١٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
٢٥ـەمین ساڵیادی شەهیدانی میکۆنۆس بە شکۆیەکی مەزن، لە وڵاتی فەڕانسە بەڕێوە چوو
کوردستان میدیا: بە بۆنەی ٢٥ـەمین ساڵیادی شەهید کرانی دوکتور سادق شەرەفکەندی و هاوڕێیانی بە دەستی تێرۆریستەکانی نێردراوی ڕێژیمی ئێران، ڕێوڕەسمێک لە وڵاتی فەڕانسە بەڕێوە چوو.

ڕۆژی یەکشەممە ڕێکەوتی ٢٦ی خەرمانانی ١٣٩٦ی هەتاوی، بەشێکی بەرچاو لە ئەندامان و لایەنگرانی حیزبی دێموکراتی کوردستانی ئێران، حیزب و لایەنە سیاسییەکانی هەر چوار بەشی کوردستان هاوڕێ لە گەڵ کۆمەڵێک کەسایەتی دیکەی کورد، ئێرانی و فەڕانسەیی، بە دانانی تاجەگوڵینە سەردانی کڵکۆی شەهیدانی میکۆنۆس لە گۆڕستانی پێرلاشێزی پاریسیان کرد و وێڕای دەربڕینی پەیامی هاوخەمی، بۆ جارێکی دیکە پەیمانی هاوخەباتییان لەگەڵ حیزب و بزووتنەوەی ڕەوای گەلی کورد نوێ کردەوە.

ئەم ڕێوڕەسمە بە سروودی نەتەوایەتیی ''ئەی ڕەقیب'' و ڕاگرتنی خۆلەکێک بێدەنگی بۆ ڕێزگرتن لە گیانی سەرجەم شەهیدانی ڕێگای ڕزگاری کوردستان دەستی پێکرد.

دواتر پەیامی حیزب لە لایەن "شاهۆ حوسێنی" نوێنەری حیزبی دێموکراتی کوردستانی ئێران لە دەرەوەی وڵات، ڕوو بە بەشداربووان و تێکۆشەرانی ڕێگای ڕزگاری کورد و کوردستان پێشکەش کرا.

نوێنەری حیزبی دێموکرات، لە دەرەوەی وڵات لە قسەکانیدا وێڕای سپاس و بەخێر هاتنی میوانان و بەشداربووان وتی: "ڕێژیمی کۆماری ئیسلامی وایدەزانی کە بە تێرۆر کردنی دوکتور شەرەفکەندی جووڵانەوەی کورد و خەباتی حیزبی دێموکرات تووشی شکست و داڕمان دەکا، بەڵام وەک ئێستاش دەبینین حیزب هەروا بە سەر پێ راوەستاوە و هەتا وەدی هاتنی ئامانجەکانی گەلی کورد ئەو خەباتە درێژەی هەیە. ئەوەتا دەبینن کە قوتابیەکانی د.سەعید لە شارە گەورەکان و ناوچە سنوورییەکان، خەباتی شاریان دەست پێکردووە و ترسیان وەبەر دڵی ڕێژیم خستووە".

حوسێنی لە بەشێکی دیکەدا، باسی لە بوێری د. سەعید کرد کە چۆن بە لێهاتوویی جێگەی ڕێبەری مەزن د. قاسملووی گرتەوە و ڕێبەریی حیزبی بە دەستەوە گرت.

نوێنەری دەرەوەی وڵات، لە ناوئاخنی وتارەکەیدا وتی: "ئێمە دەبێ ئەو ڕێژیمە وەک ئەوەی کە هەیە بیناسین نەک وەک ئەوەی کە بۆ خۆی ئیددعا دەکا. تێرۆری د.شەرەفکەندی و هاوڕێیەکانی سەرنجی دنیای بۆ کردەوە تێرۆریستییەکانی ڕێژیمی ئاخوندی ڕاکێشا و بە ڕاگەیاندنی حوکمی دادگای میکۆنۆس و محکووم کرانی سەرانی پلە یەکی نیزامی تێرۆریستی، بەڵگەیەکی بەهێزی ڕیسوایی کۆماری ئیسلامی ئێران لە جیهاندا بڵاو بووەوە. هەڵبژاردنەکانی سەرکۆماریی ڕێژیم لە چەند مانگی ڕابردوودا، جارێکی دیکە نیشانی دا کە ئەم دەسەڵاتە قابلی ئیسڵاح نییە و هەمووی مۆرەکانی گەندەڵن".

حوسێنی، لە کۆتاییدا جەختی لە سەر پێویستیی پشتیوانی ڕێفراندۆمی سەربەخۆیی باشووری کوردستان کردەوە و ئەو هەوڵەی بە ئەرکی نیشتمانی و نەتەوەیی لێک دایەوە.

پاشان سروودێک لەژێر ناوی "سادقی شەرەفکەندی" لە لایەن کۆڕی سرودی کومیتەی حیزب لە بێلژیک پێشکەش بە بەشداربووان کرا.
لە بڕگەیەکی دیکەی ئەو رێوڕەسمەدا، "دوکتور کەنداڵ نەزان" بەرپرسی ئەنیستیتۆی کورد لە پاریس و دۆستی نێزیکی د. شەرەفکەندی وتارێکی بە زمانی فەڕانسەیی پێشکەش کرد. دوکتور کەنداڵ وتی: "گەلێک کە بیرەوەری و مێژووی نەبێ، خاوەن داهاتووش نییە. ئێستا چارەکەسەدەیەک بە سەر تێرۆری د. سەعیددا تێدەپەڕێ، بەڵام یاد و بیرەوەرییەکانی هەروا لە دڵماندا زیندوون. ئەو وازی لە مامۆستایەتی زانکۆ و ژیانی شەخسی هێنا و بە بیرێکی قووڵی نیشتمانپەروەرانەوە خەباتی شاخی هەڵبژارد. د. سەعید ڕێبەر هەڵگری مەشغەڵی ئازادییەک بوو کە چەخماخەکەی لە کۆماری کوردستان لە مهابادەوە لێدرا بوو و ئێستاش لە درێژەی ئەو ڕەوتەدا خەریکە سەربەخۆیی باشووری کوردستانی لێ دەکەوێتەوە. ئێمە لەوە دڵنیاین کە دەسەڵاتی ئێران هەروا یەکدەست نامێنێ و پێکهاتەی نەتەوەکانی ئێران ڕێگە خۆشکەری سیستمێکی فیدڕاڵی دەدەن".

پاشان هەر یەکە لە "کاوە شاوەلی" نوێنەری حکوومەتی هەرێمی کوردستان و ئەندامی پارتی دێموکراتی کوردستان و "دوکتور لوئەی جاف" نوێنەری یەکیەتیی نیشتمانی کوردستان لە فەڕانسە، یادی شەهیدانی ڕێگەی ڕزگاری کوردستانیان بەرز نرخاند و پێداگرییان لەوە کرد کە هەوڵی یەکیەتی ناوماڵی کورد و پشتگیری لە ڕێفراندۆمی سەربەخۆیی باشووری کوردستان دەتوانێ باشترین وەفا بۆ شەهیدانی میکۆنۆس و هاوڕێیەکانیان بێ.

لە بەشێکی دیکەی کۆبوونەوەکەدا، "د. فرێدریک تیسوو" سەرکونسوولی پێشووی وڵاتی فەڕانسە لە هەولێر و دۆستی بەوەفای د. شەرەفکەندی، خۆشحاڵی خۆی دەربڕێ کە خۆی لە نێو ئاڵقەی گەرموگۆڕی کوردەکاندا دەبینێتەوە و لە هەمان حاڵیشدا زۆر بە پەرۆشەوە یادی دوکتور سەعیدی هاوڕێی نێزیکی دەکاتەوە کە سەردەمانێک بە یەکەوە پێکەنیون و برایانە ژیاون. هەروەها داوای پتەوکردنی ڕیزی لایەنەکانی باشووری کوردستانی کرد و هیوای خواست کە ڕێگە نەدەن هیچ هێزێک لە پرۆسەی ڕێفراندۆم پاشگەزیان بکاتەوە و ئەم هەلە لە کیس گەلە ستەم‌لێکراوەکەیان نەدەن.

لە درێژەی ڕێوڕەسمەکەدا، "پەرویز نەویدی" وەکوو یەکێک لە ڕێبەرانی ڕێکخراوی فیدائیان- ئەقەلیەت، "مورتەزا سادقی" نوێنەری ڕێکخراوی فیدائیانی خەڵقی ئێران - ئەکسەریەت و خاتوو ئێران ئەنساری نوێنەری ڕێکخراوی یەکیەتیی فیدائیانی خەڵکی ئێران، بە نۆبە پەیامی ڕێکخراوەکانی خۆیان خوێندەوە و بە تێکڕا لە سەر ئەوە کۆک بوون کە کارەساتی جینایەتکارانەی میکۆنۆس و تێرۆری شەخسی د. شەرەفکەندی خەسارەتی جیددی نە تەنیا بۆ جووڵانەوەی کورد و حیزبی دێموکرات، بەڵکوو لە ڕێزەکانی ئۆپۆزیسیۆنی دژبەری کۆماری ئیسلامیی داوە. هەر بۆیە هەر یەک لەم سازمان و ڕێکخراوە سیاسیگەلە وێڕای دەربڕینی خەم و پەژارەی لە دەستدانی د. سادق شەرەفکەندی و هاوڕێیەکانی، پەیمانی پشتیوانی و وەفاداریان لەگەڵ خەباتی ڕەوای خەڵکی کوردستان و حیزبی دێموکرات نوێ کردەوە.

هەروەها ئەم پارت و ڕێکخراوانەی خوارەوە بەشداریی گەرموگۆڕی کۆڕەکەیان کرد و بە هێنانە بەرباسی ئەوەی کە ئێمەی کورد یەک گەل و یەک نەتەوەین، پێداگرییان لە پشتگیریی ڕێفراندۆمی ٢٥ی سێپتامبر و یەکیەتیی ڕیزەکانی خەباتی گەلی کورد لە هەر چوار پارچەی کوردستان کرد:

١- پەیامی یەکیەتیی کورد لە سووریە، لە لایەن "حەبیب ئیبراهیم"
٢- پەیامی هاکپار، لە لایەن بەڕێز محەممەدە
٣- پەیامی پارتی پێشڕۆی کورد، لە لایەن "باوکی جوان"
٤- پەیامی پارتی سوسیالیستی باکوور، لە لایەن بەڕێز ئازاد

لە کۆتایی ڕێوڕەسمەکەدا، بەشداران بە تێکڕا بەرەو کڵکۆێ شەهیدانی کارەساتی ڤییەن، د. قاسملوو و هاوڕێیانی وە ڕێکەوتن و بە دانانی تاجەگوڵینە ڕێز و وەفاداری خۆیان لەمەڕ شکۆ و خەباتیان زیندوو کردەوە.

ئەم کۆڕیادە بە هەوڵ و تێکۆشانی کۆمیتەکانی حیزبی دێموکراتی کوردستانی ئێران لە وڵاتانی فەڕانسە، بێلژیک، بریتانیا و هولەند پێک هاتبوو.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٤ لەم ژمارەیەدا:

ــ قاسملوو، پرسی ژن و ڕاسان
ــ ڕاسان و پێشمەرگە
ــ ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
ــ بورجی بابل
  • مەرگی نووسەر مەرگی نووسەر
    ئه‌وه‌ ده‌زانین ده‌ق، بە تەنیا بە دێڕێک ناڵێن کە لە لێزگەیەک وشە پێکهاتبێ که‌ واتایه‌کی ئاسمانی ("په‌یام"ی نووسەر-خودا)ی لێوه‌ده‌رچێ؛ به‌ڵکوو که‌شایه‌کی فره‌رەهەندە،‌ له‌ کۆمه‌ڵه‌ نووسینێکی جۆراوجۆردا، که‌ هیچ کامیان خاوەن رەسەنایەتی نین، له‌وێدا تێکه‌ڵ به‌ یه‌ک ده‌بن و له‌یه‌ک ده‌نگوێن.
  • سامانی وڵات بۆ تیرۆریستان، وێرانی و دواکەوتوویی بۆ کوردستان سامانی وڵات بۆ تیرۆریستان، وێرانی و دواکەوتوویی بۆ کوردستان
    ئێستا دوای تێپەڕبوونی ماوەیەکی زۆر لە ڕووداوەکە، خەڵکی ناوچەکە لە زۆر ڕووەوە لە ژێر گوشاردان و سەرمای زستان و باران لەلایەک، نەبوونی خانوو یان تەنانەت لە هەندێک شوێن خێوەتیش لەلایەکی‌تر خەڵکی نیگەران کردووە.
  • راسان و پێشمەرگە راسان و پێشمەرگە
    لە راساندا گۆڕەپانی خەبات ئەوەندە بەرفراوان بووە كە دەرفەتی بۆ یەك بە یەكی ئەندامانی كۆمەڵگا رەخساندووە تاکوو بەپێی شوێن و رێگەی خۆی هەنگاو بنێت و هیچ جیاوازییەك لە بواری ئەرك و جێبەجێ كردنەوە بوونی نییە، تەنیا ئەوە پێویستە ئەو كردارە لە خزمەتی رزگاركردنی نەتەوەدا بێت.
  • بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا
    هەموو لایەک دەبێ باش بزانن کە شارستانیەت و کولتوور شتی دینامیکن و لە رەوتی مێژوودا دەتوانن تووشی ئاڵوگۆڕ بن، بەرز بن یان لەنێوبچن.
  • زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن
    دوایین ڕاپۆرتە پێوەندیدارکان بە بارودۆخی ژیان پاش بوومەلەرزەی ٢١ی خەزەڵوەر لە پارێزگای کرماشان کە زۆرتر له ١٠هزار کوژرا و بریندا لێکەوتەوە، دەری دەخات کە سەرباری تێپەڕینی زۆرتر له سێ هەفته بەسەر ئەم تراژێدیا، هێشتا هیچ هەنگاوێکی شوێندانەر بۆ ساڕێژکردنەوەی برینی زامداران هەڵنەگیراوە.
  • کارەساتی بومەلەرزه لە کرماشان و بێخەمیی ڕێژیم کارەساتی بومەلەرزه لە کرماشان و بێخەمیی ڕێژیم
    ئەمە لە حاڵێکدایە کە بەشێکی کەم لە ماڵە ڕووخاوەکان پشکێندراون و ئاماری بی سەروشوێنەکان هێشتا دیار نییە و مەزەندە دەکرێ کە ئاماری کوژراو و بریندارەکان زۆرتر بێت.
  • قاسملوو، پرسی ژن و ڕاسان قاسملوو، پرسی ژن و ڕاسان
    لە ئاخاوتنێکدا لە ٨ی مارسی ١٩٨٩ی زایینیدا، دوکتور قاسملوو پێداگری لەسەر ئەوە دەکا کە "خەبات بۆ ئەوەی ژن مافی خۆی وەربگرێ، بە هیچ شێوەیەک جودا نییە لە خەباتی میلەتەکەمان بۆ دێموکراسی و خودموختاری."
  • یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن
    چونکە تا کاتێک ژنانی عەرەبستان بتوانن بە بێ مۆڵەتی پیاوی بنەماڵە – باوک، هاوسەر، جاری وایە تەنانەت کوڕەکەی خۆی – کار بکەن، بڕۆنە سەفەر، کاروباری یاسایی ئەنجام بدەن و بەشێوەیەکی دیکە بەشداری لە ژیانی کۆمەڵایەتی بکەن، وڵات ناتوانێ هەست بە هێزی ئابووری نیوەی دیکەی کۆمەڵگا بکات.
  • ئێرە ڕۆژهەڵاتە بە کاتی کرماشان ئێرە ڕۆژهەڵاتە بە کاتی کرماشان
    لە چەند ڕۆژی ڕابردوودا بەردەوام باس له نەبوونی خزمەتگوزاری و گوێنەدانی بەرپرسانی ڕێژیم لەو بارەیەوە کراوە بەچەشنێک کە نەتەنیا یارمەتی بە خەڵک نادەن بەڵکوو تەنیا بۆ سەیر و سیاحەت دەچنە شوێنی بوومەلەرزەکە؛ ئەو باسەش لە ڕاگەیەندنەکانی ڕێژیم لەوانەش "ایرنا" و "ایسنا" بڵاو بووەتەوە هەروەها هەندێک لە ڕۆژنامەکانی ڕێژیم وەک "ابتکار" بە تیتری گەورە نووسیان "تور زلزلە گردی!" .
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    واتای دووهەم: ئەو ڕێژە ئاوە، بۆ وەدیهێنانی خواست و ویستی کۆماری ئیسلامی زۆر کەمە، واتە ژینگە گەورەترین بەربەستی سەر ڕێی کۆماری ئیسلامییە بۆ وەدیهێنانی خەونەکانی.
  • ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
    شەڕی داگیرکەرانی کوردستان بەرامبەر بە نەتەوەی کورد بە گشتی و هێزی پێشمەرگەی کوردستان بەتایبەتی، تەنیا بە ڕوبەڕووبوونەوەی نیزامی نەبەستراوەتەوە بەڵکوو دوژمن لە ڕێگای جیاجیا و یەک لەوان پڕوپاگەندەی بێبنەما بەردەوام هەوڵ دەدات پرش و بڵاوی لە نێو ماڵی کوردان دروست بکات تاکوو بەمشێوەیە زیاتر بتوانێت بە ئامانجە گڵاوەکانی بگات.
  • بورجی بابل بورجی بابل
    رووداوە کۆنە مێژووییەکان و تەنانەت ئوستوورەکانیش دەڵێن بۆ ئەوەیکە کۆمەڵگایەک لاواز بکەی تاکوو خۆی بەرەو پووکانەوە بڕوا، باشتر وایە کە ئاژاوەی تێ بخەی و خۆیان بە خۆیانەوە سەرقاڵ بکەی تاکوو هەم گرفتە سەرەکییەکە لەیاد بکەن و هەم تەنیا بە نێوخۆیانەوە خەریک بن و خۆیان ببنە هۆکاری داڕزاندنی خۆیان.
  • عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ
    لە پێوەندی لەگەڵ زەویلەرزەی پارێزگای کرماشاندا، بەرێزعەلی ئەشرەف مەجیدی، ئەندامی جێگری کۆمیتەی ناوەندیی حیزبی دێموکراتی کوردستانی ئێران وڵامی چەند پرسیارێکی ڕۆژنامەی کوردستانی داوەتەوە کە سەرنجتانی بۆ ڕادەکێشین:
  • دانیشتن لەگەڵ ئۆپۆزیسیۆنی ئێرانی و چەند سەرنجێک دانیشتن لەگەڵ ئۆپۆزیسیۆنی ئێرانی و چەند سەرنجێک
    بەڵام وتووێژ و کارکردن لەگەڵ ئۆپۆزیسیۆنی ئێرانی لە هەندێک بابەت دا زۆر جیاوازییەکی لەگەڵ قسەکردن لەگەڵ ڕێژیمی کۆماری ئیسلامی دا نییە بەڵکوو لەوانەشە خەساری زۆرتر بێت؛ بۆیە لە پێوەندی لەگەڵ ئەو نزیک‌بوونەوە پێویستە چەند خاڵ بەم شێوەی خوارەوە لە بیر نەکرێن.