کوردستان میدیا: له‌ پارێزگای حه‌سه‌که‌ که‌ کوردستانی سووریه، چالاکڤانێکی کورد به‌ هۆی ته‌قه‌ی که‌سێکی نه‌ناسراو تیرۆر کرا.
رێکه‌وتی ٩ی ره‌زبه‌ری ١٣٩١ی هه‌تاوی به‌هۆی ته‌قه‌ی که‌سێکی نه‌ناسراو له‌ ره‌عد به‌شۆ، چالاکڤانێکی سیاسیی کورد و ئه‌ندامی هاوئاهه‌نگیی نه‌وه‌کانی سه‌لاحه‌دین، بریندار بوو.
به‌پێی ئه‌م راپۆرته، پاش راگواستنی ره‌عد به‌شۆ بۆ نه‌خۆشخانه‌ی نیشتمانیی حه‌سه‌که، بارودۆخی ته‌ندروستیی نابراو و به‌ره‌و باشتر بوون ده‌چێت و که‌س و کاری له‌ باشتر بوونی دڵنیا ده‌کرێنه‌وه، به‌ڵام رۆژێک دواتر هه‌واڵی گیان له‌ ده‌ستدانی به‌شۆ بڵاو کرایه‌وه.
کۆمه‌ڵێک چالاکڤوان گومانی ئه‌وه‌یان هه‌یه که‌ ناوبراو له‌ نه‌خۆشخانه‌ کوژرابێت.
ره‌عد به‌شو چالاکڤوان و دامه‌زرێنه‌ری کۆمیته‌ی هاوئاهه‌نگیی نه‌وه‌کانی سه‌لاحه‌دین و یه‌کێک له‌ چالاکڤانانی دیار و به‌رچاوی ئه‌م دواییانه‌ی شۆڕشی سووریه‌یه.