کوردستان میدیا: بە هۆی ناکارامەیی بەرپرسانی پارێزگای کرماشان، بۆنسار لە کرماشان سروشت و ژینگەی گرتووتە بەر و خەڵکی ئەم شارە بە ئەستەم هەناسە دەکێشن.
بەپێی هەواڵدرییە نێوخۆییەکان، شەوی ڕابردوو ڕێکەوتی ١ی ڕەزبەری ١٣٩٦ی هەتاوی، بۆنێکی ناخۆش چەندین گەڕەکی کرماشانی گرتووەتە بەر و ئاسایش و ئارامشی هاووڵاتییانی کرماشانی تێکداوە و ٦ کەسی ڕەوانەی نەخۆشخانە کردووە.
ئەم بارۆدۆخە بووەتە هۆی ئەوەی کە کەشی نائاسایی ڕابگەێندرێ و کۆبوونەوەیەکی کتوپڕ لە پارێزگاری کرماشان لە سەر بڵاو بوونی ئەم بۆنە بگێردرێت.
بە وتەی ڕازانی پارێزگاری کرماشان، ئەگەری ئەوە هەیە کە ئەم بۆنە لە ئاوەڕۆی شار و ڕووبارەکانی ئاوشۆران و قەرەسوو یان بۆنی پاڵاوگەی نەوت و گازی کرماشان بێت، کە کارناسان خەریکی لێکۆڵینەوە بۆ دۆزینەوەی سەرچاوەی ئەم بۆنەن.
نزیک بە چەند ساڵە کە ئەم بۆنە ناخۆشە، لە ساڵدا چەندین جار بەشێکی بەرفراوانی ئەم شارە دەگرێتە بەر و ئارامشی هاووڵاتییانی کرماشانیی تێک دەدات و هەتا ئێستە بەرپرسانی ئەم شارە نەیانتوانیوە ئەم کێشە چارەسەر بکەن.
ئەم بۆنە کە لە بۆنی گاز دەچێت، لە گەڕەکەکانی: سادقیە، بازرگانی، فێردوسی، کەسرا، جەوانشیر و نەوبەهار هەست کراوە و دانیشتوانی ئەم گەڕەکانەی تووشی نیگەرانی کردووە.
هەروەها جێگەی ئاماژەیە کە لە ساڵی ڕابردوودا، بە بەردەوامی لە گەڕەکەکانی فەرهەنگیان، کاویانی، چیاکۆ و دەوروبەری ئوستانداری ئەم بۆنسارە هەست پێکراوە.
شەوی شەممە زۆرتر لە ٥٠ کەس لە هەمبەر بنکەی ئاگرکوژێنەوەی کرماشان کۆ بوونەتەوە و ناڕەزایەتی خۆیان لە هەمبەر ئەم کێشەیە دەربڕیوە و داخوازی چارەسەر کردنی هەرچی زووتری ئەم بۆنسارەیان کردووە.
لە لایەکی دیکەشەوە، دەنگۆی ئەوە هەیە کە ئەم بۆنسارە، بۆنی گازی سروشتی بێت، بەڵام بەرپرسی شیرکەتی گازی کرماشان ڕایگەیاندووە: کە بۆنی گازی سروشتی نییە و ئەگەر شتیک وا هەبێت، سنسوورەکانی شیرکەتی گاز نیشانی دەدەن.
هەروەها بەرپرسی ژینگەی کرماشان، ئەم بۆنە بە هی شیرکەتی گەڕانەوەی زبڵەکانی کرماشان دەزانێ، بەڵام بەرپرسی شیرکەتی گەڕانەوە زبڵەکان رەتی دەکاتەوە و ڕایگەیاندووە، کە ئەم بۆنە لە ئاوەڕۆ و ڕووباری قەرەسووی کرماشانە.
لە وڵامی ئەم بابەتەش بەرپرسی شیرکەتی ئاو و ئاوەڕۆی کرماشان ڕایگەیاندووە، کە تەنیا بۆنێک کە لە کەمەربەندی ڕۆژهەڵاتی کرماشان بڵاو دەبێتەوە سەرچاوەی ئاوەرۆیە.
لەم بارەوە هیچ دامەزراوە و شیرکەتێک ئەم کێشەیە بە ئەستۆ ناگرێت و هیچیان هەوڵ نادەن بۆ چارەسەر کردنی ئەم کێشەیە کە هەناسەی لە خەڵکی کرماشان بڕیوە.
بەپێی هەواڵدرییە نێوخۆییەکان، شەوی ڕابردوو ڕێکەوتی ١ی ڕەزبەری ١٣٩٦ی هەتاوی، بۆنێکی ناخۆش چەندین گەڕەکی کرماشانی گرتووەتە بەر و ئاسایش و ئارامشی هاووڵاتییانی کرماشانی تێکداوە و ٦ کەسی ڕەوانەی نەخۆشخانە کردووە.
ئەم بارۆدۆخە بووەتە هۆی ئەوەی کە کەشی نائاسایی ڕابگەێندرێ و کۆبوونەوەیەکی کتوپڕ لە پارێزگاری کرماشان لە سەر بڵاو بوونی ئەم بۆنە بگێردرێت.
بە وتەی ڕازانی پارێزگاری کرماشان، ئەگەری ئەوە هەیە کە ئەم بۆنە لە ئاوەڕۆی شار و ڕووبارەکانی ئاوشۆران و قەرەسوو یان بۆنی پاڵاوگەی نەوت و گازی کرماشان بێت، کە کارناسان خەریکی لێکۆڵینەوە بۆ دۆزینەوەی سەرچاوەی ئەم بۆنەن.
نزیک بە چەند ساڵە کە ئەم بۆنە ناخۆشە، لە ساڵدا چەندین جار بەشێکی بەرفراوانی ئەم شارە دەگرێتە بەر و ئارامشی هاووڵاتییانی کرماشانیی تێک دەدات و هەتا ئێستە بەرپرسانی ئەم شارە نەیانتوانیوە ئەم کێشە چارەسەر بکەن.
ئەم بۆنە کە لە بۆنی گاز دەچێت، لە گەڕەکەکانی: سادقیە، بازرگانی، فێردوسی، کەسرا، جەوانشیر و نەوبەهار هەست کراوە و دانیشتوانی ئەم گەڕەکانەی تووشی نیگەرانی کردووە.
هەروەها جێگەی ئاماژەیە کە لە ساڵی ڕابردوودا، بە بەردەوامی لە گەڕەکەکانی فەرهەنگیان، کاویانی، چیاکۆ و دەوروبەری ئوستانداری ئەم بۆنسارە هەست پێکراوە.
شەوی شەممە زۆرتر لە ٥٠ کەس لە هەمبەر بنکەی ئاگرکوژێنەوەی کرماشان کۆ بوونەتەوە و ناڕەزایەتی خۆیان لە هەمبەر ئەم کێشەیە دەربڕیوە و داخوازی چارەسەر کردنی هەرچی زووتری ئەم بۆنسارەیان کردووە.
لە لایەکی دیکەشەوە، دەنگۆی ئەوە هەیە کە ئەم بۆنسارە، بۆنی گازی سروشتی بێت، بەڵام بەرپرسی شیرکەتی گازی کرماشان ڕایگەیاندووە: کە بۆنی گازی سروشتی نییە و ئەگەر شتیک وا هەبێت، سنسوورەکانی شیرکەتی گاز نیشانی دەدەن.
هەروەها بەرپرسی ژینگەی کرماشان، ئەم بۆنە بە هی شیرکەتی گەڕانەوەی زبڵەکانی کرماشان دەزانێ، بەڵام بەرپرسی شیرکەتی گەڕانەوە زبڵەکان رەتی دەکاتەوە و ڕایگەیاندووە، کە ئەم بۆنە لە ئاوەڕۆ و ڕووباری قەرەسووی کرماشانە.
لە وڵامی ئەم بابەتەش بەرپرسی شیرکەتی ئاو و ئاوەڕۆی کرماشان ڕایگەیاندووە، کە تەنیا بۆنێک کە لە کەمەربەندی ڕۆژهەڵاتی کرماشان بڵاو دەبێتەوە سەرچاوەی ئاوەرۆیە.
لەم بارەوە هیچ دامەزراوە و شیرکەتێک ئەم کێشەیە بە ئەستۆ ناگرێت و هیچیان هەوڵ نادەن بۆ چارەسەر کردنی ئەم کێشەیە کە هەناسەی لە خەڵکی کرماشان بڕیوە.